ಅವಲೋಕನ-In Retrospect : ಕಾವ್ಯ-ಕೃಷಿ

ಜರ್ಮನ್ ನ್ಯೂಸ್ - ೨೦೦೯

2011-09-23T13:01:00.001-04:00

ಇದನ್ನ ಬರ್ದು ಎರಡು ವರ್ಷ ಆಗ್ತಾ ಬಂತು. ಎಲ್ಲೋ ಡ್ರಾಫ್ಟುಗಳಲ್ಲಿ ಹುದುಗಿ ಹೋಗಿದ್ದನ್ನ ಹುಡುಕಿ ತೆಗೆದು ಧೂಳು ಕೊಡವಿ ಏರಿಸ್ತಿದೀನಿ. ಓದ್ಕೊಂಡ್‍ಬಿಡಿ.

ಜರ್ಮನ್ ನ್ಯೂಸ್ - 80ಸ್ ನ ನನ್ನ ಪ್ರೈಮರಿ ಸ್ಕೂಲಿನ ಕಾಲದಲ್ಲಿ ನಮ್ಮನೇಗೆ ಪ್ರತಿ ತಿಂಗಳು ಬಂದು ಬೀಳ್ತಿದ್ದ ಮ್ಯಾಗಝೀನ್ ಇದು.ನಮಗೆ ಗುರುತು ಪರಿಚಯದವ್ರು ಯಾರೂ ಜರ್ಮನಿಯಲ್ಲಿರಲಿಲ್ಲ..ಆದ್ರೂ ಯಾಕ್ ನಮ್ಮನೇಗೆ ಈ ಪುಸ್ತಕ ತರಿಸ್ತಾರೆ? ಅನ್ನೋದು ನನ್ ತಲೇಲಿ ಸದಾ ಕೊರೀತಿದ್ ಪ್ರಶ್ನೆ ಆಗಿತ್ತು.ಅದಕ್ ಉತ್ರ ಹುಡುಕೋ ಗೋಜಿಗೇ ಹೋಗದೆ ಸುಮ್ನೆ ನನ್ ಸ್ಕೂಲಿನ ಪುಸ್ತಕಗಳಷ್ಟೇ ಅಲ್ಲದೆ ನನ್ನೆಲ್ಲ ಕಥೆ ಪುಸ್ತಕ ಕಾಮಿಕ್ಸ್ ಗಳಿಗೂ ಈ ಜರ್ಮನ್ ನ್ಯೂಸಿನದ್ದೇ ರಕ್ಷಾಕವಚ ಹಾಕೊಂಡು ಸುಮ್ನಾಗಿದ್ದೆ. ಆದ್ರೆ ಈ ಜರ್ಮನ್ ನ್ಯೂಸ್ ಮೂಲಕ ಎಷ್ಟೋ ವಿಷಯಗಳು,ಎಷ್ಟೋ ಜನ ಹೊಸಬರು ನನಗೆ ಪರಿಚಯ ಆಗಿದ್ದು ಬೇರೆ ಮಾತು.ಭಾನುವಾರ ರಾತ್ರಿ ಹತ್ತಕ್ಕೆ ಕಣ್ಣಿಗೆ ಎಣ್ಣೆ ಬಿಟ್ಕೊಂಡ್ ನೋಡ್ತಿದ್ದ 'ವರ್ಲ್ಡ್ ದಿಸ್ ವೀಕ್'ನಲ್ಲಿ ಪ್ರಣಯ್ ರಾಯ್ ಬರ್ಲಿನ್ ಗೋಡೆ ಉರುಳಿಸಿದ ವಿಷಯ, ಜರ್ಮನಿ-ರಷ್ಯಾ (ಅಂದಿನ ಯು.ಎಸ್.ಎಸ್.ಆರ್) ಸಂಘಟನೆಗಳ ವಿಷಯಗಳನ್ನ ಮಾರನೇ ದಿನ ಸ್ಕೂಲಿನಲ್ಲಿ ಡಿಸ್ಕಸ್ ಮಾಡೋಕೆ ನನ್ ಹತ್ರ ಎಕ್ಸ್ಟ್ರಾ ಇನ್ಫರ್ಮೇಶನ್ ಈ ಜರ್ಮನ್ ನ್ಯೂಸ್ ನಿಂದ ಸಿಕ್ತಾ ಇತ್ತು. (ಅಲ್ಲಿರೋದನ್ನ ಓದಿದ್ದು ನನಗೆ ಖಂಡಿತಾ ನೆನಪಿಲ್ಲ ಆದ್ರೆ ಮ್ಯಾಗಝೀನಿನ ಫೋಟೋಗಳು,ನನಗೆ ಅತಿ ಪ್ರೀತಿಯಾಗಿದ್ದ ಸಣ್ಣಕತೆಗಳ ಪುಸ್ತಕವೊಂದಕ್ಕೆ ಕವಚವಾಗಿದ್ದ ಮಿಖಾಯಿಲ್ ಗೋರ್ಬಚೇವಿನ ಮುಖ ಇನ್ನೂ ನನ್ನ ಕಣ್ಣಿಗೆ ಕಟ್ಟಿದ ಹಾಗಿದೆ!)
ಅಲ್ಲಿ ಶುರುವಾಗಿದ್ದು ಜರ್ಮನಿ ಅನ್ನೋ ದೇಶದೊಡನೆ ನನ್ನ ನಂಟು. ಅದಾದ ಮೇಲೆ 90ಸ್ ನಲ್ಲಿ ಜರ್ಮನಿ ಅಂದ್ರೆ ನನಗೆ ನೆನಪಾಗೋದು ಮಾವನ ಸ್ಟೂಡೆಂಟ್ಸ್ ಜರ್ಮನಿಯಿಂದ ಬಂದೋರು ನಮಗೆ ತಂದುಕೊಡ್ತಿದ್ದ ಸ್ಟೇಡ್ಲರ್(Staedtler) ಪೆನ್ ಪೆನ್ಸಿಲ್ ಮತ್ತು ರಬ್ಬರ್ಗಳು.(ಅದು ಪೆನ್ ಪೆನ್ಸಿಲ್ ಅಲ್ಲ ಮೆಕ್ಯಾನಿಕಲ್ ಪೆನ್ಸಿಲ್ಸ್ ಮತ್ತೆ ರಬ್ಬರ್ ಅಲ್ಲ ಇರೇಸರ್ ಅನ್ಬೇಕು ಅಂತ ಯಾಕೋ ಯಾರೂ ಹೇಳಿಕೊಡಲೇ ಇಲ್ಲ ಆಗ ಕರ್ಮಕ್ಕೆ!) ಆ ಪೆನ್ಸಿಲ್ಲುಗಳ ಲೆಡ್ ಖಾಲಿಯಾದಾಗ ಇಡೀ ಮಂಡ್ಯದ ಎಲ್ಲ ಸ್ಟೇಶನರಿ ಅಂಗಡಿಗಳಿಗೂ ಭೇಟಿ ಕೊಟ್ಟು 'ಅಂಕಲ್,ಇದಕ್ಕೆ ಲೆಡ್ ಸಿಗತ್ತಾ?ಎಷ್ಟಾಗ್ಬೋದು ಅಂಕಲ್?ಓಕೆ ಅಂಕಲ್; ಥ್ಯಾಂಕ್ಸ್ ಅಂಕಲ್' ಅಂದ್ಕೊಂಡ್ ಓಡಾಡಿ ಕಡೆಗೆ ಎಲ್ಲೂ ಸಿಗದೆ ಪೇಚಾಡಿದ್ದಿದೆ.
ಅದೆಲ್ಲ ಕಳೆದ್ಮೇಲೆ ಈಗ್ಗೆ ಕಳೆದ ಹತ್ ಹದಿನೈದು ವರ್ಷಗಳಲ್ಲಿ ಜರ್ಮನಿ ಅಂದ್ರೆ ನನ್ನ ಮಟ್ಟಿಗೆ ಕೇವಲ BMW,Merc,Porsche ಕಾರುಗಳು,ಫುಟ್ ಬಾಲ್,F1ಗೆ ಸೀಮಿತವಾಗಿದ್ದ ದೇಶ.ಮೈಕೆಲ್ ಬಾಲ್ಲಾಕ್,ಓಲಿವರ್ ಕಾಹ್ನ್,ಶುಮಾಕರ್ ದ್ವಯರ ಪರಿಚಯವಷ್ಟೇ.

-----§-----µ-----*-----°-----ß-----€-----

ಇಷ್ಟೆಲ್ಲ ಯಾಕಪ್ಪಾ ಪೀಠಿಕೆ ಅನ್ಕೋತಾ ಇದ್ರೆ ವ್ಯವಹಾರನ ಇಲ್ಲೇ ಕುದುರಿಸಿಬಿಡ್ತೀನಿ. ಈಗ ನಾನು ಜರ್ಮನಿ ಅಂಬೋ ಜರ್ಮನಿಗೆ ಹೋಗಿಬಂದು ಎರಡ್ ವರ್ಷ ಆಗ್ತಿದೆ. ಆದ್ರೆ ಅಲ್ಲಿದ್ದ ಆ ಎರಡು ತಿಂಗಳಲ್ಲಿ ಕಳೆದ ಇಪ್ಪತ್ತೈದು ವರ್ಷಗಳಲ್ಲಿ ಜರ್ಮನಿಯ ಬಗ್ಗೆ ನನಗೆ ತಿಳಿಯದ, ನಾ ತಿಳಿದುಕೊಳ್ಳದೇ ಹೋದ ಎಷ್ಟೋ ವಿಷಯಗಳನ್ನ ತಿಳ್ಕೊಂಡಿದೀನಿ. ಆ ನನ್ನ ತಿಳುವಳಿಕೇನ ಎಲ್ಲಾದ್ರು ದಾಖಲಿಸಿಬಿಡಬೇಕು ಅನ್ನೋ ಕಾರಣಕ್ಕೆ ಈ ಬ್ಲಾಗ್ ಪೋಸ್ಟು :) ಸಹಿಸಿಕೊಂಡ್ಬಿಡೀಪ.

ಇವತ್ತಿನ ಮಟ್ಟಿಗೆ ಜರ್ಮನಿ ಅಂದ್ರೆ ನನ್ನ ಮನಸ್ಸಿನಲ್ಲಿ ಮೂಡೋ ಚಿತ್ರಕ್ಕೆ ಬೇರೆಯದೇ ಚೌಕಟ್ಟೊಂದಿದೆ. ಜರ್ಮನಿ ಅಂದ್ರೆ ನನಗೆ ಒಂದು ಓವರ್ ಎಂಜಿನೀರ್ಡ್,ವೆಲ್ ಆರ್ಗನೈಸ್ಡ್,ಎಕನಾಮಿಕಲ್ಲಿ ವೆರಿ ಸ್ಟ್ರಾಂಗ್ ಬಟ್ ಇಂಗ್ಲಿಷ್ ಮಾತನಾಡದ ದೇಶ.
ಜರ್ಮನಿ ಅಂದ್ರೆ ಆಟೋಬಾಹ್ನ್,ಬೀರ್ ಸರೋವರ,ಅಕ್ಟೋಬರ್ ಫೆಸ್ಟ್,Work hard-Party hard ತತ್ವವನ್ನ ನಂಬಿರೋ ಹಾರ್ಡ್-ನೋಸ್ಡ್, ಟಫ್ ನಟ್ ಟು ಕ್ರ್ಯಾಕ್ ಜನಗಳ ದೇಶ.
ನಾ ಕಂಡ ಮಟ್ಟಿಗೆ ಜರ್ಮನ್ನರು ಉತ್ಕಟ ಭಾಷಾ ಪ್ರೇಮಿಗಳು.ಬೇಕಾದಲ್ಲಿ ಬೇಕಾದಾಗ ಮಾತ್ರವೇ ಇಂಗ್ಲಿಷ್ ನ ಬಳಕೆ.ಪುಣ್ಯಕ್ಕೆ ನಾ ಕೆಲಸ ಮಾಡೋ ಕಡೆ ಆಡಳಿತ ಭಾಷೆ ಇಂಗ್ಲಿಷ್! ಬಚಾವಾಯಿತು ಬಡಜೀವ. ಆದ್ರೂ ಆಫೀಸಿನ ಹೊರಗೆ ಎದೆ ಸೀಳಿದ್ರೂ ಎರಡಕ್ಷರ ಇಂಗ್ಲಿಷ್ ಸಿಗದ ಕಾರಣ ದೈನಂದಿನ ವ್ಯವಹಾರಕ್ಕೆ ಬೇಕಾದ ಕೆಲ ಜರ್ಮನ್ ಪದಗಳನ್ನ ಕಲಿತ್ಕೊಂಡಿದೀನಿ.

ಗುಟೆನ್ ಮಾರ್ಗೆನ್(Good Morning),ಗುಟೆನ್ ಟಾಗ್(Good day),ಗುಟೆನ್ ನಾಖ್ಟ್(Good Night),ಯಾ(Yes),ನೈನ್(No),ದಾಂಕೆ (Thanks),ಬಿಟ್ಟೆ (please,excuse,forgive,pardon etc),ಶೂನ್ (ದಾಂಕೆ ಶೂನ್ - thanks much, ಬಿಟ್ಟೆ ಶೂನ್ - excuse me please, most welcome),ವೀಲ್ಕೊಮೆನ್ (Welcome),ಗುನೋ (Ok,ಸರಿ),ಅಸೋ (Ah right!),ವಾಸರ್ (Water,ನೀರು),ಶಾರ್ಫ್ (spicy,ಖಾರ),ವೆಜಿಟಾರಿಶ್ (ಸಸ್ಯಾಹಾರ-Vegetarian),ಇಂಡಿಶ್ (Indian),ಚೂಸ್ (goodbye,ಟಾಟಾ),ಗ್ರೋಸ್ (Big),ಕ್ಲೈನ್(small),ಸ್ಕ್ಯಾಂಪಿ(Prawn),ಶಾಂಪಿಂಗ್ನೋನ್ (Mushroom),ಶಿಂಕೆನ್(Chicken)

ಐನ್(1),ಝ್ವಾಯ್(2),ತ್ರೆ(3),ಫೀ(4),ಫುಂಫ್(5),ಝ್ಯಾಕ್ಸ್(6),ಝೀವನ್(7),ಅಖ್ತ್(8),ನೀನ್(9), ನುಲ್(೦)

:))

ಇವರ ಭಾಷಾಪ್ರೇಮದ ಕಾರಣಕ್ಕೋ ಏನೋ ಜರ್ಮನಿಯಲ್ಲಿ ಬೇರೆ ಐರೋಪ್ಯ ರಾಷ್ಟ್ರಗಳಿಗೆ ಹೋಲಿಸೋಷ್ಟು ಭಾರತೀಯರು ಕಾಣಸಿಗೋದಿಲ್ಲ.ಇಲ್ಲಿಗೆ ವಲಸೆ ಬರೋರೆಲ್ಲ ಮುಖ್ಯವಾಗಿ ಟರ್ಕಿ,ಇಟಲಿ,ಸ್ಲೋವಾಕಿಯಾ,ಕರ್ಡಿಶ್ ಜನಗಳು.ಎರಡನೇ ಮಹಾಯುದ್ಧದಲ್ಲಿ ಸಹಭಾಗಿಯಾಗಿದ್ದರಿಂದಲೋ ಏನೋ ಜರ್ಮನಿಯಲ್ಲಿ ಅನೇಕ ಜಪಾನೀಯರನ್ನ ಕಾಣಬಹುದು.ಹಾಗಾಗಿ ಊಟ ತಿಂಡಿಗಂತೂ ಇಲ್ಲಿ ತೊಂದ್ರೆನೇ ಇಲ್ಲ...ಅಟ್ಲೀಸ್ಟ್ ನನ್ನ ಮಟ್ಟಿಗೆ ಕಣ್ಣಿಗೆ ಕಂಡದ್ದು ನಾಲಿಗೆಗೆ ರುಚಿಸಿದ್ದು ಹೊಟ್ಟೆಗೆ ಹಿಡಿಸಿದ್ದು ತಿನ್ನೋ ನನ್ನ ಜಾಯಮಾನಕ್ಕೆ ತಕ್ಕಂತೆ ಅನೇಕಾನೇಕ ಟರ್ಕಿಶ್ ಡೋನರ್ ಕಬಾಬ್ ಸೆಂಟರ್ ಗಳು,ಇಟಾಲಿಯನ್ ಪೀಟ್ಝಾ,ಪಾಸ್ಟಾ,ಮೆಕ್ಸಿಕನ್ 'ಆಲ್ ಯು ಕ್ಯಾನ್ ಈಟ್' ಜಾಗಗಳು, ಇಂಡೋನೇಶ್ಯನ್-ಚೈನೀಸ್-ಜಾಪನೀಸ್ ನೂಡಲ್ ಹೌಸ್ ಗಳು,ಆಥೆಂಟಿಕ್ ಜರ್ಮನ್ ಊಟ ಬಡಿಸೋ ಸ್ಟೀಕ್ ಹೌಸುಗಳು ಸಧ್ಯಕ್ಕೆ ನನ್ನ ಹೊಟ್ಟೆ ತುಂಬಿಸ್ತಾ ಇದೆ. ಹಾಗೇ ಸಾಕಷ್ಟು ಇಂಡಿಯನ್ ರೆಸ್ಟೋರೆಂಟುಗಳೂ ಇದಾವೆ ಆದ್ರೆ ನಾನು ರುಚಿ ನೋಡಲು ಹೋಗಿಲ್ಲವಷ್ಟೆ.

ಇನ್ನು ಮನೆಯಲ್ಲೇ ರಾತ್ರಿ ಹೊತ್ತಿಗೆ ಅಡುಗೆ ಮಾಡ್ಕೊಳೋಕ್ ಸಹಾಯವಾಗ್ಲಿ ಅಂತ ಒಂದೆರಡು ಶ್ರೀಲಂಕನ್,ಪಂಜಾಬಿ ಸ್ಟೋರುಗಳಿವೆ. ಅಲ್ಲಿ MTR ಪುಡಿಗಳೂ,ತೊಗರಿಬೇಳೆ,ಸೋನಾಮಸೂರಿ ಅಕ್ಕಿ ಅಷ್ಟೇ ಯಾಕೆ ಸಿಂಗಾರ್ ಬಿಂದಿ,ಪ್ಯಾರಾಚೂಟ್ ಕೊಬ್ಬರಿ ಎಣ್ಣೆಯಿಂದ ಹಿಡಿದು ಮೈಸೂರ್ ಸ್ಯಾಂಡಲ್ ಸೋಪಿನ ತನಕ ಎಲ್ಲ ಸಿಕ್ಕತ್ತೆ!

-----§-----µ-----*-----°-----ß-----€-----

ನಮ್ಮಲ್ಲಿ ಒಂದು ಮಾತಿದೆ. ಎಲ್ಲ ಭಾರತೀಯರನ್ನೂ ಒಂದುಗೂಡಿಸೋ ಎರಡೇ ಅಂಶವೆಂದರೆ ಒಂದು-ಯುದ್ಧ ಮತ್ತೊಂದು ಕ್ರಿಕೆಟ್. ಹಾಗೇ ಜರ್ಮನ್ನರ ವಿಷಯಕ್ಕೆ ಬಂದರೆ ಎಲ್ಲ ಜರ್ಮನ್ನರನ್ನೂ ಒಂದುಗೂಡಿಸೋ ಎರಡೇ ಅಂಶಗಳೆಂದರೆ ಒಂದು ಫುಟ್ ಬಾಲ್ ಮತ್ತೊಂದು ಬಿಯರ್!
ಬಿಯರ್ ಇಲ್ಲಿನ ಸಂಸ್ಕೃತಿಯಲ್ಲಿ ಹಾಸುಹೊಕ್ಕಿದೆ.ಯಾವುದೇ ಪಬ್ಬುಗಳಲ್ಲಿ ಇಡೀ ಕುಟುಂಬವೊಂದು ಒಟ್ಟಿಗೇ ಕುಳಿತು ತಾತ-ಅಜ್ಜಿ.ಮಗ-ಸೊಸೆ,ಮೊಮ್ಮಕ್ಕಳೆಂಬ ಬೇಧ-ಭಾವ ಇಲ್ಲದೆ ನಿಸ್ಸಂಕೋಚವಾಗಿ ಲೀಟರುಗಟ್ಟಲೆ ಬಿಯರ್ ಕುಡಿದು ಎದ್ದು ಹೋಗೋದು ಸರ್ವೇಸಾಮಾನ್ಯವಾದ ದೃಶ್ಯ.

ಇನ್ನು ಇಲ್ಲಿನ 1300 ಬ್ರೂವರಿಗಳಲ್ಲಿ ತಯಾರಾಗೋ ಅದೆಷ್ಟೋ ಬಗೆಯ ಬಿಯರ್ ಗಳಿಗೋಸ್ಕರವೇ ನಮ್ಮ ಬಸವನಗುಡೀಲಿ ಕಡ್ಲೇಕಾಯ್ ಪರಿಷೆ ನಡೆಯೋ ಹಾಗೆ ವರ್ಷಕ್ಕೊಮ್ಮೆ ಇಲ್ಲೂ ಉತ್ಸವಗಳು ನಡೀತಾವೆ. ಅದ್ರಲ್ಲಿ ಅಕ್ಟೋಬರ್ ಫೆಸ್ಟ್ ಅನ್ನೋದು 'ವರ್ಲ್ಡ್ ಫೇಮಸ್ ಇನ್ ಜರ್ಮನಿ'! :)
ಮ್ಯೂನಿಕ್ (ಮುಂಶೆನ್)ನಲ್ಲಿ ಸೆಪ್ಟೆಂಬರ್ ಎರಡನೇ ವಾರದಿಂದ ಅಕ್ಟೋಬರ್ ಮೊದಲ ಭಾನುವಾರದವರೆಗೆ ನಡೆಯೋ ಈ ಉತ್ಸವಕ್ಕೆ ಜಗತ್ತಿನ ಮೂಲೆಮೂಲೆಗಳಿಂದ ಜನ ದಂಡು ದಂಡಾಗಿ ಬರ್ತಾರೆ. ಇಲ್ಲಿ ಅಕ್ಟೋಬರ್ ಫೆಸ್ಟಿನಲ್ಲಿ ಟೆಂಟಿನ ಒಳಗಡೆ ಕೂತು ಬಿಯರ್ ರುಚಿ ಸವಿಯೋ ಇರಾದೆ ಇದ್ರೆ ಒಂದು ವರ್ಷದ ಮುಂಚೆ ಕಾದಿರಿಸಬೇಕು.ಟೆಂಟ್ ಇಲ್ದಿದ್ರೂ ಪರ್ವಾಗಿಲ್ಲ ಹೊರ್ಗಡೆ ಸುಮ್ನೆ ಬೆಂಚ್ ಮೇಲೆ ಕೂತು ಕುಡೀತಿನಿ ಅನ್ನೋದಾದ್ರು ಎಂಟು ತಿಂಗಳ ಮುಂಚೆ ಕಾದಿರಿಸಬೇಕು.ನನ್ ಅದೃಷ್ಟಕ್ಕೆ ನಾನು ಜರ್ಮನಿಗೆ ಬಂದ ಒಂದು ವಾರಕ್ಕೆ ಅಕ್ಟೋಬರ್ ಫೆಸ್ಟ್ ಪ್ರಾರಂಭ! ಸರಿ ಊರಿಗೆ ಬಂದೋನು ಬಿಯರಿಗೆ ಬಾರದೆ ಇರ್ತಾರ್ಯೆ ಅನ್ನೋವಂತೆ ಸೆಪ್ಟೆಂಬರ್ ಕಡೇ ವೀಕೆಂಡು ಮ್ಯೂನಿಕ್ಕಿನೆಡೆ ನಮ್ಮ ಪ್ರಯಾಣ ಫಿಕ್ಸ್ ಆಯ್ತು!
ಅಕ್ಟೋಬರ್ ಫೆಸ್ಟಿನ ವಿಶೇಷ ಅಂದ್ರೆ ಬಿಯರ್ ಮಗ್ಗುಗಳು ಇಲ್ಲಿ ಒಂದು ಲೀಟರಿನ ಜಗ್ಗುಗಳಾಗಿರತ್ವೆ ಮತ್ತು ಬಿಯರ್ ಕೂಡಾ ಸಾಧಾರಣವಾಗಿ ದೊರೆಯುವ ಬೇರೆವಕ್ಕಿಂತ ಹೆಚ್ಚು ಸ್ತ್ರಾಂಗ್ ಆಗಿರತ್ತೆ. ಹೀಗೆ ಬೆಂಚುಗಳ ಮೇಲೆ ಟೆಂಟುಗಳಲ್ಲಿ ಕೂತು ಒಬ್ಬೊಬ್ಬರೂ ಏಳೆಂಟು ಲೀಟರ್ ಬಿಯರ್ ಮುಗಿಸಿ ಸಲೀಸಾಗಿ ಎದ್ದು ಮನೆಗೆ ಹೊರಟುಬಿಡೋ ಪ್ರಾಣಿ ಪ್ರಬೇಧಗಳಿಗೆ ಏನೂ ಬರವಿಲ್ಲ ಅನ್ನಿಸ್ತು! ಹಾಗೆ ನೋಡಿದ್ರೆ ಎರಡೂವರೆ ಲೀಟರಿನಷ್ಟನ್ನು ಹೀರಿ ಅರಗಿಸಿಕೊಳ್ಳುವ ಹೊತ್ತಿಗೆ ನನಗೆ ಸಾಕು ಸಾಕಾಯ್ತು.ಇನ್ನುಳಿದಂತೆ ಬೇರೆಲ್ಲಾ ರೀತಿಯಲ್ಲೂ ಇದು ನಮ್ಮ ಮೈಸೂರಿನ ದಸರಾ ವಸ್ತುಪ್ರದರ್ಶನದ ದೊಡ್ಡಣ್ಣ ಅನ್ಬೋದು! ಅದೇ ಜಯಂಟ್ ವ್ಹೀಲ್,ಟೊರಾಟೊರಾ,ಕೊಲಂಬಸ್,ಕಾಟನ್ ಕ್ಯಾಂಡಿ,ಹಾಟ್ ಚಿಪ್ಸ್! (ಆದ್ರೆ ಯಾಕೋ ಏನೋ ಡೆಲ್ಲಿ ಹಪ್ಪಳ ಎಲ್ಲೂ ಕಾಣಿಸ್ಲಿಲ್ಲಪ್ಪ!)

-----§-----µ-----*-----°-----ß-----€-----

ಜರ್ಮನಿಯ ಮತ್ತೊಂದು ಸ್ವಾರಸ್ಯ ಅಂದ್ರೆ ಜಗತ್ತಿನ ಅತಿಪ್ರತಿಷ್ಟಿತ ಕಾರುಗಳ ಉತ್ಪಾದನೆ ಆಗೋದು ಇಲ್ಲೇ.BMW,Mercedes Benz(Daimler),Porsche ಮುಂತಾದ ಪ್ರಮುಖರು ಜರ್ಮನ್ ಸರ್ಕಾರದ ವಿರುದ್ಧ ದಾವೆ ಹೂಡಿ ಇಡೀ ದೇಶದ ಪ್ರಮುಖ ಹೈವೇ (ಆಟೋಬಾಹ್ನ್ - ಮೋಟರ್ ವೇ)ಗಳಲ್ಲಿ ಎಲ್ಲೂ ವೇಗಮಿತಿಯಿಲ್ಲದಂತೆ ಮಾಡಿಸಿದ್ದಾರೆ.ಅವರ ಪ್ರಕಾರ ವೇಗದಮಿತಿ 80-100ಕಿಮೀ ಎಂದಾದರೆ ಅವರು ತಯಾರಿಸುವ ಕಾರುಗಳನ್ನು ಕೊಳ್ಳುವವರಾದರೂ ಯಾರು? ನಮ್ಮ ಪುಣ್ಯವೋ ಏನೋ ಬಾಡಿಗೆಗೆ ಅಂತ ಒಂದು ಕಾರ್ ಕೇಳಿದ್ರೆ ನಮ್ಗೆ BMW3ಸಿರೀಸ್ ಕಾರನ್ನು ಕೊಟ್ಟುಬಿಟ್ರು.ಸರಿ ಇನ್ನೇನು ಓಡೋ ಕುದುರೆ, ಹೊಟ್ಟೆ ತುಂಬಾ ಹುರುಳಿ,ಹಸನಾದ ರೇಸ್ ಕೋರ್ಸ್ ಇದ್ರೆ ಜಾಕಿದೇನು ಗಂಟು ಮುಳುಗೋದು. ತುಳಿದೂ ತುಳಿದೂ 220ಕಿಮೀ ಸ್ಪೀಡಿನಲ್ಲಿ ಓಡಿಸಿದ್ದರ ಮಜ ಹೇಳ್ಕೊಳಕ್ಕಾಗಲ್ಲ! ಓಡಿಸಿಯೇ ತೀರ್ಬೇಕು.

-----§-----µ-----*-----°-----ß-----€-----

ಕೊನೆ ಹನಿ:
a. ಕುಶಾಲನಗರದಿಂದ ಹಿಂದಿರುಗೋ ದಾರೀಲಿ ಮೈಸೂರಿನ ಕೆಆರೆಸ್ ಕಡೆಯ ದಾರೀಲಿ ಬರುವಾಗೊಮ್ಮೆ ಹೀಗೆ ಸಂತೆಯಲ್ಲಿ ಕಡ್ಲೆಕಾಯಿ ಗುಡ್ಡೆ ನೋಡಿದ ನನ್ ಗೆಳೆಯನೊಬ್ಬ ಹಿಂದಿನ ಸೀಟಿನಿಂದ ಕೂಗಿಕೊಂಡ - 'ಲೋ ಇಲ್ಲೂ ಬಸವನಗುಡಿ ಟೈಪ್ಸ್ ಕಡ್ಲೇಕಾಯಿ ಪರೀಕ್ಷೆ ನಡೀತಿದೆ ಕಣೋ..ನಿಲ್ಸೋ ಇಳಿದು ನೋಡಣ' ಅಂತ. ಕಾರಿನಲ್ಲಿದ್ದ ಮಿಕ್ಕವರೆಲ್ಲರ ಜೊತೆ ನಾನೂ ಗೊಳ್ ಅಂತ ನಕ್ಕಿದ್ದೇ ನಕ್ಕಿದ್ದು. ಅದು ಕಡ್ಲೇಕಾಯ್ ಪರೀಕ್ಷೆ ಅಲ್ಲ ಕಣೋ ಪರಿಷೆ ಅಂತ ತಿಳುವಳಿಕೆ ಮೂಡಿಸಿದ್ದಾಯ್ತು. ಒಂದು ಪಕ್ಷ ಅದು ಕಡ್ಲೆಕಾಯ್ ಪರೀಕ್ಷೆ ಆಗಿದ್ದಿದ್ರೆ ಬೆಳೆದ ರೈತರ ಕೈಯಲ್ಲಿ ಉತ್ತರ ಪತ್ರಿಕೆಗಳಿದ್ದು ಪ್ರಶ್ನೆಗಳು ಹೀಗಿರ್ತಿದ್ವೇನೋ-
ಕೊಳ್ಳೇಗಾಲದ ತಳಿಯ ಕಾಯಿಗಳಲ್ಲಿ ಸಾಮಾನ್ಯವಾಗಿ ಎಷ್ಟು ಬೀಜಗಳಿರುತ್ತವೆ?
ಆಯ್ಕೆ೧-೧;ಆಯ್ಕೆ೨-೨;ಆಯ್ಕೆ೩-೩;ಆಯ್ಕೆ೪-ಸೀಡ್‍ಲೆಸ್;

ಕನಸಿನ ಹೆಣ

2011-09-20T15:32:00.000-04:00

ಊರ ಹೊರಗಿನ ದೊಡ್ಡ
ಮೋರಿಯಲಿ ತುಂಡುತುಂಡಾದ
ನನ್ನ ಕನಸಿನ ಹೆಣ; ಮೋರಿ ಬದಿಯಲೇ
ಬದಿ ಮೆತ್ತಿದ ಜೋಡಿ ಎಕ್ಕಡ

ಹರಿದ ಗೋಣಿಚೀಲದ ಸಂದಿಯಿಂದಲೇ
ಕಾರಖಾನೆಯಿಂದ ಶಿಸ್ತಾಗಿ ಹೊರಬಂದ
ವಾಸ್ತವದ ನೊರೆಯೊಡನೆ
ಸತ್ತ ನನ್ನ ಕನಸಿನ ಸಂವಾದ
ಅಲಾಜೋಲಿ; ಐಲು-ಪೈಲು;

ಪಕ್ಕದ ಖಾಲಿ ಮೈದಾನದಲ್ಲಿ ಬೋ-
ಳುಮರದ ಮೇಲಿಂದಲೇ ಹೊಂಚು ಹಾಕಿ ಸೂ-
ತಕದ ಛಾಯೆಯಲಿರುವ ಹದ್ದು;
ರಣಹದ್ದು;
ಇಲ್ಲ ಇಲ್ಲ, ಬರಿ ಹದ್ದು.

~೦~

ಮೊದಲಿಗೆ ಕನಸು ಸಾಯಬಾರದಿತ್ತು;
ಹೀಗೊಮ್ಮೆ ಸತ್ತರೂ, ನೆನಪಿನ ಗರ್ಭದಾಳದಲ್ಲೆಲ್ಲೋ
ಸುಟ್ಟು, ಬೂದಿಯೆಲ್ಲವನು ಹೂತು
ಮೇಲೊಂದು ಪಾರಿಜಾತದ ಸಸಿ ಚಿಗುರಿಸಿಬಿಡಬೇಕಿತ್ತು

ಅಕಾಲಸಾವಿಗೀಡಾದ ಕನಸುಗಳಿಗೆ
ಪಿಂಡ ಬೀಳದೆ, ಕರ್ಮ ಪೂರ್ತಿಯಾಗದೆ,
ಅನಾಥ ಹೆಣವಾಗಿ ಹದ್ದು-ಕಾಗೆಗಳಿಗೆ
ತುತ್ತಾಗುವುದ ತಪ್ಪಿಸಲಾಗದ 'ಪಕ್ಷ'ದಲಿ
ಕನಸು ಕಾಣಬಾರದು;ಕಂಡರೂ ಸಾಯಗೊಡಕೂಡದು;

~೦~

ದೂರದ (ರಣ?)ಹದ್ದಿಗೂ ಈ ಕನಸಿನ ಹೆಣದ ಆಸೆಯಿಲ್ಲ;
ಒಮ್ಮೆ ಇತ್ತ ನೋಡಿ ಮತ್ತೆ ಅತ್ತ ತಿರುಗಿ ನೋಡಹತ್ತಿದೆ;ಆಶ್ಚರ್ಯ.
ಕಾಗೆಗಳೋ ಕಾss ಕಾss ಅಂದವೇ ವಿನಃ
ಮತ್ತೆ ಇತ್ತ ಬರಲೇ ಇಲ್ಲ; ಜಂಭ.

ಕೊಳಚೆ ಕಾಲುವೆಯಲಿ ಗೋಣಿಭರ್ತಿ ತೇಲಿದ್ದು...
ಕನಸಿನ ಹೆಣವೇ..ಸ್ವಲ್ಪ ಹಣವೂ...
ಆದರದು ಕೊಲೆಯಲ್ಲ;
ಆತ್ಮಹತ್ಯೆಯೂ ಸಲ್ಲ;
...
..
ಗರ್ಭಪಾತ

100 days Guarantee

2011-05-31T13:40:00.000-04:00

ಕನ್ನಡ ಚಿತ್ರಗಳ ಇತ್ತೀಚಿನ ಎಲ್ಲ ನಿರ್ದೇಶಕರದ್ದೂ ಇದೇ ಸಾಮಾನ್ಯ ನುಡಿ:
ಇದುವರ್ಗೂ [ರಂಗನಾಯಕಿ/ಅಂತ/ಮಸಣದ ಹೂ/ಪಡುವಾರಳ್ಳಿ ಪಾಂಡವರು/ಇಂದ್ರಜಿತ್/ಕಲಿಯುಗ ಕರ್ಣ] ಚಿತ್ರಗಳಲ್ಲೆಲ್ಲೂ ನೋಡಿರದ, [ಅಂಬಿ]ಯೊಳಗೆ ಅಡಗಿರುವ ಒಬ್ಬ ಅಭೂತಪೂರ್ವ ಕಲಾವಿದನೊಬ್ಬ 'ಚೌಡಯ್ಯ' ಚಿತ್ರದಿಂದ ಹೊರಹೊಮ್ಮಲಿದ್ದಾನೆ ಅನ್ನೋ ಸಂಪೂರ್ಣ ವಿಶ್ವಾಸ ನಮ್ಮಲ್ಲಿದೆ.

ಖಂಡಿತವಗಿಯೂ ಇದೊಂದು ವಿಭಿನ್ನವಾದ ಚಿತ್ರ ಸಂಪೂರ್ಣವಾಗಿ ಕ್ಲಾಸ್, ಮದರ್-ಫಾದರ್ ಸೆಂಟಿಮೆಂಟ್ ಒಳಗೊಂಡಂಥ ಮತ್ತು ಮುಖ್ಯವಾಗಿ ಫ್ಯಾಮಿಲಿ ಸಮೇತರಾಗಿ ನೋಡ್ಬೋದಾದಂಥ ಒಂದು ಸದಭಿರುಚಿಯ ಚಿತ್ರ ಅಂತ ಹೇಳಕ್ ಇಷ್ಟ ಪಡ್ತೇನೆ. ಅವಿನಾಶ್, ತಾರ, ಸುಧಾ ಬೆಳವಾಡಿ, ಪದ್ಮಜಾ ರಾವ್, ರಂಗಾಯಣ ರಘು ಎಲ್ಲ ಉತ್ತಮವಾಗಿ ಅಭಿನಯಿಸಿದ್ದಾರೆ. ಎಲ್ಲಾರ್ಗೂ ಒಳ್ಳೆ ಮೈಲೇಜ್ ಸಿಕ್ಕಿದೆ. ಶೂಟಿಂಗ್ ಸಂಪೂರ್ಣವಾಗಿ ಕರ್ನಾಟಕದಲ್ಲೇ ಮಾಡಿರೋದು ಮತ್ತೊಂದು ವಿಶೇಷ. ಹಿಂದೆಂದೂ ನೀವು ನೋಡಿರದ ಹಾಗೆ ನಾವು ಈ ಚಿತ್ರದಲ್ಲಿ ತೋರ್ಸಿದೀವಿ. (ಏನನ್ನ? ಅನ್ನೋದು ಬೇರೆ ಪ್ರಶ್ನೆ)

ನೋಡಿ : [] ಯಲ್ಲಿರೋ ಹೆಸರುಗಳನ್ನ ನಿಮಗೆ ಬಾಕಾದ ಹೀರೊ/ಹೀರೊಯಿನ್/ಸಿನಿಮಾ ಹೆಸರುಗಳಿಂದ ರೀಪ್ಲೇಸ್ ಮಾಡ್ಕೊಂಡ್ಬಿಡೀಪ.

Baby's day out!

2011-05-08T16:00:00.000-04:00

I just can't believe it took me 2 long years to take her out on a long drive...not so long that I had initially planned for. A decent one...300km drive in a day.... and for this - it took 2 long years!

Phew!!

9th May 2009 - was when I first laid my hands on her - for the very first time.
She was a beauty. She'z still a beauty. Time flew by before I even noticed and its already 2 years gone past!!

I had not taken her out of Bangalore all by myself in these 2 years. Not even to Mandya-Mysore from Bangalore is what I am still not able to come to terms with! Phew...All I had done was Jayanagar & Gandhibazaar. The longest path she tread was between Kumaraswamy Layout & Whitefield - a mere 28km on a daily basis. Thanks to Mashy's marriage in Mysore this weekend and the only thing that came on my mind was to take her out. I had to. I still owe for her.

But today,

She roared 'n' she moaned

She shun 'n' she run
She was brimming with joy

'Cos t'was a ride of my life;

indeed she

-was the life of my ride

Amen.

ವಿ.ಸೂ: ಇದ್ನೆಲ್ಲ ಬರ್ದಿದ್ದು ನಮ್ಮನೇವ್ರು ನೆಮ್ಮದಿಯಾಗಿ ಮಲಗಿದ ಮೇಲೆ! ಎದ್ದು ಓದಿದ್ಮೇಲಿಂದು ಬರ್ಯೋಕ್ ಅವಕಾಶವಾದ್ರೆ ಬರೀತೀನಿ. ಇಲ್ಲಾಂದ್ರೆ ನಿಮ್ಗೇ ಗೊತ್ತಿರತ್ತೆ ಏನಾಗಿರ್ಬೋದು ಅಂತ :)

ಹೊಸಾಮಾ ಬಿನ್ ಲಾಡು

2011-05-03T15:44:00.002-04:00

ಬರಾಕ್ ಒಬಾಮ
ಹೋಗಾಕ್ ಬರಾಮ
ಸತ್ತೋನ್ ಒಸಾಮ
ಹುದಯ ಟೀವೀಲಿ - ಹೊಸಾಮ!

ಸತ್ತಿದ್ದೇನೋ
ಒಂದೇ ಸಲವಾದ್ರೂ
ನೂರು ನ್ಯೂಸ್ ವಾಹಿನಿಗಳಲ್ಲಿ
ಸವಿ ಸವಿ ಸಾವು
ಸಾವಿರ ಸಾವು

ಇಷ್ಟೆಲ್ಲ ಆದ್ರೂ
ಡೆಕ್ಕಲ್ಲಿ ಮಾತ್ರ
ಲವ್ ಸಾಂಗು
ಬರ್ತಾ ಇದೆ!

The Social Network (English/Color) - 2010

2010-10-10T05:02:00.010-04:00

Much awaited movie of the year. Its been such a rollercoaster year watching good movies. Inception gave me the high earlier this year and now 'The Social Network'.

Two class acts by two reknowned directors - Chris Nolan and Dave Fincher.

[Inception surely deserves a seperate blog entry and so will reserve that for a later point. I am so excited and enthralled about Social Network and could not stop writing about it now :)]

I would not make an attempt to write about the storyline of this movie for the simple fact that the movie is based on a true story from the recent times. Wikipidea boasts a 'true to its senses' storyline of the whole episode surrounding Facebook law suits with multiple parties involved. I dont dare to venture into that and challenge the Wiki :)

All I would say is that this movie is all about Facebook and the dark stories behind those eye-catching numbers.

I would rather just stick to the sheer joy of watching such a classic flick from a cult-classic director and talk about the sheer magic the movie translates from real life to papers and on to the celluloid effortlessly. (Mind you Im talking only from a movie making point of view and not getting into storyline.)

David Fincher

David Fincher carries the reputation of directing cult-classics like Fight Club, Sev7n, Curious case of Benjamin Button etc

He is highly regarded as one of the finest directors out there in the Hollywood doing all the right things at this time.

He has cultivated this knack of visualising a situation and presenting it on the screen which makes the audience very much part of the ongoing situation in the movie and makes one feel as if they are part of the movie. He has proved it time and again all through his cinemas and no surprises in Social Network either.

Best part I would say is that Dave is backed-up by an amazingly well written screenplay by Aron Sorkin.

For those who are wondering who Aron is, he is the one who comes with an experience of writing screenplays for classics like Few Good Men and Charlie Wilson's War. All of his screenplays heavily revolve around characters and every dialogue carries tons of weightage through the movie. Remember those stunning exchanges between Tom Cruise and Jack Nicholson in "Few good men"? Sheer brilliance.

---*---

The Social Network - movie opens with a strong scene between Mark Zuckerberg and Erica Albright in a dimly lit grim looking "Thirsty Scholar" Pub in Boston.

Mark & Erica are supposedly on a date and are shown in an engaging conversation which leads to Erica breaking-up with a snobbish-anoyting Mark. Opening scene kind of introduces the instable, love-hungry, passionate & obsessive characteristics of Mark.

Later Mark goes back to his dorm and blogs about Erica making a nasty remark about her anatomy drawing references to Victoria's secret. This is where it all begins leading to the creation of facemash.com - creating a havoc in the Harvard campus and bringing down the entire network.

The movie talks about Mark's failed attempts to draw Erica's attention leading him to create TheFacebook.com which would make him popular. Mark ends up getting himself a set of business cards which read "I'm the CEO, bitch" at the top.

Ironically, the movie closes with the scene where Mark is left alone in the room and he sends a friend request to Erica. Credits comes up while Mark is shown to be refreshing the facebook.com page anticipating Erica's acceptance.

---*---

Screenplay and Dialogues plays such an integral part to make this movie so interesting. Every word that comes out from the characters is noteworthy and talks a lot about. Its like a marathon of subtlety, cruel sarcasm and slapstick humour. It sounds so contemporary and makes you practically involve in the conversations thats happening onscreen.

Here are some bits for you:

* During his early days in Harvard, Mark is accused of hacking into several Harvard's internal websites and charged with 6 months of academic probation.

During the courtroom session when asked if Mark has anything to say:

Mark : As for the records, I believe I deserve some recognition from the board.
Jury Member: Im sorry

Mark : Yes

Jury Member: I dont understand

Mark : Which part?

* During a break, the assistant attorney picks up a conversation with Mark and talks about Tyler Winklevoss and Cameron Winklevoss. Mark responds back referring to the Winklevoss brothers as "Winklevii"

* Attorney makes a statement: Mr. Saverin, you said you put $1000 as initial setup amount and $18000 in addition in the account as investment totalling upto $19000
Mark : ahem...give me a sec...Im checking your mathability...(scribbles in his notepad lifts his head up and says) yes...I got the same too...
* When accused of stealing the idea of Facebook from Winkelvoss brothers & Divya Narendra, Mark makes a statement in defence:

"If you guys were the inventors of Facebook, you would have invented Facebook."
* At the end, Mark is sitting alone and Marylin Delpy (Rashida Jones) - junior attorney leaves the room and makes a remark to Mark.

Marylin: "Mark, you are not an assh**e. But, you are pushing too hard to be one"

---*---

Other strikingly brilliant part I noticed in the movie was casting. Here are some photographs of the real time personalities and the actors playing those roles in the movie.

Justin Timberlake makes his presence felt and so is Rooney Mara.(Erica)

On a sidenote, Andrew Garfield is chosen to be the next Spiderman.

Armie Hammer & Max Minghella does their part pretty well too.

But, the highlight - Jesse Eisenberg steals the show and walks way as a cool headed-snob, geeky-nerd relentlessly.

Jesse Eisenberg, Justin Timberlake, Andrew Garfield
playing Mark Zuckerberg, Sean Parker and Eduardo Saverin respectively

Armie Hammer & Max Minghella playing
Winkelvoss brothers & Divya Narendra
respectively

Tyler & Cameron Winklevoss
with Divya Narendra

---*---

Conclusion:

Definitely a movie not to miss. Especially for those who are so much sucked into the phenomenon called Facebook.
By now, we all know what happened in Harvard and the story behind Facebook. The movie does not try to retell the story in its entirety but, presents the case in a fast-paced docu-drama, heavily wrapped up in a speed-hard-to-follow-if-you-miss-a-thing dialogues.

I firmly believe that this would be a strong contender in many categories for this year's Oscars. No doubt.

On a completely tangential thought, I surely think that there is something in the air which people at different places & at different times picks up unknowingly.

The very same concept discussed in Richard Linklater's movie - WAKING LIFE.

As the theory states, It would be the same idea/solution different people tend to pick at around the same window of a time frame but at different places. May sound like a paranormal/telepathic activity without even having a commonality between.

The reason I brought this up is, time and again I have observed and noticed some mannerisms Shahruk Khan does-which resembles so closely to what Dr.Vishnuvardhan used to do. Remember those emotional scenes when they mime/make silent gestures with intense expressions, body language and the finger pointing action in a stop-motion fashion?

Strangely, I see an uncanny resemblance of Jesse's acting whole through the movie to that of SRK's in 'Chak De'. Remember those scenes where SRK feels the humiliation and generally does this thing with his lips? (like those kisisng gouramis :))

You gotta watch him carefully and believe me you will be floored. :) Watch out for it.

Videos:

An interview with Mr.Zuckerberg wayback in 2006.

Social Network - Teaser

PS: This movie influenced me so much that I spent few hours today to make my blog look like Facebook ;)

ವೈಶಾಲಿ ಕಾಸರವಳ್ಳಿ ಇನ್ನಿಲ್ಲ :(

2010-09-27T13:44:00.000-04:00

ವೈಶಾಲಿ ಕಾಸರವಳ್ಳಿ ಇನ್ನಿಲ್ಲ :( May her soul rest in peace.
My deepest condolences to ಗಿರೀಶ್ ಕಾಸರವಳ್ಳಿ & family.

ಬಿ.ಜಯಶ್ರೀ ಬಿಟ್ರೆ ನನಗೆ ಅತಿ ಇಷ್ಟವಾದ ಹಿನ್ನೆಲೆ ಧ್ವನಿ ವೈಶಾಲಿ ಕಾಸರವಳ್ಳಿಯವರದ್ದು. (remember Pallavi Anupallavi and all those parallel cinemas that came in 80s)

Watch from 1:23 - conversation between Anil Kapoor (Ramakrishna) and Kiran Vairale (Vaishali Kasaravalli)
http://www.youtube.com/watch?v=uPODRb9oi9A

What splendid performance she gave in the not-so popular TV series "ಕ್ಷಮಯಾ ಧರಿತ್ರಿ" (Kshamaya Dharitri). (SundarRaj was her husband and she plays a housewife in a troubled marriage with grown up kids)

ಹೊಂಬಿಸಿಲು, ಕಿಟ್ಟು-ಪುಟ್ಟು, ಗಣೇಶನ ಮದುವೆ,ಯಾರಿಗೂ ಹೇಳ್ಬೇಡಿ ಮುಂತಾದ ಚಿತ್ರಗಳಲ್ಲಿನ ಅಭಿನಯ ಮರ್ಯೋಕ್ ಸಾಧ್ಯವೇ? Especially ಗಣೇಶನ ಮದುವೆ ಚಿತ್ರದಲ್ಲಿ ಸತ್ಯಭಾಮ ಜೊತೆಗಿನ ಅ ಜಿನ್ ಕುಡಿದ ಪ್ರಸಂಗ ultimate.
How can we forget - "ಒಳ್ಳೆ ಕಪಿಲ್ ದೇವ್ ಥರಾ ಇದ್ದವನು ಅಝಾರುದ್ದೀನ್ ಥರ ಸಣ್ಣ ಆಗಿದ್ಯಲ್ಲಪ್ಪ" series of dialogues with Shivaram.
Here is a peppy romantic song from ಹೊಂಬಿಸಿಲು (Hombisilu) to show the versatality of this lady.

Talking Tom :)

2010-09-11T23:38:00.000-04:00

Found this cool iPhone-App and having loads of fun :)
Check it out

ಚಾಂದ್ (ಹೈಕು)

2010-09-11T02:38:00.001-04:00

ಒಂದು ಚಂದ್ರ
ಒಂದು ದಿನ
ಎರಡು ಕೋಮು

ಮೂರು ಹಬ್ಬ

ಒಬ್ಬರು ನೋಡಲೇಬೇಕು

ಇನ್ನೊಬ್ಬರು ನೋಡಬಾರದು
ಆದರೂ, ಎಲ್ಲವೂ ಚಂದವೇ ಅಂದುಕೊಂಡರೆ
ರಾತ್ರಿ ಕಳೆದು ಹಗಲು ಸರಿದು
ಮೊಳೆಗೆ ಜೋತುಬಿದ್ದ
ಕ್ಯಾಲೆಂಡರಿನಲ್ಲಿಂದು ತೇದಿ - 9/11!

ಗಣೇಶ ಬಂದ

2010-09-10T19:39:00.000-04:00

Ganesha
Originally uploaded by susankritha

ನಿಮಗೂ ಮತ್ತು ನಿಮ್ಮ ಕುಟುಂಬದವರಿಗೂ ಗೌರಿ-ಗಣೇಶ ಹಬ್ಬದ ಹಾರ್ದಿಕ ಶುಭಾಶಯಗಳು.

ಗಣೇಶ ಬಂದ
ಕಾಯಿ ಕಡುಬು ತಿಂದ
ಚಿಕ್ ಕೆರೇಲ್ ಬಿದ್ದ
ದೊಡ್ ಕೆರೇಲ್ ಎದ್ದ...

ಗಣೇಶಂಗೆ ಜೈ..ವಿಘ್ನ ವಿನಾಯಕಂಗೆ ಜೈ...

< ಆಂಟಿ ನಿಮ್ಮನೇಲ್ ಗಣೇಶ ಕೂರ್ಸಿದೀರಾ?
> ಹೂಂ...ಎಷ್ಟನೇದೋ ಇದು?
< ಐವತ್ತಾರ್ನೇದು ಆಂಟಿ..ಸ್ವಲ್ಪ ಕುಡ್ಯಕ್ ನೀರ್ ಕೊಡಿ ಆಂಟಿ..ದಾವು..
> ಇಗಾ
< ಟ್ಯಾಂಕ್ಸ್ ಆಂಟಿ
> ಹೋಗ್ತಾ ಗೇಟ್ ಹಾಕ್ಕೊಂಡ್ ಹೋಗ್ರೋ..
< ಲೇಯ್ ಗಿರೀಸಾ..ಬಾರಲೇ....ನಾ ಓಯ್ತೀನ್ ಓಗು....

Happy Ganesha Habba :P

To you mom -
ವಿಘ್ನ ವಿನಾಯಕನೆ
ವರಸಿದ್ಧಿ ವಿನಾಯಕನೆ
ಮೋದಕ ಪ್ರಿಯನೆ ವರದ ಹಸ್ತನೆ
ಗಣನಾಯಕ ತಂದೆ ಗಣಸೇವಿತ

The Man from Earth - English/Color (2007)

2010-09-04T03:33:00.000-04:00

An easy-peasy Japanesey 4 star for this movie. Simple-Surreal and makes you think like never before.

One can easily put this through the Inception Genre of movies which makes the audience think of the infinite possibilities.

Movie has no visual treats, no extravagant music/sound effects. Imagine this - 8 people sitting around a fireplace and talking over for an hour and a half...talking a lot of sense and some nonsense too..left to one's belief n disbeliefs. Jerome Bixby's screenwriting has helped Richard Schenkman a lot and made his life so easy in directing this feature. Brilliant casting too-most of 'em from the american small screen epics like Star Trek, CSI, Young&Restless, Days etc. Looking at David Lee Smith in this flick gave me an idea that he could be cast to play Robert Deniro if there would be a movie made about the legend anytime sooner!

Technically the most simplest movies I have ever seen so far. From a production cost perspective - bloody damn cheap movie in that sense :)
There are a few technical glitches or goof-ups mainly concerning the continuity but can be ignored.

I thoroughly enjoyed the way the movie makes your mind wander around without prompting for too much of visuals...If you are an avid lover of TED videos watching inanely all those videos spanning from various different aspects of science, various different walks of life - then "The man from earth" is one helluva joy ride.
Go for it!

PS : For some reason Alexis Thorpe reminded me of Ramya aka Divya Spandana. She almost looks like a cross-over between Ramya and Katrina Kaif. iLikey :)

Eat Pray Love - 2010 (English/Color)

2010-08-22T21:10:00.000-04:00

Inspite of the big names tagged with this movie, inspite of the fact that its based on a novel, more importantly inspite of the fact that this movie was shot in India including Rome and Bali, it made no sense to me at all.
I doubt if it made any sense to any chicks watching this too! (if people may argue that its a chick-flick afterall)

Eat Pray Love - in short : I LOVEd the EATing part and PRAYed a lot in the theater for the movie to get over soon. #Fail
The Italian cuisine watered my mouth for real and had to grab the pop-corn from my fren to beat that! :)

ಅಭಿವ್ಯಕ್ತಿ

2010-08-08T23:04:00.000-04:00

'ಅಭಿವ್ಯಕ್ತಿ' ಅನ್ನೋದು ಸೃಜನಶೀಲತೆಯನ್ನು ಕೃತಿರೂಪದಲ್ಲಿ ತೋರ್ಪಡಿಸುವ ಒಬ್ಬ ಕಲಾವಿದ/ಕವಿ/ಕತೆಗಾರ/ಬರಹಗಾರ ರೂಢಿಸಿಕೊಂಡು ಬರುವಂಥದ್ದು. ಯಾವುದೇ ಬರವಣಿಗೆಯನ್ನೋ/ಮಾತುಗಳನ್ನೋ/ಗೀತೆಗಳನ್ನೋ/ಕವಿತೆಗಳನ್ನೋ ಓದಿದಾಗ/ಕೇಳಿದಾಗ ಥಟ್ಟನೆ ಇದು ಇಂಥವರದ್ದೇ ಇರಬೇಕು ಅನ್ನೋಷ್ಟರ ಮಟ್ಟಿಗೆ ಆ ಅಭಿವ್ಯಕ್ತಿಯ ಶೈಲಿಗೆ ನಾವು ಒಗ್ಗಿಹೋಗಿರ್ತೀವಿ.
ಕೆಲವು ಫೋಟೋಗಳನ್ನು ನೋಡ್ತಿದ್ದ ಹಾಗೇ 'ಓಹ್! ಒಳ್ಳೇ ನ್ಯಾಶನಲ್ ಜಿಯಾಗ್ರಫಿಕ್ ಚಾನಲ್ ಲೆವೆಲ್ಲಿಗಿದೆ ಗುರು' ಅಂತೀವಿ. ರಾಜಾರವಿವರ್ಮನೋ-ಡಾವಿಂಚಿಯೋ ಇಲ್ಲ ನಮ್ಮ ಎಮ್‍ಎಫ್‍ಹುಸೇನರ ಪೇಂಟಿಂಗೊಂದನ್ನು ನೋಡ್ತಿದ್ದಂತೆ ಇದು ಇಂಥಾವ್ರದ್ದೇ ಇರಬಹುದು ಅನ್ನಿಸೋಕ್ ಶುರುವಾಗತ್ತೆ. ಇಲ್ಲ ಸಿ.ಅಶ್ವಥ್, ಮೈಸೂರ್ ಅನಂತಸ್ವಾಮಿಗಳ ಭಾವಗೀತೆ ಕೇಳ್ತಿದ್ ಹಾಗೇ ಇದು ಇಂಥಾವ್ರ ಸಂಗೀತ ಸಂಯೋಜನೆ ಇರ್ಬೋದು ಅನ್ಕೊತೀವಿ.ಹೀಗೆ ಪೂರ್ವಾಗ್ರಹಕ್ಕೆ ಒಳಗಾಗೋಕೆ ಆ ಕೃತಿಗಳಲ್ಲಿ ಕಲಾವಿದ ಅಡಗಿಸಿಟ್ಟ ತನ್ನದೇ Signature Style ಕಾರಣವಾಗತ್ತೆ.
ಸಧ್ಯಕ್ಕೆ ನನ್ನ ಈ ಅನಲಿಸಿಸ್ ಕೇವಲ ಬರವಣಿಗೆಯ ಶೈಲಿಗೆ ಸೀಮಿತ. ಉದಾಹರಣೆಗೆ ಈ ಕೆಳಗಿನ ಸಾಲುಗಳನ್ನ ಸೂಕ್ಷ್ಮವಾಗಿ ಗಮನಿಸಿ ನೋಡಿ.

೧.ತಾನು ನೊಂದು ತಿಳಿ ಬೆಳಕ ಬೀರುತಿದೆ
ಒಂದು ಇರುಳದೀಪ
ನಿಶ್ಚಲದ ಮೂರ್ತ ರೂಪ

೨.ಜೀವನ ಪ್ರಯಾಣದಲ್ಲಿ ಆಸೆಯ ಲಗ್ಗೇಜು ಚಿಕ್ಕದಿರಬೇಕು
ಇರಬೇಕು ಪ್ರೀತಿಯ ಟಿಕ್ಕೇಟ್ ಇರದಿದ್ರೆ ದುಃಖದ ಫೈನು ಕೊಡಬೇಕು
ಕೊಡಬೇಕು ಬಹುಮಾನ ಈ ನನ್ನ ಹೆಣ್ಣಿಗೆ..ಹೆಣ್ಣಿಗೆ..ಇವಳ ಕಣ್ಣಿಗೆ.. ಕಣ್ಣಿಗೆ
ಕಣ್ಣಿಗೆ ಪ್ರೇಮದ ಕೂಲಿಂಗ್ ಗ್ಲಾಸ್ ಹಾಕು
ಹಾಕಲು ಲೋಕವು ಪ್ರೇಮಮಯ ನೋಡು ಸಾಕು

೩.ಭೂಮಿ ಮೇಲೆ ಹಚ್ಚ ಹಚ್ಚಗೆ ಹಾದಿ ತೆಗೆದಾವೆ
ಆ ಹಾದಿ ಅಕ್ಕ ಪಕ್ಕ ಬಳ್ಳಿ ಬೆಳಿದ್ಯಾವೆ
ಸಾಲು ಸಾಲು ಬೆಟ್ಟ ಗುಡ್ಡ ಮೌನ ತಳೆದಾವೆ
ಆ ಮೌನವ ಗಾನ ಎಲ್ಲರ ಮನಸಾ ಸೆಳೆದಾವೆ

ಈ ಎಲ್ಲ ಸಾಲುಗಳನ್ನು ನೋಡಿದ ಕೂಡಲೇ ಇದು ಇಂಥವರದ್ದೇ ಎಂದು ಕರಾರುವಾಕ್ಕಾಗಿ ಹೇಳಲು ತೋಚದಿದ್ದರೂ, ಇದು ಇಂಥವರದ್ದಿರಬಹುದು ಅನ್ನೋ educated guess ತಗೊಳೋ ಮಟ್ಟಿಗಾದ್ರು ಬರವಣಿಗೆಯ ಶೈಲಿಯನ್ನ ಗುರುತಿಸಲು ಶಕ್ಯರಾಗಿದೀವಿ ಅನ್ಸತ್ತೆ. ಎಲ್ಲದರಲ್ಲೂ ಆ ಕಲಾವಿದನ signature style ಗೋಚರಿಸತ್ತೆ ನಮಗೆ. ಇಲ್ಲಿ ಕೃತಿಯ ಹಿನ್ನೆಲೆ ಬಿಟ್ಟು ಕರ್ತೃವಿನ ಶೈಲಿಯ ಹಿನ್ನೆಲೆಯಿಂದಲೇ ಕೃತಿಯ ಗುರುತು ಸಿಕ್ತಾ ಇದೆ. ಯಾವ ಚಿತ್ರ/ಪದ್ಯ/ಧಾರಾವಾಹಿ ಅನ್ನೋ ಎಲ್ಲ ವಿವರಗಳೂ ಇಲ್ಲಿ ಗೌಣ.'ಮೂರ್ತ/ಅಮೂರ್ತ/ನಿಶ್ಚಲ' ಅಂತಿದ್ದಂಗೆ ಅದು ಎಚ್ಚೆಸ್ವಿ ಅವ್ರ ಕೆಲಸ ಅನ್ಸತ್ತೆ ಹಾಗೇ ticket/fine/luggage/cooling glass ಅಂದ ಕೂಡಲೇ ಹಂಸಲೇಖ ನೆನಪಾಗ್ತಾರೆ ಮತ್ತೆ ಮೂರನೇದರಲ್ಲಿ ಹಳ್ಳಿ ಭಾಷೆಯ ಸೊಗಡು ದೊಡ್ಡರಂಗೇಗೌಡರ ಕಡೆ ಬೆರಳು ಮಾಡತ್ತೆ. ಇದೆಲ್ಲವೂ ಅವರವರು ಛಾಪಿಸಿರುವ ತಮ್ಮದೇ ಆದ unique style of writing.

ಹೀಗೇ ನಾನು ಓದಿರುವ ನೋಡಿರುವ ಬೆರಳೆಣಿಕೆಯಷ್ಟು ಪುಸ್ತಕ/ಧಾರಾವಾಹಿಗಳಲ್ಲಿ ನನ್ನನ್ನು ಅತಿಯಾಗಿ ಪ್ರೇರೇಪಿಸಿ,ಸಿಕಾಪಟ್ಟೆ influence ಮಾಡಿದವರು ತುಂಬಾ ಜನರಿದ್ದಾರೆ. ಕೆ‍ಎಸ್‍ನ-ಭೈರಪ್ಪ-ತೇಜಸ್ವಿ-ರಾಜರತ್ನಂ-ಡಿವಿಜಿ-ಡುಂಡಿರಾಜ್-ಬಿಆರ್‍ಲಕ್ಷ್ಮಣರಾವ್-ಎನ್‍ಎಸ್‍ಲಕ್ಷ್ಮಿನಾರಾಯಣಭಟ್ಟರು-ಶಂಕರ್‍ನಾಗ್-ಟಿ‍ಎನ್‍ಸೀತಾರಾಂ-ಪ್ರಕಾಶ್ ಬೆಳವಾಡಿ ಇನ್ನೂ ಹಲವರು.

ಇವರಲ್ಲೆಲ್ಲಾ ನನ್ನನ್ನ ತೀರಾ ಯೋಚನೆಗೆ ಹಚ್ಚಿ, ತಮ್ಮ signature style ನ ತಮ್ಮೆಲ್ಲ ಕೃತಿಗಳ ಮೇಲೂ (ಅದು ಯಾವುದೇ form ನಲ್ಲಿದ್ರೂ ಸಹ) ತೀರಾ ಆಳವಾಗಿ ಅಚ್ಚೊತ್ತಿ, ಓದ್ತಿದ್ದ ಹಾಗೇ/ನೋಡ್ತಿದ್ದ ಹಾಗೆ 'ಇದು ಇವರದ್ದೇ ಕೆಲಸ' ಅನ್ನಿಸಿ ಥಟ್ಟಂತ ಗುರುತು ಹಿಡಿಯೋ ಮಟ್ಟಕ್ಕೆ ಮಾಡಿದವರಲ್ಲಿ ಈ ಇಬ್ಬರು ಗಣನೀಯರು.

೧. ಎಸ್. ಎನ್. ಸೇತುರಾಂ - ಮೊದಮೊದಲು ಟಿ.ಎನ್.ಸೀತಾರಾಂ ಜೊತೆ ಮಾಯಾಮೃಗ, ಮನ್ವಂತರ ಧಾರಾವಾಹಿಗಳಲ್ಲಿ ಕ್ಯಾಮೆರಾ ಮುಂದೆ ಕಾಣಿಸಿಕೊಂಡವರು ತಮ್ಮ ಬರವಣಿಗೆ/ನಿರ್ದೇಶನದ ಕ್ಷಮತೆಯನ್ನ ಮಂಥನ, ದಿಬ್ಬಣ ದಂಥ ಧಾರಾವಾಹಿಗಳ ಮೂಲಕ ತೋರಿಸಿಕೊಟ್ಟವರು.
೨. ರವಿ ಬೆಳಗೆರೆ - This man needs no introduction. ನನಗೆ ಪರಿಚಯವಾಗಿದ್ದು ಹಾಯ್ ಬೆಂಗಳೂರಿನಿಂದ. ನಂತರ ಕ್ರೈಂ ಡೈರಿ/ಸ್ಟೋರಿ, ಓ ಮನಸೆ, ಎಂದೂ ಮರೆಯದ ಹಾಡು ಮತ್ತೊಂದು ಮಗದೊಂದು. ಆದ್ರೆ ತೀರಾ ಆಪ್ತವಾಗಿದ್ದು 'ಬಾಟಂ ಐಟಂ' ಮತ್ತು 'ಖಾಸ್‍ಬಾತ್' ಅನ್ನೋ ಎರಡು ಹಸಿಬಿಸಿ ತೀರಾ ಖಾಸಾ ವಿಷಯಗಳನ್ನೇ ಹೊತ್ತುಕೊಂಡು ಬಂದ ಪುಸ್ತಕಗಳಿಂದ.

ಸಧ್ಯದ ನನ್ನ experiment ಒಂದೇ ಸನ್ನಿವೇಶವನ್ನ ಈ ಇಬ್ಬರ ಭಾವಾಭಿವ್ಯಕ್ತಿಯಲ್ಲಿ, ಅವರದೇ ಆದ ಆ signature style ನಲ್ಲಿ ಬರೆದರೆ ಹೇಗೆ ಮೂಡಿಬರಬಹುದು ಅನ್ನೋ ತಿಕ್ಕಲು. ಇಲ್ಲಿ ಸನ್ನಿವೇಶದ ಎಳೆ ಒಂದೇ ಆದ್ರೆ ಆ ಸನ್ನಿವೇಶಕ್ಕೆ ದೊರಕುವ treatment ತೀರಾ ವಿಭಿನ್ನ. ನೀವೇ ನೋಡಿ, ನಿಮಗನ್ನಿಸಿದ್ದನ್ನ ನನಗೂ ತಿಳಿಸಿ. ಇಲ್ಲಿರುವುದೆಲ್ಲವೂ ಕೇವಲ ನನ್ನ ವೈಯುಕ್ತಿಕ ಅನಿಸಿಕೆ ಹಾಗೂ ನನ್ನ ಗಮನಕ್ಕೆ ಬಂದ ಅಂಶಗಳಷ್ಟೇ.

--------------------------------------------------------------------------------------------------------------------------------
ಸನ್ನಿವೇಶ : ಮಗನ(ಳ) ಹುಟ್ಟುಹಬ್ಬಕ್ಕೆ ತಾಯಿಯೊಬ್ಬಳು ತನ್ನ ಮಗನಿ(ಳಿ)ಗೋಸುಗ ಉಡುಗೊರೆ ಕೊಂಡು ತರಬೇಕೆಂದು ನಿರ್ಧಾರ ಮಾಡಿರುತ್ತಾಳೆ. ಮಗನ(ಳ)ನ್ನು ಜೊತೆಗೇ ಕರೆದುಕೊಂಡು ಹೋಗಿ ಉಡುಗೊರೆ ಕೊಡಿಸಬೇಕೆ ಇಲ್ಲವೆ ತಾನೇ ಏನಾದರೂ ಉಡುಗೊರೆ ತಂದು ಮಗನಿ(ಳಿ)ಗೆ surprise ಮಾಡಬೇಕೆ ಅನ್ನೋದು ಆಕೆಯ dilemma.
ಇಲ್ಲಿ ಸಂಭಾಷಣೆಯ ಸಾಧ್ಯತೆ ಇದೆ, ಸ್ವಗತವಿದೆ, ಹಿನ್ನೆಲೆಯಿದೆ, introduction ಇದೆ, ಸೂಕ್ಷ್ಮತೆಯ ಪರಿಚಯವಿದೆ. ಎಲ್ಲವೂ ಅವರವರ ಶೈಲಿಯಲ್ಲಿ ಅವರವರ ಅನುಕೂಲತೆ ಅವಶ್ಯಕತೆಗಳಲ್ಲಿ :)
--------------------------------------------------------------------------------------------------------------------------------

ಎಸ್.ಎನ್.ಸೇತುರಾಂ

ಹಿನ್ನೆಲೆ:(ಸ್ವತಃ ಸೇತುರಾಂ‍ರ ಕಂಠದಲ್ಲಿ) ಸಹೃದಯರಿಗೆಲ್ಲ ನಮಸ್ಕಾರ.ಇದೊಂದು ಕೇವಲ ಕಾಲ್ಪನಿಕ ಸನ್ನಿವೇಶ. ಇಲ್ಲಿ ಬರುವ ಪಾತ್ರಗಳು ನನ್ನ ಜೀವನದಲ್ಲಿ ದಿನವೂ ನೋಡಿ ಸಂಧಿಸಿ ಪಾಠವನ್ನು ಕಲಿಸಿ ಕಲಿತದ್ದವೇ. ಮುಖ್ಯ ಪಾತ್ರಧಾರಿ ಗಾಯತ್ರಿ ತೆರಿಗೆ ಇಲಾಖೆಯಲ್ಲಿ ಒಬ್ಬ ಟೈಪಿಸ್ಟ್. ಅವಳ ಮಗಳು ರಶ್ಮಿ. ಮುಂದೆ ನೀವೇ ನೋಡ್ತಿರಂತೆ.

ಗಾಯತ್ರಿ (ಸ್ವಗತ) : ಬೇಗನೇ ಹೊರಟುಬಿಡಬೇಕು ಅಂದ್ಕೊಂಡಾಗ್ಲೇ ಹೀಗೆ ಹಾಳಾದ್ ಕೆಲಸ. ಆಫೀಸಿನಿಂದ ಸೀದಾ ಅಂಗಡಿಗೆ ಹೋಗಿ ರಶ್ಮಿಗೆ ಹಿಡಿಸುವಂಥಾದ್ದೇನಾದರೂ ಉಡುಗೊರೆ ಕೊಂಡು ಹೋಗಬೇಕು.
ಇಲ್ಲ... ಬೇಡ...
ನೇರ ಮನೆಗೇ ಹೋಗಿ ಅವಳನ್ನೂ ಜೊತೆಗೇ ಕರೆದುಕೊಂಡು ಹೋಗೋದು ವಾಸ್ತವಕ್ಕೆ ಹತ್ತಿರವಾದದ್ದು ಅನ್ನಿಸತ್ತೆ. ಬಹುಶಃ ಅದು ಸರಿ ಕೂಡಾ. ಆಕೆಯ ಉಡುಗೊರೆಯನ್ನು ಆಕೆಯೇ ಆಯ್ಕೆ ಮಾಡಿಕೊಳ್ಳೋ ಸ್ವತಂತ್ರವಾದ್ರೂ ನಾನವಳಿಗೆ ಕೊಡ್ಬೇಕು.
ಅಥವಾ
ಆಕೆ ದೃಷ್ಟಿಯಲ್ಲಿ ನನ್ನನ್ನ ತಪ್ಪಾಗಿ ತಿಳ್ಕೊಂಡು ಆಕೆಯ ಇಷ್ಟ-ಕಷ್ಟಗಳನ್ನೂ ಅರಿಯದ, ಆಕೆಯನ್ನೇ ಜೊತೆಗೆ ಕರೆದುಕೊಂಡು ಹೋಗುವ ಸ್ಥಿತಿಗೆ ನನ್ನನ್ನು ನಾನು ತಳ್ಳಿಕೊಂಡೆ ಅಂದುಕೊಳ್ತಾಳೋ ಏನೋ?...

--*--

(ಹಿನ್ನೆಲೆ ಧ್ವನಿ: ಗಾಯತ್ರಿ ಮನೇಗೆ ಬರುತ್ತಾಳೆ. ಕೈನಲ್ಲೊಂದು ಉಡುಗೊರೆಯ ಸಣ್ಣ ಪ್ಯಾಕು.ಮನೆಯಲ್ಲಿ ಗಾಢ ಮೌನ...ಮೋಡ ಕವಿದ ವಾತಾವರಣ..ಕಂಗೆಟ್ಟ ಮನಸ್ಸು...ಮುರಿದುಬಿದ್ದ ಕನಸು...)

ರಶ್ಮಿ : ಓಹ್ ಇವತ್ತೇನು ವಿಶೇಷ? ಬೇಗ ಬಂದಿದ್ದೂ ಅಲ್ಲದೆ ಕೈನಲ್ಲೇನೋ ಉಡುಗೊರೆ ಪ್ಯಾಕೆಟ್ ಕೂಡಾ ಇದ್ದ ಹಾಗಿದೆ?!
ಗಾಯತ್ರಿ : ವಿಶೇಷವೇ....ತಗೋ...ನೂರ್ಕಾಲ ನಗ್ ನಗ್ತಾ ಇರು. happy birthday ರಶ್ಮಿ.
ರಶ್ಮಿ : ಥ್ಯಾಂಕ್ಸ್. ಇವತ್ತೇನು ಇಂಥಾ ಅದ್ಭುತವಾದ ಪೀಠಿಕೆಯಿಂದ್ಲೇ ಪ್ರಾರಂಭವಾಗ್ತಿದೆ. ನಿನ್ನ ಉಡುಗೊರೆ ಪ್ಯಾಕೆಟ್ ನೋಡಿದ ಮೇಲೆ ಮನಸ್ಸಿನಲ್ಲಿ ನೇತಾಡ್ತಿರೋ ಹುಳ ಆಸೆ ಹುಟ್ಟಿಸ್ತಾ ಇದೆ. ಹಿಂದೆ ಕೊಕ್ಕೆ ಇದ್ಯ? (ಹುಸಿನಗು)
ಗಾಯತ್ರಿ : ಹೂಂ...ಶತೃ ನೋಡು ನೀನು ನಂಗೆ...ದಂಡೆಗೆ ಎಸೆದು ನರಳಿಸೋಕೇ ಇಷ್ಟು ವರ್ಷ ಹೆತ್ತು-ಹೊತ್ತು ಸಾಕಿ ಸಲಹಿದ್ದು. ಈ ನಿನ್ನ ಒಡಕು ಮಾತು ಕೇಳೋಕೆ ನಾನು ಇಷ್ಟೆಲ್ಲ ಮಾಡ್ಬೇಕು...ನನ್ ಉಡುಗೊರೆ ನೋಡಿ ನಗ್ತೀಯ. ಆ ನಗೆಯಲ್ಲಿ ವ್ಯಂಗ್ಯದ ಛಾಯೆ.
ರಶ್ಮಿ : ಹೌದು ಮತ್ತೆ. ಮಾಡ್ಬೇಕು...ಆಗಲೇ ಅಲ್ವ ತಾಯಿ ಮಗಳ ಸಂಬಂಧಕ್ಕೆ ಒಂದು ಅರ್ಥ ಬರೋದು. ಈಗ ನೀ ಏನ್ ಮಾಡ್ತಿ? ನನಗೆ ಉಡುಗೊರೆ ತರ್ತಿ...ನಾನು ಖುಷಿಖುಷೀಲಿ ತೆಗೀತೀನಿ...ನನಗ್ ಒಪ್ಪೋ ಒಂದು ಚೂಡಿದಾರನೋ ಒಳ್ಳೇ ಕಾಟನ್ ಸೀರೆನೋ ತಂದಿರ್ತಿ. ಅದನ್ನ ನೋಡಿ ನಾನು ಮನಸ್ತುಂಬಿ ಬಂದು ಬಿಕ್ಕಿಬಿಕ್ಕಿ ಅಳ್ತೀನಿ..ನೀನು ಸಮಾಧಾನ ಮಾಡೋ ನೆಪದಲ್ಲಿ ನನ್ನ ತಲೆಸವರಿ ಕಳೆದುಹೋದ ಆ ಸುಖದಿನಗಳ ನೆನಪು ಮಾಡ್ತೀಯ.
ಅಲ್ಲಿಗೇನು? ನೀನು ತಾಯಿ-ನಾನು ಮಗಳು. ನಮ್ಮಿಬ್ಬರ ಮಧ್ಯ ಈ ಉಡುಗೊರೆ ಒಂದು ನೆಪ ಮಾತ್ರ.ನಾಳೆ ದಿನ ನನ್ನ ಮದ್ವೆ ಅಂತ ಒಂದ್ ಶಾಸ್ತ್ರ ಮಾಡಿ ಅತ್ತೆ ಮನೇಗ್ ಕಳ್ಸೋ ಹುನ್ನಾರ. ನನ್ ಒಪ್ಪಿಗೆ ನಿನಗೆ ಬೇಡ. ನಿನ್ನ ಭಾರ ಕಳ್ಕೊಳ್ಳೋಕೆ ಇಷ್ಟೆಲ್ಲ ಒದ್ದಾಟ..ನಿಜಕ್ಕೂ ಬೇಕಾ?
ಗಾಯತ್ರಿ : ಮಗಳು ನೀನು..ಮರೀಬೇಡ.
ರಶ್ಮಿ : ಅಲ್ಲಿಗೆ...ಕೆಟ್ಟ ಮಗನಾದ್ರೂ ಸರೀನೆ..ಆದ್ರೆ ಒಳ್ಳೇ ಮಗಳು ಜೊತೆಗೆ ಬೇಡ ಅಲ್ವಾ?
ಗಾಯತ್ರಿ : ಗಂಡ್ ಮಕ್ಕಳ ಮೇಲೆ ಪ್ರೀತಿ ಇರ್ಬೇಕು...ಹೆಣ್ಣು ಮಕ್ಕಳ ಮೇಲೆ ನಂಬಿಕೆ. ಅದಲ್ವಾ ಜೀವನ ಅಂದ್ರೆ?
ರಶ್ಮಿ : ಮತ್ತೊಂದ್ ಹುಳು... ಈ ಸಲ ಕೊಕ್ಕೆ ಕಣ್ಣಿಗೆ ರಾಚೋ ಹಾಗೆ ಕಾಣ್ತಿದೆ. ನಾನು ನುಂಗಲ್ಲ.
ಗಾಯತ್ರಿ : ನೋಡು...ನಾನು ಏನೇ ಹೇಳಿದ್ರೂ ಅದಕ್ಕೊಂದು ಹಿನ್ನೆಲೆ ಇದೆ..ಅದಕ್ಕೆ ಅಂಟಿಕೊಂಡು ಬಂದ ನನ್ನ ನೋವಿದೆ. ಮಕ್ಕಳು ಮಕ್ಕಳಾಗಿದ್ದಾಗ ನಕ್ರೂ ಚೆನ್ನ ಅತ್ರೂ ಚೆನ್ನ ಎದೆಗೆ ಒದ್ರೂ ಚೆನ್ನ..ಆದ್ರೆ ವಯಸ್ಸಾದಮೇಲೂ ಒದ್ರೆ..ತಡ್ಕೊಳ್ಳೋ ಶಕ್ತಿ ಇರಲ್ಲ ನಮಗೆ ಅಷ್ಟೆ
ರಶ್ಮಿ : ಅಮ್ಮ ನೀನು...ಮೊದ್ಲು ಕೈ ಹಿಡಿದು ಆಡಿಸಿ ಕುಣಿಸೋಳು...ವಯಸ್ಸಾದ್ಮೇಲೆ ಹೆಗಲು ಹಿಡಿದು ತೆವಳೋಳು...ಈ ಮಧ್ಯದ ಬದುಕಿದ್ಯಲ್ಲ..ಅಲ್ಲಿ ನರಳಿಸಬೇಡ ಪ್ಲೀಸ್...ಗಂಡು ಮಗು ಅನ್ನೋದು ಆಸೆಪಟ್ಟಿದ್ದು.ಬಯಸಿದ್ದು..ಬಯಕೆಯ ಕುರುಹು ಅದು.
ಆದ್ರೆ ಹೆಣ್ಣು ನೋಡು...ಬಯಸದ್ದು; ಉಳಿಸಿದ್ದು.
ಹಿಂದೆ ಮಕ್ಕಳನ್ನ ಕೊಡೋನು ಕಿತ್ಕೋಳೋನು ಎಲ್ಲವೂ ಆ ದೇವ್ರೆ ಆಗಿದ್ದ. ಆದ್ರೆ ವಿಪರ್ಯಾಸ ನೋಡು. ಇವತ್ತು ಮಕ್ಕಳನ್ನ ಬಯಸೋದು ಉಳಿಸೋದು ಬಿಡೋದು ಎಲ್ಲವೂ ಹೆಣ್ಣಿನ ಕೈನಲ್ಲೇ!
ಗಾಯತ್ರಿ : ಅಲ್ವಾ? (ಮೆಲ್ಲಕೆ ರಶ್ಮಿ ಪಕ್ಕದಲ್ಲಿ ಬಂದು ಕೂರೋ ಗಾಯತ್ರಿ ಆಕೆಯ ಮಾತಿಗೆ ತಾನು ಉತ್ತರವಾಗ್ತಾ ಹೋಗ್ತಾಳೆ) ನಾನು ಆಸೆಕಂಗಳಿಂದ ಕಂದನ ಮುಖ ನೋಡ್ತಾ ನನ್ನ ನೋವನ್ನೆಲ್ಲ ಮರೆಯೋ ಚೈತನ್ಯ ತಂದ್ಕೋತೀನಿ. ಆದ್ರೆ ಕಾರಣಪುರುಷ ಅದಕ್ಕೂ ತನಗೂ ಸಂಬಂಧವೇ ಇಲ್ಲವೆನ್ನೋ ಹಾಗೆ ಇದ್ಬಿಟ್ರೆ? ರೋಷ ಕೆರಳಲ್ವ?
ರಶ್ಮಿ : ಇದೊಂದೆ ನೋಡು ಹಂಚಿದ್ರೂ ಕಡಿಮೆ ಆಗದೆ ಉಳಿಯೋದು...ನೋವು..ನಾಗರೀಕ ಬದುಕು ನಮ್ಮದು...ಅದಕ್ಕೊಂದು ಚಂದವಾದ ಚೌಕಟ್ಟು ಬೇರೆ.

(ಝೀ ಕನ್ನಡ/ಈ ಟಿವಿ/ಚಂದನವಾಹಿನಿ/ಉದಯ ಟಿವಿ ಗಳಲ್ಲಿ ಜಾಹೀರಾತುಗಳ ಕೊರತೆಯಿಂದಾಗಿ ಹಾಗೂ ಬೇರೆ ಕಾರಣಾಂತರಗಳಿಂದ ಈ ಸನ್ನಿವೇಶಕ್ಕೆ ಒಂದು ಸಮಾಪ್ತಿ ಒದಗಿಸೋಕೆ ಸಾಧ್ಯವಾಗ್ಲಿಲ್ಲ. ಶ್ರೋತೃಗಳು ಇದನ್ನೇ ಮತ್ತೊಮ್ಮೆ ಮಗದೊಮ್ಮೆ ಓದಿಕೊಂಡು ತಮಗೆ ತಿಳಿದ ರೀತಿಯಲ್ಲಿ ಕೊನೆಯನ್ನ್ನ ಊಹಿಸಿಕೊಳ್ಳತಕ್ಕುದು.)
----------------------------------------------------------------------------------------------------------------------------------

ರವಿ ಬೆಳಗೆರೆ

ಮೈ ಡಿಯರ್ ಫ್ರೆನ್ಸ್ ...ಇವತ್ತಿನ ದಿನ ನಾನು ನಿಮಗೆ ಹೇಳೋಕ್ ಹೊರಟಿರೋ ಈ ಕತೆ ತುಂಬಾ ಇಂಟರೆಸ್ಟಿಂಗ್ ಆಗಿರೋ ಕತೆ. ಇಲ್ಲಿ ಮಾತುಮಾತಿಗೆ ಮುಖ ಮುರಿಯೋ ಇನ್ಸೆಂಸಿಟಿವ್ ಗಂಡಸರಿಲ್ಲ. ತೀರಾ ಇಮೋಶನಲ್ ಆದ, ದಿನವೂ ಮನೆಯಲ್ಲಿ ಹಾಗೂ ಹೊರಗಡೆ - ಎರಡೂ ಕಡೆ ಕತ್ತಿಗೆ ಕವಡೆ ಕಟ್ಟಿಕೊಂಡು, ಗಾಣದ ಎತ್ತಿನ ಸಮಕ್ಕೆ ದುಡೀತಿರೋ ಒಬ್ಬ ಹೆಣ್ಣುಮಗಳು ಇರೋಂಥಾ ಐನಾತಿ ಕತೆ.

ಇದನ್ನ ಯಾಕೋ ಕತೆ ಅನ್ನೋಕೆ ನನ್ನ ಮನಸ್ಸು ಒಪ್ತಾ ಇಲ್ಲ ಕಣ್ರೀ. ಯಾಕಂದ್ರೆ, ಇದು ನನ್ನ ಖಾಸಾ ಜೀವನದ ಒಂದು ಭಾಗವೇ ಆದ ಬಳ್ಳಾರಿಯಲ್ಲಿ ನನ್ನ ಪರಿಚಿತರ ಮನೆಯಲ್ಲೇ ನಡೆದ ಒಂದು ಸತ್ಯಘಟನೆ.

ಆಕೆ ತುಂಬಾ ಸಾತ್ವಿಕ ಮನೋಭಾವದವಳು ಕಣ್ರೀ.ಅಂಥಾ ಬಳ್ಳಾರಿಯ ಸುಡುಬಿಸಿಲಿಗೆ ಬೆಂದುಹೋದ ನೆಲದಲ್ಲಿ ಅಂದಿನ ಕಾಲಕ್ಕೇ ಬಿಎ ಓದಿಕೊಂಡಿದ್ದ ಹೆಣ್ಣುಮಗಳು ಅವಳು. ಖಾಸಗಿ ಕಂಪೆನಿಯೊಂದರಲ್ಲಿ ಗುಮಾಸ್ತೆಯಾಗಿದ್ದಾಕೆ.ಹೆಚ್ಚಿನ ಒನಪು ಒಯ್ಯಾರಗಳಿಲ್ಲದಿದ್ದರೂ ಸಹ ತಕ್ಕಮಟ್ಟಿಗೆ ಮಟ್ಟಸವಾಗಿರ್ತಿದ್ದ ಹೆಣ್ಣುಮಗಳು. ಯಾವತ್ತಿಗೂ ಸಹಾ ಆಕೆ ಗಲೀಜಾಗಿ ಕೊಳಕಾಗಿದ್ದುದನ್ನು ನಾನು ನೋಡೇ ಇಲ್ಲ.

ಒಂದು ಲೆಕ್ಕಕ್ಕೆ ನನ್ನ ಹಸಿರು ಲಂಗದ ಹುಡುಗಿಗೆ ಈಕೆ ಸೋದರಸಂಬಂಧಿ. ಅಂಥಾ ಹೆಣ್ಣುಮಗಳಿಗೊಬ್ಬ ತೀರಾ ಅಶಡ್ಡಾಳನೇನೂ ಅಲ್ಲದ,ತೀರಾ ಬುದ್ಧಿವಂತನೂ ಅಲ್ಲದ ಅತ್ತಕಡೆ ದಡ್ಡಶಿಖಾಮಣಿ ಅನ್ನೋಕೂ ಬಾರದ ಮುದ್ದು-ಮೊದ್ದು ಮಗ. ಎಷ್ಟು ಮುದ್ದಾಗಿದ್ದ ಆ ಮಗ ಅಂದ್ರೆ ಚಿಗುರ್ತಿದ್ದ ಆತನ ಮೀಸೆ ತೆಗೆಸಿ ಸ್ವಲ್ಪ ಮೇಕಪ್ ಮಾಡಿಬಿಟ್ರೆ ಥೇಟ್ ಜಯಪ್ರದಾ ಕಣ್ರೀ. ಗುಂಡ್-ಗುಂಡಗೆ ಕೆಂಪ್ ಕೆಂಪಗಿದ್ದ. ನಾನವನನ್ನ 'ಜಯಪ್ರದಾ' ಅಂತಲೇ ಕರೀತಿದ್ದೆ.

ಬುಧವಾರದ ಪೇಪರಿಗೋಸ್ಕರ ಮಂಗಳವಾರ ಮಿಡ್‍ನೈಟ್ ಆಯಿಲ್ (ಯಾವ ಬ್ರಾಂಡು ಅಂತ್ ಕೇಳ್ಬೇಡಿ!) ಉರಿಸಿ ರಾಕ್ಷಸನ ಥರಾ ಕೆಲಸ ಮಾಡ್ತಿದ್ದ ದಿನಗಳವು. ಅಂಥಾ ಸಮಯದಲ್ಲಿ ನನ್ನ ಗೂಳಿ ಮೊಬೈಕಿನ ಹೊಟ್ಟೆ ತುಂಬಾ ಇಷ್ಟು ಪೆಟ್ರೋಲ್ ತುಂಬಿಸಿಸಿಕೊಂಡು ನನ್ನ ಕರುಳಿಗೆ ಎರಡು ಗುಕ್ಕು ರಮ್ ಸುರಿದುಕೊಂಡು ಕೆಲಸ/ರಿಪೋರ್ಟು ಅಂತ್ ಊರ್ ಊರ್ ಸುತ್ತುತ್ತಿದ್ದ ಕಾಲ ಅದು. ಈ 'ಜಯಪ್ರದಾ' ಆವತ್ತಿನ ಕಾಲಕ್ಕೆ ನನ್ನ ಆಫೀಸಿನಲ್ಲಿ ರೆಸೆಪ್ಶನಿಷ್ಟ್ ಕಂ ಅಕೌಂಟೆಂಟ್ ಕಂ ಡ್ರೈವರ್ ಕಂ ಟೈಪಿಸ್ಟ್ ಆಗಿ ಕೆಲಸ ಮಾಡ್ಕೊಂಡಿದ್ದ. ನಿವೇದಿತಾ ಆಗಿನ್ನೂ ಕೆಲಸಕ್ಕೆ ಸೇರ್ಕೊಂಡಿರದ ದಿನಗಳವು.

ಅಂಥಾ ಒಂದು ದಿನ ಈ 'ಜಯಪ್ರದಾ' ಹ್ಯಾಪು ಮೋರೆ ಹಾಕೊಂಡು ಆಫ್ಹೀಸಿಗೆ ಬಂದ. ಯಾಕೋ ಏನು ವಿಷ್ಯ ಅಂತ ಕೇಳುವ ಸಲುವಾಗಿ ಮೊದಮೊದಲಿಗೆ ಏನಿಲ್ಲ ಬಿಡಿ ಸಾರ್...ಮಾಮೂಲು ಸಮಾಚಾರ ಯಾಕೋ ಮನಸ್ಸಿಗೆ ಸ್ವಲ್ಪ ಆರಾಮಿಲ್ಲ ಅಂದು ಸುಮ್ಮನಾದ. ಆಳದಲ್ಲೇನೋ ಕೊರೀತಿದೆ ಇವನ ಮನಸ್ಸಿನಲ್ಲಿ ಅನ್ನಿಸಿ ನಾನೇ ಒತ್ತಾಯ ಮಾಡಿ ಅವ್ನ ಸೀಟಿನ ಪಕ್ಕ ಫೋಲ್ಡಿಂಗ್ ಚೇರ್ ಎಳೆದುಕೊಂಡು ಕೂತು ಬೆನ್ನ ಮೇಲೆ ಕೈ ಇಟ್ಟು ಮತ್ತೆ ಕೇಳಿದೆ. 'ಏನಿಲ್ಲ ಸಾರ್' ಅಂದವನೆ ಇದ್ದಕ್ಕಿದ್ದಂತೆ ಬಳಬಳ ಅಂತ ಹೆಣ್ಣುಮಕ್ಕಳ ಥರಾ ಜಯಪ್ರದಾ ಅಳೋಕ್ ಶುರುಮಾಡ್ತು ಪ್ರಾಣಿ. ಕೆಲಸ ಕೆಡ್ತು ಅನ್ಕೊಂಡು 'ನೋಡು ಇವತ್ತು ನಿನ್ ಮನಸ್ಸು ಸರೀಗಿಲ್ಲ ಅಂದ್ರೆ ಹಾಫ್‍ಡೇ ಲೀವ್ ಬರೆದುಕೊಟ್ಟು ಯಾವ್ದಾದ್ರೂ ಸಿನಿಮಾಕ್ಕೆ ಹೋಗಿ ಬಾ' ಅಂತ ಜೇಬಿನಿಂದ ಇಪ್ಪತ್ತು ರುಪಾಯಿ ನೋಟು ತೆಗೆದುಕೊಟ್ಟೆ.

ಅದೆಲ್ಲ ಬೇಡವೆನ್ನೋ ರೀತೀಲಿ ಸನ್ನೆ ಮಾಡೀ ಜಯಪ್ರದಾ ಮತ್ತೊಮ್ಮೆ ಬಿಕ್ಕಳಿಸಿ 'ಸಾರ್..ಇವತ್ತು ನನ್ನ ಬರ್ತಡೇ ಸಾರ್...ನನ್ನಮ್ಮ ಬೆಳಗ್ಗೆ ಆಫೀಸಿಗೆ ಹೋಗೋ ಮುಂಚೆ ನನ್ನನ್ನು ಏಳಿಸಿ ಎಣ್ಣೆನೀರ್ ಹುಯ್ದು ದೇವರ ಮುಂದೆ ದೀಪ ಬೆಳಗಿಸಿ ಕೈನಲ್ಲಿ ಈ ಕವರ್ ಕೊಟ್ಲು ಸಾರ್. ಒಳಗೆ ನೋಡಿದ್ರೆ ಆಕೆ ಮೆಚ್ಚೆ ತಂದಿದ್ದ ಒಂದು ಹಾಫ್ ಶರ್ಟು. ಆಕೆ ಎಷ್ಟು ಪ್ರೀತಿಯಿಂದ ನನಗೋಸ್ಕರ ತಂದಿದ್ಲು ಸಾರ್ ಆದ್ರೆ ಆ ಘಳಿಗೇಗೆ ನನ್ನ ಬುದ್ಧಿಗೆ ಅದೇನ್ ಮಂಕು ಬಡಿದಿತ್ತೋ ಪ್ಯಾಕೆಟ್ ತೆಗೆದು ಶರ್ಟ್ ನೋಡ್ತಿದ್ದವನೆ 'ಇದೇನ್ ಇಂಥಾದ್ ತಂದಿ...ಒಳ್ಳೇ ಡ್ರೈವರುಗಳು ವಡೆ ಮಾರೋರು ಹಾಕ್ಕೊಳೋ ಥರಾ ಇದೆ ಅಂದ್ಬಿಟ್ಟೆ' ಆಕೆ ಏನೂ ಮಾತಾಡದೆ ಹಾಗೇ ಹೊರಟುಹೋದ್ಲು. ಸ್ವಲ್ಪ ಹೊತ್ತಿನ ಮೇಲೆ ನನಗೆ ನನ್ ತಪ್ಪಿನ ಅರಿವಾಗಿದ್ದು' ಅಂದ್ಮುಗಿಸಿ ದುಃಖ ಒತ್ತಿಕ್ಕಿ ಬಂದವನಂತೆ ಬಿಕ್ಕಿ ಬಿಕ್ಕಿ ಅತ್ತುಬಿಟ್ಟ ಆಸಾಮಿ.
ನೋಡಿ ನಾವು ಏನೆಲ್ಲಾ ಮಾಡ್ತೀವಿ ನಮ್ಮನ್ನ ನಮ್ಮವರನ್ನ ಸಂತೋಷವಾಗಿಡೋಕೆ..ಆದ್ರೆ we forget one fundamental thing ಕಣ್ರೀ. ಥಟ್ ಅಂತ ಯೋಚನೆ ಮಾಡದೆ ಮಾತಾಡೋದ್ ಇದ್ಯಲ್ಲ ಅದು very dangerous.ಆ ತಾಯಿ ನಮಗೋಸ್ಕರ ಏನೆಲ್ಲ ಮಾಡಿರ್ತಾಳೆ..ಎಷ್ಟೆಲ್ಲ ಕಷ್ಟ ಅನುಭವಿಸಿರ್ತಾಳೆ ಅದನ್ನೆಲ್ಲ ಮರ್ತು ನಮಗೋಸ್ಕರ ನಮ್ಮ ಸಂತೋಷಕ್ಕೋಸ್ಕರ ಏನೋ ಕೈಲಾದದ್ದು ಮಾಡ್ತಾಳೆ.ನಾವು ಅದಕ್ಕೆ ಸದಾ ಋಣಿಗಳಾಗಿರ್ಬೇಕು. ನಮ್ಮಲ್ಲಿ ಎಷ್ಟು ಜನ ಹೀಗೆ ಥಟಕ್ಕಂತ ಹಿಂದಿರುಗ್ಸಿ ಅಂದಿರ್ತೀವಿ ಯೋಚನೆ ಮಾಡಿ.ಆ ತಾಯಿ, ಹೆತ್ತ ಕರುಳು ಅದು. ಮಗು ಒದ್ರೂ ಆನಂದವೇ ಇಸ್ಸೀ ಮಾಡ್ಕೊಂಡ್ರೂ ಆನಂದವೇ ಆ ಜೀವಕ್ಕೆ...ಆದ್ರೆ ವಯಸ್ಸಾದ ಕಾಲದಲ್ಲಿ ಮಾತ್ರ ಒದೀಬೇಡಿ ಕಣ್ರೀ ತಡ್ಕಳಲ್ಲ ಜೀವ...ಆಕೆ ಕಟ್ಟಿಕೊಂಡಿರೋ ಅಷ್ಟೂ ಕನಸುಗಳು ಮಖಾಡೆ ಮಲಕ್ಕೊಂಡುಬಿಡ್ತಾವೆ ಹಾಗೇನಾದ್ರು ಮಾಡಿದ್ರೆ.

ಜಯಪ್ರದಾ ಇನ್ನೂ ಮುಸಿಮುಸಿ ಅಂತಲೇ ಇತ್ತು. ಸಂಜೆ ಹೊತ್ತಿಗೆ ಮನೆಗೆ ಹೋಗಿ ನಿನ್ನಮ್ಮನನ್ನ ಕರ್ಕೊಂಡು ದೇವಸ್ಥಾನಕ್ಕೆ ಹೋಗಿಬಾ..ಹಾಗೇ ಆಕೆಗೆ ಇಷ್ಟವಾದ ತಿಂಡಿಯೋ ಸ್ವೀಟ್ಸೋ ಕೊಡಿಸು. ನೀ ಮಾಡಿದ್ದು ತಪ್ಪು..ಅದರ ಪ್ರಾಯಶ್ಚಿತ್ತವಾಗ್ಬೇಕು...ನಿನ್ನ ತಪ್ಪು ನಿನಗೇ ಗೊತ್ತಾಗಿ ಅದರಿಂದ ನಿನ್ನ ಮನಸ್ಸು ಹೀಗೆ ವಿಲವಿಲ ಒದ್ದಾಡ್ತಿದೆ ಅಂದ್ರೆ I can imagine. Take a day off ಅಂದು ಕಳಿಸಿಕೊಟ್ಟೆ.

ಹಿಮಾಲಯದರ್ಶನ ಮತ್ತು ಆಫ್ಘನ್ ಸವಾರಿ ಪುಸ್ತಕಗಳ ಕೆಲಸ ಭರದಿಂದ ಸಾಗ್ತಿದೆ. A promise is a promise. ಅಕ್ಟೋಬರ್ ಕೊನೆ ಹೊತ್ತಿಗೆ ಎರಡೂ ನಿಮ್ಮ ಕೈಸೇರುವ ಹಾಗೆ ಮಾಡೋಕೆ ದುಪ್ಪಟ್ಟು ಶಕ್ತಿ ನನಗೆ ಸಿಗಲಿ.
Good night.
----------------------------------------------------------------------------------------------------------------------------------

ಮಾನ್ಯ ಸೇತುರಾಂ ಹಾಗೂ ರವಿ ಬೆಳಗೆರೆಯ ಕ್ಷಮೆ ಕೋರುತ್ತಾ... ಇದಕ್ಕೆ ಇಲ್ಲಿ ತೆರೆ ಎಳೀತೇನೆ. :)
(ಇನ್ನೂ ಹಲವರ ಸ್ಟೈಲಿನ experiments draft ನಲ್ಲಿ ಹಾಗೇ ಉಳಿದಿದೆ. ಮುಂದಿನ ಭಾಗದಲ್ಲಿ ಸಾಧ್ಯವಾದ್ರೆ ಹಾಕ್ತೇನೆ)

ಚಿತ್ರ ಕೃಪೆ:
* SN Sethuram
* Ravi Belagere

ಅಣಕ - Spoof

2010-07-18T03:41:00.004-04:00

ಮಾನ್ಯ ಜಯಂತ್ ಕಾಯ್ಕಿಣಿ ಹಾಗೂ ಸಂತ ಶಿಶುನಾಳ ಷರೀಫರ ಕ್ಷಮೆ ಕೋರುತ್ತಾ, ಎಂದಿನಂತೇ, ನನ್ನ ಅಚ್ಚುಮೆಚ್ಚಿನ ಎರಡು ಹಾಡುಗಳಿಗೆ ಹೊಸ ಹಣೆಬರಹ ಬರೆವ ನನ್ನ ಹುಂಬತನವಷ್ಟೇ.ನನ್ನೊಡನೆ ನೀವೂ ಒಮ್ಮೆ ಓದಿ, ನಕ್ಕು, ಸುಮ್ಮನಾಗುವುದಷ್ಟೇ ಈ ಪ್ರಯತ್ನದ ಹಿಂದಿರುವ ಉದ್ದೇಶ :)

೧. ಹಾಡು: ಎಲ್ಲೋ ಮಳೆಯಾಗಿದೆಯೆಂದು ತಂಗಾಳಿಯು ಹೇಳುತಿದೆ...
ಸಾಹಿತ್ಯ: ಎಲ್ಲೋ ಮಳೆಯಾಗಿದೆಯೆಂದು ತಂಗಾಳಿಯು ಹೇಳುತಿದೆ...
ರಚನೆ: ಜಯಂತ ಕಾಯ್ಕಿಣಿ
ಚಿತ್ರ: ಮನಸಾರೆ

ಎಲ್ಲೋ ಕೊಲೆಯಾಗಿದೆಯೆಂದು ಹದ್ದೊಂದು ಹೇಳುತಿದೆ...
ಇಲ್ಲೇ ಕೊಲೆಯಾಗಿದೆಯೆಂದು ಕಾಗೆಗಳಿಂದು ಅರಚುತಿವೆ...
ಕಡುವಾಸನೆ ಮೂಗಿಗೆ ಬಡಿದಿರಲು...ಸುಮ್ಮನೆ ಕೂರಬಹುದೆ?
ಹೆಣ ನೋಡಿದ ಮೇಲೆಯೂ ಮೂರ್ಛೆ ತಪ್ಪಿ... ಬೀಳದೆ ಇರಬಹುದೆ? ಎ ಎ ಎ

ಎಲ್ಲೋ ಕೊಲೆಯಾಗಿದೆಯೆಂದು ಹದ್ದೊಂದು ಹೇಳುತಿದೆ...
ಇಲ್ಲೇ ಕೊಲೆಯಾಗಿದೆಯೆಂದು ಈ ಗಾಳಿಯೂ ಹೇಳುತಿದೆ...

ಇಲ್ಲಿ ಬಾಲವು ಇರುವುದೇ ಹಿಡಿದೆತ್ತಿ...ಸತ್ತಿಲಿ ಎಸೆಯೋಕೆ...
ಖಾಲಿ ಸೈಟಲಿ ಎಸೆದ ಹೆ(ಗ್ಗ)ಣಕೆ...ಈ ಗತಿ ಬರಬೇಕೆ...ಎ ಎ ಎ

ಇಲ್ಲೇ ಕೊಲೆಯಾಗಿದೆಯೆಂದು ನನಗಿಂದು ತಿಳಿಯುತಿದೆ...
ಇವರೇ ಕೊಲೆಗಾರರು ಎಂದು... ಬರಲಿಂದು ಹೇಳುತಿದೆ ಎ ಎ ಎ...

೨. ಹಾಡು: ಸೋರುತಿಹುದು ಮನೆಯ ಮಾಳಿಗಿ (ಸಿ.ಅಶ್ವಥ್)
ಸೋರುತಿಹುದು ಮನೆಯ ಮಾಳಿಗಿ (ರಘು ದೀಕ್ಷಿತ್)
ಸಾಹಿತ್ಯ: ಸೋರುತಿಹುದು ಮನೆಯ ಮಾಳಿಗಿ
ರಚನೆ: ಸಂತ ಶಿಶುನಾಳ ಷರೀಫರು

ರೆ ರೆ ರೆ ರೆ ರೇ............ರೆ ರೆ ರಾ ಆ ......
ರೆ ರೆ ರೆ ರೇ...............ಏ... ಹೇ.........

ಏರುತಿಹುದು ಮನೆಯ ಬಾಡಿಗೀ
(ಮಾಹಿತಿ) ತಂತ್ರಜ್ಞಾನದಿಂದಾ...
ಏರುತಿಹುದು ಮನೆಯ ಬಾಡಿಗಿಈ ಈ ಈ

ಏರುತಿಹುದು ಮನೆಯ ಬಾಡಿಗೀ
ಯಾರು ಪ್ರಶ್ನೆ ಮಾಳ್ಪರಿಲ್ಲ...
ಏರುತಿಹುದು ಮನೆಯ ಬಾಡಿಗೀ ಈ ಈ
ಯಾರು ಪ್ರಶ್ನೆ ಮಾಳ್ಪರಿಲ್ಲ..

ಕಾಳಕತ್ತಲೆ ಒಳಗೆ ನಾನು
ಮೆಟ್ಟಿಲೇರಿ ಹೋಗಲಾರೆ
ಏರುತಿಹುದು ಮನೆಯ ಬಾಡಿಗೀ
(ಮಾಹಿತಿ) ತಂತ್ರಜ್ಞಾನದಿಂದಾ...
ಏರುತಿಹುದು ಮನೆಯ ಬಾಡಿಗೀ..

ಮುರುಕು ಒಲೆಯು ಕೊಳಕು ಬಚ್ಚಲು
ಕೊರೆದು ಸರಿದು ಬಿಲದಿ ಸುಂಡಿಲಿ
ಮುರುಕು ಒಲೆಯು ಕೊಳಕು ಬಚ್ಚಲು
ಕೊರೆದು ಸರಿದು ಬಿಲದಿ ಸುಂಡಿಲಿ

ಹರಕು ಚಪ್ಪಲಿ ಕೇರು ಮಾಡದೆ
ಮೇಲಕ್ಕೇ..ರಿ ಮುಟ್ಟಲಾರೆ
ಏರುತಿಹುದು ಮನೆಯ ಬಾಡಿಗೀ..
(ಮಾಹಿತಿ) ತಂತ್ರಜ್ಞಾನದಿಂದಾ...
ಏರುತಿಹುದು ಮನೆಯ ಬಾಡಿಗೀ..

ಶ್ರೀಕಾಂತ ಕೇಳೋ ಕರುಣದಿಂದ
ಬಂತು ಕಾಣೆ ಹಣದುಬ್ಬರದ ಮಳೆಯು
ಶ್ರೀಕಾಂತ ಕೇಳೋ ಕರುಣದಿಂದ
ಬಂತು ಕಾಣೆ ಹಣದುಬ್ಬರದ ಮಳೆಯು

ಎನ್ನ ಮನೆಯ ಮಾಲೀಕ ನೀನು
ರೆ ರೆ ರೆ ರೆ ರೇ............ರೆ ರೆ ರಾ ಆ ......
ರೆ ರೆ ರೆ ರೇ...............ಏ... ಹೇ.........
ಎನ್ನ ಮನೆಯ ಮಾಲೀಕ ನೀನು

ಬಾಡಿಗೆಯಿಳಿಸಿ ಪೊರೆವನೆಂದು ನಂಬಿದೆ...
ಏರುತಿಹುದು ಮನೆಯ ಬಾಡಿಗೀ....

Raajneeti - 2010 (Hindi/Colour)

2010-06-06T17:33:00.005-04:00

Poor characterisation, artificially induced pace, deliberate scene_jump_editing, direct lift off of ideas from movies like Virasat (Thevar Magan), Godfather, Ingloreous Basterds and the Mahabharat like dialogues does not really gel into the plot of Rajneeti.

Rajneeti is supposedly a movie about the most debated Indian political scene relating/resembling the biggest names in great Indian Political League (IPL!). With the promos and the reputation the movie and its director carried created a huge expectation and I felt cheated after watching this flick. Movie fails to entertain big time and could have been a very well made docu-drama-blockbuster.

I could not agree on many trivial points and the director fails miserably to convince while employing the ideas from other masterpieces. The characterisation of the movie is hugely based on Mahabharatha and to spice it up a bit, character shuffling technique is used. There is no good/bad sides of any character in the movie which is an amazing fact but the director fails again to capitalise on such a brave attempt

* Foriegn returned chota rajkumar Samar Pratap (Ranbir Kapoor) wants to settle things with his cousin brother Veerendra Pratap (Manoj Bajpai), takes up the responsibility to support his own brother post his dad's assasination. Objective here is to make the elder brother the CM of the state under any circumstance. A heavy influence of Thevar magan/Virasat and the masterpiece Godfather seeps in here. Director fails miserably to have chosen such a cliched thread to weave his storyline. So much so that the paralysed Tauji/Uncle remains a helpless mute spectator for the attrocities around him just like the one from Thevar Magan/Virasat.

*Ranbir's (Samar) elder brother Arjun Rampal (Pruthvi) & the phoren bahu (Supposedly Sonia) gets killed in a car bomb very similar to the way Appollonia is killed in Godfather.

* The scene where Manoj Bajpai's best man is threatened is a direct lift off from Godfather where Woltz wakes up one early morning and feels something wet in his bed. He pulls back the sheets, and finds himself in a pool of blood with the severed head of his horse.

* Manslaughter of SP Sharma by Arjun Rampal using a baseball bat seems very similar to Donny Donowitz a.k.a Bear Jew from Inglorious Basterds.

* Many dialogues in the movie sounds very indiscreet with the tone of Mahabharat. As rightly pointed out by a friend of mine (Bhaskar) dialogues like 'Surya, tum mere jyesht putra ho' kinda tickles my funny bone while its supposed to be a damn serious situation in the movie where the mother meets her son who was a result of her pre-marital relationship with Naseeruddin Shah. Nana Patekar (Brij Gopal) carries the shades of Shakuni mama helping Ranbir (Samar) plan his moves while Manoj Bajpai (Veeren) becomes the Dhuryodhan by sheltering orphaned Ajay Devgan (Suraj Kumar).

Well, that reminds me of the fact that there are too many people and too many characters in the movie which confused me for almost 20mins and I had to think for a while to gather the info on who's who. Talents like Naseeruddin Shah, Nana Patekar, Darshan Zariwala, Ajay Devgan are blatantly wasted on screen. Ranbir has tried his best to hold on to the serious schmuck face but Arjun Rampal's voice modulation wont help him too much. He still comes with the oldschool mindset that intense acting means screaming! No sir. sorry. Manoj Bajpai's come back after a gap shows evidently that he does not look too healthy. Nana Patekar carries the smirky face whole through the movie with not much of a bandwidth provided for his acting. Naseeruddin Shah's screen presence is limited to not more than 7min but doesnt fail to deliver what he does the best. Katrina Kaif definitely has shown some improvement and would love to see her in similar characters.

The climax seems to be a spoof on all the Mithun da flicks which came in 90s where no matter what, everyone in the movie meets in a discarded garage/factory outside of the city and someone important getting killed there in an open fire.Sigh!

On a lighter note - the movie looks like a desi adaptation of Terminator - a man(machine) coming down from elsewhere going on a killing spree just to save someone.

I had thought its the most unimaginable idea when Ashutosh Gowarikar made a desi NASA Scientist (SRK) working on Global Precipitation System to fly down and stay back in India to generate hydro-electricity for an entire village using a dynamo in Swades.
But, Mr.Prakash Jha beats that idea by miles! He makes a PhD in some_random_18thCentury_victorian_poetry student to come down to India and redefine the local political scene here in an Indian state just by planning 'Shadyantras' and 'Betrayals' and even flying away back to US with no trials for killing so many people.

Rated : 2 Stars on 5

Kites - 2010 (Hindi/Spanish - Colour)

2010-05-22T22:30:00.007-04:00

Kites in the sky....

Soaring together....

Lovers....

Forever.....

What a dumb flick this turned out to be!

Half a star for the songs in the order of preference:

1. Zindagi...
2. Kites in the sky (Purely for the voice of Hrithik..This man amazes me so much with his talent!)
3. Dil kyun yeh mera....

Half more for:
a. Hrithik's Jesus Christ look
b. Barbara Mori (mmmmmmmm)
c. Few well shot frames/songs, location and landscapes

Rakesh Roshan might have thought - 'I have an immensely talented 11 fingered son, an imported bombshell and a brother who can churn out 90s melodies even in 2010 and Why do I need a story/screenplay?'
Sorry sir, you half cooked a disaster in the name of Kites.

Not sure why would someone like Anurag Basu even wear a director's cap when the screenplay or the storyboard is not even in place and for sure 'Main ullu ka patthi' genre of jokes are so old that they are fossilis now. Sooper silly.

No character in the movie delivers a dialogue which is more than 10sec in length. Hrithik has got nothing to do other than to just show up!
Barbara Mori's (aka Barbara Drainage as christened by @Suhas CS :P ) bimbo attitude is such a passe. Kangana Ranaut might have been tricked by saying she has a meaty pivotal role to play and may be Kabir Bedi had to pay his debt to Rakesh Roshan from Khoon Bhari Maang times which led them both to act in this flick!
The only funny part of the whole movie was the American side artists who comes in as Police, drivers, Goondas, Bank officials etc
Glad that they were not made to deliver dialogues in Hindi.

Anurag Basu - Guess its time for some introspection especially after giving us movies like Gangster, Life in a Metro...a lot of expectation on Kites goes down the drain :/

I wish the Roshans all the best and Im sure they can do a lot better than this - if not collectively, atleast individually :)

Rated 1 on 5

Inglorious Basterds - 2009 (English/German/French - Colour)

2010-04-06T17:58:00.008-04:00

Ingloreous Basterds (IMDB) - "Once upon a time in Nazi occupied France..."
Quentin Tarantino once again produces a signature style and can't be more close to making an epic cult-classic.
Christoph Waltz (Col. Hans Landa) proves his mettle with his onscreen eccentricity and I wasnt surprised by the fact that he walked away with the most prestigious award this year for his impeccable performance. He ends up being one of the only 8 actors to have won the Academy Award, BAFTA Award, Critics' Choice Award, Golden Globe Award and SAG Award for the same performance. He joined the elite club of fellow performers like Forest Whitaker (The Last King of Scotland 2006), Javier Bardem (No Country for Old Men 2007), Daniel Day-Lewis (There Will Be Blood 2007) and Heath Ledger (The Dark Knight 2008).
Brad Pitt (Lt. Aldo Raine), Diane Kruger(Bridget von Hammersmark) & Mclanie Laurent (Shosanna Dreyfus) have done justice with the available screenspace.I felt Brad's american accent was a bit overdone though.

The most impressive and exuberant experience I had watching this flick was with the Cinematography and the BGM department. Bravo..Bravo!!

I simply loved this movie for its onscreen charm and the typical Quentin's chapterwise introduction to each segment. Story spans across 5 chapters each one of them having a unique storytelling technique and finally converges into the crux of the plot - killing of Hitler.
Chapters:
1. Once Upon a TimeIn Nazi Occupied France
2. Inglourious Basterds
3. German Nights in Paris
4. Operation Kino
5. Revenge of the Giant Face

The "blood"y shades of violence is very much expected alike any of QT's other flicks. Being a keen follower of this guy right from Reservoir Dogs to Pulp Fiction to Desperado to Kill Bill, I always loved his animated sense of violence and surprises me everytime to see how the heck this guy manages not to make anything look gross onscreen!
I would definitely recommend this movie if not for the storyline, starcast, director but for the mere excellence in Cinematography & BGM.
Hatsoff folks!

Rated 4.5 on 5

ಅತಿ ಸಣ್ಣ ಕತೆಗಳು

2010-03-17T16:37:00.001-04:00

Ernest Hemingway ಹೀಗೊಂದು ಕತೆ ಬರೀತಾರೆ. ಅದು ಕೇವಲ ಆರೇ ಪದಗಳಲ್ಲಿ! ಇದು ತನ್ನ ಅತ್ಯುತ್ತಮ ಕೃತಿಗಳಲ್ಲಿ ಒಂದು ಅಂತಾರೆ ಕೂಡಾ.

"For sale: baby shoes, never worn."
"ಕುಲಾವಿಯೊಂದು ಮಾರಾಟಕ್ಕಿದೆ. ಎಂದೂ ಉಪಯೋಗಿಸಿಯೇ ಇಲ್ಲ!"

ಹಾಗೇ Augusto Monterroso ತಮ್ಮ "El Dinosaurio" ("The Dinosaur") ಅನ್ನೋ ಅತಿಸಣ್ಣ ಕಾಲ್ಪನಿಕ (fiction) ಕತೆಯೊಂದನ್ನ ಬರೀತಾರೆ.
ಇಡೀ ಕತೆ ಕೇವಲ ಎಂಟು ಪದಗಳನ್ನೊಳಗೊಂಡಿದ್ರೂ ಓದಿದ ಬಳಿಕ ಓದುಗನನ್ನ ಯೋಚನೆಗೆ ಹಚ್ಚೋದ್ರಲ್ಲಿ ಸೋಲುವುದಿಲ್ಲ.

Cuando despertó, el dinosaurio todavía estaba allí.
("When [s]he awoke, the dinosaur was still there.")
"ಅವನಿ(ಳಿ)ಗೆ ಎಚ್ಚರವಾದಾಗ, ಡೈನೋಸಾರ್ ಇನ್ನೂ ಅಲ್ಲೇ ಇತ್ತು."

ಇದೇ ತೆರನಾಗಿ Wired.com, Story Bytes ಅನ್ನೋ ಕೆಲವು ವೆಬ್ಸೈಟುಗಳೂ ವಿವಿಧ ಲೇಖಕರಿಂದ ಅತಿಸಣ್ಣ ಕತೆ ಬರೆಸುವ ಪ್ರಯತ್ನ ಮಾಡಿ ಯಶಸ್ವಿಯಾಗಿದೆ. ಅದೇ ರೀತಿ ಆರ್ಕುಟ್ಟಿನಲ್ಲಿ ಕನ್ನಡ ಕವಿತೆ, ಕಥೆ - ವಿಭಾಗ ಅನ್ನೋ ಕಮ್ಯುನಿಟಿಯ ಸದಸ್ಯರೆಲ್ಲ ಸೇರಿ ಮಾಡಿದ ವಿಶೇಷ ಪ್ರಯತ್ನಗಳು ಕೂಡಾ ಒಂದು. ಫೆಬ್ರವರಿ 2008ರಿಂದ ಈಚೆಗೆ ಅಲ್ಲಿದ್ದ ನನ್ನ ಕೆಲವು ಪ್ರಯತ್ನಗಳನ್ನ ಕ್ರೋಢೀಕರಿಸಿ ಒಂದು ಬ್ಲಾಗ್ ಪೋಸ್ಟ್ ಮಾಡುವ ಇರಾದೆ ತುಂಬಾ ದಿನಗಳಿಂದಲೇ ಇತ್ತಾದ್ರೂ ಸದಾ ಕಾಡುವ/ಕೊಡುವ 'ಕೆಲಸದೊತ್ತಡ','ಟೈಮಿಲ್ಲ','ಬರ್ಯೋಕ್ ಸಾವ್ರ ಐಡಿಯಾಗಳಿವೆ ಆದ್ರೆ ಬರ್ಯಕ್ಕಾಗ್ತಿಲ್ಲ' ಅನ್ನೋ ಸುಳ್ಳು-ನೆಪಗಳಲ್ಲೇ ಮುಳುಗಿಹೋಗಿದ್ದೆ. ಆಗಿದ್ದಾಗ್ಲಿ ಅಂತ ಕೂತು ಎಲ್ಲವನ್ನೂ ಹೆಕ್ಕಿ ತಂದು ಒಂದುಮಾಡಿ ಇಲ್ಲಿರಿಸಿದ್ದೇನೆ.

೧. "ಮೇನಕೆಯ ಶುಭ್ರಶ್ವೇತ ವಸ್ತ್ರಗಳು ಇನ್ನೂ ಮರದಬುಡದಲ್ಲೇ ಬಿದ್ದಿತ್ತು"

೨. ಒಣಗಿದ ಜಮೀನಿನ ಮಧ್ಯದಲ್ಲ್ಲಿಬಿದ್ದಿದ್ದ ಮುದುಕ ಮುದ್ದೇಗೌಡನ ಶವ ಆಗಸದೆಡೆಗೆ ಇನ್ನೂ ಆಸೆಯ ನೋಟ ಬೀರುತ್ತಲೇ ಇತ್ತು.

೩. ವಿಪರ್ಯಾಸ : ರಾಜ್ಯ ಮಟ್ಟದ ಮ್ಯಾರಾಥಾನ್‍ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗಳಿಸಿದ್ದವನಿಂದು ಉಪ್ಪಾರಪೇಟೆ ಪೋಲೀಸ್ ಸ್ಟೇಷನ್ನಿನ ಕ್ರೈಂ ಬ್ರಾಂಚಿನಲ್ಲಿ ಹೆಡ್ ಕಾನ್ಸ್ಟೇಬಲ್ ಆಗಿದ್ದಾನೆ.

೪. ಕೇಡುಗಾಲ : ಅವರೆಲ್ಲರೂ ಸಹಬಾಳ್ವೆ ನಡೆಸುತ್ತಾ ಸುಖವಾಗಿರುವಾಗಲೇ, ಗೂಗಲ್ ಆರ್ಕುಟ್ಟನ್ನು ಮಾರಿಬಿಡುವ ಹೊಂಚು ಹಾಕಿತು.

೫. ಸುನಾಮಿ : ದಿನಾವೂ ಶಾಂತವಾಗಿ ಸಂಜೆ ಸೂರ್ಯನನ್ನು ನುಂಗುತ್ತಿದ್ದ ಕಡಲು ಇಂದೇಕೋ ರಚ್ಚೆ ಹಿಡಿದ ಮಗುವಿನಂತೆ ವಾಕರಿಸುತ್ತಿದೆ!

೬. ಮೊದಲೇ ಲೇಟಾಗಿದೆ, ಅವಸರವಸರವಾಗಿ ಹಲ್ಲುಜ್ಜಿಕೊಂಡು ಸೊರ್ರನೆ ಕಾಫಿ ಹೀರಿದೆ;
ಬೇಗ ಶೇವ್ ಮಾಡಿಬಿಡೋಣಾಂತ ಕೆನ್ನೆಗೆ ಬ್ರಶ್ ತಗುಲಿಸಿದಾಗ ಯಾಕೋ ಏನೋ ಕ್ಲೋಸಪ್ ವಾಸನೆ ಬರ್ತಿದೆ!

೭. ಪದ-ಪದಗಳ ನಡುವೆ ನಾಮಪದಗಳ ತುರುಕಿ ಕ್ರಿಯಾಪದಗಳ ಸೇರಿಸಿ ಆಡುತ್ತಿದ್ದ ಅವರಿಬ್ಬರಿಗೂ ಆ ಪದಗಳು ಕೇವಲ 'ಪದ'ಗಳಾಗಿ ಉಳಿಯದೆ 'ಪದ್ಯ'ವಾಗಿದ್ದರ ಅರಿವೇ ಇರಲಿಲ್ಲ!

೮. ನೆನಪಿಗೂ ಮರೆವಿಗೂ ಮದುವೆಯಾಗಿದ್ದನ್ನು ಅವನು ಮರೆತುಬಿಟ್ಟಿದ್ದ. ಅವಳು ನೆನಪಿಸುತ್ತಲೇ ಇದ್ದಳು!

೯. ಬಾಂಬು ಬಾಂಬೆಂದು ಬೊಬ್ಬೆ ಹೊಡೀತಿದ್ದ ಜನರ ಮಧ್ಯೆ ಹೋಗಿ ಲೈವ್ ಕವರೇಜ್ ಮಾಡಬೇಕಿದ್ದ ಟಿವಿ9 ವರದಿಗಾರ್ತಿಯೊಬ್ಬಳಿಗೆ ತಕ್ಷಣಕ್ಕೆ ಮ್ಯಾಚಿಂಗ್ ಬ್ಲೌಸ್ ಸಿಗದಾಯಿತು!!!

೧೦. "ಹಲೋ...ಹುಷಾರಾಗಿ ಊರು ತಲುಪಿಕೊಂಡ್ಯಾ?ನಾಯಂಡಹಳ್ಳಿ ಹತ್ರ ಮೈಸೂರ್ ರೋಡ್ ಬ್ಲಾಕ್ ಅಂತಿದ್ರು, ನಿಂಗೇನೂ ತೊಂದ್ರೆ ಆಗ್ಲಿಲ್ಲ ತಾನೆ?ಅಮ್ಮ ಹುಷಾರಾಗಿ ಬಂದ್ರ?"; "ಸ್ಸಾರಿ....ರಾಂಗ್ ನಂಬರ್"

೧೧. ಕರಿಮಲೆಯ ಕಗ್ಗತ್ತಲಿನಲ್ಲಿ ಸುಂಯ್‍ಗುಡುವ ಕುಳಿರ್ಗಾಳಿಯಲ್ಲೇ, ಉಳಿದಿದ್ದ ಆ ಕಡೇ ಬೆಂಕಿಕಡ್ಡಿಯನ್ನು ಆಕೆ ಗೀರಿಯೇಬಿಟ್ಟಳು...

೧೨. ಬಕ್ರೀದಿಗಾಗಿ ಬೆಂಗಳೂರಿಗೆ ಬಂದಿದ್ದೊಂಟೆಯೊಂದು ಬಿಸ್ಲೇರಿಯಿಲ್ಲದೆ ಬಾಯಾರಿ ಬಳಲಿ ಬೆಂಡಾಗಿ ಕಡೆಗೆ ಬೆನ್ನ ಮೇಲಿನ ಡುಬ್ಬದ ನೀರು ಕುಡಿದು ಸುಮ್ಮನಾಯಿತು!!!

೧೩. ಮೈತುಂಬ ಸಾಲ ಮಾಡಿಕೊಂಡಿದ್ದವನಿಗೆ ಬಂಪರ್ ಲಾಟರಿ ಹೊಡೆದು ಅಹೋರಾತ್ರಿ ಕೋಟ್ಯಾಧಿಪತಿಯಾಗಿಬಿಟ್ಟ.

೧೪. ಪ್ರಕಟಣೆ: ಹುಡುಕಿಕೊಟ್ಟವರಿಗೆ ಇಪ್ಪತ್ತೈದು ಸಾವಿರ ರೂಪಾಯಿ ನಗದು ಬಹುಮಾನ.

೧೫. ಮೌನ ಮಾತಾದಾಗ :
...
... ...
... ... ...
'ಆಫೀಸಿಗೆ ಹೊತ್ತಾಯ್ತು ಬೇಗೆದ್ದು ಹೊರಡ್ಬೇಕಂತೆ ಅನ್ನು ನಿಮ್ಮಪ್ಪಂಗೆ'

೧೬. 'ಹಾಲುಂಡ ತವರು' ಸಿನಿಮಾ ನೋಡಿದವಳು ಕಣ್ಣೊರಿಸಿಕೊಳ್ಳುತ್ತಾ ತನ್ನ ಗಂಡನಿಗೆ ಫೋನಾಯಿಸಿ "ಈ ವೀಕೆಂಡ್ ನಿಮ್ಮನೆಗೆ ಹೋಗಿ ನಿಮ್ಮಪ್ಪಾಮ್ಮನ್ನ ಮಾತಾಡಿಸಿಕೊಂಡು ಬರೋಣಾ ಕಣ್ರೀ" ಅಂದ್ಲು.

೧೭. "ರೀಟೇಲ್ ದರದಲ್ಲಿ ವ್ಹೋಲ್‍ಸೇಲ್ ಮಾರಾಟ" ಅಂತ ಅವನೆಷ್ಟು ಕೂಗಿದರೂ ಒಬ್ಬ ಗಿರಾಕಿಯೂ ಹತ್ತಿರ ಬರಲಿಲ್ಲ!

೧೮. ಚಿಂದಿ ಚಿತ್ರಾನ್ನ.ಕಡ್ಲೆಕಾಯಿ ಒಗ್ಗರಣೆ.ಉಪ್ಪು ಸ್ವಲ್ಪ ಮುಂದಾಯ್ತು

೧೯. ಹೊಸದಾಗಿ ತಂದ ಎಮರ್ಜೆಂಸಿ ಲ್ಯಾಂಪನ್ನು ಉಪಯೋಗಿಸುವುದು ಹೇಗೆಂದು ಕೈಪಿಡಿಯನ್ನು ಬಿಡಿಸಿ ಓದುತ್ತಿರುವಾಗಲೇ ಕರೆಂಟ್ ಹೋಗಿ ಕಾರ್ಗತ್ತಲಾವರಿಸಿತು.

೨೦. ಅವನಂದುಕೊಂಡಂತೆ ಎಲ್ಲವೂ ಸಾಂಗವಾಗಿಯೇ ನಡೆಯಿತು. ಅವಳ ಕೊನೆಯವರೆಗೂ...

೨೧. ಆಕೆಯಿಂದ ಪಡೆದುಕೊಂಡಿದ್ದ ಮುತ್ತುಗಳನ್ನು ಜತನವಾಗಿ ಕಾಪಾಡಿ ಈಕೆಯನ್ನು ತೊರೆಯುವ ದಿನ ಇವಳಿಗೊಂದು ಸುಂದರ ಮುತ್ತಿನಹಾರವಾಗಿಸಿ ಕೊಟ್ಟ

೨೨. ಯಾವುದೋ ನಿರೀಕ್ಷೆಯಲ್ಲಿದ್ದವಳು ಧಿಗ್ಗನೆದ್ದು ದೇವರ ಮುಂದೊಂದು ತುಪ್ಪದ ದೀಪ ಹಚ್ಚಿಟ್ಟು, 'ದೇವ್ರೆ, ನಾನ್ ಪ್ರೆಗ್ನೆಂಟ್ ಆಗಿಲ್ದೇ ಇದ್ದಂಗ್ ನೋಡ್ಕೊಳಪ್ಪಾ' ಅಂದು ಬಚ್ಚಲುಮನೆ ಕಡೆ ನಡೆದಳು.

೨೩. ಆಸೆ : ತಿಳಿಗೊಳದಲೆಯಲಿಹ ತರಗೆಲೆಯಡಿ ತರಂಗವಾಗಬೇಕು ತಾನ್

೨೪. ಮಳೆ ನಿಂತು ಮೋಡಗಳೆಲ್ಲ ಸರಿದು 'ಸೂರ್ಯ' ಇನ್ನೇನು ಹೊರಗೆ ಇಣುಕಬೇಕೆನ್ನುವ ಹೊತ್ತಿಗಾಗಲೇ ರಾತ್ರಿಯಾಗಿತ್ತು.

೨೫. 'ಸಾಲಗೆ ದೊರವುದಿಲ್ಲ; ವರದರಾಜ ಬಾಣಾವರ; ಕನ್ನಡ ಗೊತ್ತಿಲ್ಲ'

ಯುಗಾದಿ ಹಬ್ಬದ ಹಾರ್ದಿಕ ಶುಭಾಶಯಗಳು

2010-03-16T01:00:00.001-04:00

"ವರುಷಕೊಂದು ಹೊಸತು ಜನುಮ
ಹರುಷಕೊಂದು ಹೊಸತು ನೆಲೆಯು
ಸಕಲ ಜೀವಜಾತಕೆ..."

ಸರ್ವರಿಗೂ ಯುಗಾದಿ ಹಬ್ಬದ ಹಾರ್ದಿಕ ಶುಭಾಶಯಗಳು..
ಬೇವು-ಬೆಲ್ಲ ಸಮನಾಗಿ ಹಂಚ್ಕೊಂಡ್ ತಿನ್ನಿ...
ನನ್ ಹೆಸ್ರಲ್ಲಿ ಎರ್ಡೊಬ್ಬಟ್ ಜಾಸ್ತೀನೆ ಇಳ್ಸಿ... :)

MNIK

2010-02-17T23:16:00.001-05:00

ಅರಿವು

2010-02-09T20:19:00.001-05:00

ಕಾಮ-ಕ್ರೋಧ-ಲೋಭ
-ಮೋಹ-ಮದ-ಮಾತ್ಸರ್ಯ
ಅರಿ-
ಷಡ್ವರ್ಗಗಳು
ಅರಿ
-ಯಾದಾಗಲೇ
ಬುದ್ಧನಾಗಲು ಸಿದ್ಧನಾದಂತೆ
ಎಂಬುದ
-ನರಿ
ನೀನು

ಚಿತ್ರಕೃಪೆ : CoSurvivor2010

Phir mile sur mera tumhaara....2010 (TV)

2010-01-27T00:37:00.005-05:00

I know, there's nobody who gives a sh** to what we write on FB, Twitter, Orkut or Blog; yet here are my 2 paise. :)
Phir Mile Sur... I guess the team has done a neat job. With all the FB status messages running around with mixed feelings, I imagined the video to be blasphemous. But, after I watched it, I thought I should put my POV here.

How long do we have to see India being associated "only" with Elephants, snakes and the mountains?
How long do we have to see "only" the aerial view of the Taj and the panning shot of the temples or the busy streets of Delhi6?
How long do we associate ourselves "only" with Bharatanatyam, Ghatam and Veena?
How long do we have to be content with the back waters of Kerala?

We have the Taj,elephants,snakes,bharatnatyam,veena and the back waters of Kerala for sure..also we should start accepting the Leh,Ladakh,Nilgiri Tahr,Saxophone,Guitar,Contemporary arts & dance forms,the uttaranchal and the Andamans...the new India...the Urban India..the Contemporary India...dont you think we need a facelift? We love the good 'old' silk sarees. Whats wrong in getting a nice Kurta stitched out of it? we still love the essence of the silk!

I truly feel proud for the way they have tried to portray the new-age,modern,urban India here in the video. The emerging global power..the economically potential India...the Urban India...the way we want the world to see us...

Yes, I completely agree...majority of the video is Bollywood centric...no denial. Coming from a country where we depend on selling car to scooter to chyavanprash to Cola to chaddi to pen through Bollywood, I dont have a problem this video being bollywood centric. Why not? especially when Bollywood plays a major responsible role in showcasing India in a good taste to the rest of the world? After all we have the 'Mistress of Spices' who 'Bends it like Bekham' for 'Namesake'.

In the recent times, it was the Rahamans and the Amir Khans who took us to the red carpets of the OScars...It was Aishwarya and Priyanka who took us to the Miss Worlds...It was the BigB who brought us the Miss Worlds...(Rani Jeyraj and her story became 'his'tory though! :P)
Brand BigB, Aish & SRK not only sells in India, but they still have the charm around the globe and are international best sellers!

Despite running with a risk of being overshadowed by their extremely talented parents, Anoushka Shankar, Rahul Sharma, Ayaan and Amaan ali khan, Deepika Padukone, Ambi Subramanyam have tried and made a mark for themselves remarkably well on the international arena. They bring in the that gush of fresh air for sure.

The message is very well conveyed throughout the song - on the 1st note the song itself feels so fresh. Indeed the magical music maestro ARR does his job here...Sivamani adds value too...the locations are not too jazzy..there is nothing extravagant...simple yet crisp n sharp cinematography...
Which place is that Aish n Abhishek walk by? Looked like an excavated Hanuman temple.
(Thank heavens..they did not make Shilpa Shetty do Yoga on snow capped mountains of Swiss Alps or made Juhi Chawla walk in the streets of Italy doing a lip sync!)

Shaan, Sonu, Shankar Ehsan Loy, Shreya Ghoshal are the true face of current indian music...Absolute ambassadors to the world music.We do have the classical singers
pitching in...No one can take away the charm that Zakir Hussain, Pt.Amjed Ali Khan or Bhupen Hazarika creates...
But, I did not understand why did Sonu have to have his bodyguards dressed up as civilians and stand next to him while he is enacting!

Its evident right through that we are ready to embrace the change..at the same time the video ascertains the point that we do respect the culture and heritage we come with...one foot firm on the ground, the other raised above, we stive for the star (reminds me of the previous logo from my previous employer! :))...we do make way for changes...we do accept the change with arms wide open...after all we come from the land of Krishna who preached the world - Change is the only Constant in life.

The father-son duo of Pt.Amjed ali Khan(trio here :P), AB & AB, L.Subramanyam and Ambi, Yesudas & Vijay Yesudas does convey the message aptly.

'ಹೊಸ ನೀರಿಗೆ ಹಳೆ ನೀರು ದಾರಿ ಮಾಡಿ ಕೊಟ್ಟಂತೆ'

Its the same with SRK, Salman making ways to Shahid n Ranbir Kapoor. Deepika looks stunning while Juhi needs a botox treatment at the earliest.(Or did it go wrong with the one she already has?!)
The best piece of collaboration was with the danseuse Shobana and Shyamak Dawar. We love the legacy...So do we the Contemporary.
I simply loved the idea of bringing in Vikram, Suriya, Mahesh Babu with Karthik giving a loveable melody in the background.I wonder when would the ever sexy Pazhasi Raja gets old? :) I would have loved to see Anil Kumble and Raghu Dixit donning the kannada lines. (With all due respect to LSubramanyam and family though)
Why did they have to skip the ever hummable line -'Nanna danige ninna daniya seridante namma daniya'

All said and done, I love change. I love the new song and I love the original one even more! :)

PS: To give equal opportunity and to respect the reservation quota for those who were part of the Original 'Mile Sur...', Im glad that Tushaar Kapoor and Mimoh Chakraborty are not included in the cast.

3 idiots - 2009 (Hindi Colour)

2010-01-10T02:54:00.002-05:00

Lesson learnt: Weighted combination of these parameters creates the magic.
Producer : Ex-Director who learnt the tricks of the trade hard way. [Remember Kareeb?? :)] Smart enough to keep himself busy pnly writing & producing movies.
Director/Editor : Creatively charged.Simple thinking and a man who believes in keeping things straight.Follows the hit formula religiously.
Protogonist : Perfection personified. Makes things so easier for the management to execute the project easily.
Audience: Hungry for effortless watching experience and ready to shell out millions in the 1st running week.
Supporting Cast : Mere presence. Stereotypical at times. Bearable though.
(I've started hating Boman Irani for the improvisation he brings in. He has lost it completely.I could relate him so much to Rangayana Raghu in the recent times.)

My take:
Screenplay is neat but for those stale jokes that has been tried n tested,dried n dusted in every college fest, company gatherings and get-together skits.
Could have saved some money spent on Kareena. Mighty impresed to see Parikshit Sahni and the librarian on big screen again. Javed Jafferey was underutilised. Could not comprehend the fact about the Uganda born Pondichery bred Chatur Ramalingam's Gujju accent!!

My Rating :

Did like the movie though.Would have loved if it was on 3D in an IMAX :)

ಯಾತ್ರೆ

2009-11-09T10:28:00.002-05:00

ಇರುಳ ಕತ್ತಲು
ಕೊರೆವ ಛಳಿ
ಘಂಟೆ ಮೂರಾದರೂ
ಬ್ಯಾಗುಗಳೊಡನೆ ಬಡಿದಾಟ

ಬೆಳಕು ಹರಿದು ಮತ್ತೆ,
ಮೂರು ಬಡಿವ ಹೊತ್ತೆ?
ಮನೆಯ ಕಡೆಗೆ ನನ್ನ ದಾರಿ :)
ವಿಚಿತ್ರ! ಈ ದೇಶದಲಿ ಸೂರ್ಯ ನೆತ್ತಿಗೆ ಬಂದದ್ದೇ ಇಲ್ಲ...

ಎಷ್ಟೇ ಕಡಿದರೂ, ಕಿತ್ತಾಡಿದರೂ
ಮೂವತ್ತಕ್ಕಿಂತ ಕಡಿಮೆಯಾಗದ
ಬ್ಯಾಗಿನ ತೂಕ, ನನ್ನ ವಯಸ್ಸಿನಂತೇ!
ಸಾಲದ್ದಕ್ಕೆ ಮರಿಬ್ಯಾಗಿನದೂ ಅದರರ್ಧದಷ್ಟು

ಬಟ್ಟೆ ಬರೆ ಕೋಟು ಬುಕ್ಕುಗಳಂತೆ;
ಕಂದಮ್ಮಗಳಿಗೆಂದೇ ತಂದ ಆನೆ,ಸಿಂಹ,ಕರಡಿಗಳಂತೆ;
ತುಳಿದು ಹೊಸಕಿದರೂ ಸವೆಯದ ಬೂಟುಗಳಂತೆ;
'Allowabel Baggage limit 30KG' ಅಂತೆ!

ಹಾಗೂ ಹೀಗೂ ಪರಿತಪಿಸಿ
ಬೇಕೇಬೇಕೆಂಬುದೆಲ್ಲವ ಗಂಟುಕಟ್ಟಿ
ಮಿಕ್ಕುಳಿದವುಗಳೆಡೆಗೆ ನಿಷ್ಟುರದ ನೋಟಬೀರಿ
ಹುಸಿನಗೆ ನಕ್ಕು ಮುಸುಕೆಳೆದುಕೊಂಡೆ

----*----

ಹನ್ನೆರಡರೊಳಗಲ್ಲಿರಬೇಕಿತ್ತು;
ಹತ್ತೂವರೆಯಾದರೂ ಎಚ್ಚರ ತಪ್ಪಿದ ನಿದ್ದೆ
ತಿಕ್ಕಿ ತೀಡಿ ತೊಳೆಯುವುದ
ನೆಲ
ಮುಗಿಸಿ ಟ್ಯಾಕ್ಸಿ ಕರೆದು ಕೂತಾಗ
ತುರ್ಕಿಸ್ಥಾನದವನೊಡನೆ ಲೋಕಾರೂಢಿ ಮಾತು

ಅಲ್ಲೋ...ಬ್ಯಾಗುಗಳ ಸರತಿ ಸಾಲು
ಎಳೆಯ,ಮಾಸಿದ-ಕಪ್ಪು ಕಂದು ಕೆಂಚು ಕೂದಲುಗಳು
ಅರೆ ಬರೆ ಮುಚ್ಚಿದ ಮುಚ್ಚದ ದೇಹಸಿರಿ
ಹೊಟ್ಟೆ ಚುರುಗುಡುವುದಕೆ ಸುಸಮಯ...

ಬೀರಿಗಿಂತ ಬೆಲೆಹೆಚ್ಚು ಕುಡಿವ ನೀರಿಗೆ
ಊರಿಗೆ ಬಂದ ಮೇಲೆ ನೀರಿಗೆ!?
ತೆರಬೇಕಾದ್ದನ್ನು ತೆತ್ತು ತೀಟೆ ತೀರಿಸಿ
'ತೂಕ'ದವಳೆಡೆಗೆ ಪಾಸ್‍ಪೋರ್ಟಿನ ದಾಪುಗಾಲು

ಎಂದಿನಂತೇ ಸರತಿಸಾಲಿನಲಿ ಒಮ್ಮೆಗೆ ಮುಗಿಯದ
ಮಾತುಕತೆ; ಲೆಕ್ಕಾಚಾರ; ದಂಡ; ಜುಗಾಡು;
ಹೇಗೋ ಮಾಡಿ ಕಡೆಗೆ ಹೊರೆಯನ್ನು ಬೀಳ್ಕೊಟ್ಟು
ಒಣ ನಗೆ ನಕ್ಕು ಸೆಕ್ಯೂರಿಟಿಯೆಡೆಗೆ 'ಪಾದಯಾತ್ರೆ'

ಎಕ್ಸರೇ ಕಣ್ಣಿಗೆ ಬೀಳಲೇಬೇಕು ಎಲ್ಲ ಕಡೆಯಂತೆ
ಬ್ಯಾಗು,ಪರ್ಸು,ಕೋಟು,ಕೊಡೆ,ಬೆಲ್ಟು ಎಲ್ಲವೂ
ಆದರಿಲ್ಲಿ ಪಾದುಕೆಗೂ ಕ್ಷಕಿರಣದ ರಾಜಮರ್ಯಾದೆ
ಎಷ್ಟಾದರೂ ರಾಯಿಂಟಜನ್ನಿನ ನಾಡಲ್ಲವೇ!

ಎಲ್ಲ ಮುಗಿಸಿ ಲೌಂಜಿನಲಿ ತಳವೂರಿ - ಉಸ್ಸಪ್ಪಾ
ಎದುರು ಸೀಟಿನ ಮುದ್ದು ಕಂದಮ್ಮ
-ನ
-ನಗೂ
ದಿವ್ಯೌಷಧ
ಸಕಲ ಸುಸ್ತೂ ಮರೆತ ಹಾಗೆ..ಅಬ್ಬಾ ಸಧ್ಯ
ತೂಕ ಮಾಡಿದ್ದು ಬ್ಯಾಗುಗಳನ್ನಷ್ಟೇ, ನನ್ನಲ್ಲಲ್ಲವಲ್ಲ!!!

ದುಃಖ

2009-11-06T20:21:00.000-05:00

ಮಳೆಮೋಡಕೆ
ಇಲ್ಲೇ ಒಂದು ಸೂರ್ಯಕಿರಣ
ವಕ್ರೀಭವನ
ಮಳೆಬಿಲ್ಲ ಜನನ

ಮನದಾಳದ ಕಾರ್ಮೋಡಕೆ
ಎಲ್ಲೋ ಒಂದು ಆಶಾಕಿರಣ
ವಕ್ರವೀ ಮನ
ಕಣ್ಮಳೆಗಿಲ್ಲ ಮರಣ

ಗೊಂದಲ

2009-10-30T15:27:00.000-04:00

ಪ್ರೀತಿ-ಪ್ರೇಮದಲಿ
ನೀನು ನಾನು
ಒಂದೇ

ನಾ-
ನಂಬೋ
ನಾನು
ನನಗೇ ಮೋಸ ಮಾಡಿಕೊಂಡಲ್ಲಿ

ಮೋಸವಾಗಿದ್ದು
ನನಗಾ?
ನನ್ನ ನಂಬಿಕೆಗಾ?

ಬೆಳಕನು ಚೆಲ್ಲಿ ಬಂದೇ ಬಂತು ದೀಪಾವಳಿ...

2009-10-16T08:37:00.002-04:00

ಎಲ್ರಿಗೂ ದೀಪಾವಳಿ ಹಬ್ಬದ್ ಹಾರ್ದಿಕ ಶುಭಾಶಯಗಳು..

Wishing you all a joyous Deepavali.
Have a safe, happy, sound-n-smoke free Deepavali...

Status

2009-09-02T14:30:00.005-04:00

Top10 Status messages I've seen from people around during this Appraisal.

10. 10% hike this time across the board! .....Keep dreaming... :)

9. Not too bad eh!

8. I heard it, its coming, its true

7. Waiting for the last day of the month....b£$%^*&ds

6. Appraisal?? its all an eyewash man... :(

5. Screwed!

4. Coffee table rumours ain't true always! :/ Damn

3. I came. I heard, I quit

2. I tried too hard, tried too fast, in the end it doesn't even matter...

1. Nothing else matters....

ಆಸೆ

2009-08-31T13:08:00.000-04:00

ತಿಳಿಗೊಳದಲೆಯಲಿಹ ತರಗೆಲೆಯಡಿ ತರಂಗವಾಗಬೇಕು ತಾನ್

New York

2009-07-07T07:08:00.004-04:00

New York-backdrop of 9/11 seems so passe..still all credits to Kabir Khan to have kept the storyline switching between 9/11 and current day...

Katrina Kaif definitely surprises the audience by emoting atleast 3 diff emotions. Compared to her Barbie doll looks in Welcome,Partner,Singh is King,Race etc etc she finally has come out of the closet. Kabir Khan takes the credit again to have made her to act a bit by flexing her facial muscles. Definitely she is a treat to watch.

Latter half of the Movie lacks the pace which was well managed in the initial part.No surprises if 'New York' reminds you of many other movies like Main Hoon Na (for the race on terrace top of the institution), Dhoom (typical straight horse-faced John Abraham dealing with his fellow workers), CRASH ( Kat's frisking scene is a straight lift), The Departed etc

Irfan Khan seems to be still in the Slumdog hangover and makes it so monotonous to be seen in such roles.
He sounds like Al Pacino from HEAT in couple of scenes.

Cupla songs are really good and makes you hum for sometime...'Junoon' is my personal fav. No wonder Preetham would have lifted it from some Asia-Pac albums.

Cinematography is the cherry on the cake. Love those panning shot of the cityscape for the initial credits, song picturisation. The entire movie is shot outside of India sticking to the storyline is noteworthy.
Overall, its worth a watch..Could have been better though.

ಹೀಗೂ ಉಂಟೆ!

2009-06-30T03:40:00.016-04:00

ಎರಡು ದಿನದಿಂದ ರಿಸರ್ವಿನಲ್ಲೇ ಓಡ್ತಿದ್ದ ನನ್ ಗೂಳಿ ಹೊಟ್ಟೆಗಿಷ್ಟು ಏನಾದ್ರು ಹಾಕ್ಸಣಾಂತ ಕದ್ರೇನಳ್ಳಿ ಪೆಟ್ರೋಲ್ ಬಂಕಿಗೆ ಶುಕ್ರವಾರ ಹೋದೆ. ಮಾಮೂಲಿನಂತೆ ನನ್ ಗೂಳಿ ಹೊಟ್ಟೆತುಂಬಿಸಿ ಒಂದ್ಸಲ ಅದರ ಮೈದಡವಿ ’ಐನಾತಿ ಬೈಕು ಸಾ..ಗುಮ್ತದೆ ಅಂಗೇ ಬುಟ್ರೆ...ಪ್ರ ಪ್ರ ಪಪಪ..ಬಿಲ್ ಎಷ್ಟಕ್ ಆಕ್ಲಿ?’ಅಂದು ನನ್ ಮುಖದ್ ಮುಂದೆ ಗನ್ ಹಿಡೀತಿದ್ದ ಕೆಂಗೇರಿ ಕುಮಾರ ಇವತ್ತು ಕಾಣ್ಲಿಲ್ಲ. ಪೆಟ್ರೋಲ್ ಹಾಕಿದ ಮಂಜನ್ನ ಕೇಳಿದೆ ’ಎಲ್ಲೋ ಕುಮಾರ ಕಾಣಿಸ್ತಿಲ್ಲ’ಅಂತ. ಹುಸಿನಗೆ ನಗ್ತಾ ಮಂಜಾ ಕಣ್ಸನ್ನೇಲೇ ಆ ಕಡೆ ನೋಡಿ ಸಾರ್ ಅಂದ. ಬಿಲ್ ಹಾಕೋಕಡೆ ಒಂದಾಕೃತಿ ಮುಖ ಊದಿಸಿಕೊಂಡು ಏನೋ ಗೀಚ್ತಾ ಕೂತಿತ್ತು. ಗುರ್ತು ಸಿಗದೆ ಯಾರೋ ಅದು ಅಂದೆ.’ಅಯಾ ಕುಮಾರಾನೇ ಸಾ..ಅಲ್ಲವ್ನೆ ನೋಡಿ ಓಗಿ...’ ಅಂದ ಮಂಜ.
ಹೌದಾ! ಅಂತ ಗಾಡಿ ನೂಕೊಂಡ್ ಹತ್ರ ಹೋಗಿ ನೋಡ್ತೀನಿ ಅರೆ!ಹೌದು..ಕೆಕೆ ಅಲಿಯಾಸ್ ಕೆಂಗೇರಿ ಕುಮಾರ ಬಿಲ್ ಬುಕ್ ಹಿಂಭಾಗದಲ್ಲಿ ರಂಗೋಲಿ ಬುಡುಸ್ತಾ ಕೂತಿದಾನೆ.’ಯಾಕೋ ಕುಮಾರ? ಏನಾಯ್ತೋ?’ ಅಂದೆ...ಗಾಭರಿ ಬಡಿದವನಂತೆ ಬಿಲ್ ಬುಕ್ ಬಿಟ್ಟು ತಲೆಯೆತ್ತಿ ನೋಡಿ ನಾನು ಅಂತ ಸಮಾಧಾನ ಪಟ್ಕೊಂಡು ’ಏನಿಲ್ಲ ಸಾ..ಬುಡಿ’ ಅಂದು ಸುಮ್ನಾದ.

ಶಿಸ್ತಾಗಿ ಸದಾ ತಲೆಗೆ ಎಣ್ಣೆ ಹಾಕೊಂಡು ಗಬ್ಬೆದ್ದೋದ ಹಳದಿ ಬಾಚಣಿಗೆಯಿಂದ ತಿದ್ದಿ ತೀಡಿ ಕಿಂಡಿ ಹಲ್ ಬಿಟ್ಕೊಂಡ್ ನಗ್ ನಗ್ತಾ ಇರ್ತಿದ್ದ ಕುಮಾರ ಇವ್ನೇನಾ ಅನ್ನಿಸ್ತು ಒಂದ್ ಘಳಿಗೆ.ತಲೆ ನುಣ್ಣಗೆ ಬೋಳಿಸಿಕೊಂಡಿದಾನೆ.ಕೂದಲಿರಲಿ ಇಲ್ಲದಿರಲಿ ಎಣ್ಣೆ ಹಾಕೋದ್ಯಾಕ್ ಬಿಡ್ಬೇಕು ಅಂತ ಎಣ್ಣೆ ತಟ್ಟಿಕೊಂಡಿದ್ದರಿಂದ ತಲೆ ಮಿರಮಿರ ಮಿಂಚ್ತಾ ಇದೆ. ಮುಖದ ಮೇಲಿನ ಸೂತಕದ ಛಾಯೆ ಕಂಡಂಗಾಗಿ ”ಮನೆ ಕಡೆ ಎಲ್ಲ ಆರಾಮೇನೋ?ಮುಡಿ ಬೇರೆ ಕೊಟ್ಟಿದ್ಯಾ?ತಿರುಪತಿಗಾ ಇಲ್ಲ ನಂಜನಗೂಡಿಗಾ?’ಅಂದೆ. ವಿಷಯದ ಆಳ ಅರ್ಥವಾದವನಂತೆ ಹಲ್ ಕಿರೀತಾ ’ಛೇ ಛೇ ಮನೆ ಕಡೆ ಎಲ್ಲಾ ಚನ್ನಾಗೆ ಅವ್ರೆ...ಯಾವ್ ತಿರುಪತೀನು ಇಲ್ಲ ನಂಜನಗೂಡೂ ಇಲ್ಲ...ಇದು ಹಿಂಗೇ ಸುಮ್ನೆ..ಬುಡಿ...’ ಅಂತ ತಲೇಗಾಕಿರೋ ಎಣ್ಣೆ ಮರ್ತು ಕೈಯಾಡಿಸಿದ.ಎಣ್ಣೆ ಅಂಟಿದ್ಮೇಲೆ ರಿಯಲೈಸ್ ಮಾಡಿಕೊಂಡು ಮೊದಲೇ ಕೊಳಕಾಗಿದ್ದ ಪ್ಯಾಂಟಿನ ಹಿಂಬದಿಗೆ ಒರೆಸಿಕೊಂಡು ಹಲ್ಕಿರೀತಾ ಎದ್ದುನಿಂತ. ಬೆಂಬಿಡದ ಬೇತಾಳದಂತೆ ನಾನು ಮತ್ತೆ ಮಾತು ಮುಂದುವರೆಸ್ತಾ ’ಮತ್ತೇನೋ ನಿನ್ ಅವತಾರ ಇದು...? ಘಜಿನಿ ಸ್ಟೈಲ್ ಮಾಡಿಸಕ್ ಹೋಗಿ ಹಿಂಗಾಯ್ತಾ ಹೆಂಗೆ?’ ಅಂತ ತಮಾಷೆ ಮಾಡಿದೆ.
ಏನನ್ನಿಸ್ತೋ ಏನೋ ಏಕ್‍ದಂ ಕುಮಾರ ಸೀರಿಯಸ್ ಆಗ್ಬಿಟ್ಟ.’ಸಾ ನೀವ್ ಬೇರೆ..ನಮ್ ಕಷ್ಟ ನಮ್ಗೆ...ಇಂಥಾ ದುಕ್ಕದ್ ಟೇಮಲ್ಲಿ ತಮಾಷೆ ಮಾಡ್ತೀರಲ್ಲ’ ಅಂದ.’ಅದೇನೋ ಅಂಥಾ ದುಃಖ ನಿಂಗೆ?’ ಅಂದಿದ್ದೇ ತಡ ಕೆಆರೆಸ್ ಅಲ್ಲಿ ಅದುಮಿಟ್ಟ ಕಾವೇರಿ ನೀರಿನ್ ಥರಾ ದುಃಖವೆಲ್ಲಾ ಮಡುಗಟ್ಟಿ ಕುಮಾರನ ಕಣ್ಣಿಂದ ನೀರು ಜಿನುಗೋಕೊಂದ್ ಬಾಕಿ! ’ಇದೇನೋ ಕುಮಾರ ನಿನ್ ಕಣ್ಣಲ್ಲಿ ನೀರು?’ ಅಂದಿದ್ದಕ್ಕೆ ’ಕಣ್ಣಿಂದಲ್ದೆ ಇನ್ನೆಲ್ಲಿಂದ ಸಾ ಬರ್ಬೇಕು?’ ಅಂದು ಅತ್ತೇಬಿಟ್ಟ ಪುಣ್ಯಾತ್ಮ!
ತಡವರಿಸಿಕೊಂಡು ಸುಮ್ನಿರಲಾರದೆ ಇದೇನ್ ಆಪತ್ ತಂದ್ಕೊಂಡೆ ನಾನು ಅಂತ ಅಂದುಕೊಳ್ಳೋವಾಗ್ಲೆ ಅಳ್ತಿದ್ದ ಕುಮಾರನಿಗೇ ಒಂಥರಾ ನಾಚಿಕೆಯಾಗಿ ತಲೆತಗ್ಗಿಸಿಕೊಂಡೇ ’ನಮ್ ಗುರು ಓಗ್ಬಿಟ್ರಲ್ಲ..ಅದ್ಕೆ ಈ ದುಕ್ಕ...ಸಾ..’ ಅಂದ, ಕಷ್ಟಪಟ್ಟು ಕಣ್ಣೊರೆಸಿಕೊಳ್ತಾ.
’ಲೋ ಅಣ್ಣೋರ್ ಹೋಗಿ ೩ ವರ್ಷ ಆಗ್ತಾ ಬಂತಲ್ಲೋ ಇನ್ನು ಏನೋ ನಿನ್ ಅವತಾರ’ ಅನ್ನೋ ನನ್ ಮಾತನ್ನ ಅರ್ಧಕ್ಕೇ ನಿಲ್ಸಿ ’ಛೇ ಛೇ ಅಣ್ಣೋರಲ್ಲ ಸಾ...ನಮ್ ಗುರು..ಮೈಕೆಲ್ ಜಾಕ್ಸನ್ನು..ಓಗ್ಬಿಟ್ನಲ್ಲ ಸಾ...ಗೊತ್ತಾಗ್ಲಿಲ್ವ ನಿಮ್ಗೆ?’ ಅಂದ.
ಒಂದರೆಕ್ಷಣ ನನಗೆ ನನ್ ಕಿವೀನೇ ನಂಬಕ್ಕಾಗ್ಲಿಲ್ಲ.ಪರ್ವಾಗಿಲ್ವೆ ಇವನು ಅಂದುಕೊಂಡು ಅಲ್ಲೇ ಪಕ್ಕಕ್ಕೆ ನನ್ ಗೂಳಿನ ನಿಲ್ಸಿ ಕೆಕೆ ಅಲಿಯಾಸ್ ಕೆಂಗೇರಿ ಕುಮಾರನ ಪ್ರವರ ಕೇಳಿಬಿಡೋ ಧೈರ್ಯ ಮಾಡಿ ನಿಂತೆ.
’ಮೈಕೆಲ್ ಜಾಕ್ಸನ್ ಸತ್ತ ಅಂತ ನೀನು ನಿಜವಾಗಿ ಮುಡಿ ಕೊಟ್ಯೇನೋ?’ಅಂತ ಅವನ ಬೆನ್ ಮೇಲೆ ಮೆತ್ತಗ್ ತಡವಿ ಕೇಳಿದೆ. ಹೌದು ಅನ್ನೋವಂತೆ ನೆಲ ನೋಡ್ತಾನೆ ಕುಮಾರ ಗೋಣಾಡಿಸಿದ...
ದಿನ ಬೆಳಗಾದ್ರೆ ಪೆಟ್ರೋಲ್ ಬಂಕಲ್ಲಿ”ಡೀಜಲ್ಲಾ?,ಪೆಟ್ರೋಲಾ?ಆಯಿಲ್ಲು,ನಾರ್ಮಲ್ಲು,ಪ್ರೀಮಿಯಮ್ಮು,ನೂರು,ಐವತ್ತು,ಚಿಲ್ರೆ ಕೊಡಿ,ರಸೀತಿ ಅರೀರಿ’ ಅನ್ನೋ ಕುಮಾರನಂಥೋರಿಗೂ ಮೈಕೆಲ್ ಜಾಕ್ಸನ್ ಥರದೋರು ಆರಾಧ್ಯದೈವಗಳಾಗಿರ್ತಾರೆ ಅನ್ನೋದನ್ನ ಯಾಕೆ ನನಗೆ ನಂಬಕ್ಕಾಗ್ತಿಲ್ಲ ಅಂತ ಇನ್ನೂ ಆಶ್ಚರ್ಯವಾಗ್ತಿದೆ.ಮೈಕೆಲ್ ಜಾಕ್ಸನ್ ಒಬ್ಬ ಲೆಜೆಂಡೇ ಸರಿ. ಆದ್ರೆ ಈ ಮಟ್ಟಿಗೆ ಅವನ ಇಂಫ್ಲುಯೆಂಸ್ ಇದೆ ಅಂತಾ ಆವತ್ತೇ ಗೊತ್ತಾಗಿದ್ದು.
ನನಗಾದ ಆಶ್ಚರ್ಯವನ್ನ ಮುಖದ ಮೇಲೆ ತೊರಿಸಿಕೊಳ್ಳದೆ ಕುಮಾರನ ಬೆನ್ನನ್ನ ಮತ್ತೊಮ್ಮೆ ತಡವಿ ’ಸಮಾಧಾನ ಮಾಡ್ಕೋ...ಮೈಕೆಲ್ ಜಾಕ್ಸನ್ ಹೋಗಿದ್ದು ಎಲ್ಲರ್ಗೂ ದುಃಖ ತರೋ ವಿಚಾರವೇ. ಆದ್ರೂ ನೀನ್ ಈ ಮಟ್ಟಿಗೆ ಅವನ ಫ್ಯಾನ್ ಅಂತ ನನಗೆ ನಿಜವಾಗಿ ಗೊತ್ತಿರ್ಲಿಲ್ಲ ಕಣೊ.ಮುಂದಿನ್ ಸಲ ಬರೋವಾಗ ಮನೆಲಿರೋ ಅವನ ಒಂದು ಕ್ಯಾಸೆಟ್ ನಿನಗೆ ಖಂಡಿತಾ ತಂದುಕೊಡ್ತೀನಿ’ ಅಂದೆ.
ಕುಮಾರ ಮೂರ್ ಎಳನೀರ್ ಕುಡಿದು ಶಕ್ತಿಪಡೆದ ಪೇಶಂಟ್ ಥರ ಒಂದ್ಸಲ ನಿಂತಲ್ಲೇ ಚಿಮ್ಮಿ ’ಅಯಾ ಕ್ಯಾಸೆಟ್ ಎಲ್ಲ ಇಟ್ಕೊಂಡ್ ನಾ ಏನ್ ಮಾಡ್ಲಿ ಸಾ. ಓದ್ ತಿಂಗ್ಳು ತಾನೇ ಒಸಾ ಮೊಬೈಲ್ ತಗಂಡೆ...ಇಲ್ನೋಡಿ...ಇದ್ರಲ್ಲಿ ಭರ್ತಿ ಜಾಕ್ಸನ್ ಆಡುಗಳನ್ನೇ ತುಂಬಿಸಿಕೊಂಡ್ ಕೇಳ್ತಾ ಇದ್ದೆ.ಇಷ್ಟ್ ಬೇಗ ಇಂಗಾಗ್ಬುಡ್ತಲ್ಲ ಅನ್ನೋದೆ ದುಕ್ಕ’ ಅಂತ ಮತ್ತೆ ಅಲವತ್ತುಕೊಂಡ. ’ನಿನ್ ಅತ್ರ ಜಾಕ್ಸನ್ ಆಡು...ಸ್ಸಾರಿ..ನಿನ್ ಹತ್ರ ಜಾಕ್ಸನ್ ಹಾಡುಗಳ್ ಇದ್ಯ? ಯಾವ್ದಿದೆ ತೋರ್ಸು?’ ಅಂದಿದ್ದೇ ತಡ ಲೌಡ್‍ಸ್ಪೀಕರಲ್ಲಿ ಹಾಕಿಯೇಬಿಟ್ಟ.
’ಕೇಳಿ ಸಾ ಈ ಆಡು..ಫುಟ್‍ಬಾಲ್ ಪ್ಲೇಯರ್ ಇದ್ರಲ್ಲ ಸಾ..ಪೀಲೆ ಅಂತ ಅವ್ರ ಮೇಲೆ ಬರ್ದಿರೋ ಆಡು ಇದು...ಪೀಲೆ ಪೀಲೆ...ಪೀಲೆ ಪೀಲೆ...’ ಅಂತ ಜಾಕ್ಸನ್ ಸದ್ದಡಗಿಸುವಂತೆ ಕುಮಾರ ಅರಚತೊಡಗಿದ. ’ಸ್ವಲ್ಪ ಇರೋ ಅದ್ಯಾವ್ದದು ಪೀಲೆ ಮೇಲೆ ಬರ್ದಿದ್ ಹಾಡು ನನಗೇ ಗೊತ್ತಿಲ್ಲದೆ ಇರೋದು ಕೇಳಿನೋಡೋಣಾ’ ಅಂತ ಕೇಳಿನೋಡಿದ್ರೆ ಥತ್!
’ಲೋ ಕುಮಾರ ..ಅದು ಪೀಲೆ ಪೀಲೆ ಅಲ್ಲಾ ಕಣೋ...ಬೀಟ್ ಇಟ್ ಬೀಟ್ ಇಟ್ ಅಂತ...ತುಂಬಾ ಫೇಮಸ್ ಹಾಡು..’ ಕರೆಕ್ಷನ್ ಮಾಡಿದೆ.
’ಯಾವ್ಡೋ ಒಂದು ಬಿಡಿ ಸಾ..ಮಗಂದು ಆಡ್ ಕೇಳಿ ಸಾ..ಎಂಗದೆ..ಬೀಟ್ಸು ಮಸ್ತು...ಆಕಂಡ್ ಕುಣೀತಿದ್ರೆ ಅದರ ಲೆವಲ್ಲೇ ಬೇರೆ’ ಅಂದ.
ಮಾತು ಮುಂದುವರೆಸಿ ಕುಮಾರ ’ಸಾ...ಮುಂದಿನ್ ಸೋಮ್ವಾರ ಆರ್ನೇ ತಾರೀಕು, ನಾವೆಲ್ಲ ಸೇರ್ಕೊಂಡು ಮೈಕೆಲ್ ಜಾಕ್ಸನ್ ವೈಕುಂಠ ಮಡೀಕೊಂಡಿದೀವಿ...ನೀವು ಕಂಡಿತಾ ಬರ್ಲೇಬೇಕು’ ಅಂದು ತನ್ ಬಿಲ್‍ಬುಕ್ಕಿನ ಪರ್ಸಲ್ಲಿದ್ದ ಒಂದು ಬಿಳೀ ಕಾರ್ಡು ನನ್ ಕೈಗಿಟ್ಟ.

ಮೈಕೆಲ್ ಜಾಕ್ಸನ್
ಶ್ರೀಯುತರು ದಿನಾಂಕ 25 ಜೂನ್ 2009ರಂದು ದೈವಾಧೀನರಾದರೆಂದು ತಿಳಿಸಲು ವಿಶಾಧಿಸುತ್ತೇವೆ. ಇವರ ವೈಕುಂಠ ಸಮಾರಾಧನೆಯನ್ನು ಇದೇ ಸೋಮವಾರ ಅಂದರೆ ದಿನಾಂಕ 6ನೇ ಜುಲೈ2009ರಂದು ಬನಶಂಕರಿ ಹಾಲಿನಲ್ಲಿ ಏರ್ಪಡಿಸಲಾಗಿದೆ. ತಾವುಗಳು ದಯಮಾಡಿ ಬಂದು ಮೃತರ ಆತ್ಮಕ್ಕೆ ಶಾಂತಿ ಕೋರಬೇಕಾಗಿ ವಿನಂತಿಸುತ್ತೇವೆ.
ಸ್ಥಳ: ಬನಶಂಕರಿ ಭವನ, ಹುಣಿಸೇಮರ ಸ್ಟಾಪ್ ಹಿಂಭಾಗ, ಬೆಂಗಳೂರು
ಬಂಕ್ ಸೀನ (ಕಾರ್ಯಾಧ್ಯಕ್ಷರು - ಕದ್ರೇನಳ್ಳಿ ಮೈಕೆಲ್ ಜಾಕ್ಸನ್ ಅಭಿಮಾನಿ ಸಂಗ)

ಓದಿದ ಮೇಲೆ,ಎಂಥವರಿಗೂ ದುಃಖ ಉಮ್ಮಳಿಸಿ ಬರುವಂತಿದ್ದ ಮೈಕೆಲ್ ನ ಆ ಮುಖಮುದ್ರೆಯುಳ್ಳ ಕಾರ್ಡನ್ನು ಅರ್ಧಕ್ಕೆ ಹರಿದು ಜೇಬಿಗೆ ಹಾಕಿಕೊಂಡೆ.ಇದ್ಯಾಕೋ ಸ್ವಲ್ಪ ಅತಿಯಾಯ್ತು ಅಂದ್ಕೊಳ್ಳೋವಾಗ್ಲೆ ಕುಮಾರ ಎಚ್ಚೆತ್ತವನಂತೆ ’ಸಾ...ವೈಕುಂಠಕ್ಕೆ ಮಿಸ್ ಮಾಡ್ಬೇಡಿ ದಯ್ವಿಟ್ಟು...ನಾವೆಲ್ಲ ಬಂಕ್ ಹುಡುಗ್ರು ವತಿಯಿಂದ ಆವತ್ತು ಆಂಬೊಡೆ,ಉದ್ನೊಡೆ,ಪಾಯಸ,ಕಜ್ಜಾಯ ಮತ್ತೆ ಅನ್ನ ಸಂತರ್ಪಣೆ ಮಡೀಕೊಂಡಿದೀವಿ..ಆಮೇಲೆ ಬಡ ಮಕ್ಕಳಿಗೆ ಉಚಿತ ಬ್ರೇಕ್ ಡಾನ್ಸ್ ತರಬೇತಿ ಐತೆ.ಇನ್ನೂ ಅಲವಾರು ಕಾರ್ಯಕ್ರಮಗೊಳ್ನ ಗೋಶಿಸವ್ರೆ ನಮ್ಮ ಅದ್ಯಕ್ಸರು...ಮಿಸ್ ಮಾಡ್ಬೇಡಿ ಆಮೇಲೆ...’ ಅಂತ ರಿಮೈಂಡರ್ ಮೇಲೆ ರಿಮೈಂಡರ್ ಕೊಟ್ಟ.
ಇದ್ಯಾಕೋ ಎಡ್ವಟ್ ಸಹವಾಸ ಅನ್ನಿಸ್ತು. ಏನೂ ಮಾತನಾಡದೆ ತಲೆ ಆಡಿಸಿ ಮಿಸ್ ಮಾಡದೆ ಬರ್ತೀನಿ ಅಂತ ಸೂಚಿಸ್ತಾ ಬಿಲ್ ಬರೆಸಿಕೊಂಡು ಅಲ್ಲಿಂದ ಹೊರಟುಬಂದೆ. ದಾರಿಯುದ್ದಕ್ಕೂ ತಲೆಯೊಳಗೆ ಅದೇ ವಿಚಾರ ಕೊರೀತಿತ್ತು.ಒಬ್ಬ ಅಂತರಾಷ್ಟ್ರೀಯ ಪಾಪ್ ಸಿಂಗರ್ಗೂ ಇಲ್ಲಿ ಪೆಟ್ರೋಲ್ ಬಂಕೊಂದರಲ್ಲಿ ಹೊಟ್ಟೆಹೊರೀತಿರೋ ಹೈಕಳುಗಳಿಗೂ ಎಲ್ಲಿಂದೆಲ್ಲಿಯ ಸಂಬಂಧ ಅಂತ! ಅವನ ಆತ್ಮಕ್ಕೆ ಶಾಂತಿ ಸಿಗಲಿ ಅಂತ ಇಲ್ಲಿ ಇವರು ವೈಕುಂಠ ಸಮಾರಾಧನೆ ಮಾಡಿ ಅನ್ನ ಸಂತರ್ಪಣೆ ಮಾಡ್ತಿದಾರೆ ಬೇರೆ! ತಲೆ ಸುಮ್ನೆ ಒಂದ್ಸಲ ಗಿರ್ರ್ ಅನ್ನೋಕ್ ಶುರುವಾಯ್ತು.ತಲೆಸುತ್ತಿಗೋ ಏನೋ ಗಾಡಿ ಬ್ಯಾಲೆಂಸ್ ತಪ್ಪಿ ಬೆಟ್ಟದ ತುದಿಯಿಂದ ಬೈಕ್ ಸಮೇತ ಹಾಗೇ ಅಚಾನಕ್ಕಾಗಿ ಬೀಳ್ತಾ ಇದೀನಿ ....

ಆಂ...ಆಂ...ಆಂ...

ಧಡಕ್ ಅಂತ ಎಚ್ಚರ ಆಗೋಯ್ತು...ಇದೆಂಥಾ ಕನಸಪ್ಪಾ ಅಂತ ಎದ್ದು ದಿಗ್ಭ್ರಾಂತನಾಗಿ ಕೂತು ಸುತ್ತಾ ಒಂದ್ಸಲ ನೋಡಿದೆ.

ಅಬ್ಬಾ ನಿಜವಾಗ್ಲೂ ಕನಸು...ಸಧ್ಯ!

ಶನಿವಾರ...ಬೆಳಿಗ್ಗೆ ನಿಧಾನಕ್ಕೆದ್ದು ಮುಖ ತೊಳೆದುಕೊಂಡು ಕಾಫಿ ಹೀರೋ ಸಮಯಕ್ಕೆ ಪೇಪರ್ ಓದೋ ಅಭ್ಯಾಸ...ಪ್ರಜಾವಾಣಿ ಆಯ್ತು...ಪುರವಣಿ ಮುಗೀತು...ಟೈಮ್ಸ್ ಆಫ್ ಇಂಡಿಯಾ ಡನ್...ಬೆಂಗಳೂರ್ ಟೈಮ್ಸ್ ಕೊಡಾ ಆಯ್ತು...ಬೆಂಗಳೂರ್ ಮಿರರ್ ಎತ್ತಿಕೊಂಡೆ...ಅರೆ...ಇದೇನಿದು? ನನ್ ಕಣ್ಣನ್ನ ನನಗೇ ನಂಬಕ್ಕಾಗ್ತಿಲ್ಲ...ನೀವೇ ನೋಡಿ ಇಲ್ಲಿ...

ಹೆಚ್ಚಿನ ವಿವರಕ್ಕೆ ಈ ಲಿಂಕ್ ಒಮ್ಮೆ ಕುಕ್ಕಿ...

ಟೈಂಪಾಸ್

2009-06-24T06:05:00.000-04:00

ಸಂಜೆ ಬಾನಿನಂಚಿನಲ್ಲಿ...
ಸಂಜೆ ಬಾನಿನಂಚಿನಲ್ಲಿ ಬಿದ್ದ ಬಿದಿಗೆ ಚಂದಿರ
ಶಚೀತೀರ್ಥದಾಳದಲ್ಲಿ ಶಕುಂತಲೆಯ ಉಂಗುರ

ದೂರ್ವಾಸರ ಶಾಪವಿಗೋ ಕವಿಯುತಿಹುದು ಸುತ್ತಲೂ
ಕಂಡುದೆಲ್ಲ ಜಾರುತಿಹುದು ಮೆಲ್ಲನಿರುಳ ತಮದೊಳು

ಅಸಹಾಯಕ ತಾರೆಬಳಗ ಹನಿಗಣ್ಣೊಳು ನೀರವ
ಸುಯ್ವ ಗಾಳಿ ತಡೆಯುತಿಹುದು ಉಕ್ಕಿಬರುವ ದುಃಖವ
-ಜಿ.ಎಸ್.ಶಿವರುದ್ರಪ್ಪನವರು

ನಾನು ಅತಿಯಾಗಿ ಪ್ರೀತಿಸುವ ಭಾವಗೀತೆಗಳಲ್ಲೊಂದು ಈ ಹಾಡು.ನನಗೆ ಬುದ್ಧಿ ತಿಳಿದಾಗಿನಿಂದಲೂ ಅದೆಷ್ಟು ಬಾರಿ ಕೇಳಿ ಮೋಹಿತನಾಗಿದ್ದೇನೋ ನನಗೇ ತಿಳಿಯದು.ಈ ಗೀತೆಯ ಪದ-ಪ್ರಯೋಗ,ಲಾಲಿತ್ಯ,ಭಾವಾರ್ಥ, ಸಿ.ಆಶ್ವಥ್‍ರ ಸಂಗೀತ, ರತ್ನಮಾಲಿ ದನಿ ನನ್ನನ್ನು ಸದಾ ಕಾಡಿದೆ.
ಒಲ್ಲದ ಮನಸ್ಸಿನಿಂದಲೇ ಜಿಎಸ್‍ಎಸ್ ಕ್ಷಮೆ ಕೋರುತ್ತಾ ಇದಕ್ಕೊಂದು ಅಣಕುವಾಡು ಬರೆಯೋ ಮೂರ್ಖ ಕೆಲಸವೊಂದನ್ನು ಮಾಡಿದ್ದೇನೆ.ಒಮ್ಮೆ ಓದಿ ನಕ್ಕುಬಿಡಿ.

ಸಂಡೆ ಬಾರಿನಂಚಿನಲಿ...
ಸಂಡೆ ಬಾರಿನಂಚಿನಲಿ ಬಿದ್ದ ಕುಡುಕ ಸುಂದರಾ
ಮಲ್ಯನ್‍ ತೀರ್ಥದಾಳದಲ್ಲಿ ಎಂಗೇಜ್‍ಮೆಂಟಿನುಂಗುರ

ಹಳೇ ಲವ್ವರ್ರಿನ ಶಾಪವಿಗೋ ಇರಿಯುತಿಹುದು ಸುತ್ತಲೂ
ಉಂಡುದೆಲ್ಲ ಕಕ್ಕುತಿಹನು ಚಿಕ್ಕಕರುಳ ಶ್ರಮದೊಳು

ಸ್ವಸಹಾಯಕ ಬಾರ್-ಬಳಗ ಕೆಂಗಣ್ಣೊಳು ಖಾರವ?
ರಾತ್ರಿಪಾಳಿ ಕರೆಯುತಿಹುದು,ಬಂದು ಕೊಡುವೆ ಲೆಕ್ಕವ

ಈ ಗೀತೆಯನ್ನು ನೀವಿನ್ನೂ ಕೇಳಿಲ್ಲದೇ ಹೋದಲ್ಲಿ ಈಗಲೇ ರತ್ನಮಾಲ ಪ್ರಕಾಶ್ ದನಿಯಲ್ಲಿ ಇಲ್ಲಿ ಕೇಳಿ ನೋಡಿ

ಸಂಜೆಗಣ್ಣು

2009-06-08T04:46:00.000-04:00

ದಿಗಂತದಾಚೆಕಡೆಯೆಲ್ಲೋ ದೂರದಲಿ
ಮೋಡಗಳ ಹಾಸಿಹೊದ್ದ
ಸೂರ್ಯನಾಕಳಿಕೆ,ಮೈಮುರಿತ,ತೂಕಡಿಕೆ

ದಿಕ್ಕೆಟ್ಟು ಗೂಡಕಡೆ
ಹಾ!
ರುತಿರುವ ಹಕ್ಕಿಹಿಂಡು,ದಟ್ಟಣೆ,ಹೊಗೆ,ಕೆಂಧೂಳಿ

ಗದ್ದಲ ಗೊಂದಲಗಳ ನಡುವೆಯೂ
ನೀ
ರವ ಮೌನ ತಬ್ಬಿ,ಗಜಿಬಿಜಿ ಸಂಗೀತೋತ್ಸವ

ಅಲುಗಾಡದ ಎಲೆ ಗಿಡ ಮರ
ಗಳ ಸೀಳಿಕೊಂಡು
ತಂಪಾದ ಗಾಳಿ ನಿಡುಸುಯ್ದಂತೆ

ತುಟಿಪಿಟಕ್ಕೆನ್ನದೆ
ಘನಗಾಂಭೀರ್ಯದ ರಾಜಮುದ್ರೆ
ಹೊತ್ತ ನಿನ್ನ ನೋಡುತ್ತಲೇ ಸಾಗಿದ

ಕಿಕ್ಇರಿದ ಜನಸ್ತೋಮ
ರಾಜಹಂಸ,ಪುಷ್ಪಕ,ತ್ರಿಚಕ್ರ,ದ್ವಿಚಕ್ರ
ಅಂಬೇಡ್ಕರ್ ಬೀದಿಯುದ್ದಕೂ ಮೆರವಣಿಗೆ

ಅರೆಘಳಿಗೆ ಬಿಟ್ಟಕಣ್ಣುಬಾಯಿ
ಅಬ್ಬಾ!
ಮತ್ತದೇ
.ಗೊಂದಲ
.ಗದ್ದಲ
.ಚಡಪಡಿಕೆ

Dreams do come true....

2009-05-27T08:50:00.012-04:00

It was not so long ago when I had dreamt of cruising on a bullet with the air gushing on my face and eyes craving for those sunrays beyond the horizon.

Dad has to take half the blame here, since he made me to sit on a 1975 Royal Enfield way back in 1983 to click a snap and the photo always reminded me of the dream I must chase.(I still wonder why did he have to sell the bull and settle for a subtle Bajaj Scooter?!)

I did try once in the past to lay my hands on a 'Bull' but, was pulled back and had to settle for a Bajaj Pulsar 150cc for reasons unquoted! (Mebbe the Bajaj's have their own share in the family's emotional equity!)

This time around, I felt its enough of those unsolicited staring and silently following a Bullet on roads, just to cherish "THE" bullet moment and envy the owners, whenever I saw/heard one cruising past me.

One fine Saturday in April'09, I broke the news at home and even before someone said something I placed couple of brochures on the tea-table!
The moment the brochures caught their attention, I could see the sparkles & the twinkles in their eyes and I knew it has to be a "Yes" this time. (Did I give them an alternative option at all?! :))

On that special day in May 09, friends and family watched in glee, my long-time dream coming true in style. The magical black-beauty stood there under the sun with the shimmer and shine catching everyone's attention. Since then its been one helluva journey on the beast to cruise past the dumbstruck Bangalore traffic in style with utmost ease and comfirt. The air & the sun are sweet indeed...

Nevertheless, all I can hear these days is : "good good good good very good good good good....." :)

PS: Undoubtedly this is my first ever english post on this blog :) Glad that I could break the Jinx. [Thanks to N who conducted S/W audit on my laptop and asked me to remove Baraha :(]

Amen

ಮಳೆ

2009-05-18T07:54:00.000-04:00

ಮೂನ್ನೆಯಿಂದ ಸಹೃದಯರ
ಮಾತಿನಲ್ಲಿ ಒಂದೇ ಎಳೆ
ಬಿದ್ದೆದ್ದು ಸುರಿಯುತಿರುವ ಹುಚ್ಚು-ಮಳೆ

ನನ್ನ ಪೆಚ್ಚುಮನಸ್ಸಿಗೆ ಹೊಳೆದ
ಅಂಶವೊಂದೇ
'ಮಳೆಗೂ ಹುಚ್ಚೇ?!'

ಹುಚ್ಚಲ್ಲವದು,
ಹೀಗೇ ಸುರೀಬೇಕು ಅನ್ನೋ ಕಟ್ಟಳೆಗಳಿಲ್ಲದ,
ಇಷ್ಟೇ ಸುರೀಬೇಕು ಅನ್ನೋ ಆಡಂಬರವಿಲ್ಲದ
ಸ್ವೇಚ್ಛೆ

ಬರಗೆಟ್ಟ ಬದುಕಿನ ಹತಾಶಭಾವಕ್ಕೆ
ಕೊಡಲಿ-
ಪೆಟ್ಟು ಕೊಡಲಿ
ಅನ್ನೋ ಪ್ರಕೃತಿಯ ಬಂಡಾಯ

Persepolis

2009-05-14T08:48:00.006-04:00

ಸೆಪ್ಟೆಂಬರ್ 2008:
ಹೀಗೆ ಒಂದು ಶನಿವಾರದ ಮಧ್ಯಾಹ್ನ.ರಂಗಶಂಕರ ಆವತ್ತು ಎಂದಿನಂತಿರಲಿಲ್ಲ.ಅಷ್ಟೇನೂ ಚೆನ್ನಾಗಿರದ ಕಾಫಿ ಆವತ್ತು ತೀರಾ ಕಳಪೆ ಅನ್ನಿಸ್ತು.B ಕುಡೀತಿದ್ದ ಕೋಕಂ ನೋಡಿದ್ರೆ ವಾಕರಿಕೆ ಬರೋ ಹಾಗಿತ್ತು.B ಗಂಡನ ಮನೆಗೆ ಅಂತ ಕೆನಡಾ ಕಡೆ ಹೊರಟಿದ್ಲು.ಹೋಗೋವಾಗ ಪಾರ್ಟಿಂಗ್ ಗಿಫ್ಟ್ ಅಂತ 'ಪರ್ಸೆಪೋಲಿಸ್'(Persepolis) ಅನ್ನೋ ಒಂದು ದಪ್ಪ ಪುಸ್ತಕ ತೆಗೆದು ಮೊದಲ ಪುಟದಲ್ಲಿ ಇಷ್ಟುದ್ದ ಮೆಸೇಜೊಂದನ್ನು ಬರೆದು ಮುದ್ದಾಗಿ ಸಹಿ ಮಾಡಿ ನನ್ನ ಕೈಲಿಟ್ಟಳು.ನಾನು,ಸಂತು ಬಿಟ್ ಬಾಯಿ ಬಿಟ್ಟಹಾಗೇ ನೋಡ್ತಾ ಇದ್ವಿ.ಇನ್ನೊಂದು ಕವರ್ ತುಂಬಾ ಪುಸ್ತಕಗಳನ್ನ ಸಂತುಗೆ ಕೊಟ್ಟಳು. ಕೊಟ್ ಸುಮ್ನಾದ್ಲ? ಇಲ್ಲ...ಇದನ್ನ ನೀನು ಓದಲೇಬೇಕು ಅನ್ನೋ ತಾಕೀತು ಬೇರೆ! ಮೊದಲೇ ಪುಸ್ತಕದ ಹುಳು ನಾನು.ಒಂದನೇ ಕ್ಲಾಸಿನ ಇಂಗ್ಲಿಷ್ ಪಠ್ಯಪುಸ್ತಕವನ್ನೂ ಸೇರಿಸಿಕೊಂಡಲ್ಲಿ ನನ್ ಜೀವಮಾನದಲ್ಲೇ ಸರಿಸುಮಾರು ಒಂದ್ ಐವತ್ತು ಪುಸ್ತಕ ಓದಿರಬಹುದು. ಅದ್ರಲ್ಲಿ ನಾವೆಲ್ಲುಗಳು ಅಂದ್ರೆ ಎರಡೋ ಮೂರೋ...ಇಂಥಾ ಓದುಗನೊಬ್ಬನಿಗೆ ಇಷ್ಟು ಗಾತ್ರದ ಪುಸ್ತಕ ಕೊಟ್ಟು ಓದಲೇಬೇಕು ಅಂದ್ರೆ! ನಾನು,ಸಂತು ಮುಖ-ಮುಖ ನೋಡಿ ಜೋರಾಗಿ ನಕ್ಕುಬಿಟ್ವಿ.(ನಾನು ನಕ್ಕಿದ್ದೇನೋ ಸರಿ,ಅವನು ಯಾಕೆ ನಕ್ಕಿದ್ದು? ಕೇಳ್ಬೇಕು ಅವ್ನನ್ನೇ) B ಸುಮ್ಮನೆ ಆ ಪುಸ್ತಕಾನ ಒಳ್ಳೇ ಉಪ್ಪುಖಾರ ಹಚ್ಚಿ-ಹೆಚ್ಚಿದ ತೋತಾಪುರಿ ಮಾವಿನಕಾಯಿ ಪಾಲು ಮಾಡುವಳಂತೆ ಮಧ್ಯಕ್ಕೆ ಸೀಳಿ ನನ್ ಮುಂದೆ ಹಿಡಿದಳು.ಅರೆ! ಕಾರ್ಟೂನ್ ಪುಸ್ತಕ.
ನಾನು ಪುಸ್ತಕಗಳನ್ನ ಓದಲ್ಲ ಅಂತ ಗೊತ್ತು..ಆದ್ರೆ ಈ ಥರಾ ಎಲ್ಲ ಅವಮಾನ ಮಾಡ್ಬಾರ್ದು ಅಂದೆ.ಅದಕ್ಕೊಂದು ಹುಸಿನಗೆ ನಕ್ಕು "ತೆಪ್ಪಗೆ ಇದನ್ನ ಓದಿ ಮುಗಿಸು.I want you to read this,you will definitely like it" ಅಂದ್ಲು.ಸಾಲದ್ದಕ್ಕೆ ಪುಸ್ತಕದ ಮೊದಲ ಪುಟದಲ್ಲಿ 'ಒಳ್ಳೇ ಹುಡ್ಗ' ಅನ್ನೋ ಸರ್ಟಿಫಿಕೇಟ್ ಬರೆದು ಸಹಿ ಮಾಡಿ ಕೊಟ್ಟಿದಾಳೆ.ಖಂಡಿತಾ ಓದ್ತೀನಿ ಅಂತ ಈಸ್ಕೊಂಡೆ.
----------------*--------------
ಪುಸ್ತಕದ ಮುಖಪುಟದಿಂದ ಹಿಡಿದು ಬೆನ್ನುಡಿವರೆಗೂ ಒಂದಕ್ಷರವನ್ನೂ ಬಿಡದೆ ಓದಿದೆ.(ಎಲ್ಲ ನಾವೆಲ್ಲುಗಳೂ,ಪಠ್ಯಪುಸ್ತಕಗಳೂ ಹೀಗೆ ಕಾರ್ಟೂನಿನೊಂದಿಗೆ ಬರಬೇಕಪ್ಪ,ಎಷ್ಟು ಸುಲಭವಾಗಿ ಓದಿಮುಗಿಸಬಹುದು!) ಇಪ್ಪತ್ತು ವರ್ಷ ಹಳೆಯದೆನಿಸುವ ಹಳದಿ-ಬಿಳಿ ಮಿಶ್ರಿತ ಮಂದ ಕಾಗದದ ಮೇಲಿ ಕಪ್ಪು-ಬಿಳುಪಿನ ಗೆರೆಗಳ ಚಿತ್ರಗಳಲ್ಲಿ ಮೂಡಿದ 'ಇರಾನಿನ ಕಥೆ'ಯ ಪುಸ್ತಕವದು.ಎಲ್ಲೂ ಬಣ್ಣವಿಲ್ಲ,ಮುಖಪುಟವೊಂದನ್ನು ಬಿಟ್ಟು.
(ಕಪ್ಪು-ಬಿಳುಪು ಕೂಡಾ ಬಣ್ಣವೇ ಆದರೂ ಸಪ್ತವರ್ಣಗಳಲ್ಲಿ ಇವೆರಡೂ ಇಲ್ಲವಾದ್ದರಿಂದ ನ್ಯೂಟನ್ನಿನಾಣತಿಯಂತೆ ಅವುಗಳನ್ನು ಬಣ್ಣವೆಂದು ಪರಿಗಣಿಸೋದು ಸಧ್ಯಕ್ಕೆ ಬೇಡ)

ಲೇಖಕಿಯ ಉದ್ದ ಮೂಗಿನ ಮೇಲೆ ಕಣ್ಣಿನ ಬಳಿ ಎದ್ದು ಕಾಣುವ ಕಪ್ಪು ಕಾರಳ್ಳು.ಕತೆಯುದ್ದಕ್ಕೂ ಆಕೆಯ ಮೇಲೆ ಸ್ಪಾಟ್‍ಲೈಟ್ ತಂದುಕೊಡುವ ಐಡೆಂಟಿಟಿ ಮಾರ್ಕ್ ಅದು.ಮಾರ್ಜಾನ್ ಸತ್ರಾಪಿ (Marjane Satrapy)-ಮೊದಲ ಪುಟ ಓದಿದಾಗಿನಿಂದಲೇ ಈಕೆ ಮೇಲೆ ನನಗೆ ಪ್ರೀತಿ ಉಕ್ಕಿ ಹರಿದುಬಂತು.ಓದ್ತಾ ಓದ್ತಾ ಇನ್ನೂ ಇಷ್ಟವಾಗಿಬಿಟ್ಲು ಮಾರ್ಜಾನ್.ತೀರಾ ಸೀದಾ-ಸಾದಾ ಕತೆ.ಎಲ್ಲೂ ಬೇಸರವೆನಿಸುವುದಿಲ್ಲ.ಹಾಗೆ ಓದ್ತಾ ಓದ್ತಾ ತಲೆಕೆರೆದುಕೊಂಡು ಯೋಚನೆಗೆ ಹಚ್ಚದೆ ಇರದು.ಎಪ್ಪತ್ತು-ಎಂಭತ್ತರ ದಶಕದ ಆಸುಪಾಸಿನಲ್ಲಿ ಇರಾನಿನಲ್ಲಿ ನೆಲೆಯೂರಿದ್ದ ದುರ್ಬರ ದೆಸೆಯ ಕತೆ.ಅಲ್ಲಿನ ಕಿತ್ತುಹೋದ ವ್ಯವಸ್ಥೆ,ಗಬ್ಬೆದ್ದು ನಾರುತ್ತಿದ್ದ ಕೋಮು ಸಂಹಿತೆಗಳು,ಮೂಗು ಮುರಿಯುವಂಥಾ ಸಿದ್ಧಾಂತಗಳು,ಇವೆಲ್ಲದರ ನಡುವೆಯೇ ಚಿಗುರೊಡೆಯಲು ಯತ್ನಿಸಿ ನಲುಗಿಹೋದ ಕಮ್ಯುನಿಸ್ಟ್ ಮೂವ್‍ಮೆಂಟು,ಅದರಲ್ಲೇ ಹುಟ್ಟಿ-ಸತ್ತ ಹೇಳಲಸದಳ ಮುಗ್ಧಜನರ ಕತೆ. ಲೇಖಕಿ ತನ್ನ ಬಾಲ್ಯದಿಂದಲೂ ನೋಡಿ ಬಂದ ಯುದ್ಧ,ಯುದ್ಧಾನಂತರದ ದುಸ್ತರ ಜನಜೀವನ,ಕದ್ದು-ಮುಚ್ಚಿ ಕುಡಿದ ವೈನ್,ಸುಟ್ಟ ಸಿಗರೇಟುಗಳು,ಇಷ್ಟವಿಲ್ಲದಿದ್ದರೂ ತಲೆತುಂಬಾ ಹೊದ್ದ ಕಪ್ಪು ವೇಲ್ - ಹೀಗೇ ಪುಸ್ತಕದ ತುಂಬಾ ಇಂಥಾ ಸರಳ ವಿಷಯಗಳು ಹೇರಳವಾಗಿ ಸಿಕ್ತವೆ.ವ್ಯವಸ್ಥೆಯ ಅಧೋಗತಿಯನ್ನ ಬಿಂಬಿಸಲೋಸುಗವೇ ಮಾರ್ಜಾನ್ ಪುಸ್ತಕದ ಮೊದಲ ಪುಟದಲ್ಲೇ ಆ ಕಪ್ಪು ವೇಲ್ ಬಗ್ಗೆ ಬರೀತಾಳೆ.ಹೆಣ್ಣು ಮಕ್ಕಳು ತಮ್ಮ ತಲೆಗೆ ಕಟ್ಟಿಕೊಳ್ಳಬೇಕಿದ್ದ ವೇಲ್ ಬಗ್ಗೆ ತೀವ್ರವಾಗಿ ಖಂಡಿಸುತ್ತಾಳೆ.ಎಪ್ಪತ್ತರ ದಶಕದಲ್ಲಿ ಮನೆಮಾತಾಗಿದ್ದ ಬೀಜೀಸ್,ಅಬ್ಬ ಎಂಭತ್ತರ ದಶಕದ ಹೊತ್ತಿಗೆ ಮೂಲೆಗುಂಪಾಗಿ ಅವರ ಜಾಗಕ್ಕೆ 'ಜೈಕೆಲ್ ಮ್ಯಾಕ್ಸನ್', ಐರನ್ ಮೇಡನ್ ಬಂದಿದ್ದನ್ನು ಟೆಹ್ರಾನಿನ ರಸ್ತೆ ಬದಿಯಲ್ಲಿ ಷಾಹ್ ಸರಕಾರದ ಕೆಂಗಣ್ಣಿಗೆ ಹೆದರಿ ಜನರು ಲಾಂಗ್ ಜಾಕೆಟ್ಟಿನ ಜೇಬಿನೊಳಗೆ ಕ್ಯಾಸೆಟ್ಟುಗಳನ್ನು,ಲಿಪ್‍ಸ್ಟಿಕ್ಕುಗಳನ್ನು ಹುದುಗಿಸಿ ಮಾರಾಟ ಮಾಡುವಂತೆ ಚಿತ್ರಿಸ್ತಾಳೆ. ಮುಂದೆ ಹೆಚ್ಚಿನ ವಿದ್ಯಾಭ್ಯಾಸದ ನೆಪವಾಗಿ ಇರಾನ್ ಬಿಟ್ಟು ಆಸ್ಟ್ರಿಯಾದ ವಿಯೆನ್ನಾದ ಫ್ರೆಂಚ್ ಶಾಲೆಯಲ್ಲಿ ಓದು ಮುಗಿಸಿ ಅತೀ ಸಾಮಾನ್ಯ ಯುವಜನತೆಯ ಒಂದು ಭಾಗದಂತೆಯೇ ಈಕೆಯೂ ದಾರಿತಪ್ಪಿ ಹಶೀಶ್ ಅಡಿಕ್ಶನ್ ನಿಂದ ಹೊರಬರಲಾರದೆ ಹೊತ್ತಲ್ಲದ ಹೊತ್ತಲ್ಲಿ ಡಿಪ್ರೆಶನ್ ಗೊಳಗಾಗಿ ಏಕಾಏಕಿ ಒಂದಿನ ಮನೆಗೆ ಹಿಂದುರುಗುತ್ತಾಳೆ.15-20 ವರ್ಷ ಕಳೆದರೂ ತನ್ನ ದೇಶದ ಪರಿಸ್ಥಿತಿ ಯಥಾಪ್ರಕಾರ ಅದೇ ಅಂಧಕಾರದಲ್ಲಿ ನೊಂದು ಬೆಂದು ಬೆಂಡಾಗಿದೆ ಅನ್ನಿಸೋಕ್ ಶುರುವಾಗತ್ತೆ.ಇದೆಲ್ಲದರ ನಡುನಡುವೆಯೇ ಮಾರ್ಜಾನಳ ಅತೀ ಸ್ವಂತ ಎನ್ನಬಹುದಾದ ಜೀವನದ ಎಳೆ ಮುಂದುವರೆಯುತ್ತದೆ.ಪ್ರೀತಿ-ಪ್ರೇಮ-ಕಾಮ-ಮದುವೆ-ವಿಚ್ಛೇದನ ಎಲ್ಲವೂ ನೆರವೇರಿ ಕಡೆಗೆ ತನ್ನ ಜೀವನದ ಬಗ್ಗೆ,ತನ್ನ ದೇಶದ ಬಗ್ಗೆ ಭ್ರಮನಿರಸನಗೊಂಡಾಕೆ ದೂರದ ಫ್ರಾನ್ಸ್ ದೇಶಕ್ಕೆ ವಲಸೆ ಹೊರಡುವಲ್ಲಿಗೆ ಪುಸ್ತಕ ಮುಗಿಯುತ್ತದೆ.
----------------*--------------
ಮೇ 2009:
ಬೆಂಗಳೂರ್ ಟೈಮ್ಸ್ ನಲ್ಲಿ ಕಾನ್ಸ್ ಸಿನಿಮಾ ಉತ್ಸವದ ಅಂಗವಾಗಿ ಮೇ ತಿಂಗಳಲ್ಲಿ ಒಂದು ವಾರ ಆಯ್ದ ಕೆಲ ಸಿನಿಮಾಗಳ ಪ್ರದರ್ಶನ ಪಿ.ವಿ.ಆರ್ ನಲ್ಲಿದೆ ಅನ್ನೋ ಸುದ್ದಿ.ಒಂದು ಮಂಗಳವಾರ ಮಧ್ಯಾಹ್ನ 'ಪರ್ಸೆಪೋಲಿಸ್' ಸಿನಿಮಾ ಪ್ರದರ್ಶನ ಇದೆ.ಬಹಳ ದಿನಗಳಿಂದ ಈ ಚಿತ್ರವನ್ನು ಡಿವಿಡಿ ತಂದು ನೋಡ್ಬೇಕು ಅಂದ್ಕೊಂಡಿದ್ದ ನನಗೆ ಥೇಟರಿನಲ್ಲಿ ಪ್ರದರ್ಶನ ಆಗ್ತಿರೋ ವಿಷಯ ನೋಡಿ ಖುಷಿಯೇನೋ ಆಯ್ತು.ಆದ್ರೆ ಮುಂಡೇದು ಮಟಮಟ ಮಂಗಳವಾರ ಮಧ್ಯಾಹ್ನ ಇರೋದನ್ನ ನೋಡಿ ಜೊತೆಜೊತೆಗೇ ದುಃಖವೂ ಆಯ್ತು.ರಾತ್ರಿ ಹತ್ತೂವರೆಗೆ ಇನ್ನೊಂದು ಶೋ ಇರೋದು ನೋಡಿ ಸ್ವಲ್ಪ ರಿಲೀಫ್ ಕೊಡ್ತು. ಯಾರ್ ಬರ್ಲಿ ಬರದೇ ಇರ್ಲಿ ಒಬ್ಬನೇ ಆದ್ರೂ ಸರಿ ಹೋಗಿ ನೋಡಿ ಬರ್ಬೇಕು ಅನ್ನಿಸ್ತು.ಆದ್ರೆ ನನ್ನ ಚಂಚಲ ಬುದ್ಧಿ ಬಡಪೆಟ್ಟಿಗೆ ಯಾವ ನಿರ್ಧಾರವನ್ನೂ ತಗೋಳೋದಿಲ್ಲ.ಮಂಗಳವಾರ ಬರ್ಲಿ ನೋಡ್ಕೊಳಣಾ ಅಂತ ಸುಮ್ನಾಗಿ ಈ ವಿಷಯವನ್ನು ಮರೆತೇ ಹೋಗಿದ್ದೆ.
ಅದೃಷ್ಟವಶಾತ್ ಹೀಗೇ ಬ್ಲಾಗ್ ಪ್ರಪಂಚದಲ್ಲಿ ಅಡ್ಡಾಡುವಾಗ ಎಡವಿದ ಒಂದು ಬ್ಲಾಗ್ ನನ್ನ ಆಸಕ್ತಿಯನ್ನು ತೀರಾ ಸೆಳೆಯಿತು.ಆ ಬ್ಲಾಗ್ ಬರೆದಿದ್ದ ಬರಹಗಾರ್ತಿಯ ಶೈಲಿ,ಅತೀ ಸಾಧಾರಣವೆನಿಸುವ ಸಣ್ಣ-ಸಣ್ಣ ವಿಚಾರಗಳನ್ನೂ ಅತೀ ಮುತುವರ್ಜಿಯಿಂದ ಸುಂದರವಾಗಿ ಅಕ್ಷರರೂಪ ಕೋಡೋ ಅವಳ ಸಹನೆ ಬಹಳಾನೆ ಇಷ್ಟವಾಯ್ತು.ಬ್ಲಾಗಿನಿಂದ ಪರಿಚಯವಾಗಿದ್ದು ಹೀಗೇ ಲೋಕಾರೂಢಿಯಾಗಿ ಗೂಗಲ್ ಟಾಕಿನಲ್ಲಿ ಹರಟೋವಾಗ ಒಮ್ಮೆ 'ಪರ್ಸೆಪೋಲಿಸ್' ವಿಷಯ ಬಂದು ಇಬ್ಬರೂ ಆ ಪುಸ್ತಕದ ಬಗ್ಗೆ ಜನರಲ್ಲಾಗೇ ಮಾತಾಡಿದ್ವಿ. ಪಿವಿಆರ್ ನಲ್ಲಿ ಆ ಚಿತ್ರಪ್ರದರ್ಶನದ ವಿಷಯ ಅವಳಿಗೂ ಹೇಗೋ ತಿಳಿದುಬಂದು ಅದನ್ನ ನೋಡ್ಬೇಕು ಅಂದ್ಕೊಂಡಿದೀನಿ ಅಂದ್ಲು. 'ಮಂಗಳವಾರ ಮಧ್ಯಾಹ್ನ ಇದ್ಯಲ್ಲ ಶೋ,ಸಿನಿಮಾ ನೋಡೋದ್ ಹೇಗೆ?' ಅನ್ನೋ ನನ್ನ ಪೆದ್ದು ಪ್ರಶ್ನೆಗೆ "ಅದಿರೋದು ಮಧ್ಯಾಹ್ನ ಒಂದೂವರೆಗೆ,ಮೂರಕ್ಕೆಲ್ಲ ಮುಗ್ಯತ್ತೆ,ಬೇಗ ಲಂಚ್ ಬ್ರೇಕಿಗೆ ಬಂದು ಸ್ವಲ್ಪ ಲೇಟಾಗಿ ಹೋದ್ರೆ ಆಯ್ತು.ಪಿವಿಆರ್ ನಿಂದ ನಮ್ಮ ಆಫೀಸ್ ಹತ್ತೇ ನಿಮಿಷ" ಅನ್ನೋ ಸ್ಮಾರ್ಟಾದ ಉತ್ತರ ಕೊಟ್ಟಳು. ಹೇ! ಹೌದಲ್ವ?! ನಮ್ಮ ಆಫೀಸ್ ಕೂಡಾ ಹತ್ತೇ ನಿಮಿಷದ ದೂರ ಫೋರಮ್ಮಿನಿಂದ, ನಾನೂ ಹಾಗೇ ಮಾಡ್ಬೋದಲ್ವ? ಅನ್ನಿಸಿ ಸರಿ ಹಾಗಿದ್ರೆ ಮಂಗಳವಾರ ನೋಡೇಬಿಡೋಣಾಂತ ಅಂದ್ಕೊಂಡೆ.
ಹೀಗೆ ಕಾಲೇಜಿನಲ್ಲಿ ಬಂಕ್ ಮಾಡಿ ನೋಡಿದ ಎಷ್ಟೋ ಸಿನಿಮಾಗಳಂತೆ ಮೊದಲ ಬಾರಿಗೆ ಆಫೀಸ್ ಅವರ್ಸ್ ನಲ್ಲೇ ಹೋಗಿ ಸಿನಿಮಾ ನೋಡಿಕೊಂಡು ಬರೋ ವಿಷಯ ಸಣ್ಣಗೊಂಥರಾ ಥ್ರಿಲ್ ಅನ್ನಿಸ್ತು.ಅಂತೆಯೇ ಮಂಗಳವಾರ ಸರಳ-ಶಾಂತ ಮುಖಮುದ್ರೆಯ ಆ ಹುಡುಗಿಯ ಭೇಟಿ ಕೂಡಾ ಥೇಟರಿನಲ್ಲೇ ಆಯ್ತು. 'ಹುಡ್ಗೀ, Nice meeting you & thanks for the brilliant idea again.'
----------------*--------------
ಮಾರ್ಜಾನ್ ಸತ್ರಾಪಿ ತನ್ನದೇ ಆತ್ಮಕಥೆಯ ಆ ಕಾಮಿಕ್ ಪುಸ್ತಕದಂಥಾ ನಾವೆಲ್ಲೊಂದನ್ನು ವಿಂಸೆಂಟ್ (Vincent Paronnaud) ಜತೆಗೂಡಿ ಚಿತ್ರಕತೆ ರೂಪಿಸಿ ಒಂದು ಆನಿಮೇಟೆಡ್(ಕಾರ್ಟೂನ್) ಚಿತ್ರವನ್ನು ತಯಾರಿಸಿದ್ದು ಇವತ್ತಿಗೆ ಹಿಸ್ಟರಿ. ಅದು ದೇಶವಿದೇಶಗಳಲ್ಲಿ ಪ್ರದರ್ಶನಗೊಂಡು ಇರಾನ್-ಲೆಬನಾನ್ ನಲ್ಲಿ ಪ್ರದರ್ಶನಕ್ಕೆ ತೀವ್ರತರವಾದ ವಿರೋಧ ವ್ಯಕ್ತಪಡಿಸಿದ ಸರಕಾರದ ಕಣ್ಣು ಕೆಂಪಾಗಿಸಿ ಎಲ್ಲ ನೋಡನೋಡ್ತಿದ್ದಂಗೆ ಅನೇಕ ಚಿತ್ರೋತ್ಸವದ ಭಾಗವಾಗಿ ಸುಮಾರು ಪ್ರಶಸ್ತಿಗಳನ್ನು ತನ್ನದಾಗಿಸಿಕೊಂಡಿತು.ಪುಸ್ತಕ ಓದಿದವರಿಗೆ ಚಿತ್ರ ನೋಡಿದಾಗ ಓದಿದಾಗಿನ ಸಂತಸ ದುಪ್ಪಟ್ಟಾಗಿತ್ತು.ಎಷ್ಟೋ ಸಲ ಒಂದು ಕಾದಂಬರಿ/ಸಣ್ಣಕತೆಯನ್ನು ಪೂರ್ಣಪ್ರಮಾಣದ ಚಿತ್ರವನ್ನಾಗಿಸುವಾಗ ಮೂಲ ಕತೆಗೆ ಸಂಪೂರ್ಣವಾದ ನ್ಯಾಯ ಒದಗಿಸುವುದು ಕಷ್ಟಕರವಾದ ಕೆಲಸ.ಅಂಥಾ ಪುಟ್ಟಣ್ಣನ ನಿರ್ದೇಶನದಲ್ಲಿ ತೆರೆಕಂಡ'ನಾಗರಹಾವು' ಚಿತ್ರವನ್ನು ನೋಡಿದ ತರಾಸು ತಮ್ಮ ಕತೆಗೆ ಸಂಪೂರ್ಣ ನ್ಯಾಯ ದೊರಕಿಲ್ಲವೆಂಬ ವಿಷಾದದಲ್ಲಿ 'ಅದು ನಾಗರಹಾವಲ್ಲ, ಕೇರೆ ಹಾವು' ಅಂದಿದ್ರಂತೆ.ಹಾಗೇ ಡ್ಯಾನ್ ಬ್ರೌನ್ ಕಾದಂಬರಿ ಆಧಾರಿತ ಚಿತ್ರ 'ಡಾವಿಂಚಿ ಕೋಡ್' ಕೂಡಾ ನನಗೆ ಅಂಥಾ ತೃಪ್ತಿ ತಂದಿರಲಿಲ್ಲ.ಪುಸ್ತಕವನ್ನೇ ಓದದ ನಾನು ಈ ಪುಸ್ತಕವನ್ನು ಮೂರುಬಾರಿ ಓದಿದ್ದೆ. ಚಿತ್ರ ನೋಡಿದಾಗ ತೀರಾ ಆಶಾಭಂಗವಾಗಿತ್ತು. ಆದ್ರೆ ಇಲ್ಲಿ ಕತೆ-ಚಿತ್ರಕತೆ-ನಿರ್ದೇಶನ ಎಲ್ಲವೂ ಮಾರ್ಜಾನ್ ಳದೇ ಆದ್ರಿಂದ ಎಲ್ಲೂ ಮೂಲಕತೆಗೆ ತೊಡಕಾಗಿದೆ ಅನ್ನಿಸಲಿಲ್ಲ.ಮುಖ್ಯವಾಗಿ ಇದು ಬೇರೆಲ್ಲ ಮುಖ್ಯವಾಹಿನಿಯ ಚಿತ್ರಗಳಂತೆ ನೇರವಾಗಿ ನಮ್ಮನ್ನು ಭಾವನಾತ್ಮಕವಾಗಿ ಕಾಡುವ ಬದಲು ಕಾಮಿಕ್ ಪಾತ್ರಗಳ,ಅಂಕುಡೊಂಕಿನ ರೇಖೆಗಳ ಮೂಲಕ ವ್ಯಂಗ್ಯ-ವಕ್ರೋಕ್ತಿಗಳ ನಡುನಡುವೆಯೇ ಮಾನವ ನಿರ್ಮಿತ ಈ ಸುಸಜ್ಜಿತ ಸಮಾಜಕ್ಕೆ ಹಿಡಿದ ಕನ್ನಡಿಯಂತೆ ತೋರತ್ತೆ.ನಾವುಗಳು ಕೂಡಾ ಇಂಥದ್ದೇ ಒಂದು ಸಮಾಜದ ಭಾಗವಾಗಿದೀವಿ ಅನ್ನೋದು ನಿಧಾನವಾಗಿಯಾದ್ರೂ ಖಂಡಿತಾ ಮನದಟ್ಟು ಮಾಡಿಕೊಡತ್ತೆ.ಇಂಗ್ಲಿಷ್ ವರ್ಶನ್ನಿನಲ್ಲಿ ಶಾನ್ ಪೆನ್ನ್,ಇಗ್ಗಿ ಪಾಪ್ ರಂಥ ಹೆಸರಾಂತ ಧ್ವನಿಗಳು ಚಿತ್ರಕ್ಕೆ ಮತ್ತೂ ಹೆಚ್ಚಿನ ಮೆರುಗನ್ನು ಕೊಡುವಲ್ಲಿ ಯಶಸ್ವಿಯಾಗಿದೆ. ಒಟ್ಟಿನಲ್ಲಿ ಸೊಗಸಾದ ಪುಸ್ತಕವನ್ನಾಧರಿಸಿದ ಮತ್ತೂ ಸೊಗಸಾದ ಒಂದು ನೈಜ ಚಿತ್ರ. ನಿಜಕ್ಕೂ ಖುಷಿಯಾಯ್ತು ಓದಿ-ನೋಡಿ. ನೀವೂ ಒಮ್ಮೆ ಓದಿ-ನೋಡಿ :)

ಪುಸ್ತಕವನ್ನು ಓದದವರಿಗೆ ಈ ಚಿತ್ರ ರುಚಿಸುವುದೇ ಅನ್ನೋದು ನನ್ನನ್ನಿನ್ನೂ ಕಾಡುತ್ತಿರುವ ಪ್ರಶ್ನೆ.ನೀವು ಪುಸ್ತಕವನ್ನು ಓದದೇ ಚಿತ್ರ ನೋಡಿದ್ದರೆ ನಿಮ್ಮ ಮುಕ್ತ ಅಭಿಪ್ರಾಯ ಹಂಚಿಕೊಳ್ಳುವುದನ್ನು ಮರೆಯಬೇಡಿ.

ಪೂರಕ ಓದು/ಕೊಂಡಿ:
IMDB
WIki
Persepolis-The Movie

ಹೀಗೊಂದು SPAM ಕಥೆ

2009-04-21T08:51:00.004-04:00

ಇತ್ತೀಚಿನ ದಿನಗಳಲ್ಲಿ ಜನರು ಇಷ್ಟೆಲ್ಲಾ ಪುರುಸೊತ್ತಾಗಿದಾರೆ ಅಂತ ಗೊತ್ತಿರಲಿಲ್ಲ.ದಿನಕ್ಕೆ ಏನಿಲ್ಲವೆಂದರೂ ಒಂದಿಪ್ಪತ್ತೈದು ಸ್ಪಾಮ್ ಈ-ಮೇಲುಗಳು ಬಂದು ನನ್ನ ಇನ್‍ಬಾಕ್ಸಿನಲ್ಲಿ ಬಿದ್ದಿರುತ್ತವೆ.ಎಲ್ಲವನ್ನೂ ಒಟ್ಟಿಗೇ ಡಿಲೀಟ್ ಮಾಡೋದು ಅಭ್ಯಾಸ. ಆದರೂ ಏನಿರಬಹುದು ಅನ್ನೋ ಕುತೂಹಲದಿಂದ ಆಗೊಮ್ಮೆ ಈಗೊಮ್ಮೆ ಒಂದೆರಡನ್ನು ಓದುವುದೂ ಇದೆ. ಅಂಥದ್ದೇ ಒಂದು ಕಥೆ ಇದು. SPAM ಕಳಿಸುವಾಗಲೂ ಇಷ್ಟೆಲ್ಲ ಸೃಜನಶೀಲತೆಯಿಂದ ಒಂದು ಕತೆ ಹೆಣೆದು ಕಳಿಸಿದಾರಲ್ಲ ಅಂತ ನನಗೆ ಸಂತೋಷ.

ಕತೆ ಎಷ್ಟು ಕರುಣಾಜನಕವಾಗಿದೆಯೆಂದರೆ ಇದನ್ನು ಓದಿದ ಕೆಲವರಾದರೂ ಕಂಬನಿ ಮಿಡಿದು ಕೇವಲ 1.26 ದಶಲಕ್ಷ ಡಾಲರುಗಳ (6.3 ದಶಲಕ್ಷ ಡಾಲರಿನ ಶೇ.೨೦ ಭಾಗ) ಆಮಿಷಕ್ಕೆ/ಆಸೆಗೆ ಒಳಗಾಗದೆ ನಿಜವಾಗಿಯೂ ಆ ನೊಂದ ಜೀವಕ್ಕೆ ಆಸರೆಯಾಗಬಹುದೆ ಅನ್ನೋದು ನನ್ನನುಮಾನ! :)
ಒಮ್ಮೆ ನೀವೂ ಓದಿ ನೋಡಿ. ಸಹಾಯಹಸ್ತ ಚಾಚಲು ಬಯಸುವಿರಾದರೆ ಆ ನತದೃಷ್ಟೆಯ ಈ-ಮೇಲ್ ಐಡಿ ಕೆಳಗಿದೆಯಲ್ಲ, ಅಲ್ಲಿಗೆ ಉತ್ತರಿಸಬಹುದು...
ಆದ್ರೂ, ಛೇ ಪಾಪ...ಹೀಗಾಗಬಾರದಿತ್ತು ಕಣ್ರೀ...ತ್ಚುತ್ಚುತ್ಚು...

Hello,
I am Miss Isabela Guede 23 years old undergraduate and also I am native of Zulu Kingdom, In the republic of south africa. Will the trust is that i have this great oppoutunity to call on you about this, Though we have not meet before but I believe someone have to risk in confiding his secret to succeed sometimes in life.

My father was an engineer, a contractor to the petrole lvoire in the republic of cote d lvoire west africa before his suddent death. A week after he come back from cote d lvoire, they was ataked with my mother by unknown assassins, my mother died instantly, But my father died after five day's in the hospital. Onthat faithful afternoon, I didn't know that my father was going to leave me after i have lost my mother but before he gave up.

He disclosed to me that he has sis million three hundred u.s dollars ($6.3million) in one of reputable private security company in Ivory Coast, that the money was obtained through the contract he worked for in the petrol ivoire copany's.fortunately, my father made available all the documents to me before he died. But the company said that my present will be needed in Abidjan cote d'ivoire for some neccesary formalities. Now, I have decided to transfer this money to a foreign country for proper investment.

So all I want you to do for me is to step forward as my father's foreign partner to the security company so that the money will be retrieve to you,I have all the neccesary information about it and i will sincerely give you 20% out of the money,and the rest will be used for any investement preferred by you in your country.

Thanks for your kind attention and understanding.

I are waiting to hear from you soon.

Miss Isabela Guede.
mansoorman4000@yahoo.co.jp

ಮರೆವು

2009-04-09T13:20:00.000-04:00

ಕೆಲವರು ಯಾವಾಗಲೂ ಹೀಗೆ
ಮಾತು ತಮ್ಮ ಆಸ್ತಿ
ಅಂತಲೇ ನಂಬಿದವರು
ಅವಶ್ಯಕತೆ-ಅನವಶ್ಯಕತೆಯೆನ್ನದೆ
ಸದಾ ಮಾತನಾಡುವವರು
ಮೌನ ಮರೆತವರು

ಮತ್ತೆ ಕೆಲವರೂ ಅಷ್ಟೇ
ಯಾವಾಗಲೂ ಹೀಗೇ!
ಮಾತು ಅವರಿಗೂ ಆಸ್ತಿಯೇ
ಕರಗಬಹುದೆಂಬ ಭಯದಲ್ಲಿ
ಬಾಯೇ ಬಿಡದವರು
ಮಾತು ಮರೆತವರು!

ಛೇ, ಸುಟ್ಟುಬಿಡಬೇಕಿತ್ತು....

2009-03-06T08:50:00.008-05:00

ಹೌದು...ಸುಟ್ಟುಬಿಡಬೇಕಿತ್ತು ಆವತ್ತೇ..ಇಲ್ಲೀತನಕ ಜತನವಾಗಿ ಅದನ್ನು ಜೋಪಾನ ಮಾಡಿಕೊಂಡು ಬಂದಿದ್ದೇ ಈ ಎಲ್ಲ ರಾದ್ಧಾಂತಕ್ಕೆ ಕಾರಣವಾಯ್ತು. ಎಂಥಾ ಬುದ್ಧಿಗೇಡಿ ನಾನು..ಛೇ.. ಆಫೀಸಿನಲ್ಲಿ ಬೇರೆ ಇವತ್ತು ತುಂಬಾ ಕೆಲಸ...ಮನಸನ್ನ ಒಂದು ಕಡೆ ಹಿಡಿದಿಟ್ಟುಕೊಂಡು ಕೆಲಸದ ಕಡೆ ಗಮನ ಕೊಡೋಕೆ ಶತಪ್ರಯತ್ನ ಮಾಡಿದ್ರೂ ಆಗಲಿಲ್ಲ.ತಡೀಲಾರದೆ ತಲೆನೋವೆಂದು ಅರ್ಧಘಂಟೆ ಮುಂಚೇನೆ ಎದ್ದು ಮನೆಗೆ ಬಂದೆ. ಸಾಲದ್ದಕ್ಕೆ ಇವತ್ತು ಎಲ್ಲಿಲ್ಲದ ಧಗೆ.ಸಂಜೆ ಮೇಲೆ ಮಳೆ ಗ್ಯಾರಂಟಿ ಅಂದುಕೊಂಡು ಬೆವರೊರೆಸಿಕೊಳ್ಳುತ್ತಾ ಮನೆಗೆ ಬಂದ್ರೆ ಇಲ್ಲೂ ಮೋಡ ಕವಿದ ವಾತಾವರಣ. ಮನೆಯಲ್ಲೆಲ್ರೂ ಅವರವರ ಲೋಕದಲ್ಲಿದ್ದಾರೆ. ಪ್ರಾಯಶಃ ಎಲ್ರಿಗೂ ಅವರದೇ ಆದ ಸುಂದರವಾದ ಒಂದು ಲೋಕವಿರುತ್ತದೆ, ಆ ಲೋಕಕ್ಕೆ ಅವರೇ ಸಾಮ್ರಾಜ್ಯಶಾಹಿಗಳು ಅನ್ನೋದನ್ನ ನಾ ಮರೆತಿದ್ದೇನೆ ಅನ್ನಿಸ್ತು. ಇದು ತೀರಾ ನ್ಯಾಚುರಲ್ ಕೂಡಾ.

ಮನೇಗ್ ಬಂದಮೇಲೆ ಮುಖದಮೇಲಿಷ್ಟು ತಣ್ಣನೆ ನೀರು ಹಾಕಿಕೊಂಡು ಬಿಸ್ಬಿಸಿ ಅರ್ಧ ಕಪ್ ಕಾಫಿ ಕುಡಿದ್ರೆ ಎಲ್ಲ ಸರಿಹೋಗತ್ತೆ ಅಂದುಕೊಂಡೇ ಸೀದಾ ಬಚ್ಚಲುಮನೆ ಕಡೆ ಹೋದೆ. ಮುಖ ತೊಳೆಯೋವಾಗಲೂ ಮನಸೆಲ್ಲಾ ಅಲ್ಲೇ ಇತ್ತು. ಆ ಕ್ಷಣದಲ್ಲೇ ಅದನ್ನ ಸುಟ್ಟುಬಿಟ್ಟಿದ್ದರೆ ಇವತ್ತು ಇಷ್ಟೆಲ್ಲ ಕಳವಳ ಪಡಬೇಕಾದ ಅಗತ್ಯ ಇರ್ತಿರಲಿಲ್ಲ ಅಲ್ವ? ಛೇ...ಯಾಕೆ ನನಗೆ ಈ ಸೂಕ್ಷ್ಮಗಳೆಲ್ಲಾ ಹೊಳೆಯೋದೇ ಇಲ್ಲ? ಅಷ್ಟು ಪೆದ್ದು ನಾನು! ಮುಖ ತೊಳೆದಮೇಲೆ ಕಾಫಿ ಕುಡೀಬೇಕು ಅನ್ನೋದು ಮರೆತ್‍ ಹೋಗಿ ನೇರ ರೂಮಿಗೆ ಹೋಗಿ ಬಾಗಿಲು ಮುಂದಕ್ ಮಾಡಿ ಮಲಗಿಬಿಟ್ಟೆ. ತಲೆ ಪಣ್ ಪಣ್ ಅಂತಿದ್ರೂ ಯಾಕೋ ಮಾತ್ರೆ ಬೇಡ ಅನ್ನಿಸ್ತು.ಝಂಡು ಬಾಮ್ ಇಷ್ಟು ಸವರಿಕೊಂಡು ಮಗ್ಗುಲು ಬದಲಿಸಿದೆ. ತಲೆಯೊಳಗೆಲ್ಲಾ ಅದೇ ಓಡಾಡ್ತಿತ್ತು.ಛೇ ಸುಟ್ಟುಬಿಡಬೇಕಿತ್ತು.

~~*~~

ತಲೆನೋವು ನನಗೇನೂ ಹೊಸದಲ್ಲ.ನನ್ನ ರೊಟೀನಿನಲ್ಲಿ ಇದೊಂದು ಭಾಗವಾಗಿಬಿಟ್ಟಿದೆ. ಈ ಮೈಗ್ರೇನ್ ಅಂದ್ರೇ ಹೀಗೆ! ಟೈಮ್ ಅಲ್ಲದ ಟೈಮ್ ಅಲ್ಲಿ ಬಂದು ವಕ್ಕರಿಸೋದಕ್ಕೆ ಇಂಥದ್ದೇ ಕಾರಣ ಅಂತೇನಿರೋದಿಲ್ಲ. ಹಸಿವು, ಬಿಸಿಲು,ನಿದ್ದೆಯಲ್ಲಿ ಹೆಚ್ಚು-ಕಮ್ಮಿ,ಮದುವೆ ಮನೆ ಗಲಾಟೆ,ಬಸ್ಸಿನ ಪ್ರಯಾಣ, ಡೀಸಲ್ ವಾಸನೆ,ಎಣ್ಣೆ ಪದಾರ್ಥ ಕಡೇಗೆ ಇಷ್ಟ ಅಂತ ಬಾಯಿಗೆ ಹಾಕಿಕೊಂಡ ನಾಲ್ಕು ಕಡಲೆಬೀಜ ಸಾಕು. ಒಮ್ಮೊಮ್ಮೆ ಈ ಯಾವ ಕಾರಣಗಳೂ ಬೇಕಿಲ್ಲ. ಆದ್ರೆ ಇವತ್ತು ಮಾತ್ರ ನನಗೆ ಬಂದ ತಲೆನೋವಿಗೆ ಕಾರಣ ಏನಿರಬಹುದು ಅಂತ ಯೋಚಿಸೋ ವ್ಯವಧಾನವೂ ನನಗಿರಲಿಲ್ಲ. ನನ್ನ ಗಮನವೆಲ್ಲ ಅಲ್ಲೇ ಇತ್ತು. ಮೊದಲೆಲ್ಲ ನನಗೆ ತಲೆನೋವು ಬಂದಿದೆ ಅಂತ ಗೊತ್ತಾದ್ರೆ ಮನೇವ್ರು ತಲೆಕೆಡಿಸಿಕೊಂಡು ಯಾಕೆ ಬಂತು ನಿನಗೆ ತಲೆನೋವು? ಊಟ ಸರಿಯಾದ ಟೈಮಿಗೆ ಮಾಡಿದ್ಯೋ ಇಲ್ವೊ? ಹೊರಗೇನಾದ್ರು ತಿಂದ್ಯ? ಬಿಸಿಲಲ್ಲೆಲ್ಲಾದ್ರು ಹೋಗಿದ್ಯ? ಕೆಲಸ ಜಾಸ್ತಿ ಇತ್ತಾ? ಅಂತ ಹತ್ತಾರು ಪ್ರಶ್ನೆಗಳನ್ನ ಕೇಳ್ತಿದ್ದೋರು ಈಚೆಗೆ ಅದು ತೀರಾ ಕಾಮನ್ ಅನ್ನೋ ಭಾವ ತಳೆದಿದ್ರು. ಅವರ ಈ ನಡವಳಿಕೆಯಲ್ಲಿ ತಪ್ಪಿದೆ ಅನ್ನಿಸಿರಲಿಲ್ಲ.

ನಿದ್ದೆ ಬಂದು ತಲೆನೋವು ಹೋಗಬಾರದಾ ಅಂದುಕೊಳ್ತಿರೋವಾಗ ಹೊರಗೆ ಯಾರೋ ಬಂದು ಮಾತಾಡೋದು ಕೇಳಿಸ್ತು. ಮುಂದಕ್ ಹಾಕಿ ಬಂದಿದ್ದ ರೂಮಿನ ಬಾಗಿಲು ಗಾಳಿಗೋ ಏನೋ ತಕ್ಕೊಂಡಿತ್ತು. ಮೆಲ್ಲಗೆ ಸದ್ದಾಗದಂತೆ ಬಾಗಿಲನ್ನ ಮುಂದಕ್ಕೆ ಹಾಕಿ 'ಆಫೀಸಿಂದ ಬಂದು ಕಾಫೀನೂ ಕುಡೀಲಿಲ್ಲ, ತಲೆನೋವು ಅಂತ ಮಲಗಿರ್ಬೇಕು. ಮೆಲ್ಲಗೆ ಮಾತಾಡಿ ಡಿಸ್ಟರ್ಬ್ ಆಗತ್ತೆ' ಅಂದಿದ್ದು ಕೇಳಿಸಿ ಆ ತಲೆನೋವಿನಲ್ಲೂ ಮನಸ್ಸಿಗೆ ಹಗುರ ಅನ್ನಿಸ್ತು.ಇವರುಗಳ ಪ್ರಪಂಚದಲ್ಲಿ ನನಗೂ ಅಷ್ಟೋ ಇಷ್ಟೋ ಸ್ಥಳವಿದೆಯಲ್ಲ ಅಂತ ಖುಷಿಯಾಯ್ತು. ಈಗಲಾದ್ರೂ ಎದ್ದುಹೋಗಿ ಅದ್ಯಾರ್ ಬಂದಿದಾರೋ ನೋಡಿ ಮಾತಾಡಿಸಿಕೊಂಡು ಹಾಗೇ ಒಂದು ಕಪ್ ಕಾಫಿ ಕುಡಿದುಬರೋಣ ಅನ್ನಿಸ್ತು. ಆದ್ರೆ ಯಾಕೋ ಎದ್ದು ಹೋಗೋಕೆ ಮನಸ್ಸು ಕೇಳಲಿಲ್ಲ. ಬಂದಿರೋರಿಗೆ ಕೊಟ್ಟಮೇಲೆ ಉಳಿದಿದ್ರಲ್ಲಿ ಯಾರಾದ್ರೂ ನನಗೂ ಅರ್ಧ ಕಪ್ ಕಾಫಿ ತಂದುಕೊಟ್ರೆ ಎಷ್ಟು ಚೆನ್ನಾಗಿರತ್ತೆ ಅಂದುಕೊಂಡೆ. ಸುಮಾರು ಹೊತ್ತಾದ್ರೂ ಯಾರೂ ಬರಲಿಲ್ಲ. ನನ್ನ ತಲೆಯೊಳಗೆಲ್ಲಾ ಅದೇ ಗುಂಗು...ಅರ್ಧನಿದ್ದೆಯಲ್ಲೇ ಮೊನ್ನೆ ಭಾನುವಾರ ನಡೆದಿದ್ದು ಕಣ್ಣಮುಂದೆ ಹಾಗೇ ಬಂದುಹೋದಂತಾಯ್ತು.

~~*~~

ವೀಕೆಂಡಿನ ಕೆಲಸವೆಲ್ಲಾ ಮುಗಿಸಿ ಚೆನ್ನಾಗಿ ನೀರು ಕಾಯ್ಲಿ ಅಂತ ಗೀಸರ್ ಹಾಕಿದ್ದೆ.ಟೀವಿಯಲ್ಲಿ ಅದೇ ಮಕ್ಕಳ ಹಾಡಿನ ಕಾರ್ಯಕ್ರಮ ನೋಡಿ ನೋಡಿ ಯಾಕೋ ವಾಕರಿಕೆ ಬಂದ ಹಾಗಾಯ್ತು. ಪೇಪರಿನಲ್ಲೂ ಮೆಚ್ಚಿಕೊಳ್ಳುವಂಥಾ ಅಂಕಣಗಳ್ಯಾವ್ದೂ ಇರಲಿಲ್ಲ. ಒಂದಕ್ಷರವನ್ನೂ ಬರೆಯದೆ ಪದಬಂಧ ಕೂಡಾ ಮುಗಿಸಿದ್ದೆ. ನಮ್ಮ ಟೀವಿ-ಪೇಪರುಗಳ ಗುಣಮಟ್ಟ ದಿನೇದಿನೇ ಹದಗೆಟ್ಟು ಹೋಗ್ತಿರೋದಕ್ಕೆ ಅಥವಾ ಏನ್ ಕೊಟ್ರೂ ಜನ ಸ್ವೀಕರಿಸ್ತಾರೆ ಅನ್ನೋ ಅವರ ಭಂಡ ಧೈರ್ಯಕ್ಕೆ ಕಾರಣ ಏನಿರಬಹುದು ಅಂತ ಯೋಚಿಸೋ ಸಹನೆ ನನ್ನಲ್ಲಿರಲಿಲ್ಲ. ನೀರು ಕಾಯುವನಕ ಸುಮ್ನೆ ಕೂತ್ಕೋಳ್ಳೋದ್ಯಾಕೆ ಅಂತ ಎದ್ದು ರೂಮಿಗೆ ಬಂದೆ. ಇಸ್ತ್ರಿಗೆ ಅಂತ ಇಟ್ಟಿದ್ದ ಬಟ್ಟೆಗಳೆಲ್ಲ ಕುರ್ಚಿಯ ಮೇಲೆ ಅನಾಥವಾಗಿ ಗುಡ್ಡೆ ಬಿದ್ದಿದ್ದವು.ಮಡಚಿ ಒಳಗಾದ್ರೂ ಇಡೋಣಾಂತ ಬೀರು ತೆಗೆದ್ರೆ ರಮಾರಾಡಿ. ಒಳಗೆ ಇನ್ನಷ್ಟು ಬಟ್ಟೆಗಳು ತಮಗೆ ಬೀರುವಿನಲ್ಲಿ ಜಾಗ ಸಿಕ್ಕಿದ್ದೇ ತಮ್ಮ ಪೂರ್ವಜನ್ಮದ ಪುಣ್ಯ ಅಂತ ಸಿಕ್ಕಸಿಕ್ಕ ಕಡೆ ಮುದುರ್ಕೊಂಡು ಬಿದ್ದಿದ್ವು.ಹೀಗೆ ಯಾವತ್ತೋ ಒಂದಿನ ಮನಸ್ಸು ಮಾಡಿ ಬಟ್ಟೆ ಜೋಡಿಸುವ ಕಾರ್ಯಕ್ರಮ ಕೈಗೆತ್ತಿಕೊಂಡಾಗ್ಲೇ ನನಗೆ ಗೊತ್ತಾಗೋದು ಇಷ್ಟೋಂದ್ ಬಟ್ಟೆಗಳಿದ್ಯ ಅಂತ. ಯಾವ್ದೋ ಹಬ್ಬ, ಯಾವುದೋ ಸೇಲ್ ,ಇನ್ಯಾರದೋ ಮರ್ಜಿ ಹೀಗೆ ಶಾಪಿಂಗ್ ಮಾಡಿ ಮಾಡಿಯೇ ಇವತ್ತು ಇಷ್ಟು ದೊಡ್ಡ ಬೀರುವಿದ್ರೂ ಬಟ್ಟೆಗಳಿಗೆ ಈ ಗತಿ! ಎಲ್ಲವನ್ನೂ ಒಪ್ಪವಾಗಿ ಜೋಡಿಸಿಡೋಣ ಅಂತ ಇಸ್ತ್ರಿಗೆ ಅಂತ ಹೊರಗಿದ್ದದ್ದನ್ನು ಒಂದು ಚಾಪೆ ಹಾಸಿ ಗುಡ್ಡೆ ಹಾಕಿದೆ.ಬೀರುವಿನಲ್ಲಿ ಮುದುರಿಬಿದ್ದಿದ್ದ ಬಟ್ಟೆಯನ್ನೂ ಎಳೆದು ಕೆಳಗೆ ಹಾಕುವ ಮುನ್ನ ಹ್ಯಾಂಗರಿನಲ್ಲಿದ್ದ ಒಗೆದ ಆ ಶರ್ಟುಗಳಲ್ಲಿ ಇನ್ನೂ ಇದ್ದ ಪರ್‍ಫ್ಯೂಮ್ ವಾಸನೆಯನ್ನೇ ಸವೀತಾ ಅಂತರ್ಧ್ಯಾನಿಯಾಗಿಬಿಟ್ಟೆ.ಅದನ್ನು ಸರಿಸಿ ಮಿಕ್ಕ ಬಟ್ಟೆಯನ್ನು ಎಳೆದಿದ್ದೇ ಒಂದರೆಕ್ಷಣ ಅವಾಕ್ಕಾಗಿ ನಿಂತುಬಿಟ್ಟೆ. ಬಟ್ಟೆಗಳ ಸಂಧಿಯಿಂದ ನನ್ನ ಆ ಕಪ್ಪು ಡೈರಿಯೊಂದು ನನ್ನನ್ನೇ ದಿಟ್ಟಿಸಿ ನೋಡ್ತಿದೆಯೇನೋ ಅಂತ ಭಾಸವಾಯ್ತು. ಕೈಕಾಲುಗಳಲ್ಲಿ ಸಣ್ಣಗೆ ನಡುಕ ಕಾಣಿಸಿಕೊಂಡ ಹಾಗಾಗಿ ಬೆರಳುಗಳು ಕಂಪಿಸತೊಡಗಿದವು.ಬೆನ್ನುಹುರಿಯಲ್ಲಿ ಬೆವರಹನಿಯೊಂದು ಹರಿದ ಅನುಭವ.
ಎಷ್ಟೋ ವರ್ಷಗಳ ಹಿಂದೆ ಬರೀತಿದ್ದ ನನ್ನ ಡೈರಿಗಳಲ್ಲಿ ಒಂದದು.ಯಾವುದೋ ಸೂಟ್‍ಕೇಸಿನಲ್ಲಿ ಭದ್ರಮಾಡಿ ಅಟ್ಟದ ಮೇಲಿಟ್ಟಿದ್ದ ನೆನಪು.ಇಲ್ಲಿ ಈ ಬಟ್ಟೆಗುಡ್ಡೆಯ ಮಧ್ಯೆ ಹೇಗೆ ಬಂದಿರಬಹುದು? ಎರಡು ನಿಮಿಷ ಗರಬಡಿದವಳಂತೆ ಏನು ಮಾಡಲೂ ತೋಚದೇ ಅದನ್ನೇ ನೋಡುತ್ತಾ ನಿಂತುಬಿಟ್ಟೆ.ಕೈಗೆತ್ತಿಕೊಂಡರೂ ತೆರೆದು ಮತ್ತೊಮ್ಮೆ ಓದಲು ಧೈರ್ಯ ಬರದೇ ಎದೆಗೆ ಅವುಡುಗಚ್ಚಿಕೊಂಡು ನನಗೇ ಗೊತ್ತಿಲ್ಲದಂತೆ ಬಿಕ್ಕಿಬಿಕ್ಕಿ ಅಳತೊಡಗಿದೆ.ಅದೆಷ್ಟು ದಿನಗಳಿಂದ ಈ ಡೈರಿ ಇಲ್ಲೇ ಈ ಬಟ್ಟೆಗುಡ್ಡೆಯ ನಡುವೆ ಅವಿತು ಕುಳಿತಿತ್ತೋ ನನಗೆ ಗೊತ್ತಿಲ್ಲ.ಖಂಡಿತಾ ಈ ಡೈರಿ ಇವರ ಕೈಗೆ ಸಿಕ್ಕಿ ಅವರು ಓದಿಬಿಟ್ಟಿದ್ದರೆ? ಅನ್ನೋ ಅನುಮಾನ ನನ್ನ ಸುತ್ತುವರೆದು ನನ್ನ ಅಳು ಇನ್ನೂ ತಾರಕಕ್ಕೇರಿತು.ಪುಣ್ಯಕ್ಕೆ ಇವರು ಏನೋ ಕೆಲಸ ಅಂತ ಹೊರಗೆಲ್ಲೋ ಹೋಗಿದ್ರು.ಅತ್ತೆ-ಮಾವ ಪಕ್ಕದ ಬೀದಿಯಲ್ಲಿ ಪರಿಚಿತರೊಬ್ಬರ ಮನೆಯ ಸತ್ಯನಾರಾಯಣ ಪೂಜೆಗೆ ಹೋಗಿದ್ದರು.ಆ ದಿನದ ನನ್ನ ಉದ್ವೇಗಕ್ಕೆ ನನ್ನದೇ ಸಮಾಧಾನದ ನುಡಿಗಳು.ಛೇ ಸುಟ್ಟುಬಿಡಬೇಕಿತ್ತು...

~~*~~

ಮೊದಮೊದಲು ನನ್ನ ಸ್ಕೂಲು-ಕಾಲೇಜಿನ ದಿನಚರಿಯನ್ನು ದಾಖಲಿಸುತ್ತಿದ್ದ ಹವ್ಯಾಸ ಬರಬರುತ್ತಾ ಅಭ್ಯಾಸವಾಗಿಹೋಗಿತ್ತು.ಅಲ್ಲಿಂದಾಚೆಗೆ ಪ್ರತೀವರ್ಷವೂ ತಪ್ಪದೆ ಬರೀತಿದ್ದೆ.ಈ ಡೈರಿಯೇ ನನ್ನ ಪ್ರಪಂಚ-ನನ್ನ ಸರ್ವಸ್ವವೂ ಆಗಿತ್ತು.ಯಾರೊಂದಿಗೂ ಹೇಳಿಕೊಳ್ಳಲಾಗದ ನನ್ನ ಎಲ್ಲ ತುಮುಲಗಳೂ ನಿರಾಯಾಸವಾಗಿ ಅಕ್ಷರಗಳ ರೂಪತಳೆದು ಈ ಡೈರಿಯೊಳಗೆ ಅಡಕವಾಗಿದ್ದವು.ದಿನವಹಿ ನನ್ನ ಖರ್ಚುವೆಚ್ಚ, ಸ್ಕೂಲು/ಕಾಲೇಜಿನ ಕಥಾನಕಗಳು,ಅನುಭವಗಳು,ಪಕ್ಕದಮನೆ-ಹಿಂದಿನ ಬೀದಿ-ಮೂಲೆ ಮನೆಯ ಊಹಾಪೋಹಗಳು,ನನ್ನ ರಜಾದಿನಗಳ ಪ್ರವಾಸಕಥನಗಳು,ನಾ ನೋಡಿದ-ಕೇಳಿದ,ಮೆಚ್ಚಿದ,ಹಿಡಿಸದ ಸಿನಿಮಾಗಳ,ಹಾಡುಗಳ ವಿಶ್ಲೇಷಣೆ ಎಲ್ಲವೂ ಈ ನನ್ನ ಪುಟ್ಟ ಡೈರಿಯೆಂಬ ಪ್ರಪಂಚದಲ್ಲಿ ಸುಭದ್ರ.
ನನ್ನ ಕಾಲೇಜಿನ ಎರಡನೇ ವರ್ಷದ ದಿನಗಳು ಮನಸ್ಸಿನಲ್ಲಿ ಅಚ್ಚಾಗಿ ಉಳಿದಂತೇ ನನ್ನ ಡೈರಿಯಲ್ಲೂ ಪುಟಗಟ್ಟಲೆ ತುಂಬಿಹೋಗಿದ್ದವು.ಅವನು ತನ್ನ ಪ್ರಿ-ಫೈನಲ್ ಇಯರ್ ನಲ್ಲಿದ್ದ.ವಯಸ್ಸು ರಂಗೇರಿ ಪುಕ್ಕಬಲಿತು ರೆಕ್ಕೆಯನ್ನೊಮ್ಮೆ ಕೊಡವಿಕೊಳ್ಳುವ ಸಮಯವದು.ಎಲ್ಲರ ಕಣ್ಣುಕುಕ್ಕುವಂತೆ ನಾವಿಬ್ಬರೂ ಎಗ್ಗು-ಸಿಗ್ಗಿಲ್ಲದೆ ಕ್ಯಾಂಪಸ್ ತುಂಬಾ ಓಡಾಡಿದ ಸುಖದ ದಿನಗಳು.ಅವನು ದಿನವೂ ಮೈಸೂರಿನಿಂದ ಕಾಲೇಜಿಗೆ ಬರೋನು.ನಾನು ಡೇ-ಸ್ಕಾಲರ್.ನಮ್ಮಿಬ್ಬರ ಭೇಟಿ,ಮಾತು-ಕತೆ,ಸರಸ-ಸಲ್ಲಾಪಗಳಿಗೆಂತಲೇ ಸ್ಪೆಶಲ್ ಕ್ಲಾಸುಗಳು,ಕಂಬೈನ್ಡ್ ಸ್ಟಡೀಸ್,ಲೈಬ್ರರೀಲಿ ಬುಕ್ ರೆಫರೆಂಸ್ ಎಲ್ಲವೂ ಸಹಾಯಕ್ಕೆ ಬರ್ತಿದ್ವು.ನಾವು ಜಗತ್ತನ್ನೇ ಬೆರಗುಗಣ್ಣುಗಳಿಂದ ನೋಡುವಂಥಾ ವಯಸ್ಸಿನಲ್ಲಿ ಇಡೀ ಜಗತ್ತೇ ನಮ್ಮಿಬ್ಬರನ್ನು ಕಣ್ಣುಕೆಂಪು ಮಾಡಿಕೊಂಡು ನೋಡುವಂತಿದ್ದೆವು. ಕಾಲೇಜ್ ಡೇ ಆವತ್ತು.ರೋಸ್ ಕೌಂಟರಿನ ತಲೆಮಾಸಿದ ಸೀನಿಯರ್ರುಗಳ ಪೈಕಿ ಒಬ್ಬ ನನ್ನನ್ನೇ ಹುಡುಕಿಕೊಂಡು ಬಂದು ಒಂದು ರೋಸ್,ಜೊತೆಗೊಂದು ಗ್ರೀಟಿಂಗ್ ಕೊಟ್ಟು ಹೋದ.ಅದನ್ನ ಕಳಿಸಿದ್ಯಾರಿರಬಹುದು ಅನ್ನೋ ಭಯಂಕರ ಸಂಶಯ ನನ್ನೆಲ್ಲ ಗೆಳತಿಯರಿಗೆ.ಈ ಧೈರ್ಯ ಅವನಿಗಲ್ಲದೆ ಇನ್ಯಾರಿಗೆ ಅನ್ನೋ ಧಿಮಾಕಿನ ನೋಟ ನನ್ನದು.ಎಷ್ಟೊ ಸಲ ನಾನು-ಅವನೂ ಒಟ್ಟಿಗೇ ಲೋಕವನ್ನೇ ಮರೆತು ಮಾತಾಡಿಕೊಂಡು ಬರ್ತಿರೋವಾಗ ದೂರದಲ್ಲೆಲ್ಲೋ ಕಂಡ ನನ್ನ ಗೆಳತಿಯರ ಗುಂಪಿಗೆ ಹೆದರಿ ನನಗರಿವಿಲ್ಲದಂತೆಯೇ ಪಕ್ಕದಿಂದ ಮಾಯವಾಗಿಬಿಡ್ತಿದ್ದ.ಅಷ್ಟು ನಾಚಿಕೆ ಸ್ವಭಾವವೋ ಇಲ್ಲ ನನ್ನ ಗೆಳತಿಯರ ಪೈಕಿಯಿದ್ದ ಒಂದಿಬ್ಬರು ಬಜಾರಿಯರ ಬಾಯಿಗೆ ಹೆದರಿ ಮಂಗಮಾಯವಾಗ್ತಿದ್ನೋ ಇವತ್ತಿನವರೆಗೂ ನನಗೆ ತಿಳೀಲಿಲ್ಲ.

~~*~~

ಕಾಲೇಜಿನಲ್ಲಿ ಅವನ ಕಡೇ ಕೆಲದಿನಗಳು ಬಾಕಿಯಿದ್ದವು.ನನ್ನ ಅವನ ಸ್ನೇಹ ಅದಾಗಲೇ ಮೋಹ-ದಾಹಗಳ ಮೈಲಿಗಲ್ಲುಗಳನ್ನು ಮೀರಿ ಬೆಳೆದು ಮರವಾಗಿತ್ತು.ಮೊದಲೆಲ್ಲ ನನ್ನೊಡನಿರುವಾಗ ನನ್ನ ಗೆಳತಿಯರು,ಲೆಕ್ಚರರ್ ಗಳು ನಮ್ಮನ್ನು ನೋಡಿಬಿಟ್ಟರೆ ಅಂತ ತೀರಾ ಸಂಕೋಚಭಾವದಿಂದ ಇರ್ತಿದ್ದವನು ಈಚೀಚೆಗೆ ಡೋಂಟ್-ಕೇರ್ ಅಂತಿದ್ದ.ನಾನು ನನ್ನ ಗೆಳತಿಯರೊಂದಿಗಿದ್ದಾಗಲೇ ಸೋ ಕಾಲ್ಡ್ ಬಜಾರಿಯರನ್ನು ಸರಿಸಿ ಸೀಳಿಕೊಂಡು ಮಧ್ಯೆ ಬಂದು ನನ್ನನ್ನು ನಿಲ್ಲಿಸಿ ಮಾತನಾಡಿಸಿ ಹೋಗುತ್ತಿದ್ದ.ನನಗೆ ಒಳಗೊಳಗೇ ಅವನ ಬಗ್ಗೆ ಹೆಮ್ಮೆ.ಆದರೂ ಮುಖದ ತುಂಬಾ ನಾಚಿಕೆಯ ರಂಗು.
ಆವತ್ತು ಕ್ಲಾಸ್ ಮುಗಿದ ಮೇಲೆ ಕ್ಯಾಂಪಸ್ಸಿನಲ್ಲಿನ ಪಾರ್ಕ್ ಬೆಂಚಿನ ಮೇಲೆ ಎಂದಿನಂತೇ ಇಬ್ಬರೂ ಕೂತು ಮಾತಾಡ್ತಿದ್ವಿ.ಇಂಥದ್ದೇ ವಿಷಯ ಅಂತೇನಿಲ್ಲ. ಏನೋ ಮಾತಾಡ್ತಿದ್ದವನನ್ನ ತಡೆದು -'ಎಲ್ಲಾ ಸರಿ.ಮುಂದೇನು?' ಅಂತ ಪ್ರಶ್ನಿಸಿದೆ. ನನ್ನ ಪ್ರಶ್ನೆಯ ಆಳದ ಅರಿವು ಅವನಿಗಾಗಲಿಲ್ಲ ಅನ್ಸತ್ತೆ.'ಮುಂದೇನು ಅಂದ್ರೆ?ಏನರ್ಥ?' ಅಂತ ಮರುಪ್ರಶ್ನೆ ಮಾಡಿದ.'ಇಷ್ಟು ದಿನ ಜೊತೆಜೊತೆಗೇ ಓಡಾಡಿದೀವಿ.ಸಾಕಷ್ಟರ ಮಟ್ಟಿಗೆ ಒಬ್ಬರನ್ನೊಬ್ಬರು ಅರ್ಥ ಮಾಡಿಕೊಂಡಿದೀವಿ.ಭವಿಷ್ಯದ ಬಗ್ಗೆ ಕೂಡಾ ಸಾಕಷ್ಟು ಕನಸುಗಳನ್ನ ಕಂಡಿದೀವಿ.ಈಗಿನಿಂದಾಚೆ ನಮ್ಮಿಬ್ಬರ ಭವಿಷ್ಯದ ಬಗ್ಗೆ ನಾ ಕೇಳಿದ್ದು.ಮುಂದೇನು? ಅಂತ' - ಸ್ವಲ್ಪ ಸಮಾಧಾನದಿಂದಲೇ ಎಲ್ಲವನ್ನೂ ಬಿಡಿಸಿ ಹೇಳೋ ಪ್ರಯತ್ನ ಮಾಡಿದ್ದೆ.ಅವನೂ ಅಷ್ಟೇ ಸಮಾಧಾನದಿಂದ 'ನನಗೆಲ್ಲ ಅರ್ಥ ಆಗತ್ತೆ.ನಿನ್ನ ಕಳವಳಕ್ಕೆ ಕಾರಣ ಸಹಜವೇ.ಆದ್ರೆ ಹೆದರಬೇಡ ನಿನಗೆ ಕೈಕೊಟ್ಟು ಓಡಿಹೋಗುವ ಹೇಡಿ ನಾನಲ್ಲ.ಆದರೆ ಎಲ್ಲದಕ್ಕೂ ಸ್ವಲ್ಪ ಸಮಯದ ಅವಶ್ಯಕತೆ ಇದೆ.ಮೊದಲು ನನ್ನ ಕೋರ್ಸ್ ಮುಗಿಸಿ ನನ್ನ ಕಾಲಮೇಲೆ ನಾನು ನಿಂತುಕೊಳ್ಳೋ ಹಾಗಾಗಬೇಕು.ಆಮೇಲೆ ನಮ್ಮನೇಲಿ ನಿನ್ನ ಬಗ್ಗೆ ಪ್ರಸ್ತಾಪ ಮಾಡಿ ನಂತರ ನಿಮ್ಮನೆಯಲ್ಲಿ ಮಾತು-ಕತೆ ಮುಂದುವರೆಸಬಹುದು.ಇದಕ್ಕೆಲ್ಲ ನನಗೆ ಖಂಡಿತಾ ಸ್ವಲ್ಪ ಟೈಮ್ ಬೇಕು.ಹೋಪ್ ಯು ಅಂಡರ್‍ಸ್ಟಾಂಡ್ ಮೈ ಪಾಯಿಂಟ್' ಅಂದ.

ಆ ಕ್ಷಣಕ್ಕೆ ಅವನಿಂದ ನಾನು ಆ ಉತ್ತರವನ್ನ ಎಕ್ಸ್‍ಪೆಕ್ಟ್ ಮಾಡಿರಲಿಲ್ಲ.ಅದಾಗಲೇ ನಮ್ಮ ಮನೇಲಿ ನನಗೆ ಗಂಡು ನೋಡುತ್ತಿರುವ ವಿಷಯ ಅವನಿಗೆ ಹೇಳಿರಲಿಲ್ಲ.ಮನಸ್ಸಿನೊಳಗೆ ಏನೇನೋ ಭಯಗಳು ಭೀಭತ್ಸರೂಪ ತಳೆದು ಒತ್ತಿಬಂದ ಅಳುವನ್ನು ಕಷ್ಟಪಟ್ಟು ತಡೆದೆ.'ನೀವ್ ಹುಡುಗರೇ ಇಷ್ಟು.ನಗ್-ನಗ್ತಾ ಇದ್ರೆ ಚಿನ್ನ-ರನ್ನ ಅಂತ ಹಿಂದ್-ಹಿಂದೆ ಅರಗಿಣಿ ಥರಾ ಓಡಾಡ್ಕೊಂಡ್ ಇರ್ತೀರ.ಈ ಥರ ಡಿಸಿಶನ್ ಟೈಮ್ ಬಂದಾಗ ನನಗೆ ಯೋಚನೆ ಮಾಡೋಕೆ ಟೈಮ್ ಬೇಕು ಅಂತ ಜಾರಿಕೊಳ್ತೀರ.ಅದೆಷ್ಟು ಟೈಮ್ ಬೇಕೋ ತಗೊ.ನಾ ಮುದುಕಿಯಾದ್ರೂ ಚಿಂತೆಯಿಲ್ಲ.ಮನೇವ್ರು ನನ್ನನ್ನ ಇನ್ಯಾರಿಗೋ ಮದುವೆ ಮಾಡಿಕೊಟ್ರೂ ಚಿಂತೆಯಿಲ್ಲ.ನನಗಿನ್ನೂ ಸ್ವಲ್ಪ ಟೈಮ್ ಬೇಕು ಅಂತ ಕೂತೇ ಇರು.ಸಾಧ್ಯವಾದ್ರೆ ನನ್ನ ಮದುವೆಗೆ ಒಂದು ಬೊಕೆ ಹಿಡಿದುಕೊಂಡು ಬಂದು ಜೊತೇಲಿ ನಿಂತು ಒಂದು ಗ್ರೂಪ್ ಫೋಟೋ ತೆಗೆಸಿಕೊಂಡು ಹೋಗು.ಅದೇ ಸೂಕ್ತ ನಿನಗೆ.ಛೇ...' ಅಂದು ಅವನ ಉತ್ತರಕ್ಕೂ ಕಾಯದೆ ಎದ್ದು ಸರಸರ ನಡೆದುಬಿಟ್ಟೆ. ಆವತ್ತು ನನಗೆ ಬಂದಿದ್ದ ಕೋಪದಲ್ಲಿ ಅವನು ನನಗೆ ಕೊಟ್ಟಿದ್ದ ಗ್ರೀಟಿಂಗುಗಳು,ಡೈರಿಯ ಪುಟಗಳ ನಡುವೆ ಒಣಗಿಹೋಗಿದ್ದ ಆ ಗುಲಾಬಿ ಪಕಳೆಗಳು ಎಲ್ಲವನ್ನೂ ಸುಟ್ಟುಬಿಡೋಣ ಅನ್ನಿಸಿತ್ತು.ಯಾಕೋ ಏನೋ ಡೈರಿಯೊಂದನ್ನುಳಿಸಿಕೊಂಡು ಮಿಕ್ಕೆಲ್ಲವನ್ನೂ ಆವತ್ತೇ ರಾತ್ರಿ ಸುಟ್ಟುಹಾಕಿದ್ದೆ.ಛೇ...ಆ ಡೈರಿಯನ್ನೂ ಆವತ್ತೆ ಸುಟ್ಟುಬಿಡಬೇಕಿತ್ತು.

ಅದಾದ ಎಷ್ಟೋ ದಿನಗಳವರೆಗೂ ಅವನು ನನ್ನನ್ನು ನೋಡಲು,ನನ್ನೊಂದಿಗೆ ಮಾತನಾಡಲು ಬಯಸಿದ್ದನಾದರೂ ನನ್ನ ಅಹಂ ಭಾವ ಅವನೊಡನೆ ಮಾತನಾಡಲು ಬಿಡಲಿಲ್ಲ.ಎಸ್ಸೆಮ್ಮೆಸ್ಸು,ಆರ್ಕುಟ್ಟು,ಜಿ-ಟಾಕ್ ಇನ್ನೂ ಬೆಳಕು ಕಂಡಿರದ ದಿನಗಳವು. ಅವನನ್ನು ಧಿಕ್ಕರಿಸಿ ಎದ್ದು ಬಂದಿದ್ದ ನನ್ನ ಮನಸ್ಸು ಮತ್ತೆ ಅವನೊಡನೆ ಕೂತು ಮಾತನಾಡಲು ಒಪ್ಪಲಿಲ್ಲ.ವರ್ಷದೊಳಗೆ ಅವನ ಮೇಲಿನ ಹಠದಲ್ಲೇ ಮನೆಯವರು ನೋಡಿದ್ದ ಗಂಡಿಗೆ ನನ್ನೊಪ್ಪಿಗೆಯಿದೆಯೆಂದು ಸೂಚಿಸಿದ್ದೆ.ಇವರು ಮೊದಲ ಸಲ ನಮ್ಮನೆಗೆ ಬಂದಿದ್ದಾಗ ಸರಿಯಾಗಿ ಕಣ್ಣೆತ್ತಿ ಕೂಡಾ ನೋಡಿರಲಿಲ್ಲ.ಅವರ,ಅವರ ಕುಟುಂಬದವರ ಪೂರ್ವಾಪರಗಳನ್ನ ಮನೆಯವರು ವಿಚಾರಿಸಿದ್ದಾರೆಂಬ ಧೈರ್ಯದಲ್ಲೇ ಅವರು ಕಟ್ಟಿದ್ದ ತಾಳಿಗೆ ನನ್ನ ಕುತ್ತಿಗೆಯೊಡ್ಡಿದ್ದೆ.

~~*~~

ಡೈರಿಯನ್ನು ಕೈಯಲ್ಲಿ ಹಿಡಿದಂಗೇ ನಿದ್ದೆ ಹೋಗಿದ್ದೆ.ಬಟ್ಟೆಗುಡ್ಡೆ ನನ್ನ ಸುತ್ತೆಲ್ಲ ಹಾಗೇ ಹರಡಿಕೊಂಡು ಬಿದ್ದಿತ್ತು.ಸಂಜೆ ಸುಮಾರಿಗೆ ಇವರು ಮನೆಗೆ ಬಂದವರೇ ರೂಮಿನ ಬಾಗಿಲು ತೆರೆದು ಒಳಗೆ ಬಂದರು.ಬಾಗಿಲು ತೆಗೆದ ಸದ್ದಿಗೆ ಧಿಗ್ಗನೆದ್ದು ಕೂತೆ.ನನ್ನನ್ನು ಆ ಸ್ಥಿತಿಯಲ್ಲಿ ನೋಡಿ ಕೊಂಚ ಗಾಬರಿಯಾದರು.ನನ್ನ ಕೈಯಲ್ಲಿದ್ದ ಆ ಡೈರಿಯನ್ನು ನೋಡಿದವರೇ ಮಾತುಬಾರದೇ ನಿಂತುಬಿಟ್ಟರು.ನಮ್ಮಿಬ್ಬರ ನಡುವೆ ಎರಡು ಘಳಿಗೆ ಗಾಢಮೌನ.ಈ ಮೌನಕ್ಕೇ ನಾ ಅತಿಯಾಗಿ ಬೆದರುವುದು.ಮನಸ್ಸಿನಲ್ಲಿದ್ದದ್ದು ಮಾತಿನರೂಪವಾಗಿ ಹೊರಹೊಮ್ಮಿ ಬಂದುಬಿಡಬೇಕು.ಒಳಗೇ ಉಳಿದುಬಿಟ್ಟಾಗಲೇ ಅದರ ತೀವ್ರತೆಯ ಸ್ವರೂಪ ತಿಳಿಯದೇ ಹೋಗುವುದು.ಅಂದಾದದ್ದೂ ಅದೇ!ಅವರಿನ್ನೂ ನನ್ನನ್ನೇ ದಿಟ್ಟಿಸುತ್ತಿದ್ದರು.ಅವರ ಕಣ್ಣುಗಳ ಆ ತೀಕ್ಷ್ಣತೆಗೆ ಹೆದರಿ ನಾ ತಲೆತಗ್ಗಿಸಿದೆ.ಅವರು ಒಂದು ಮಾತನ್ನೂ ಆಡದೇ ಹೊರನಡೆದುಬಿಟ್ಟರು.ಅತ್ತೆ-ಮಾವ ಯಾವಾಗಲೋ ಮನೆಗೆ ಬಂದಿದ್ದರ ಪರಿವೇ ನನಗಿರಲಿಲ್ಲ.ರಾತ್ರಿ ಒಟ್ಟಾಗಿ ಕೂತು ಊಟ ಮಾಡುವಾಗಲೂ ಮಾತಿಲ್ಲ-ಕತೆಯಿಲ್ಲ.

~~*~~

ಇವತ್ತಿಗೆ ಇವರು ನನ್ನೊಡನೆ ಸರಿಯಾಗಿ ಮಾತನಾಡಿ ಮೂರು ದಿನಗಳು ಸಂದಿವೆ.ನಾನೇ ಮೈಮೇಲೆ ಬಿದ್ದು ಮಾತನಾಡಿದರೂ ಚುಟುಕಾದ ಉತ್ತರಗಳಷ್ಟೇ.ಬೆಳಿಗ್ಗೆ ನನ್ನನ್ನು ಆಫೀಸಿನ ಬಳಿ ಡ್ರಾಪ್ ಮಾಡಿ ಹೋಗುವಾಗ ಕಡೆಗೂ ನಮ್ಮಿಬ್ಬರ ನಡುವಿನ ಈ ಮೌನ ಯುದ್ಧಕ್ಕೆ ಕೊನೆಗಾಣಿಸುವಂತೆ ಇವರು 'ನಿನ್ ಜತೆ ಸ್ವಲ್ಪ ಮಾತಾಡೋದಿದೆ.ಸಂಜೆ ಊಟಕ್ಕೆ ಎಲ್ಲಾದ್ರೂ ಹೊರಗೆ ಹೋಗೋಣ.ಮನೆಯಲ್ಲಿ ಮಾತಾಡೋಕೆ ನನಗಿಷ್ಟವಿಲ್ಲ' ಅಂದು ಕಾರ್ ಸ್ಟಾರ್ಟ್ ಮಾಡಿಕೊಂಡು ಹೋಗಿಬಿಟ್ಟರು.ಆಗಲೇ ಇವರು ನನ್ನ ಆ ಡೈರಿಯನ್ನು ಓದಿರಬಹುದೆ? ಅನ್ನೋ ಅನುಮಾನ ಖಾತ್ರಿಯಾಗಿದ್ದು.ಇವರು ಖಂಡಿತಾ ನನ್ನ ಡೈರಿಯನ್ನು ಓದಿದ್ದಾರೆ.ಆ ವಿಷಯವೇ ಇವರ ತಲೆಯಲ್ಲಿ ಹುಳುವಾಗಿ ಕಳೆದ ಮೂರೂವರೆ ದಿನಗಳಿಂದ ಕೊರೀತಾ ಇದೆ.ಅದಕ್ಕೇ ಈ ಶೀತಲಸಮರ.ಆಗಿದ್ದಾಗಲಿ ಸಂಜೆ ಇವರೊಡನೆ ಎಲ್ಲವನ್ನೂ ಮುಕ್ತವಾಗಿ ಚರ್ಚಿಸಿಬಿಡಬೇಕು.ಇಬ್ಬರೂ ಈ ವಿಷಯವನ್ನು ಇಲ್ಲೇ ಬಿಟ್ಟುಬಿಡುವುದು ಒಳಿತು ಅಂತ ಹೇಳಬೇಕು ಅಂದುಕೊಂಡು ಆಫೀಸಿನೊಳಗೆ ಹೋಗಿದ್ದೆ.ಬೆಳಿಗ್ಗೆಯಿಂದ ಕಾಡ್ತಿದ್ದ ನನ್ನ ತಲೆನೋವಿಗೆ ಕಾರಣ ಈಗ ಸ್ಪಷ್ಟವಾಗಿತ್ತು.ಇಷ್ಟೊತ್ತಿಗಾಗಲೇ ಇವರು ಮನೆಗೆ ಬಂದಿರಬಹುದೆಂದು ಎಣಿಸಿ ಎದ್ದು ಮೊಬೈಲ್ ನೋಡಿದರೆ ಘಂಟೆ ಆಗಲೇ ಎಂಟೂವರೆ. ಹೊರಗೆ ಹಾಲಿನಲ್ಲಿ ಕೂತು ಅತ್ತೆ-ಮಾವನ ಜೊತೆ ಟಿವಿ ನೋಡ್ತಿದಾರೆ. ಊಟಕ್ಕೆ ಹೊರಗೆ ಹೋಗೋಣಾಂತ ಹೇಳಿದ್ದು ನೆನಪಾಗಿ ತಟಕ್ಕನೆದ್ದು ಮುಖ ತೊಳೆದುಕೊಂಡು ಬಟ್ಟೆ ಬದಲಿಸಿಕೊಂಡೆ.ಪರ್ಸು-ಫೋನು ಎತ್ತಿಕೊಂಡು ಹೊರನಡೆದು ಇವರಿಗೆ 'ಲೇಟಾಯ್ತು ಸ್ಸಾರಿ.ತುಂಬಾ ಹೊತ್ತಾಯ್ತ ನೀವು ಬಂದು?ಹೊರಡೋಣ್ವಾ?' ಅಂದೆ. 'ಪರ್ವಾಗಿಲ್ಲ.ಹೊರಡೋಣ' ಅಂತ ಎದ್ದು ಶೂ ಹಾಕಿಕೊಂಡರು. 'ತಲೆನೋವು ಬಿಡ್ತೇನಮ್ಮ?' ಅಂದಿದ್ದಕ್ಕೆ ' ಹೂಂ ಅತ್ತೆ.ಬೆಳೆಗಿಂದಾ ಕೆಲಸ ಜಾಸ್ತಿ.ಬಿಸಿಲು ಬೇರೆ. ಅದಕ್ಕೇ ಇರ್ಬೇಕು' ಅಂದು ಚಪ್ಪಲಿ ಹಾಕಿಕೊಂಡು ಇವರೊಡನೆ ಹೊರನಡೆದೆ. ಅತ್ತೆ-ಮಾವ ಇಬ್ಬರೂ ನಮ್ಮನ್ನೊಮ್ಮೆ ನೋಡಿ ಮುಖ-ಮುಖ ನೋಡಿಕೊಂಡರು.
~~*~~

ಗಮನವೆಲ್ಲಾ ನನ್ನ ಡೈರಿ ಮತ್ತು ಇವರು ನನ್ನೊಂದಿಗೆ ಆಡಬಹುದಾಗಿದ್ದ ಮಾತಿನ ಮೇಲೆ ಇದ್ದಿದ್ದರಿಂದಲೋ ಏನೋ ಊಟ ಹೆಚ್ಚೇನು ರುಚಿಸಲಿಲ್ಲ.ಸಾಲದ್ದಕ್ಕೆ ಸಣ್ಣಗೆ ತಲೆನೋವು ಬೇರೆ.ಇವರು ಗೊಂದಲ ತುಂಬಿದ ದನಿಯಲ್ಲೇ 'ಹಮ್ಮ್...ನಿನ್ ಜೊತೆ ನಾ ಮಾತಾಡಬೇಕು ಅಂದ ವಿಷಯ ಆ ಡೈರಿ ಬಗ್ಗೆ...ಹೇಗೆ ಶುರುಮಾಡಲಿ ಅಂತ ಗೊತ್ತಾಗ್ತಿಲ್ಲ' ಅಂದ್ರು.ನನ್ನ ಕೈ-ಕಾಲುಗಳು ನಡುಗಲಾರಂಬಿಸಿದವು.ಧೈರ್ಯ ತಂದುಕೊಂಡು 'ಹೇಳಿ' ಅಂದೆ. ಅವರು ಮುಂದುವರೆಸಿ 'ಹಮ್ಮ್...ಐಯಾಮ್ ಸ್ಸಾರಿ.ನಿನ್ನಿಂದ ಇವೆಲ್ಲವನ್ನ ಮುಚ್ಚಿಡಬೇಕು ಅಂತೇನಿರಲಿಲ್ಲ.ಆದರೆ ನಿನಗೆ ಆ ಡೈರಿಯ ವಿಚಾರವಾಗಿ ಹೇಳುವಂಥಾ ಸಂದರ್ಭ ಬಂದಿರಲಿಲ್ಲ ಅಷ್ಟೇ.ಈಗ ನೀನೇ ಅದನ್ನ ಓದಿರೋದ್ರಿಂದ ನಿನಗೆ ನಾನು ಹೆಚ್ಚೇನೂ ಹೇಳೋಕ್ ಇಷ್ಟಪಡಲ್ಲ.ನಮ್ಮ ಮದುವೆಗೆ ಮುಂಚೇನೇ ಅದನ್ನ ಸುಟ್ಟುಬಿಡಬೇಕು ಅಂದ್ಕೊಂಡಿದ್ದೆ.ಯಾಕೋ ಮನಸ್ಸಾಗಿರಲಿಲ್ಲ.ಅದಕ್ಕೆ ಅದು ಹಾಗೇ ಉಳ್ಕೊಂಡುಬಿಡ್ತು.ಆದ್ರೆ ಆ ಡೈರಿಯಲ್ಲಿರೋ ಯಾವ ವಿಚಾರಗಳೂ ಈಗ ನನ್ನ ಮನಸ್ಸಿನಲ್ಲಿಲ್ಲ.ಅದೆಲ್ಲವನ್ನೂ ಮರೆತು ಹೊಸಬಾಳ್ವೆಗೆ ನನ್ನನ್ನು ನಾ ಒಪ್ಪಿಸಿ ಆಗಿದೆ.ಇದನ್ನೆಲ್ಲ ಮುಂಚೇನೆ ನಿನಗೆ ಹೇಳಿದ್ದಿದ್ರೆ ಚೆನ್ನಿತ್ತು.ಐಯಾಮ್ ರಿಯಲಿ ಸ್ಸಾರಿ ಫಾರ್ ದಟ್' ಅಂದ್ರು. ಪರಿಸ್ಥಿತಿಯನ್ನ ಅರ್ಥ ಮಾಡಿಕೊಳ್ಳೋಕೆ ನನಗೆ ಹೆಚ್ಚೇನು ಸಮಯ ಬೇಕಾಗಲಿಲ್ಲ.ಅವರ ಎಡಗೈ ಮೇಲೆ ನನ್ನ ಬಲಗೈ ಇಟ್ಟು 'ಇಟ್ಸ್ ಓಕೆ.ನನಗದರಿಂದ ಏನೂ ಬೇಜಾರಿಲ್ಲ.ನನಗೆ ಮೊದಲೇ ಹೇಳುವಂಥಾ ವಿಚಾರವಾಗಿದ್ದಿದ್ರೆ ನೀವು ಖಂಡಿತಾ ನನಗೆ ಈಗಾಗಲೇ ಹೇಳಿರ್ತಿದ್ರಿ.ನೀವೇ ಹೇಳಿದಂತೆ ಅದೆಲ್ಲವನ್ನೂ ಮರೆತು ಹೊಸಜೀವನಕ್ಕೆ ನಿಮ್ಮನ್ನ ನೀವು ಒಪ್ಪಿಸಿಯಾಗಿದೆ ಅಂದಮೇಲೆ ನಾನದರ ಬಗ್ಗೆ ಹೆಚ್ಚೆಗೆ ಕೇಳೋದಿಲ್ಲ.ಇದನ್ನ ಇಲ್ಲಿಗೇ ಬಿಟ್ಟುಬಿಡೋಣ.ನಮ್ಮಿಬ್ಬರಿಗೂ ಅದು ಒಳ್ಳೇದೇ' ಅಂದೆ. 'ರೈಟ್.ಯೂ ಆರ್ ಸಚ್ ಅ ಸ್ವೀಟ್‍ಹಾರ್ಟ್...ಥ್ಯಾಂಕ್ಸ್' ಅಂತ ನನ್ನ ಕೈಮೇಲೆ ಅವರ ಬಲಗೈ ಇಟ್ಟು ಮನಸಾರೆ ಹೇಳಿದ್ದು ನನಗೆ ಆ ಧಗೆಯಲ್ಲೂ ತಂಗಾಳಿ ಬೀಸಿ ಬಂದಂತಾಯ್ತು.

ನಾನೆಣಿಸಿದಂತೇ ಆವತ್ತು ಸಂಜೆ ಮಳೆಯಾಗಿತ್ತು. ಕಾದ ಹೆಂಚಿನಂತಿದ್ದ ರೋಡಿನ ಮೇಲಿಷ್ಟು ಮಳೆಹನಿ ಬಿದ್ದಿದ್ದರಿಂದ ವಾತಾವರಣ ತಂಪಾಗಿತ್ತು.ನನ್ನ ಭಾರವಾದ ಮನಸ್ಸು ತೂಕಕಳೆದುಕೊಂಡು ಹಗುರವಾಗಿತ್ತು.ತಲೆನೋವು ಕೂಡಾ ಮಂಗಮಾಯವಾಗಿತ್ತು. ಮನೆಗೆ ಬಂದವಳೇ ಇವರಿಗೆ ಕಾಣದಂತೆ ಅಟ್ಟದ ಮೇಲಿನ ಸೂಟ್‍ಕೇಸಿನಲ್ಲಿ ಬೆಚ್ಚಗೆ ಕುಳಿತಿದ್ದ ನನ್ನ ಡೈರಿ ತೆಗೆದು ಇವರ ಆ ಕಪ್ಪು ಡೈರಿಯ ಜೊತೆಗಿಟ್ಟು ಎರಡನ್ನೂ ಒಂದು ನ್ಯೂಸ್‍ಪೇಪರಿನಲ್ಲಿ ಸುತ್ತಿ ನಮ್ಮ ರೂಮಿನ ಬಾಲ್ಕನಿಯಲ್ಲಿಟ್ಟು ಕಡ್ಡಿಗೀರಿಬಿಟ್ಟೆ.ಧಗಧಗ ಉರೀತಿದ್ದ ಆ ಬೆಂಕಿಯ ಹಸಿದ ನಾಲಿಗೆಗಳು ನಮ್ಮಿಬ್ಬರ ಚರಿತ್ರೆಯ ಪುಟಗಳನ್ನು ಒಂದೂ ಬಿಡದಂತೆ ನುಂಗಲು ನಾಮುಂದು ತಾಮುಂದೆಂದು ಹಾತೊರೆಯುತಿದ್ದವು.ಅದನ್ನೇ ದಿಟ್ಟಿಸಿ ನೋಡ್ತಾ ನಿಂತಿದ್ದೆ.ಹಿಂದಿನಿಂದ ಬಂದ ಇವರು ನನ್ನ ಹೆಗಲ ಮೇಲೆ ಕೈಯಿಟ್ಟು 'ಗುಡ್.ಯಾವತ್ತೋ ಆಗಬೇಕಿದ್ದ ಕೆಲಸ ಇವತ್ತು ನೆರವೇರ್ತಾ ಇದೆ.ಥ್ಯಾಂಕ್ಸ್' ಅಂದ್ರು.ತಿರುಗಿ ಮುಗುಳ್ನಗುತ್ತಾ 'ಥ್ಯಾಂಕ್ಸ್ ಟು ಯು ಟೂ' ಅಂದೆ.

~~ಮುಗಿಯಿತು~~

Nostalgia - ನೆನಪುಗಳ ಬೆದಕಿದಾಗ

2008-12-05T07:50:00.012-05:00

Updated: ಎಸ್.ಎನ್.ಸೇತುರಾಂ ನಿರ್ದೇಶನದಲ್ಲಿ ಝೀ-ಕನ್ನಡದಲ್ಲಿ ದಿನ ರಾತ್ರಿ ೯ ಘಂಟೆಗೆ ಮೂಡಿಬರ್ತಿರೋ 'ದಿಬ್ಬಣ' ಧಾರ್ವಾವಾಹಿ ಶೀರ್ಷಿಕೆ ಗೀತೆಯನ್ನ ಸೇರಿಸಲಾಗಿದೆ.

ಬ್ಲಾಗ್ ಲೋಕದಲ್ಲಿ ಹಿಂದೊಮ್ಮೆ ಗೂಟ ಬಡಿದುಕೊಂಡು ವಾಸ ಮಾಡ್ತಿದ್ದ ನಾನು ಇತ್ತೀಚೆಗೆ ಕೇವಲ ಸಂಚಾರಿಯಾಗಿ ಯಾರ್ಯಾರು ಏನೇನ್ ಬರೆದಿದಾರೆ ಅಂತ ಓದಿಕೊಂಡು,ಕಮೆಂಟಿಸಿ ಸುಮ್ಮನಾಗಿಬಿಡ್ತಿದೀನಿ. ಯಾಕೋ ಬರೀಬೇಕು ಅನ್ನಿಸ್ತಾನೆ ಇಲ್ಲ.(ಕಾರಣಗಳು ಹಲವಾರಿವೆ.ಮುಖ್ಯವಾದ್ದು ಅಂದ್ರೆ ಸಿಕ್ಕಸಿಕ್ಕ ಸಿನಿಮಾ ನೋಡೋ ಹಳೇಹುಚ್ಚು ಮರುಕಳಿಸಿರೋದು ಮತ್ತು ಮಿಸ್ ಮಾಡದೆ ಕನ್ನಡ ಧಾರಾವಾಹಿಯೊಂದನ್ನ ನೋಡ್ತಿರೋದು.(ನಿಜವಾಗ್ಲೂ!!!))

ಹೀಗೇ ಮೊನ್ನೆಮೊನ್ನೆ ಸ್ನೇಹಿತರೊಬ್ಬರ ಬ್ಲಾಗಿನಲ್ಲಿ ಹಳೇ ಕನ್ನಡ ಸೀರಿಯಲ್ಲೊಂದರ ಬಗ್ಗೆ ಬರೆದಿದ್ರು. ಹಾಗೇ ಆರ್ಕುಟ್ಟಿನಲ್ಲಿ ಮತ್ತೊಮ್ಮೆ 'ಮಂಥನ' ಅನ್ನೋ ಖತರ್ನಾಕ್ ಸೀರಿಯಲ್ಲೊಂದರ ಡೈಲಾಗುಗಳ ಕಲೆಕ್ಷನ್ ಓದ್ತಾ ಮುಳುಗಿಹೋಗಿದ್ದೆ.ಇತ್ತೀಚಿಗಷ್ಟೇ ಝೀ-ಕನ್ನಡದಲ್ಲಿ ಪ್ರಸಾರವಾಗ್ತಿರೋ 'ಇಲ್ಲಿರುವುದು ಸುಮ್ಮನೆ' ಧಾರಾವಾಹಿಯನ್ನ ತುಂಬಾನೆ ಹಚ್ಚಿಕೊಂಡಿದೀನಿ.(ಪ್ರಕಾಶ್ ಬೆಳವಾಡಿ ಡೈರೆಕ್ಷನ್ ಜೊತೆಗೆ 'ಗರ್ವ' ಟೀಮ್ ಇರೋದು ಪ್ಲಸ್ ಪಾಯಿಂಟ್) ಆಗಲೇ ಅನ್ನಿಸಿದ್ದು,ಹೀಗೆ ಬಂದು ಹಾಗೆ ಹೊರಟುಹೋಗೋ ಎಷ್ಟೋ ಸೀರಿಯಲ್ಲುಗಳ ಮಧ್ಯೆ ಕೆಲವೇ ಕೆಲವು ಧಾರಾವಾಹಿಗಳು ನಮ್ಮ ಮನಸ್ಸಿನಲ್ಲಿ ಅಚ್ಚೊತ್ತಿಕೊಂಡು ಕೂತುಬಿಡ್ತವೆ ಅಂತ.ಅದಕ್ಕೆ ಕಾರಣಗಳು ಕೂಡಾ ಬೇರೆ ಬೇರೆಯದಿರಬಹುದು.
ಕೆಲವು ನಿಜವಾಗಿ ಎಲ್ಲ ವಿಧದಲ್ಲೂ ಚೆನ್ನಾಗಿದ್ದಿರಬಹುದು.(ಉದಾ: ಮಾಯಾಮೃಗ,ಮನ್ವಂತರ,ಗರ್ವ,ಮಂಥನ,ಮಾಲ್ಗುಡಿ ಡೇಸ್)
ಇನ್ನು ಕೆಲವು ಕೇವಲ ಟೈಂ ಪಾಸ್ ಸೀರಿಯಲ್ಲುಗಳಾಗಿದ್ದವು. (ಉದಾ:ಪಾಪ ಪಾಂಡು,ಸಿಲ್ಲಿ ಲಲ್ಲಿ,ದಂಡಪಿಂಡಗಳು)
ಮತ್ತೆ ಕೆಲವು ನಿಜಕ್ಕೂ ಟಾರ್ಚರ್. (ಉದಾ: ಹ ಹ ಹ...ಅಷ್ಟೆಲ್ಲ ಸೀರಿಯಲ್ಲುಗಳ ಹೆಸರು ಬರೆದು ಇಲ್ಲಿ ಪೇಜ್ ತುಂಬಿಸೋ ಅಗತ್ಯ ಇದೆ ಅಂದ್ಕೊತೀರ? ಈ ಲಿಸ್ಟ್ ತುಂಬಿಸೋ ಕೆಲಸ ನಿಮಗೇ ಬಿಟ್ಟಿದ್ದು)

ಈ ಎಲ್ಲ ಸೀರಿಯಲ್ಲುಗಳನ್ನು ನೆನಪು ಮಾಡಿಕೊಳ್ಳುವಾಗ ನನಗೆ ನೆನಪಾಗಿದ್ದು ಅಲ್ಲಿ ಇಲ್ಲಿ ಹುಡುಕಿ-ತಡಕಿ ಇಳಿಸಿಕೊಂಡಿದ್ದ,ಸ್ವತಃ ರೆಕಾರ್ಡ್ ಮಾಡಿಕೊಂಡಿದ್ದ,ಅವರಿವರನ್ನು ಕಾಡಿ ಬೇಡಿ ಪಡೆದುಕೊಂಡಿದ್ದ ಈ ಧಾರಾವಾಹಿಗಳ ಹಾಡುಗಳು. ಕೆಲವು ಹಾಡುಗಳಂತೂ ಯಾವುದೇ ಸಿನಿಮಾ ಗೀತೆಗೂ ಕಮ್ಮಿಯಿಲ್ಲವೆನ್ನುವಷ್ಟು ಹಿಟ್ ಆಗಿವೆ.ನನಗೆ ಈ ಹಾಡುಗಳನ್ನೆಲ್ಲ ಕೇಳ್ತಿದ್ರೆ ಮುಗೀತು...ನನಗೇ ಗೊತ್ತಿಲ್ಲದಂತೆ ನನ್ನೆಲ್ಲ ಹಳೇ ನೆನಪುಗಳು ಕಣ್ಮುಂದೆ ಸುಳಿದುಹೋಗ್ತವೆ. 'ಫೋಟೋಗ್ರಾಫಿಕ್ ಮೆಮರಿ' ಥರವೇ ನಾನಿದನ್ನ 'ಜೂಕ್‍ಬಾಕ್ಸ್ ಮೆಮರಿ' ಅಂತ ಕರೀತೀನಿ.
ಉದಾ: 'ಮಾಲ್ಗುಡಿ ಡೇಸ್','ಗುಡ್ಡದ ಭೂತ' ಹಾಡು ಕೇಳ್ತಿದ್ದ ಹಾಗೆಯೇ ನನ್ನ ಸ್ಕೂಲಿನ ದಿನಗಳು ನೆನಪಾಗ್ತವೆ. 'ಮನ್ವಂತರ','ಗರ್ವ' ನನ್ನ ಕಾಲೇಜಿನ ದಿನಗಳನ್ನ ಕಣ್ಣಿಗೆ ಕಟ್ಟಿದ ಹಾಗೆ ನೆನಪಿಸತ್ತೆ.
ಆಗಿನ ನನ್ನ ದಿನಚರಿಗಳು ಒಂದು ವಾರಕ್ಕೆ ಮುಂಚೆಯೇ ನಿರ್ಧಾರವಾಗಿರುತ್ತಿದ್ದವು.ಹೇಗಂತೀರ? ಭಾನುವಾರ ಬೆಳಿಗ್ಗೆ 'ಮುನ್ನೋಟ'ದಲ್ಲಿ ಮುಂಬರುವ ಕಾರ್ಯಕ್ರಮಗಳ ಪಟ್ಟಿ ಕೊಡ್ತಿದ್ರಲ್ಲ! ಈ ಕನ್ನಡ ಕಾರ್ಯಕ್ರಮ ಸಾಲದು ಅಂತ ಹಿಂದಿಯಲ್ಲಿ ಬೇರೆ ಸೂಪರ್ ಕಾರ್ಯಕ್ರಮಗಳು.
ವ್ಯೋಮಕೇಶ್ ಭಕ್ಷಿ,ತೆಹಕೀಕತ್,ಸರ್ಕಸ್,ಫೌಜಿ,ಮುಂಗೇರಿಲಾಲ್ ಕೆ ಹಸೀನ್ ಸಪ್ನೆ,ವಾಗ್ಲೆ ಕಿ ದುನಿಯಾ,ಪೋಟ್ಲಿ ಬಾಬಾ,ಅಲಿಫ್ ಲೈಲಾ,ಗುಲ್ ಗುಲ್ಶನ್ ಗುಲ್ಫಾಮ್ ಇತ್ಯಾದಿ ಇತ್ಯಾದಿ...
ಬುಧವಾರ ಚಿತ್ರಹಾರ್,ಶುಕ್ರವಾರ ಚಿತ್ರಮಂಜರಿ,ಶನಿವಾರ ಸ್ಪೈಡರ್ ಮ್ಯಾನ್,ಹಿ-ಮ್ಯಾನ್ ಗಳಿಂದ ತುಂಬಿಕೊಂಡಿರುತ್ತಿದ್ದವು.
ಭಾನುವಾರಗಳು 'ರಂಗೋಲಿ'ಯಿಂದ ಶುರುವಾಗಿ ಮುನ್ನೋಟ,ಸುತ್ತ-ಮುತ್ತ,ಅಜಿತನ ಸಾಹಸಗಳು,ಮಾಲ್ಗುಡಿ ಡೇಸ್,ಮಹಾಭಾರತ,ರಾಮಾಯಣ,ಟೇಲ್ಸ್ ಪಿನ್,ಡಕ್ ಟೇಲ್ಸ್ ಮಧ್ಯಾಹ್ನದ ನ್ಯಾಷನಲ್ ಅವಾರ್ಡ್ ಚಿತ್ರಗಳ ಸಾಲಿನ ನಾನಾ ಭಾಷೆಯ ಉತ್ಕೃಷ್ಟ ಸಿನಿಮಾಗಳು,ನ್ಯೂಸ್ ಫಾರ್ ಹಿಯರಿಂಗ್ ಇಂಪೇರ್ಡ್, ಸಂಜೆ ಕನ್ನಡ ಸಿನಿಮಾ ನೋಡಿ ಬ್ರೇಕ್ ತಗೊಂಡು ರಾತ್ರಿ ಸುರಭಿ,ವರ್ಲ್ಡ್ ದಿಸ್ ವೀಕ್ ನೋಡಿದ್ರೇನೆ ನಿದ್ದೆ ಬರೋದು! ಅಬ್ಬಾ..ಎಷ್ಟು ಬಿಝಿಯಾಗಿತ್ತು ನನ್ನ ಟಿವಿ ಸ್ಕೆಜೂಲ್!
ಕೇಬಲ್ ಬರೋ ಮುಂಚೇನೇ ಹೀಗಾದ್ರೆ ಇನ್ನು ಕೇಬಲ್ ದಾಳಿಯಿಟ್ಟ ಮೇಲೆ ಅದರ ಕಥೆಯೇ ಬೇರೆ ಬಿಡಿ.

ನಿಮ್ಮ ನೆನಪಿನ ಬುತ್ತಿಯನ್ನು ಕೆದಕುವ-ಬೆದಕುವ ಸಲುವಾಗಿಯೇ ನನ್ನ ಬಳಿಯಿದ್ದ ಕೆಲ ಹಾಡುಗಳನ್ನು ಅಪ್‍ಲೋಡಿಸಿ ನಿಮ್ಮೊಂದಿಗೆ ಹಂಚಿಕೊಂಡಿದ್ದೇನೆ.
Hope you all like it.

ಕನ್ನಡ ಧಾರಾವಾಹಿಗಳು

ಹಿಂದಿ ಹಾಡುಗಳು:

ವಿ.ಸೂ: ಇಲ್ಲಿರುವ ಕೆಲವು ಹಾಡುಗಳನ್ನು ಈ ಕೊಂಡಿಯಿಂದ ಇಳಿಸಿಕೊಳ್ಳಬಹುದು.ಮಿಕ್ಕ ಹಾಡುಗಳು ಬೇಕೆನಿಸಿದರೆ ತಿಳಿಸಿ.
ಪ್ರತಿಬಿಂಬ - My sincere thanks to Prathap Simha for hosting them.

ಹೀಗೆರಡು ಕಿರುಗವಿತೆಗಳು...

2008-10-26T10:40:00.000-04:00

ಸಂಜೆ ಆರರ ಸಮಯ
ಹಕ್ಕಿ ಹಿಂಡಿಗೆ ಗೂಡು ಸೇರುವ ತವಕ

ರೆಕ್ಕೆ ಬಲಿತ ಮರಿಹಕ್ಕಿಗೆ
ತನ್ನಮ್ಮನೊಡನೆ ತಾನೂ ಹಾರುವ ಪುಳಕ

ಸಾಕಿಸಲಹಿ ಹಾರಲು ಕಲಿಸಿ,ಕಲಿತ
ಹಕ್ಕಿ ಹಾಗೂ ಮರಿಯ ಜನುಮ ಸಾರ್ಥಕ

ಪಾರ್ಕಿನಲಿ ಕೂತು ಹಾರಿಹೋದ ಮರಿಯನ್ನೇ ದಿಟ್ಟಿಸುತ್ತಿದ್ದ
ಅಜ್ಜ-ಅಜ್ಜಿಯ ಮುಖದಲಿ ಮೂಡಿದ ಭಾವ ಮಾತ್ರ - ಪ್ರಶ್ನಾರ್ಥಕ!

* * * * * * * * * * * * * * * *

Chennaiನಲ್ಲಿ ಭಾರೀ ಮಳೆ
ಬೆಂಗಳೂರೇನೂ ಹೊರತಲ್ಲ
ಈ ಕಾಲದಲಿ ಮಳೆ,ಆಶ್ಚರ್ಯವೆ?

ಸಧ್ಯದ ಆರ್ಥಿಕ ಬಿಕ್ಕಟ್ಟಿನ ಈ ಪರಿಸ್ಥಿತಿಯಲ್ಲಿ
ನಮ್ಮೆಲ್ಲರಂತೆ ಪ್ರಕೃತಿಯೂ
Depressionಗೆ ಒಳಗಾಗಿದ್ದು ಸಹಜವೇ

ಕಾರಣ

2008-10-12T13:13:00.000-04:00

ಇರುಳಿಡೀ ನಿದ್ದೆಯಿಲ್ಲ,
ಪರದಾಟ
ಮಗ್ಗುಲು ಬದಲಿಸಿದರೂ
ಕಣ್ಣು ಕಚ್ಚದೆ-ತಿಣುಕಾಟ

ಮುಸುಕೆಳೆದರೆಚಣ,
ಕಾಲೆಡೆಗೆ ಒದ್ದುಕೊಂಡೆ ಮರುಕ್ಷಣ
ಕುಳಿರ್ಗಾಳಿಯ ಸ್ಪರ್ಶ ಚರಣಕೆ
ನಿಲ್ಲದ ಸಂಘರ್ಷ - ಮುಖಬಾಗಕೆ?

ಈ ಪರಿಯ ಒದ್ದಾಟ-ಎಳೆದಾಟಕೆ
ಕಾರಣ, ಆ ತುಂಡು ಕಂಬಳಿ
ಅಂತೆಯೇ,
ನಿನ್ನ-ನನ್ನ ಪ್ರೀತಿ ಕೂಡಾ!

ಅವನು, ಅವಳು & Dove ಶಾಂಪೂ

2008-09-14T13:38:00.019-04:00

'ನಿಜವಾಗಿ ನೀನು ಹೋಗ್ಲೇಬೇಕಾ? ಅದೂ ಆರು ತಿಂಗಳು?' ಪೆಚ್ಚುಪೆಚ್ಚಾಗಿ ಅವನು ಕೇಳಿದ್ದ.
ಅವನ ತಲೆ ಮೇಲ್ ಒಂದ್ಸಲ ಕುಟ್ಟಿ 'ಹೂಂ ಕಣೋ,ಬರೀ ಆರು ತಿಂಗಳಷ್ಟೇ.ಕಣ್ಮುಚ್ಚಿ ಕಣ್ಬಿಡೋಷ್ಟರಲ್ಲಿ ಬಂದ್ಬಿಡತ್ತೆ' ಅಂತ ಸಮಾಧಾನ ಮಾಡಿದ್ಲು ಅವಳು.
ಆರಿಹೋಗಿದ್ದ ಕಾಫಿಯ ಕಡೇ ಗುಟುಕು ಮುಗಿಸಿ ಲೋಟಾ ಅಲ್ಲೇ ಬಿಟ್ಟು ಕೋಪದಲ್ಲೇ ಎದ್ದು ನಡೆದಿದ್ದ ಅವನು.
ಅವನನ್ನು,ಅವನು ಬಿಟ್ಟ ಕಾಫಿ ಲೋಟವನ್ನೂ ಒಮ್ಮೆ ಕೆಕ್ಕರಿಸಿಕೊಂಡು ನೋಡಿದ್ಲು ಅವಳು.
'ವ್ಹಾಟ್?' ಅಂತ ಕಣ್ಣಲ್ಲೇ ಕೇಳಿದ ಅವನ ಪ್ರಶ್ನೆಗೆ ಅವಳು ಆ ಕಾಫಿ ಕಪ್ಪನ್ನು ಅಲ್ಲೇ ಇದ್ದ ಕಸದಬುಟ್ಟಿಗೆ ಹಾಕಿ ಮೌನವಾಗಿ ಉತ್ತರ ನೀಡಿದ್ದಳು. ಭುಜವನ್ನೊಮ್ಮೆ ಕುಣಿಸಿ ಅತ್ತ ತಿರುಗಿ ಹೊರಟವನ ಪಕ್ಕದಲ್ಲೇ ಅವನ ಭುಜಕ್ಕೊರಗಿ ಕೈ ಹಿಡಿದು ನಡೆದಳು.

'ನೀನ್ ಸಿಕಾಪಟ್ಟೆ ನೆನಪಾಗ್ತಿ ಕಣೇ.ಹೇಗಿರ್ಲಿ ಆರು ತಿಂಗಳು ನಿನ್ನ ಬಿಟ್ಟು?' ಅಂದ.
'ಫೋನ್ ಮಾಡ್ತಿರ್ತೀನಿ ಕಣೋ,ದಿನಾ ಮೈಲ್ ಮಾಡ್ತೀನಲ್ಲ? ಇದೊಂದು ಇಂಪಾರ್ಟೆಂಟ್ ಅಸೈನ್ಮೆಂಟು ಕಣೋ,ಒಳ್ಳೇ ಆಪರ್ಚುನಿಟಿ ನನ್ನನ್ನ ನಾನು ಪ್ರೂವ್ ಮಾಡಿ ತೋರ್ಸೋಕೆ' ತೀರಾ ಕೂಲಾಗಿ ಅಂದ್ಲು.

ಅರೆಘಳಿಗೆ ಮೌನ.

ಅವನು ಅವಳನ್ನೇ ನುಂಗಿಹಾಕೋ ರೀತೀಲಿ ನೋಡ್ತಿದ್ರೆ, ಅವಳೊಮ್ಮೆ ನಸುನಕ್ಕು ಅವನ ಕೈ ಹಿಡಿದೆಳೆದು ಸೀದಾ ಪಕ್ಕದಲ್ಲೇ ಇದ್ದ 'ಹೆಲ್ತ್ & ಗ್ಲೋ' ಒಳಗಡೆ ಹೋದ್ಲು.
ಮೂರನೇ ರೋನಲ್ಲಿ ಅವಳು ಏನನ್ನೋ ಹುಡುಕಾಡ್ತಿದ್ರೆ ಅವನು ಅಲ್ಲೆಲ್ಲೋ ಶೂನ್ಯವನ್ನೇ ದಿಟ್ಟಿಸ್ತಾ ಬೇರೇನೋ ಯೋಚಿಸ್ತಿದಾನೆ.
'ತಗೋ ಇದನ್ನ' ಅಂದ್ಲು. ಯಾವುದೋ ಲೋಕದಲ್ಲಿ ಮುಳುಗಿಹೋಗಿದ್ದವನನ್ನು ಬಡಿದೆಬ್ಬಿಸಿದಂತಾಯ್ತು.
'ಏನಿದು?ನಂಗ್ಯಾಕಿದು?' ಅಂದ.
ಅವನ ಮಾತು ಮುಗ್ಯೋಕೂ ಮುಂಚೇನೆ ಅಂಗಡಿಯವನು ಕೊಟ್ಟ ಚಿಲ್ಲರೆಯನ್ನ ತನ್ನ ವ್ಯಾನಿಟಿ ಬ್ಯಾಗಿಗೆ ತುರುಕ್ತಾ ತನ್ನ ಮಾತನ್ನ ಮುಂದುವರೆಸಿದಳು.
'ನನ್ ನೆನಪಾದಾಗ್ಲೆಲ್ಲ ಇದನ್ ಹಾಕೊಂಡು ತಲೆಸ್ನಾನ ಮಾಡು.ನೀನೇ ಹೇಳ್ತಿರ್ತ್ಯಲ್ಲ ನನ್ನ ಪರ್ಫ್ಯೂಮ್ ನನ್ನ ಶಾಂಪೂ ಕಂಡ್ರೆ ನಿಂಗೆ ಪ್ರಾಣ ಅಂತ.ಆಗ ನಾನು ಇಲ್ಲೇ ನಿನ್ ಪಕ್ಕದಲ್ಲೇ ಇದೀನಿ ಅನ್ನೋ ಅಶ್ಯುರೆಂಸ್ ಸಿಗತ್ತೆ ನಿಂಗೆ ಅಟ್ಲೀಸ್ಟ್!'

ಅವಳೋ, ಅವಳ ಯೋಚನಾಲಹರಿಯೋ, ಅವಳ ಲಾಜಿಕ್ಕಿನ ಮಾತುಗಳೋ - ಯಾವಾಗ್ಲೂ ಹೀಗೇ!
ಇವನ ತಲೆಯೊಳಗೆ ಅದೆಲ್ಲ ಹೋಗಿ ನಾಟೋಷ್ಟ್ರಲ್ಲಿ ಅವರಿಬ್ರೂ ಫೋರಮ್ಮಿನ ಪಾರ್ಕಿಂಗ್ ಲಾಟಿನಲ್ಲಿದ್ರು.

--- * ---

ಅವಳು ಹೋಗಿ ಇವತ್ತಿಗೆ ಸರೀಗೆ ನಾಕು ತಿಂಗ್ಳಾಗಿದೆ. ಅವರಿಬ್ಬರೂ ನೆಟ್ಟಗೆ ಮಾತನಾಡಿ ಸುಮಾರು ಇಪ್ಪತ್ತು ದಿನವಾದ್ರೂ ಆಗಿರ್ಬೇಕು. ಹೋದ ಹೊಸದರಲ್ಲಿ ದಿನಕ್ಕೊಂದು ಬಾರಿಯಾದ್ರೂ ಫೋನಾಯಿಸಿ 'ಇವತ್ ಹೇಗಿದ್ಯೋ ಹುಡುಗ?' ಅಂತ ಅಟ್ಲೀಸ್ಟ್ ವಿಚಾರಿಸ್ಕೊಳ್ತಿದ್ದವಳು ಈಗೀಗ ಸದಾ ಕೆಲಸ,ಕ್ಲೈಂಟ್ ಮೀಟಿಂಗ್,ಡೆಡ್‍ಲೈನ್,ಡಿಸ್ಕಶನ್ ಅಂತಿರ್ತಾಳೆ. ದಿನಕ್ಕೆ ಏನಿಲ್ಲಾಂದ್ರೂ ಸರಾಸರಿ ಐವತ್ತು ಈ-ಮೈಲ್ ಬದಲಾಯಿಸಿಕೊಳ್ತಿದ್ದವ್ರು ಈಗ ಹತ್ತಕ್ಕೆ ಬಂದಿಳಿದಿದಾರೆ. ಅವನ ಮಾರುದ್ದದ ಮೈಲುಗಳಿಗೆ ಅವಳ 'ಒನ್ ಲೈನರ್' ಉತ್ತರಗಳು!

ಅವಳು ಕೊಟ್ಟಿದ್ದ ಎರಡು Dove ಶಾಂಪೂ ಬಾಟಲಿಗಳು ಖಾಲಿಯಾಗಿ ಅವನೇ ಖುದ್ದಾಗಿ ಹೋಗಿ ತಂದಿದ್ದ ಇನ್ನೊಂದು ಬಾಟಲಿಯೂ ಅರ್ಧ ಮುಗಿದಿತ್ತು.
ಇವತ್ತೂ ಸರೀಗೆ ಮಾತಾಡ್ಲಿಲ್ಲ ಅನ್ನೋ ಕೊರಗಲ್ಲೇ ಬಚ್ಚಲುಮನೆ ಹೊಕ್ಕ ಅವನು ಒದ್ದೆಕೂದಲನ್ನು ಒದರುತ್ತಾ ಏನೋ ಲವಲವಿಕೆಯಿಂದ ಹೊರಬರುತ್ತಿದ್ದ.ಅವನಿಗೆ ಅವಳ ಸಾಮಿಪ್ಯ ಅವಳೇ ಹೇಳಿದಂತೆ ಆ ಶಾಂಪೂನಲ್ಲಿ ಸಿಕ್ಕಿತ್ತೋ ಏನೋ!
ತನ್ನ ಕೂದಲನ್ನು ತಾನು ಅಷ್ಟೋಂದು ಪ್ರೀತಿಯಿಂದ,ಮುತುವರ್ಜಿ ವಹಿಸಿ ಬಾಚಿಕೊಂಡಿದ್ದು ಇದೇ ಮೊದಲಿರಬೇಕು!

ಎಲ್ಲವೂ Dove ಶಾಂಪೂ ಮಹಿಮೆ.

--- * ---

ಆರು ತಿಂಗಳು ಅಂತ ಹೋದವರ್ಯಾರೂ ಆರೇ ತಿಂಗಳಿಗೆ ಹಿಂದಿರುಗಿ ಬಂದಿಲ್ಲ. ಅವಳೂ ಅಷ್ಟೇ! ಕೆಲಸ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಹೋಯ್ತು. ಆರು ತಿಂಗಳಂದದ್ದು ಎಂಟಾಯ್ತು, ವರ್ಷವಾಯ್ತು. ಈ-ಮೈಲುಗಳು ವಾರಕ್ಕೊಂದೆರಡಾದ್ರೆ ಫೋನ್ ಕಾಲು ತಿಂಗಳಿಗೊಂದಾಯ್ತು. ಸದಾ ಪ್ರಾಜೆಕ್ಟು, ಡೆಲಿವರಿ ಅನ್ನೋ ಅವಳ ಮಾತುಗಳು ಅವನಿಗೆ ಸಹಿಸಿಕೊಳ್ಳಲಾರದಂತಾಯ್ತು.ಅವರಿಬ್ಬರ ಸಂವಾದದಲ್ಲಿ ಅವನು-ಅವಳು ಇರ್ತಾನೆ ಇರ್ಲಿಲ್ಲ.
'ಹೆಲೋ'
'ಹೈ..ಹೇಗಿದ್ಯೋ?'
'ಏನೋ ಇದೀನಿ.ನೀನು?ಯಾವಾಗ ಬರೋದು?'
'ಗೊತ್ತಿಲ್ವೋ. ಮುಂದಿನ ತಿಂಗಳು ನಾವೆಲ್ಲ ವಾಪಸ್ ಬರಬೇಕಿತ್ತು ಈಗ ನೋಡಿದ್ರೆ ಸೆಕೆಂಡ್ ಫೇಸ್ ಕೂಡಾ ಇಲ್ಲೇ ಶುರುಮಾಡ್ಬೇಕಾಗ್ಬಹುದೇನೋ.ನಮ್ ಕ್ಲೈಂಟ್ ಮ್ಯಾನೇಜರ್ ಹೊಸಬ ಬಂದಿದಾನೆ.ಸಖತ್ ಸ್ಮಾರ್ಟ್ ಆಗಿದಾನೆ.ಅದ್ಸರಿ ವೆದರ್ ಹೇಗಿದೆ ಅಲ್ಲಿ? ಇಲ್ಲಿ ಆಗ್ಲೇ ತುಂಬಾ ಚಳಿ ಶುರುವಾಗಿದೆ ಕಣೋ!'
'ಹ್ಮ್...ಇಲ್ಲಿ ಮಳೆ ಸಿಕಾಪಟ್ಟೆ'
....
.....
'ಸರಿ ನಾ ಹೊರ್ಟೆ.ಆನ್‍ಲೈನ್ ಸಿಗ್ತೀನಿ.ಬೈ ಟೇಕ್ ಕೇರ್'
'ಯೂ ಟೂ...ಮಿಸ್ ಯು ಕಣೋ'
'ಹ್ಮ್...ಮಿ ಟೂ'

--- * ---

ಹೊತ್ತಲ್ಲದ ಹೊತ್ತಲ್ಲಿ ಅವನಿಗೆ ಅವಳು ನೆನಪಾಗ್ತಾಳೆ.ಅವನು ಸ್ನಾನ ಮಾಡ್ತಾನೆ.ಅವನ ಪಕ್ಕದಲ್ಲೇ ಅವಳು ಬಂದು ಕೂತ ಹಾಗನ್ನಿಸತ್ತೆ.ಇದ್ದಕ್ಕಿದ್ದಂಗ್ ಇಡೀ ವಾತಾವರಣಕ್ಕೇ ಅವಳು ಉಪಯೋಗಿಸೋ ಅದೇ Dove ಶಾಂಪೂ ಹಾಕಿ ಸ್ನಾನ ಮಾಡಿಸಿದಾರೇನೋ ಅನ್ನೋಷ್ಟು ಅವಳದೇ ಕಂಪು.ಅವಳದೇ ನೇವರಿಕೆ.
ಯಾಕ್ ಹಿಂಗ್ ಕಾಡ್ತಾಳೆ ಅಂತ ಎಷ್ಟು ಸಲ ತನ್ನನ್ನ ತಾನೇ ಕೇಳ್ಕೊಂಡಿದಾನೋ ಅವನಿಗೇ ಗೊತ್ತಿಲ್ಲ.ಅದದೇ ಪ್ರಶ್ನೆನಾ ಎಷ್ಟು ಸಲ ಕೇಳಿಕೊಂಡ್ರೆ ಏನಂತೆ?
ಅವಳಿಗೂ ಹೀಗೆಲ್ಲ ಆಗ್ತಿತ್ತೋ ಏನೋ ಅವನಿಗೆ ಹೇಗ್ ಗೊತ್ತಾಗ್ಬೇಕು?
ಆವತ್ತು ಕಾಫಿ ಕುಡೀತಾ ಒಟ್ಟಿಗೆ ಕೂತು ಮಾತಾಡಿದ್ದಷ್ಟೇ!ಬೇಡವೆಂದರೂ ಅವಳ ಆ ರೇಷ್ಮೆಯಂಥಾ ಕೂದಲೊಡನೆ ಇವನ ಬೆರಳುಗಳು ಜೂಟಾಟವಾಡ್ತಿದ್ವು.
ಇಬ್ಬರೂ ಆವತ್ತಿನಿಂದೀಚೆಗೆ ಒಬ್ಬರನ್ನೊಬ್ಬರು ನೋಡಿಲ್ಲ.

--- * ---

ಭಾನುವಾರ ಮಾಮೂಲಾಗಿ ಹತ್ತು ಹತ್ತೂವರೆಗೆ ಎದ್ದೇಳ್ತಿದ್ದವನು ಇವತ್ತು ಮಾತ್ರ ಎಂಟಕ್ಕೇ ಎದ್ದು ಹಲ್ಲುಜ್ತಿದಾನೆ!ಎಂಥದೋ ಸಡಗರ.
ಒಳಗಡೆ ಅವನಪ್ಪ:
'ದುಡ್ಡಿನ ಬೆಲೆ ಗೊತ್ತಿದ್ರಲ್ವ ಇವ್ರಿಗೆ.ನೂರಾರ್ ರುಪಾಯಿ ಕೊಟ್ಟು ತರೋದು.ಒಂದ್ಸಲ ಹಾಕೊಂಡ್ ಚೆನ್ನಾಗಿಲ್ಲ ಅಂತ ಕಸಕ್ ಹಾಕೋದು.ಕಷ್ಟಪಟ್ಟಿದ್ರಲ್ವ ಗೊತ್ತಾಗೋದು ದುಡ್ಡಿನ ಬೆಲೆ.ಕೂತ್ ಕೂತ್ ಕಡೆ ಸಾವ್ರ ಸಾವ್ರ ಸಂಬ್ಳ ಬರತ್ತೆ...ಯಾರನ್ ಕೇಳಲಿ ನನ್ ಮಗ ಕಂಪ್ಯೂಟರ್ರು ನನ್ ಮಗಳು ಕಂಪ್ಯೂಟರ್ರು.ಇರೋ ಚಂದಕ್ಕೆ ಈ ಶೋಕಿ ಬೇರೆ!'
'ಯಾರನ್ರೀ ಅದು ಬೆಳ್ ಬೆಳಗ್ಗೆ ಬೈತಿರೋದು?ಏನಾಯ್ತು ಅಂತ ಈಗ?'
'ಇನ್ಯಾರು..ಇದಾನಲ್ಲ ನಿನ್ ಸುಪುತ್ರ...ನೋಡು ನೀನೇ, ಏನಾಗಿದೆ ಅಂತ...ಹೋಗ್ತಾ ಬರ್ತಾ ಕೊಂಡುಕೊಂಡ್ ತರೋದು..ತಂದು ಎರಡ್ ದಿನ ಆಗಿಲ್ಲ ಆಗ್ಲೇ ಸೀದಾ ಕಸದಬುಟ್ಟಿಗೆ ಎಸೆಯೋದು.ದುಡ್ಡಿನ್ ಬೆಲೆ ಗೊತ್ತಿದ್ರಲ್ವ'
'ಅಯ್ಯೋ ಅವನ್ಯಾಕ್ ಎಸೀತಾನೆ?ನೀವೂ ಸರಿ..ಕೊಡಿ ಇಲ್ಲಿ ಅದನ್ನ.

ಲೋ...ಎಲ್ಲಿಟ್ಟಿದ್ದೆ ಇದನ್ನ? ಕಸದಬುಟ್ಟಿಲಿ ಸಿಕ್ತು ಅಂತಿದಾರೆ ನಿಮ್ಮಪ್ಪ! ತಗೋ ತೊಳೆದು ಆ ಶೆಲ್ಫ್ ನಲ್ಲಿಡು.ಆಮೇಲೆ ನನ್ ಶಾಂಪೂ ಬಾಟ್ಲಿ ಎಲ್ಲಿ ಅಂತ ರಣರಂಗ ಮಾಡ್ತೀಯ'

'ಬೇಡ.ಅದನ್ನ ನಾನೇ ಬಿಸಾಕಿದ್ದು.ಎಸೆದುಬಿಡು.ನಂಗ್ ಸ್ವಲ್ಪ ಸೀಗೆಪುಡಿ ಇದ್ರೆ ಕೊಡು ಬೇಗ.ತಲೆಸ್ನಾನ ಮಾಡ್ಬೇಕು'

(ಮುಕ್ತಾಯ)
ಚಿತ್ರಕೃಪೆ: Couple;Dove;

ಆ ದಿನಗಳು....

2008-08-14T10:15:00.000-04:00

ಸಿಡಿಲೊಡೆದು ಪಳೆಯುಳಿದ
ಇಟ್ಟಿಗೆಗೂಡಲೊಂದು
ಚಾ ದುಖಾನು

ಹೋದ ತಿಂಗಳ
ಪ್ರಜಾಮತದ ಮುಖಪುಟದಿ
ಸುಮಲತಾಳ ಹುಸಿನಗು

ಪಟ್ಟಿಗಾಜಿನ ಲೋಟದ ತಳದಲಿ
ನೀರ್ಕಾಪಿ,
ದವಡೆಯಾಡಿಸಲು ಒಣಕಲು ಬನ್ ಒಂದು

ಮನಸಿನಾಳದ ಕೊರಗು,ಲೋಕಾರೂಢಿ ಚಿಂತೆ
ಎಲ್ಲವೂ ಬ್ರಿಸ್ಟಲ್ ಸಿಗರೇಟಿನ
ಹೊಗೆಯಾಗಿ ಗಾಳಿಯಲಿ ಲೀನ

ಮೂಲೆಮೂಲೆಯ ಜನ್ಮ ಜಾಲಾಡಿ
ಮುದಿರೆಲೆಯ ಗತಿಕಾಣಿಸಿದ
ಉದಯವಾಣಿ ಪತ್ರಿಕೆಯೊಂದು

ಬೆಳಗಿಂದ ಕೂತು ತಲೆಕೆರೆದು ಕುರಮಾಡಿ ಮುಗಿಸಿದ
ಕಾಪಿ-ಬನ್ನು-ಇಡ್ಲಿ-ಮಸಾಲ್ ವಡೆ-ಚಿತ್ರಾನ್ನ-ಸಿಗರೇಟಿನ
ಒಟ್ಟು ಮೊತ್ತ ಇಪ್ಪತ್ತು ರುಪಾಯಿ!!

ಏನಾದರೇನು?
ಗೋರ್ಬಚೇವನಿಗಾಗಲೀ
ಬುಶ್ಶಪ್ಪನಿಗಾಗಲಿ ಮೋಕ್ಷವಿಲ್ಲ,
ಕುಂತಿ ಮಕ್ಕಳಿಗೆ ರಾಜ್ಯವಿಲ್ಲ!

ಗಾಳಿಪಟ

2008-07-30T14:15:00.000-04:00

ಏ

ರಿ

ಸಿ
ಹಾ..........ರಿ............ಸಿ...........
ಎ ಳೆಎಎಎಎ ದಅಅಅಅಅ ಷ್ಟೂಊಊಊಊಊ
ಎತ್ತರೆತ್ತರಕ್ಕೆ ಹಾರುತ್ತಿದೆ
ಬಣ್ಣಮಾಸಿದ ನನ್ನ ಗಾಳಿಪಟ!

ದುರಾದೃಷ್ಟ

2008-07-14T14:10:00.000-04:00

ಗುಡಿಸಲು ತುಂಬಾ
ಮಸಿ ಹಿಡಿದು ಮುಕ್ಕಾದ
ಇಂಡಾಲಿಯಂ
ಪಾತ್ರೆಗಳ ಸದ್ದು-ಗದ್ದಲ

ಹಗಲಿಡೀ ನಿದ್ದೆಯಿಲ್ಲ
ಕುಡಿದ ನಶೆ : ಆರಕ್ಕೇರದು ಮೂರಕ್ಕಿಳಿಯದು
ಪಾಪ!
ಹರಕು ಚಾಪೆ ಕಾಲಿಗೂ ಸಾಲದು

ತವರ ಪಾಲಾದ ಹಿರಿಮಗಳ,
ಮೇಜುವಾನಿ ಮಾಡುವ ತಾಯಿಯ
ಜೋಡಿ
ಎಕ್ಕಡಕ್ಕೆ ಚುಚ್ಚಿಕೊಂಡ ಮೊಂಡು ಮೊಳೆ!

ಮೂಲೆಸೇರಿ ಹೇನು-ಸೀರು ಕುಕ್ಕುವ ನೆಪದಿ
ಕಂದಮ್ಮಗಳ ಮೇಲೆ ತನ್ನೆಲ್ಲ
ಕೋಪ-ತಾಪ
ತೀರಿಸಿಕೊಳ್ಳುವ ಗಂಡ ಸತ್ತ-ಹಿರಿಸೊಸೆ

ಮಾತೆತ್ತಿದರೆ ಸಾಕು
ಸೋರುವ ಮೂಗನೂ ಸೀಟದೆ
ಆಕಾಶ-ಭೂಮಿ
ಒಂದು ಮಾಡುವ ಮೊಮ್ಮಕ್ಕಳ ಹಿಂಡು!

ಗುಡ್ಲು ತೆಗೆದು ಹೊರಗೆ ಬಿಟ್ಟ ಕೋಳಿ ಪಿಳ್ಳೆಗಳೂ,
ಮೂಲೆ ಸೇರಿ ಬೂದಿಬಿಸಿಗೆ ಮೈಯೊಡ್ಡಿ ಮಲಗಿದ್ದ
ಮುದಿನಾಯಿ
ಹತ್ತದು ಹರಿಯದು;

ದಿನದೂಡಿ,ಸಂಜೆ ಮಾಡಿ
ಅರವತ್ತರೆರಡಷ್ಟರನ್ನು ಕಣ್ಣು ಕಿರಿದುಮಾಡಿ
ನೇರ
ಗಂಟಲಿಗೆ ಸುರಿದುಕೊಂಡು ಕೆಲಸಕ್ಕೆ ಬಂದಾಯ್ತು

ಮಫ್ಲರ್ ಸುತ್ತಿದ್ದ ವಾಚ್‍ಮನ್ ರಂಗಯ್ಯನಿಗೆ
ಇಂದೇ ಅತಿನಿದ್ದೆ,ಕನ್ನ ಕೊರೆದು ಮನೆ ದೋಚಿದರೂ
ಕಣ್ಣು
ಬಿಡಲಾಗದಷ್ಟು,ಸದ್ದಾದರೂ ಕೇಳಿಸದಷ್ಟು!

ಕರುಣೆ

2008-06-16T05:14:00.000-04:00

ಬಿಡದೆ ಸುರಿಯುತಿರುವ ಜಡಿ ಮಳೆ
ಮೋಡ ಮುಸುಕಿದ ವಾತಾವರಣ;
ಗೂಡಿಗೆ ಹೊರಟಿದ್ದ ಹಕ್ಕಿಗಳಾ ಹಿಂಡೊಂದು
ಕೊಂಬೆಯೊಂದರ ಮೇಲೆ ಕೂತು
ರೆಕ್ಕೆ ಬಡಿದು ಪುಕ್ಕ ಒಣಗಿಸುತಿವೆ

ಸುತ್ತಲಿನ ಗಿಡ-ಮರ-ಪೊದೆಗಳು
ಮಳೆನೀರಲಿ ಮಿಂದು ಒದ್ದೆ-ಮುದ್ದೆಯಾಗಿ
ಹಸಿರಿನಿಂದ ಕಂಗೊಳಿಸುತಿರೆ
ಹಕ್ಕಿ ಹಿಂಡು ಕೂತ ಆ ಒಣ-ಬೋಳು ಮರ
ಅಯ್ಯೋ ಪಾಪ, ಸತ್ತು ಹೋಗಿ ನೆಟ್ಟಗೆ ನಿಂತಿದೆ!

ಮುಸ್ಸಂಜೆ ಮಾತು?? ಮಧ್ಯರಾತ್ರಿ ಗೋಳು!!!

2008-05-20T09:56:00.017-04:00

ಅಂದು ಮುಸ್ಸಂಜೆ
ಲಕ್ಷ್ಮಿ ಬರುವ ಹೊತ್ತು
ಕಿಟಕಿ ಬಾಗಿಲು ತೆರೆಯಿರಿ
ಹಣತೆ ದೀಪ ಹಚ್ಚಿ

ಇಂದು ಇನ್ನೂ ಸಂಜೆ
ಸೊಳ್ಳೆ ಬರುವ ಹೊತ್ತು
ನಾಶಕಬತ್ತಿ ಉರಿಸಿ
ಕಿಟಕಿ ಬಾಗಿಲು ಮುಚ್ಚಿ!!

-----*------

ಹಸಿವೇನಾಗ್ತಿಲ್ಲ...ಆದ್ರೂ ಲೈಟಾಗಿ ಏನಾದ್ರು ತಿನ್ನಣಾ ಅನ್ಸತ್ತೆ...ಒಂದು ಒಳ್ಳೇ ಹೋಟೆಲ್ಲಿಗೆ ಹೋಗ್ತೀರ...ನೋಡಕ್ಕೆ ಚೆನ್ನಾಗೇ ಇದೆ ಹೋಟೆಲ್ಲು...ಬಣ್ಣಬಣ್ಣದ ಲೈಟುಗಳು...ಮಾರ್ಬಲ್ ಫ್ಲೋರಿಂಗು, ಘಮ್ಮಂತ ಏರ್ ಫ್ರೆಶನರ್...ಸರ್ವರ್ ಮೇನೇಜರ್ ಎಲ್ಲ ಗರಿಗರಿಯಾದ ಬಟ್ಟೆ ಹಾಕಿಕೊಂಡು ಠಾಕುಠೀಕಾಗಿ ಓಡಾಡ್ತಿದಾರೆ..ಗಲಾಟೆ ಗದ್ದಲ ಇಲ್ಲ....ಸುತ್ತ ಮುತ್ತ ಥರಹೇವಾರಿ ತಿಂಡಿಗಳ ಫೋಟೋಗಳು! ಬಟ್ಟಲ ತುಂಬಾ ಬಾಯಲ್ಲಿ ನೀರೂರಿಸುವಂತಹ ಕೆಂಪು ಕೆಂಪು ಜಾಮೂನುಗಳು...ಹೊಗೆಯಾಡುತ್ತಿರುವ ಗರಿ ಗರಿ ಕೆಂಪು ಮಸಾಲೆದೋಸೆ...ಅಷ್ಟೋಂದ್ ರಶ್ ಏನೂ ಇಲ್ಲ...ಹಾಗಂತ ಜನರೇ ಇಲ್ಲ ಅಂತಲೂ ಅಲ್ಲ...ಸರಿ ಇಷ್ಟೆಲ್ಲ ಆದ್ಮೇಲೆ ಊಟ ಮಾಡೇಬಿಡಣ ಅಂತ ನಿರ್ಧರಿಸಿ ಒಂದು ಫುಲ್ ಮೀಲ್ಸ್ ಕೊಡೋಕ್ ಹೇಳ್ತೀರ. ಐದೇ ನಿಮಿಷದಲ್ಲಿ ಬಿಸಿಬಿಸಿ ಊಟದ ಥಾಲಿ ನಿಮ್ಮ ಕಣ್ಮುಂದೆ ಪ್ರತ್ಯಕ್ಷ...ಬಿಸಿಬಿಸಿ ಪೂರಿಗಳು, ೨-೩ ಥರದ ಪಲ್ಯ,ಸಾಗು,ಕೂಟು,ಅನ್ನ,ಸಾಂಬಾರ್,ರಸಂ,ಮೊಸರು,ಮಜ್ಜಿಗೆ,ಉಪ್ಪಿನಕಾಯಿ,ಹಪ್ಪಳ,ಸ್ವೀಟು...ಅಬ್ಬಬ್ಬ ನೋಡ್ತಿದ್ದಂಗೇ ಅರ್ಧ ಹೊಟ್ಟೆ ತುಂಬೇ ಹೋಯ್ತೇನೋ ಅನ್ಸತ್ತೆ...ಸರಿ ಅಂತ ಪೂರಿ ಚೂರು ಮುರಿದು ಸಾಗು ಬಟ್ಟಲಿಗೆ ಅದ್ದುತ್ತೀರ...ಏನೋ ತೆಂಗಿನ ನಾರಿನಂಥದ್ದು ಕೈಗೆ ತಗುಲತ್ತೆ..ತೆಗೆದು ಹಾಕಿ ತಿನ್ನೋಣವೆನಿಸಿ ಹಿಡಿದು ಎಳೆದರೆ ಒಂದು ಇಡೀ ಜಿರಳೆಯ ಬಾಡಿ ಹಾಗೇ ಆಚೆಗೆ ಬರತ್ತೆ!! ಸಾಗು ಬೇಡ ಅಂತ ಅದರ ಬಟ್ಟಲನ್ನೇ ತೆಗೆದು ಅಷ್ಟು ದೂರ ಇಟ್ಟು ಪೂರಿಯನ್ನು ಬೀಟ್ರೂಟ್ ಪಲ್ಯದೊಡನೆ ತಿಂದು ಮುಗಿಸ್ತೀರ. ಪಲ್ಯಕ್ಕೆ ಉಪ್ಪು ಕಮ್ಮಿ!ಹಪ್ಪಳ ಯಾವುದೋ ಪ್ರಾಣಿಯ ಚರ್ಮದಂತಿದೆ! ಮೇಲೆಲ್ಲ ಕಪ್ಪು ಚುಕ್ಕಿ ಚುಕ್ಕಿ...ಕಮಟು ವಾಸನೆ...ಅಲ್ಲಲ್ಲಿ ಸೀದು ಹೋಗಿದೆ! ಅನ್ನದ ಬಟ್ಟಲಿಂದ ಇಷ್ಟು ಅನ್ನವನ್ನು ಹಾಕಿಕೊಂಡು ಸಾಂಬಾರ್ ಹಾಕೋಣ ಅಂತ ನೋಡಿದ್ರೆ ಅನ್ನ ಯಾಕೋ ಹಳಸಿದೆ ಅನ್ನಿಸತ್ತೆ. ಇನ್ನೊಮ್ಮೆ ಪರೀಕ್ಷೆ ಮಾಡಿ ನೋಡಿದ್ರೆ ಅನ್ನದೊಡನೆ ಸಾಂಬಾರ್, ರಸಂ ಕೂಡಾ ಹಳಸಿದೆ!!
------------------------- * -------------------------
ನಿಮಗೆ ಅನ್ನಿಸ್ತಿರಬಹುದು...ಏನಪ್ಪ ಇದು ಟೈಟಲ್ ನೋಡಿದ್ರೆ 'ಮಧ್ಯರಾತ್ರಿ ಗೋಳು' ಅಂತಿದೆ..ಒಳಗೆ ಬಂದ್ರೆ 'ಮುಸ್ಸಂಜೆ ಮಾತು' ಚಿತ್ರದ ಸ್ಟಿಲ್ ಇದೆ..ಸಂಜೆ ಬಗೆಗೆ ಚುಟುಕ ಬೇರೆ! ಸಾಲದ್ದಕ್ಕೆ ಏನೂ ಸಂಬಂಧವೇ ಇರದ ಯಾವುದೋ ಹೋಟೆಲ್ ಕಥೆ! ಏನ್ ನಡೀತಿದೆ ಇಲ್ಲಿ ಅಂತ ತಲೆ ಕೆಡಿಸ್ಕೊತಿದೀರ?? ಒಂದಕ್ಕೊಂದು ಸಂಬಂಧವೇ ಇಲ್ಲದ ಅಸಂಬದ್ಧ ಬರವಣಿಗೆ ಅನ್ನಿಸ್ತಿದ್ಯ??
'ಮುಸ್ಸಂಜೆ ಮಾತು' ಅನ್ನೋ ಭಯಾನಕ ಟಾರ್ಚರ್ ಚಿತ್ರಕ್ಕೆ ಗ್ರಹಚಾರ ತಪ್ಪಿ ಹೋದವಾರ ನೈಟ್ ಶೋಗೆ ಹೋಗಿ ಆ ಪ್ರಾರಭ್ಧವನ್ನ ನೋಡಿದ ನನಗೂ ನನ್ನಿಬ್ಬರು ಗೆಳೆಯರಿಗೂ (ಶರತ್,ರಘು)ಹಾಗೇ ಅನ್ನಿಸಿತ್ತು. ನಮಗನ್ನಿಸಿದ್ದನ್ನ ನಿಮ್ಮೊಡನೆ ಹಂಚಿಕೊಳ್ಳೋದು ಧರ್ಮ ನ್ಯಾಯ ಅನ್ನಿಸಿ ಈ ಟ್ರೀಟ್‍ಮೆಂಟ್ ಅಷ್ಟೇ!
ಚಿತ್ರದಲ್ಲಿ ಏನ್ ನಡೀತಿದೆ ಅಂತ ತಿಳೀದೇ ಇರೋಷ್ಟು ಪೆದ್ದರು ನಾವಲ್ಲ..ಹಾಗಂತ ಅಷ್ಟು ಸುಲಭದಲ್ಲಿ ಅರ್ಥ ಆಗದೇ ಇರೋಂಥಾ ಕಾಂಪ್ಲಿಕೇಟೆಡ್ ಸಿನಿಮಾ ಇದು ಮೊದಲೇ ಅಲ್ಲ. ಮತ್ಯಾಕೆ ಈ ಪೀಕಲಾಟ ಅಂತೀರ...ಬಿಡಿಸಿ ಹೇಳಿಬಿಡ್ತೀನಿ ಕೇಳಿ.

ಸುಮಾರು ಎರಡು ವಾರದ ಹಿಂದೆ ಸೋನು ನಿಗಂ ಹಾಡಿರೋ "ಹೇಳಲೊಂಥರಾ ಥರಾ" ಅನ್ನೋ ಹಾಡು ಕೇಳಿ ತಲೆಕೆಟ್ಟು ಆವತ್ತಿಂದ 'ಮುಸ್ಸಂಜೆ ಮಾತು' ಚಿತ್ರದ ಹಾಡುಗಳ್ನ ದಿನಕ್ಕೊಂದ್ಸಲನಾದ್ರು ಕೇಳ್ತಾನೆ ಇದೀನಿ.ಹಾಡುಗಳನ್ನ ಎಲ್ಲೋ ಕೇಳಿದೀನಲ್ಲ ಅನಿಸಿದ್ರೂ ಮತ್ತೊಮ್ಮೆ ಕೇಳಕ್ಕೆ ಮಜವಾಗಿದೆ.ಹಂಸಲೇಖ ಸಿಸ್ಯ ಅಂತ ಹೇಳಿಕೊಳ್ಳೋ ಹೊಸ ಮ್ಯೂಸಿಕ್ ಡೈರೆಕ್ಟರ್ ಸುಮಾರಾಗೆ ಕೆಲಸ ಮಾಡಿ ಭರವಸೆ ಮೂಡಿಸಿದಾರೆ. 'ತುಂ ಬಿನ್' ಚಿತ್ರದ 'ಛೋಟಿ ಛೋಟಿ ರಾತೇ' ಅನ್ನೋ ಹಾಡಿನಲ್ಲಿ ಬರುವ ಟ್ಯೂನನ್ನ ಯಥಾವತ್ತಾಗೆ ಎತ್ತಿ ಒರಿಜಿನಲ್ ಹಾಡು ಹಾಡಿರೋ ಸೋನು ನಿಗಂ ಕೈಲಿ ಮತ್ತೊಮ್ಮೆ ಅದೇ ಹಾಡನ್ನ ಹಾಡಿಸಿರೋ ಇವರ ಧೈರ್ಯಕ್ಕೆ ಹ್ಯಾಟ್ಸ್ ಆಫ್!
ಇಡೀ ಚಿತ್ರಕ್ಕೆ ಈ ಆಸಾಮಿಯ ಮ್ಯೂಸಿಕ್ಕೇ ಜೀವಾಳ!
ಹೇಮಂತ್ ಹಾಡಿರೋ ಟೈಟಲ್ ಟ್ರ್ಯಾಕ್ ಸಕತ್ತಾಗಿದೆ.
ಶ್ರೇಯಾ ಘೋಷಾಲ್ ಹಾಡಿರೋ 'ಆಕಾಶ ಭೂಮಿ'ಮತ್ತು ಕುಣಾಲ್ ಗಾಂಜಾವಾಲಾ ಹಾಡಿರೋ 'ಕದ್ದಳು ಮನಸನ್ನ' ಹಾಡುಗಳಲ್ಲಿ ಸಕತ್ ಎನರ್ಜಿ ಇದೆ.
ನಂದಿತ,ಕಾರ್ತಿಕ್ ಮತ್ತು ಉದಿತ್ ನಾರಾಯಣ್ ಹಾಡಿರೋ ಹಾಡುಗಳ ಬಗ್ಗೆ ಮಾತಾಡೋದ್ ಬೇಡ ಬಿಡಿ.

ಸಂಗೀತ ಬಿಟ್ರೆ ಚಿತ್ರದಲ್ಲಿ ಕ್ಯಾಮೆರಾ ವರ್ಕು ಅಲ್ಲಲ್ಲಿ,ಹಾಡುಗಳಲ್ಲಿ ಒಂದಷ್ಟು ಬಣ್ಣಬಣ್ಣವಾಗಿ ಕಾಣತ್ತೆ.ಚಿತ್ರದುದ್ದಕ್ಕೂ ಬೆಂಗಳೂರು ಮತ್ತೊಮ್ಮೆ ಹಸಿರಾಗಿ ನಳನಳಿಸಿದೆ! ಜೊತೆಗೆ ರಮ್ಯಾ-ಸುದೀಪ್ ಜೋಡಿ ಕೂಡಾ ಚೆನ್ನಾಗಿದೆ.
ಹಾಂ! ಆಗೋಯ್ತು..ಒಂದ್ ನಿಮಿಷ..ಈ ಚಿತ್ರದ ಬಗ್ಗೆ ಒಳ್ಳೇದೇನಾದ್ರು ಹೇಳೋದಿದ್ಯ ಇನ್ನೊಂದ್ಸಲ ಚೆಕ್ ಮಾಡಿಬಿಡ್ತೀನಿ...
ಓಕೆ ಆಗೋಯ್ತು...ಇನ್ನುಳಿದಿರೋದೆಲ್ಲ ಹಳಸು:ಹಲ್ಲಿ-ಜಿರಲೆ-ಹೆಗ್ಗಣದ ಪ್ರಸಾದಗಳೇ!

ಇಡೀ ಚಿತ್ರದ ಬಂಡವಾಳ ಮೊದಲ ದೃಶ್ಯದಲ್ಲೇ ಗೊತ್ತಾಗಿಹೋಗತ್ತೆ. ಪುಣ್ಯಾತ್ಮ ಅದ್ಯಾವನು ಕೊಟ್ಟ ಐಡಿಯಾನೋ ಏನೋ?! ಯಾವುದೋ ಹಳದಿ ಬ್ಯಾನರ್ ಮೇಲೆ ಹುಬ್ಬಳ್ಳಿ ಅಂತ ಬರೆಸಿ ಬೆಂಗಳೂರಿನ ರೈಲ್ವೆ ಸ್ಟೇಷನ್ನಿನಲ್ಲಿರೋ ಬೋರ್ಡ್ ಮೇಲೆ ನೇತುಹಾಕಿ ಕೈ ತೊಳೆದುಕೊಂಡಿದ್ದಾರೆ ನಿರ್ದೇಶಕರು!ಹುಬ್ಬಳ್ಳಿ ರೇಲ್ವೇ ಸ್ಟೇಷನ್ ಅಲ್ಲಿ ಓಡಿಬಂದು ನಾಯಕ ಟ್ರೇನ್ ಹತ್ತೋ ಸೀನು, ಬೆಂಗಳೂರಲ್ಲಿ ಟ್ರೇನಿಂದ ಇಳಿಯೋ ಸೀನ್ ಎರಡೂ ಒಂದೇ ಸ್ಟೇಶನ್ನಿನಲ್ಲಿ ಶೂಟ್ ಮಾಡಿರೋ ಡೈರೆಕ್ಟರ್ ಜಾಣ್ಮೆಗೆ ಎರಡು ಶುಂಠಿ ಪೆಪ್ಪರ್‍ಮೆಂಟು ಕೊಡ್ಬೇಕು!
ರೇಡಿಯೋ ಮಿರ್ಚಿ ಆಫೀಸಲ್ಲಿ ನಿಜಕ್ಕೂ "ಕನ್ನಡ ಚಿತ್ರಗಳಿಗೆ ಕಡಿಮೆ ದರದಲ್ಲಿ ಬಾಡಿಗೆಗೆ ದೊರೆಯಲಿದೆ" ಅನ್ನೋ ಬೋರ್ಡು ತಗುಲಿಹಾಕಿದ್ದಾರೆಂಬ ನನ್ನ ಗುಮಾನಿ ಅಪ್ಪಟ ಸತ್ಯ ಅಂತ ಅನ್ನಿಸ್ತಿದೆ.ಈಗಾಗಲೇ Accident ಚಿತ್ರದ ಬಗ್ಗೆ ಬರೆಯೋವಾಗ ಕೂಡಾ ಇದನ್ನೇ ಹೇಳಿದ್ದೆ.ಅದೂ ಅಲ್ಲದೆ ಸುಮಿತ್ರ ಮೇಡಂ ಮೊದಲೆಲ್ಲ ಹೀರೋ ಅಮ್ಮನ ಪಾತ್ರ ಅಂದ್ರೆ ಹೀರೋ ಯಾರು ಅಂತ ಕೇಳ್ತಿದ್ದವರು ಈಗೀಗ ಸಿನಿಮಾದಲ್ಲಿ ಹೀರೋ ರೇಡಿಯೋ ಮಿರ್ಚಿ ಜಾಕಿನಾ? ಅಂತ ಕಂಫರ್ಮ್ ಮಾಡಿಕೊಂಡು ಕಾಲ್‍ಶೀಟ್ ಕೊಡ್ತಿದಾರಂತೆ!('ಮಿಲನ' ಆದ್ಮೇಲೆ 'ಮುಸ್ಸಂಜೆ ಮಾತು' ಚಿತ್ರದಲ್ಲೂ ಅವರಿಗೆ ರೇಡಿಯೋ ಮಿರ್ಚಿಯಲ್ಲಿ ಆರ್.ಜೆ. ಆಗಿರೋ ಹೀರೋ ತಾಯಿ ಪಾತ್ರ)
ಇಡೀ ಚಿತ್ರದ ಕತೆಯನ್ನ ಸಿಂಪಲ್ಲಾಗಿ ಹೇಳಬೇಕು ಅಂದ್ರೆ ಕಥಾನಾಯಕ ಪ್ರದೀಪ್ ರೇಡಿಯೋ ಮಿರ್ಚಿಯಲ್ಲಿ ಆರ್.ಜೆ ಮತ್ತು 'ಮುಸ್ಸಂಜೆ ಮಾತು' ಅನ್ನೋದು ದಿನಾ ಸಂಜೆ ಹೊತ್ತಿಗೆ ಅವನು ನಡೆಸಿಕೊಡೋ ಡಯಲ್ ಇನ್ ಕಾರ್ಯಕ್ರಮವೊಂದರ ಹೆಸರು!ನೊಂದ ಜೀವಗಳೆಲ್ಲವೂ ದಿನವೂ ಇವನ ಕಾರ್ಯಕ್ರಮಕ್ಕೆ ಕರೆ ಮಾಡಿ ತಂತಮ್ಮ ನೋವುಗಳನ್ನು ತೋಡಿಕೊಳ್ಳಲು, ಕಥಾನಾಯಕ ಅವರಿಗೆ ಸಮಾಧಾನದ ನಾಲ್ಕು ಮಾತನಾಡಿ ಒಳ್ಳೊಳ್ಳೆ ಗೀತೆಗಳನ್ನು ಪ್ರಸಾರ ಮಾಡೋದು ರೂಢಿ.ಹೀಗೆ ಎಲ್ಲರಿಗೂ ಕಷ್ಟಕಾಲಕ್ಕೆ ಸಮಾಧಾನ ಹೇಳೋ ನಾಯಕ ತಾನೇ ಇಕ್ಕಟ್ಟಿನಲ್ಲಿ ಸಿಲುಕಿದಾಗ ಇದ್ದಕ್ಕಿದ್ದಂತೆ 'ಮುಸ್ಸಂಜೆ ಮಾತು' ಕಾರ್ಯಕ್ರಮ ನಿಂತುಹೋಗುತ್ತದೆ. ನಾಯಕನ ಇಕ್ಕಟ್ಟು ಎಂಥದು, ಅವನ ಮನದಾಳದ ನೋವಿಗೆ ಕೊನೆಯುಂಟೆ? ಅನ್ನೋದು ಚಿತ್ರದ ಕ್ಲೈಮ್ಯಾಕ್ಸ್!
ನೂರಾರು ನೊಂದ ಜೀವಗಳಲ್ಲಿ ಕುಡುಕ ತಂದೆಯ ಮಗಳಾದ ರಮ್ಯಾ ಕೂಡಾ ಒಬ್ಬಳು!ಮೊದಲ ಸೀನಿನಲ್ಲಿ ಮನೆ ಬಿಟ್ಟು ರೈಲಿನಲ್ಲಿ ಹುಬ್ಬಳ್ಳಿಯಿಂದ ಬೆಂಗಳೂರಿಗೆ ಹೊರಟ ರಮ್ಯಾಳ ಎದುರು ಸೀಟಿನಲ್ಲೇ ಸುದೀಪ್ ಬಂದು ಕೂರ್ತಾನೆ. ನಂತರ ಬೆಂಗಳೂರಿನಲ್ಲಿ ಯಾವುದೋ ಟ್ರಾಫಿಕ್ ಸಿಗ್ನಲ್ಲಿನಲ್ಲಿ ರಮ್ಯಾಳನ್ನು ಕಂಡು ಬಸ್ ಸ್ಟಾಪಿನವರೆಗೂ ಅಟ್ಟಿಸಿಕೊಂಡು ಹೋಗ್ತಾನೆ..ಒಂದೆರಡು ಹಾಡುಗಳೂ ಆಗೋಗ್ತವೆ..ರಮ್ಯಾಳ ಗೆಳತಿ ಅನು ಪ್ರಭಾಕರ್ ಮೂಲಕ 'ಮುಸ್ಸಂಜೆ ಮಾತು' ಕಾರ್ಯಕ್ರಮದ ಬಗ್ಗೆ ತಿಳಿದು ಫೋನಿನಲ್ಲೇ ರಮ್ಯಾ-ಸುದೀಪರ ಪರಿಚಯ ಆಗಿ ಸ್ವಲ್ಪ ದಿನಗಳಲ್ಲೇ ಒಬ್ಬರಿಗೊಬ್ಬರ ಬಗ್ಗೆ ಒಳ್ಳೇ ಅಭಿಪ್ರಾಯ ಬರತ್ತೆ.ಇದ್ದಕ್ಕಿದ್ದಂತೆ ಹೇಗೋ ಎಂತೋ ಬೆಂಗಳೂರಿನ ಮೆಜೆಸ್ಟಿಕ್ ನಲ್ಲಿ ಅವರಿಬ್ಬರ ಮೊದಲ ಭೇಟಿ ಅಗತ್ತೆ.ಈ ಭೇಟಿಗೆ ಮುಖ್ಯ ಹಿನ್ನೆಲೆವೊಂದಿದೆ : 'ಮು.ಮಾ' ಕಾರ್ಯಕ್ರಮಕ್ಕೆ ಕರೆ ಮಾಡಿ ತನ್ನ ಸ್ನೇಹಿತನೊಬ್ಬನಿಗೆ ಹಾರ್ಟ್ ಪ್ರಾಬ್ಲಮ್ ಇದೆ, ಆಪರೇಶನ್ ಮಾಡಿಸಲು ದುಡ್ಡಿಲ್ಲ ಬಡವರೆಂದು ಅತ್ತುಗರೆದ ಶ್ರೋತೃವೊಬ್ಬನಿಗೆ ಸಹಾಯ ಮಾಡುವ ಸಲುವಾಗಿ ಸುದೀಪ್ ಮತ್ತಿತರ ರೇಡಿಯೋ ಮಿರ್ಚಿ ಆರ್.ಜೆ.ಗಳು ಮೆಜೆಸ್ಟಿಕ್ಕಿನಲ್ಲಿ ಹಾಡು ಹೇಳ್ತಾ ದುಡ್ಡು ಕಲೆಕ್ಟ್ ಮಾಡ್ತಾರೆ.ಸಾಯಿಬಾಬಾ ಆಸ್ಪತ್ರೆ, ನಾರಾಯಣ ಹೃದಯಾಲಯದಂಥ ಆಸ್ಪತ್ರೆಗಳು ಇರೋ ಈ ಕಾಲದಲ್ಲೂ ಪಾಪ ಇವರಿಗೆ ರೇಡಿಯೋದಲ್ಲಿ ದುಡ್ಡು ಕೇಳೋ ಬುದ್ಧಿ. ಈ ಸಂದರ್ಭದಲ್ಲೇ ಬಸ್ಸಿಗೆ ಕಾಯ್ತಿದ್ದ ರಮ್ಯಾಗೆ ಸುದೀಪ್ ಭೇಟಿ ಆಗೋದು! ಈ ಭೇಟಿಗೆ ಮತ್ತೊಂದು ಮುಖ್ಯ ಕಾರಣವಾಗೋ ಸೋನು ನಿಗಂ ಹಾಡಿರುವ ಹಾಡು ಇಲ್ಲಿ ಮುಖ್ಯ. ಅಂತು-ಇಂತು ಪ್ರೀತಿ ಬಂತು ಅನ್ನೋ ಹಾಗೆ ಇವರಿಬ್ಬರೂ ಬೆಂಗಳೂರಿನ ಸಾಕಷ್ಟು ರೋಡುಗಳಲ್ಲಿ ಓಡಾಡಿ ಒಂದೆರಡು ಫಾರಿನ್ ಲೊಕೇಶನ್ನುಗಳಿಗೂ ಹೋಗಿ ಹಾಡು ಹೇಳಿ ಬರ್ತಾರೆ! ಇದಾಗೋಷ್ಟರಲ್ಲಿ ಸಧ್ಯಕ್ಕೆ ಮುಕ್ಕಾಲು ಸಿನಿಮಾ ಮುಗಿದುಹೋಗಿರತ್ತೆ.
ಇಷ್ಟಲ್ಲದೆ ಚಿತ್ರದ ರೀಲು ತುಂಬಿಸಲು(ನಿರ್ಮಾಪಕನ ಜೇಬು ಖಾಲಿ ಮಾಡಿಸಲು) ಇನ್ನೊಂದಷ್ಟು ನೊಂದ ಜೀವಗಳಿಂದ ಫೋನ್-ಇನ್ ಕಾರ್ಯಕ್ರಮ ನಡೆಸಿಕೊಟ್ಟಿದ್ದಾರೆ...ಚಿತ್ರ ಮುಗಿದ ಮೇಲೂ ಮನಸಲ್ಲಿ ಉಳಿಯುವಂಥ ಅಭಿನಯ ನೀಡಿರೋ ಪೆಟ್ರೋಲ್ ಬಂಕ್ ಗೀತಾ ತನ್ನ ಮುಖದ ತುಂಬಾ ನೆರಿಗೆ ಮೂಡಿಸಿಕೊಂಡರೂ ನಟನೆಯಲ್ಲಿ ಭರವಸೆ ಮೂಡಿಸ್ತಾಳೆ! ಪೆಟ್ರೋಲ್ ಬೆಲೆ ಏರಿಕೆ ಸುದ್ದಿಯ ಹಿನ್ನೆಲೆಯಲ್ಲಿ ಅವಳ ಪಾತ್ರ, ಆ ಪಾತ್ರದ ಮೂಲಕ ನಿರ್ದೇಶಕರು ಕೊಡಲು ಪ್ರಯತ್ನಿಸಿರುವ ಸಂದೇಶ ನಿಜಕ್ಕೂ ಮನಸ್ಸಿನಾಳದಲ್ಲಿ ವಾಸಿಯಾಗದಂತಹ ಗಾಯವನ್ನ ಮಾಡತ್ತೆ ಅಂದರೆ ತಪ್ಪಾಗಲಾರದು. ಎಲ್ಲ ಸಿನಿಮಾಗಳಂತೆ ಇರದೆ ಈ ಚಿತ್ರದಲ್ಲಿ ಒಂದು ಡಿಫರೆಂಟ್ ಟ್ರೀಟ್‍ಮೆಂಟ್ ನೀಡಿದ್ದಾರೆ. ಇದೇ ಥರಾ ಆಟೋ ಡ್ರೈವರ್ ಪಾತ್ರದಲ್ಲಿರುವ ನೀನಾಸಂ ಅಶ್ವಥ್ ಬಾಯಲ್ಲೂ ಒಂದೆರಡು ಆಣಿಮುತ್ತುಗಳನ್ನು ಉದುರಿಸಿದ್ದಾರೆ.ತನ್ನ ಸ್ನೇಹಿತನ ಹಾರ್ಟ್ ಪ್ರಾಬ್ಲಮ್ಮಿನ ಬಗ್ಗೆ ಹೇಳಿಕೊಂಡು ಅಳುವ ಗೆಳೆಯನ ಪಾತ್ರ ಅದ್ಭುತವಾಗಿ ಮೂಡಿಬಂದಿದೆ.ಕುಟುಂಬ ಸಮೇತರಾಗಿ ಎಲ್ಲರೂ ಕೂತು ನೋಡಬಹುದಾದಂಥ ಒಂದು ಸದಭಿರುಚಿಯ ಪಾತ್ರ ನಿರ್ದೇಶಕರು ಸೃಷ್ಟಿಸಿದ್ದಾರೆ!
ಇದೆಲ್ಲದಕ್ಕಿಂತ ಟಾರ್ಚರ್ ಅಂದ್ರೆ ನಿಮಿಷಕ್ಕೆ ಇಪ್ಪತ್ತೈದು ಸಲ 'ಡಾರ್ಲಿಂಗ್ ಡಾರ್ಲಿಂಗ್' ಅನ್ನೋ ಚಿಕ್ಕ ಹುಡುಗನೊಬ್ಬನ ಪಾತ್ರ. ಮೊದಲಿಗೆ 'ಚೀನಿ ಕಂ' ಚಿತ್ರದ 'ಸೆಕ್ಸಿ' ಪಾತ್ರದ ಥರ ಇದೆ ಅನ್ನಿಸಿದ್ರೂ ಕಡೆಕಡೆಗೆ ಅನು ಪ್ರಭಾಕರ್ ನ ಪದೇ ಪದೇ'ಡಾರ್ಲಿಂಗ್' ಅನ್ನುವ ಹುಡುಗನ ಪಾತ್ರ ಅತಿರೇಕ ಅನ್ನಿಸ್ತು. ಆ ಹುಡುಗನ ಹಿನ್ನೆಲೆ ಏನೂ ತಿಳಿಸದೆ ಇದ್ದಕ್ಕಿದ್ದಂತೆ ಒಂದು ಸೀನಿನಲ್ಲಿ ಹುಡುಗ ಸತ್ತುಹೋಗಿದಾನೆ ಅನ್ನೋದನ್ನ ತೋರಿಸೋ ನಿರ್ದೇಶಕರಿಗೆ ಯಾರಾದ್ರು ಸ್ವಲ್ಪ ಬೇಸಿಕ್ಸ್ ಹೇಳಿಕೊಡಬೇಕನ್ನಿಸ್ತು.
ಇಷ್ಟಕ್ಕೆ ಸಾಲದು ಅನ್ನಿಸಿ ರೇಡಿಯೋ ಮಿರ್ಚಿ ಆಫೀಸಿನಲ್ಲಿ ಬೇರೆ ಆರ್.ಜೆ ಪಾತ್ರಗಳಲ್ಲಿ ಮಂಡ್ಯ ರಮೇಶ್, ಗಂಗಾವತಿ ಬೀಚಿಯವರನ್ನ ಕೀಳು ಅಭಿರುಚಿಯ ನಗುವೇ ಬಾರದ ಜೋಕುಗಳಲ್ಲಿ ಬಳಸಿಕೊಂಡಿರುವುದು ವಿಷಾದನೀಯ. ಇವರಿಗೆ ಬಾಸ್ ನಮ್ಮ ಹರಟೆ ಮಲ್ಲ ಕೃಷ್ಣೇಗೌಡರು. ಮಂಡ್ಯ ರಮೇಶನ ಜೊತೆಗಾತಿಯಾಗಿ U2 ಚಾನಲ್ಲಿನಲ್ಲಿ ಮಕ್ಕಳೊಂದಿಗೆ ಮಗು ಥರವೇ ಮಾತನಾಡುತ್ತಿದ್ದ ಹುಡುಗಿಗೆ ಇಲ್ಲಿ ಛಾನ್ಸ್!
ಒಟ್ಟಿನಲ್ಲಿ ಟೆರೇಸಿನ ಮೇಲೆ ಗಾಜಿನ ಮನೆಯೊಂದನ್ನ ಕಟ್ಟಿಸಿ, ಪವರ್ ಕೇಬಲ್ ಇಲ್ಲದ ಒಂದು ಕಂಪ್ಯೂಟರಿಗೆ ಮಾನಿಟರ್ ಒಂದನ್ನು ಸಿಕ್ಕಿಸಿ ಮೌಸ್ ಮೇಲೆ ಕೈಯಾಡಿಸುತ್ತಾ ಮೈಕ್ ಮುಂದೆ ವಿಚಿತ್ರವಾದ ಮ್ಯಾನರಿಸಂ ಬಳಸಿ ಮಾತನಾಡುವ ನಾಯಕ ನಿಜಕ್ಕೂ ಆರ್.ಜೆ ನಾ ಅನ್ನೋ ಗುಮಾನಿ ಬರತ್ತೆ! ರೇಡಿಯೋ ಸ್ಟೇಶನ್ನಿನ ಸೆಟಿಂಗ್ ಇಷ್ಟು ಕಳಪೆಯಾಗಿ ಮಾಡಬಾರದಿತ್ತೇನೋ!
ಸುದೀಪ್ ಇದರಲ್ಲಿ ಆರ್.ಜೆ ಅನ್ನೋದನ್ನ ಮರೆತು ವೀಜೆ ಥರ ನಟಿಸಿದಾರೆ.ಆದ್ರೆ ಹೊಸತನ ಖಂಡಿತಾ ಇದೆ!!

ಇದನ್ನೆಲ್ಲ ಇಲ್ಲೀವರೆಗೂ ಹೇಗೋ ತಡೆದುಕೊಂಡು ಹೃದಯ ಗಟ್ಟಿಮಾಡಿಕೊಂಡು ಕೂತಿದ್ದ ನಮಗೆಲ್ಲ ಇನ್ನೊಂದು ಶಾಕ್ ಕ್ಲೈಮ್ಯಾಕ್ಸ್ ನಲ್ಲಿ ಕಾದಿತ್ತು. ರಮ್ಯಾ ಸುದೀಪ್‍ನ ಮದುವೆಯಾಗದೆ ತನ್ನ ತಂದೆಯ ಬಯಕೆಯಂತೆ ಬೇರೆ ಯಾರನ್ನೋ ಮದುವೆಯಾಗುವುದಾಗಿ ಹೇಳಿ ದೂರಾಗ್ತಾಳೆ.ಆಗ ಮತ್ತೆ ರಮ್ಯಾ-ಸುದೀಪ್ ರನ್ನು ಒಂದು ಮಾಡುವ ವ್ಯಕ್ತಿ ರಮ್ಯಾಳ ಭಾವೀ ಪತಿ..ಈತ ಬೇರಾರೂ ಅಲ್ಲ...ಹಿಂದೊಮ್ಮೆ ಈತನಿಗೆ ಹಾರ್ಟ್ ಪ್ರಾಬ್ಲಂ ಇದ್ದು ಈತನ ಗೆಳೆಯನೇ ಸುದೀಪ್‍ಗೆ ಕರೆ ಮಾಡಿ ಧನಸಹಾಯ ಪಡೆದುಕೊಂಡಿರುತ್ತಾನೆ.ಆ ಸಹಾಯದ ಆಧಾರದ ಮೇಲೆ ಈಗ ಈತ ರಮ್ಯಾಳನ್ನು ತ್ಯಾಗ ಮಾಡಲು ಸಿದ್ಧನಾಗ್ತಾನೆ!ತನ್ನ ಹಿಂದಿನ ಕಥೆಯನ್ನು ಹೇಳಿ ರಮ್ಯಾಳ ಮನಸ್ಸು ಬದಲಿಸಲು ಯಶಸ್ವಿಯಾಗಿ ರಮ್ಯಾ-ಸುದೀಪ್ ಒಂದಾಗೋದಕ್ಕೆ ಕಾರಣನಾಗ್ತಾನೆ.ಆದ್ರೆ ಟ್ರೀಟ್‍ಮೆಂಟಿಗೂ ದುಡ್ದಿರದ ಇವನು ಅದು ಹೇಗೆ ಸೂಟು-ಬೂಟಿನಲ್ಲಿ, ಲಕ್ಶುರಿ ಕಾರಲ್ಲಿ ಬರೋ ಹಾಗಾದ ಅನ್ನೋದು ಯಕ್ಷಪ್ರಶ್ನೆ!

ಇನ್ನು ಮಿಕ್ಕುಳಿದ ಪಾತ್ರವರ್ಗಗಳ ಬಗ್ಗೆ ಹೇಳಬೇಕು ಅಂದ್ರೆ : ಅನು ಪ್ರಭಾಕರ್,ಪದ್ಮಾ ವಾಸಂತಿ,ರಮೇಶ್ ಭಟ್, ಗಂಗಾವತಿ ಬೀಚಿ,ಕೃಷ್ಣೇಗೌಡ್ರು,ಮಂಡ್ಯ ರಮೇಶ್,ನೀನಾಸಂ ಅಶ್ವಥ್ ಎಲ್ಲರಿಗೂ ಸೇರಿ ಒಂದ್ಸಲ 'ಅಯ್ಯೋ ಪಾಪ' :(

ಇಂಥಾ ಚಿತ್ರವೊಂದನ್ನ ನಿರ್ದೇಶಿಸೋದಲ್ಲದೆ ಧೈರ್ಯವಾಗಿ ರಿಲೀಸ್ ಮಾಡಿ ಓಡತ್ತೆ ಅನ್ನೋ ನಂಬಿಕೆ ಇಟ್ಟುಕೊಂಡಿರೋ ನಿರ್ದೇಶಕ ಭೂಪನನ್ನು ಎಲ್ಲಿ ಹುಡುಕೋದು ಅಂತ ತಲೆ ಕೆಡಿಸಿಕೊಳ್ಳಬೇಡಿ. ಚಿತ್ರದ ಮೊದಲ ಸೀನಿನಲ್ಲಿ ಸುದೀಪ್ ಟ್ರೇನ್ ಹತ್ತಿದ ತಕ್ಷಣ ಮಾತನಾಡಿಸುವ ಗಡ್ದದ ಆಸಾಮಿಯೇ ಈ ಚಿತ್ರದ ಡೈರೆಕ್ಟರ್!! (ಟ್ರೇನಿನ ಕಿಟಕಿ ಹಾಕ್ತಿರ್ತಾನೆ ಭೂಪ,"ನೀವು ಜೇಸುದಾಸ್ ಅಲ್ವ?" ಅಂತ ಸುದೀಪ್ ಕೇಳ್ತಾನೆ ಬೇರೆ.)

ನಂಥರಾನೆ ಇವರೂ ಪಾಪ ಕಷ್ಟ ಪಟ್ಟಿದಾರೆ. ನೀವೊಮ್ಮೆ ಓದಿ : ವಿಕಾಸವಾದ

ಅರಮನೆ

2008-05-05T05:52:00.007-04:00

ಪ್ರೀತಿ ತುಂಬಿದ ಪ್ರತಿ ಗೂಡು...'ಅರಮನೆ' : ಇವತ್ತಿನ ಐಟಿ-ಬಿಟಿ-ಬಿಪಿಒ-ಪಿಜ್ಜಾ ಹಟ್ ಯುಗದಲ್ಲಿ ಅವಿಭಕ್ತ ಕುಟುಂಬಗಳು ಕಾಣೆಯಾಗ್ತಿರೋ ಈ ಕಾಲಕ್ಕೆ ಹೇಳಿ ಮಾಡಿಸಿದ ಹಾಗೆ, ಟೈಮಿಗೆ ಸರಿಯಾಗಿ ಬಂದಿದೆ ಈ ಚಿತ್ರ. ಸೀದಾ-ಸಾದಾ-ನೇರವಾದ ಸಿಂಪಲ್ ಚಿತ್ರ.ದೇಹದ ಯಾವುದೇ ಭಾಗಕ್ಕೂ ಕಷ್ಟ ಕೊಡದ ಚಿತ್ರ ಅನ್ನಬಹುದು :)

ನಾಗಶೇಖರ್ ಈ ಹಿಂದೆ ಎಷ್ಟೋ ಚಿತ್ರಗಳಲ್ಲಿ ಸಣ್ಣ-ಪುಟ್ಟ ಪಾತ್ರಗಳನ್ನ ಮಾಡಿ ಅಲ್ಲೊಂದಿಷ್ಟು ಇಲ್ಲೊಂದಿಷ್ಟು ಜನರನ್ನ ನಗಿಸಿದ್ರು.ಅವರ ವಿಚಿತ್ರ ಮ್ಯಾನರಿಸಂ,ಟೈಮಿಂಗ್ ಜನರ ಗಮನಕ್ಕೆ ಬಂದಿದ್ದು ಯೋಗರಾಜ್ ಭಟ್ಟರ 'ರಂಗ SSLC' ಚಿತ್ರದಲ್ಲಿ ಸುದೀಪ್ ಗೆಳೆಯನಾಗಿದ್ದ 'ಜಪಾನ್'ಪಾತ್ರದಿಂದ. ಆದ್ರೂ ಈ ಥರದ ಕಾಮಿಕಲ್ ಬ್ಯಾಕ್‍ಗ್ರೌಂಡ್ ಇರೋ ನಾಗಶೇಖರ್ ಏಕಾಏಕಿ ನಿರ್ದೇಶನದಂಥ ಸೀರಿಯಸ್ ಕೆಲಸ ಮಾಡೋಕ್ ಹೊರಟಿದ್ದು ನೋಡಿ(ಕೇಳಿ)ಗಾಳಿ ಬೀಸೋವಾಗ ತೂರಿಕೊಳ್ಳೋ ಪ್ರಯತ್ನ ಮಾಡ್ತಿರೋ ಮತ್ತೊಂದು ಜಳ್ಳೇನೋ ಅನ್ನೋ ಅನುಮಾನ ಬಂತು.ಆ ಕಾರಣಕ್ಕೇ ಅನ್ಸತ್ತೆ, 'ಅರಮನೆ' ಚಿತ್ರದಲ್ಲಿ ಗಣೇಶ ಇದ್ರೂ ಆ ಚಿತ್ರದ ಬಗ್ಗೆ ಅಷ್ಟೇನೂ ಹೆಚ್ಚಿನ ಆಕಾಂಕ್ಷೆಗಳಿರ್ಲಿಲ್ಲ ನನಗೆ.ಏನಿಲ್ಲದೆ ಇದ್ರೂ ಗಣೇಶನ ಡೈಲಾಗ್ ಡೆಲಿವರಿ ಮಜಾ ಕೊಡತ್ತೆ ಅನ್ನೋ ಧೈರ್ಯದ ಮೇಲೆ ನೈಟ್ ಶೋ ನೋಡಿಬಿಡಣ ಅಂತ ತಿಗಣೆಗಳಿಗೂ ಹೆದರದೆ ಒಗೆಯೋಕ್ ಹಾಕಬೇಕಿದ್ದ ಹಳೇ ಟೀಶರ್ಟು-ಜೀನ್ಸ್ ಹಾಕೊಂಡು 'ಈಶ್ವರಿ'ಗೆ ಹೋಗ್ಬಿಟ್ಟೆ!

ಚಿತ್ರ ಶುರುವಾದ ಕಾಲು ಘಂಟೆ-ಇಪ್ಪತ್ತು ನಿಮಿಷವಾಗೋಷ್ಟರಲ್ಲೇ ನಾಗಶೇಖರ್ ಇಂಪ್ರೆಸ್ಸಿವ್ ಕೆಲಸ ಮಾಡಿದಾರೆ ಅನ್ನಿಸಿಬಿಡ್ತು! ಗಣೇಶ-ಅನಂತನಾಗ್ ಭೇಟಿಯಾಗೋ ಸೀನ್ ಸಕತ್ತಾಗಿ ಬಂದಿದೆ. ಯಥಾಪ್ರಕಾರ ಗಣೇಶ ಪುಂಖಾನುಪುಂಖವಾಗಿ ತನ್ನ ಮಾತಿನ ಲಹರಿಯನ್ನ ಹರಿಯಬಿಡ್ತಾನೆ! ಒಬ್ಬೊಬ್ನೇ ಮಾತಾಡಿಕೊಳ್ಳೋ ಕಾಯಿಲೆ ನಂಗೆ ಅಂತ ಬೇರೆ ಹೇಳಿಕೊಳ್ಳೋ ಗಣೇಶ ಜನರಿಗೆ ಇನ್ನಷ್ಟು ಹತ್ತಿರಾಗ್ತಾನೆ. ಕನ್ನಡ ಸಿನಿಮಾಗೆ 'ಗಣೇಶ-ಅನಂತನಾಗ್' ಕಾಂಬಿನೇಶನ್ ಪರಿಚಯಿಸಿ ಗೆಲ್ಲಿಸಿದ ಶ್ರೇಯ ಭಟ್ಟರಿಗೆ ಸಲ್ಲಬೇಕು.ಆ ಕಾಂಬಿನೇಶನ್ ಮತ್ತೊಮ್ಮೆ ಇಲ್ಲಿ ವರ್ಕ್-ಔಟ್ ಆಗಿದೆ.ಅನಂತನಾಗ್ ಸ್ಕ್ರೀನ್ ಮೇಲೆ ಬಂದ ಮೊದಲ ಕ್ಷಣದಿಂದ ಕಡೇವರೆಗೂ ತಮ್ಮ ಪಾತ್ರವನ್ನ ಜನರು ಪ್ರೀತಿಸೋ ಹಾಗೆ ಮಾಡುವಲ್ಲಿ ಅವರ ಅನುಭವ,ಅಭಿನಯದ ತಾಕತ್ತನ್ನ ಮತ್ತೊಮ್ಮೆ ಮಗದೊಮ್ಮೆ ಪ್ರೂವ್ ಮಾಡಿದ್ದಾರೆ.ಎಲ್ಲಕ್ಕಿಂತ ಮುಖ್ಯವಾಗಿ ಪ್ರೀತಿ ಇಲ್ಲದ ಮೇಲೂ ರಾಜಶೇಖರ್ ಹಂಪಾಪುರರಿಗೆ ಟಿವಿಯಲ್ಲಿ ಏನು ಕೆಲಸ ಅಂದುಕೊಳ್ಳೋವ್ರ ತಲೆ ಮೇಲೆ ಹೊಡೆದಂತಿದೆ ಈ ಚಿತ್ರದ ಪಾತ್ರ.
ಇಡೀ ಚಿತ್ರ ಅವರಿಬ್ಬರ ಸುತ್ತಾನೆ ಗಿರಕಿ ಹೊಡೆಯೋದ್ರಿಂದ ಹೆಚ್ಚಿನ ಪಾತ್ರಗಳನ್ನ ಅನವಶ್ಯಕವಾಗಿ ಸೃಷ್ಟಿಸೋ,ಹಾಗೆ ಸೃಷ್ಟಿಸಿದ ಪಾತ್ರಗಳನ್ನ ಪೋಷಿಸೋ ಅಗತ್ಯ ನಾಗಶೇಖರ್‍ಗೆ ಬರೋದಿಲ್ಲ.ಇರೋದ್ರಲ್ಲೇ ಚಿತ್ರಕಥೆಯ ಚೌಕಟ್ಟನ್ನು ದಾಟದೇ ಅಚ್ಚುಕಟ್ಟಾದ ಚಿತ್ರವೊಂದನ್ನ ಕೊಟ್ಟಿದ್ದಾರೆ.
ಚಿತ್ರದ ಕಥೆ ಏನು ಕಾಂಪ್ಲಿಕೇಟೆಡ್ ಅಲ್ಲ.ರಾಜಶೇಖರ್ ಅರಸ್(ಅನಂತನಾಗ್) ಮೈಸೂರಿನ ಶ್ರೀಮಂತ ಮನೆತನದ ಹಿರಿತಲೆ.ಹಿರಿಮಗಳ(ತಾರಾ) ಹಿಂದೆ ಎರಡು ಗಂಡು ಸಂತಾನ.ಹೆಂಡತಿ(ಸುಮಿತ್ರ) ಸತ್ತ ನಂತರ ಕಾರಣಾಂತರಗಳಿಂದ ರಾಜಶೇಖರ್ ಮಕ್ಕಳಿಂದ ದೂರವಾಗ್ತಾರೆ.ಗಂಡುಮಕ್ಕಳಿಬ್ಬರೂ ಹೊರದೇಶದಲ್ಲೆಲ್ಲೋ ನೆಲೆಸಿದರೆ ಮಗಳು-ಅಳಿಯ (ಅವಿನಾಶ್) ಮೈಸೂರು ತೊರೆದು ಬೆಂಗಳೂರಿನಲ್ಲಿ ವಾಸವಾಗಿರ್ತಾರೆ.ಸುಮಾರು ಇಪ್ಪತ್ತೆರಡು ವರ್ಷಗಳು ತಂದೆಗೂ ಮಕ್ಕಳಿಗೂ ಮಾತಿಲ್ಲ.
ಒಂದು ಪಾಸ್ಪೋರ್ಟ್ ಸೈಝ್ ಫೋಟೋ ತೆಗೆಯುವ ಕಾರಣಕ್ಕೆ ರಾಜಶೇಖರ್ ಮನೆಗೆ ಫೋಟೋಗ್ರಾಫರ್ ಅರುಣನ(ಗಣೇಶ್) ಆಗಮನ. ಮುಂಗಾರು ಮಳೆ ನಂತರ ಮತ್ತೊಮ್ಮೆ ಮನೆಯೊಳಗಿನ ಬಾರ್ ಕೌಂಟರಿನಲ್ಲೇ ಅನಂತ್-ಗಣಿ ಮಿಲನ! :)
"ಏನ್ ತಾತ ನೀನು..ಸಿಡ್ನಿನ ಒಳ್ಳೆ ನನ್ ಕಿಡ್ನಿ ಪಕ್ಕ ಇರೋ ಥರಾ ಮಾತಾಡ್ತಿಯಲ್ಲ...ಅದು ಫಾರಿನ್ನು!
ಆಂ! ವಾಷಿಂಗ್ಟನ್ನಾ? ಎಲ್ಲೋ ಕೇಳಿದೀನಿ ಅನ್ಸುತ್ತೆ. ಓಹ್! ಹೌದು...ಅಮೇರಿಕ ಅಮೇರಿಕ ಸಿನಿಮಾದಲ್ಲಿ ನೋಡಿದೀನಿ" ಇದು ಗಣಿ ಉದುರಿಸೋ ಮುತ್ತುಗಳಲ್ಲೊಂದೆರಡು.
ಒಗ್ಗರಣೆಗೆ ಇರ್ಲಿ ಅಂತ ರಾಜಶೇಖರ್ ಮನೆ ನೋಡ್ಕೊಳೋ ಆಲಿನ್-ಒನ್ ಬಸ್ಯ (ಕರಿಬಸವಯ್ಯ) ಅರುಣನಿಗೆ ಮತ್ತೊಬ್ಬ ಫ್ರೆಂಡು.ಕರಿಬಸವಯ್ಯನನ್ನ ನೋಡಿ ಕುಡಿದ ಅಮಲಿನಲ್ಲಿ ಹೇಳೋ ಮಾತು : "ಆಹಾ!! ಫೋಟೋಲಿ ಬೀಳಲ್ಲ ಕತ್ಲೇಲಿ ಕಾಣಲ್ಲ..ಸರೀಗಿದೀಯ"

ಮಾತು-ಮಧ್ಯದ ಮಧ್ಯೆ ರಾಜಶೇಖರ್‍ರ ಒಡೆದ ಕುಟುಂಬವನ್ನು ಒಂದು ಮಾಡಿ ಗ್ರೂಪ್ ಫೋಟೋ ತೆಗೆಯೋ ಪ್ರಾಮಿಸ್ ಮಾಡ್ತಾನೆ ಅರುಣ್.
ಎಲೆಕ್ಷನ್ ಟೈಂ ಅಂತಲೋ ಏನೋ ಈ ಚಿತ್ರದಲ್ಲೂ ಬೇಕಾದಷ್ಟು ಪ್ರಾಮಿಸ್ಸುಗಳು ಬಂದು ಹೋಗ್ತವೆ.ಆದ್ರೆ ಇಲ್ಲಿ ಎಲ್ಲರೂ ತಾವು ಕೊಟ್ಟ ಮಾತಿನಂತೆ ನಡೆದುಕೊಂಡು ಮಾಡಿದ ಪ್ರಾಮಿಸ್ಸಿಗೆ ನ್ಯಾಯ ಒದಗಿಸಿದ್ದಾರೆ! :)
ಇಡೀ ಚಿತ್ರ ಗಣೇಶ ಕುತ್ತಿಗೆಗೊಂದು ಕ್ಯಾಮೆರಾ,ಸೈಡಲ್ಲೊಂದು ಜೋಳಿಗೆ,ಫೋಟೋಗ್ರಾಫರ್ಸ್ ಜಾಕೆಟ್ ಹಾಕಿಕೊಂಡು ರಾಜಶೇಖರ್ ಕುಟುಂಬ ಜೋಡಣೆಯ ಸಲುವಾಗಿ ಮೈಸೂರಿಗೂ-ಬೆಂಗಳೂರಿಗೂ ಓಡಾಡೋದೇ ಆಗತ್ತೆ.ಈ ಮಧ್ಯೆ ರಾಜಶೇಖರ್ ಮೊಮ್ಮಗಳನ್ನೇ ಪ್ರೀತಿ ಮಾಡಿ ಆಕೆ ಇನ್ಯಾರನ್ನೋ ಇಷ್ಟ ಪಡ್ತಾಳೆ ಅಂತ ತಿಳಿದು ಹಿಂದೆ ಸರಿಯೋ ಹೀರೋ ಮತ್ತೊಮ್ಮೆ ಮನಸಲ್ಲಿ "ಪ್ರೀತಿ ಮಧುರ ತ್ಯಾಗ ಅಮರ" ಅಂದುಕೊಂಡ ಹಾಗನ್ನಿಸತ್ತೆ.
ಹಿಂದೊಮ್ಮೆ ತ್ಯಾಗಮಯಿ ಪಾತ್ರಗಳನ್ನ ಸಾಲುಸಾಲಾಗಿ ಮಾಡಿ 'ತ್ಯಾಗರಾಜ್' ಪಟ್ಟಕ್ಕೆ ಅವಿರೋಧವಾಗಿ ಆಯ್ಕೆಯಾಗಿದ್ದ ರಮೇಶ್ ಜಾಗಕ್ಕೆ ಈಗ ಗಣೇಶ ಸೈಲೆಂಟಾಗಿ ತೂರಿಕೊಳ್ತಿರೋ ಎಲ್ಲ ಲಕ್ಷಣಗಳೂ ಕಾಣಿಸ್ತಿವೆ!

ಇನ್ನುಳಿದಂತೆ ನಾಯಕಿ ಗೀತಾ ಪಾತ್ರಕ್ಕೆ ಬಂದಿರುವ ಹೊಸಮುಖ ರೋಮಾ ಅಸ್ರಾಣಿ ಹೆಚ್ಚಿನ ಭರವಸೆ ಮೂಡಿಸೋದಿಲ್ಲ.ಡೈಲಾಗ್ ಡೆಲಿವರಿ ಪೂರಾ "1,2,3,4 - 1,2,3,4" ಹೇಳಿ ಮುಗಿಸಿದಂತಿದೆ.ನಾಯಕಿಯ ತಂಗಿ ನೀತಾ ಪಾತ್ರದಲ್ಲಿ ತೇಜಸ್ವಿನಿ ತಕ್ಕಮಟ್ಟಕ್ಕೆ ಓಕೆ.
'ಮತದಾನ' ಚಿತ್ರದ ಬಳಿಕ ಮತ್ತೊಮ್ಮೆ ಅನಂತನಾಗ್‍ರ ಮಗಳು-ಅಳಿಯರಾಗಿ ತಾರಾ-ಅವಿನಾಶ್ ಜೋಡಿ ಈ ಚಿತ್ರಕ್ಕೂ ನ್ಯಾಯ ಒದಗಿಸಿದ್ದಾರೆ.
ಗೀತಾಳ ಗಂಡ ವಿಶಾಲ್ ಪಾತ್ರಕ್ಕೆ ಯಾರೋ ಹೊಸಮುಖವನ್ನು ಪರಿಚಯಿಸಿ ದಿಲೀಪ್ ರಾಜ್‍ನಿಂದ ಕಂಠದಾನ ಮಾಡಿಸಿದ್ದು ಬೇಜಾರಾಯ್ತು. 7'O ಕ್ಲಾಕ್ ಚಿತ್ರದಲ್ಲಿ ದಿಲೀಪ್ ರಾಜ್ ಕೂಡಾ ಡಾಕ್ಟರ್ ಪಾತ್ರದಲ್ಲಿ ಚೆನ್ನಾಗೇ ಮಾಡಿದ್ದ.ಅವನಿಗೇ ಆ ಪಾತ್ರ ಕೊಡಬಹುದಿತ್ತೇನೋ!

ಕ್ಯಾಮೆರಾ ವರ್ಕ್ ಈ ಚಿತ್ರದಲ್ಲಿ ಹೇಳಿಕೊಳ್ಳೋ ಹಾಗೇನಿಲ್ಲ.ಸೀದಾ ಸಾದಾ ಲೋ ಬಜೆಟ್ ಚಿತ್ರವೊಂದಕ್ಕೆ ಹೇಗೆ ಬೇಕೋ ಹಾಗೆ ಇದೆ.ಸೆಟ್ಟಿಂಗ್ ಕೂಡಾ ಕೆಲವೊಮ್ಮೆ ತೀರಾ ಕೃತಕ ಅನ್ನಿಸತ್ತೆ.ಸಾಹಿತ್ಯ ಅಷ್ಟಕ್ಕಷ್ಟೇ! "ನನಗೂ ನಿನಗೂ ಕಣ್ಣಲ್ಲೇ ಪರಿಚಯ" ಅನ್ನೋ ಹಾಡನ್ನ ಗುನುಗುನಿಸೋವಾಗ ನೆನಪಲ್ಲಿಟ್ಕೊಳ್ಳೋಕ್ ಸುಲಭವಾಗುವ ಹಾಗೆ ಒಂದೆರಡು ಲೈನ್ ಚೆನ್ನಾಗಿದೆ. ಆದರೆ ಎಲ್ಲದಕ್ಕಿಂತ ನಿರಾಶಾದಾಯಕವಾಗಿರೋದು ಈ ಚಿತ್ರದ ಸಂಗೀತ!ಗುರು ಸಾರ್ - ಸ್ಸಾರಿ!ಈ ಚಿತ್ರಕ್ಕೆ ಸಂಗೀತದ ಕೊಡುಗೆ ನೀರಸವಾಗಿದೆ.
ಗುರುಕಿರಣ್‍ರಿಗೆ "ಯೋಚನಾ ದಾರಿದ್ರ್ಯ" ಯಾಕೆ ವಕ್ಕರಿಸಿಕೊಂಡಿದೆ ತಿಳೀತಿಲ್ಲ. ಎಲ್ಲರೂ ಎಲ್ಲೆಲ್ಲಿಂದಲೋ ಕದ್ದು-ಮುಚ್ಚಿ ತಂದ ಸಂಗೀತವನ್ನ ತಮ್ಮದೇ ಸ್ವಂತ ಅನ್ನೋ ಥರಾ ಪೋಸ್ ಕೊಡೋ ಕಾಲ ಹೋಗಿ ಈಗ ತಾವು ಈ ಮೊದಲೇ ಕೊಟ್ಟಿದ್ದ (ಕದ್ದಿದ್ದ) ಸಂಗೀತವನ್ನೇ ರೀ-ಮಿಕ್ಸ್ ಮಾಡಿ ಮತ್ತೆ ಹೊಸ ಹಾಡುಗಳಂತೆ ಕೊಡೋ ಕಾಲ ಬಂದಿದೆ ಅಂತ ತಿಳಿಸೋಕೆ ಮುಂದು ಬಂದಿರುವಂತಿದೆ!
ಉಪೇಂದ್ರ ಚಿತ್ರದ "ಟೂ ಥೌಸೆಂಡ್ ಏಡಿ ಲೇಡಿಯೇ ಅಲ್ಟ್ರಾ ಮಾಡರ್ನ್" ಅನ್ನೋ ಹಾಡು ಈಗ "ಉಫೀ" ಆಗಿದೆ.
ನಿನಗಾಗಿ ಚಿತ್ರದ "ಯಮ್ಮೋ ಯಮ್ಮೋ ಯಾಮಾರ್ಬೇಡಮ್ಮೋ" ಹಾಡನ್ನು ಜುನೂನ್ (ಪಾಕಿಸ್ತಾನ) ತಂಡದ "ಸಯ್ಯೋನೀ" ಹಾಡಿನೊಂದಿಗೆ ಹದವಾಗಿ ಬೆರೆಸಿ ಇಲ್ಲಿ "ಕೊಲ್ಲೇ ನನ್ನನ್ನೇ" ಅನ್ನೋ ಕರ್ಕಶ ಹಾಡೊಂದನ್ನ ಸ್ವತಃ ಗುರು ಹಾಡಿದ್ದಾರೆ!
ರಾಜ್ ಕಪೂರರ 'ಅನಾರಿ' ಚಿತ್ರದ "ಕಿಸೀಕಿ ಮುಸ್ಕುರಾಹಟೋಂ ಪೆ" ಹಾಡು ಇಲ್ಲಿ "ನಗು ನಗು ನಗು ನಗು" ಆಗಿದೆ.
ಇರೋದ್ರಲ್ಲಿ ಬೆಸ್ಟ್ ಅಂದ್ರೆ ಕುಣಾಲ್ ಗಾಂಜಾವಾಲ ಹಾಡಿರೋ "ನನಗೂ ನಿನಗೂ ಕಣ್ಣಲ್ಲೇ ಪರಿಚಯ" ಅನ್ನೋ ಮೆಲೋಡಿ.(ಇದರ ಒರಿಜಿನಲ್ ಹಾಡಿಗೆ ಇನ್ನೂ ಹುಡುಕಾಟ ನಡೀತಿದೆ. ನಿಮಗೆ ಗೊತ್ತಿದ್ರೆ ನಮಗೂ ತಿಳಿಸಿಬಿಡಿ)
ಇಂಟರ್ವಲ್ ಬಳಿಕ ಸ್ವಲ್ಪ ರಬ್ಬರ್ ಬ್ಯಾಂಡ್ ಥರಾ ಎಳೆದಿದಾನೆ ಅಂತ ಜನ ಮಾತಾಡ್ಕೊಂಡಿದ್ ಕೇಳಿಸ್ತು. ನನಗೇನೋ ಹಾಗನ್ನಿಸಿಲಿಲ್ಲ.ಆದರೆ ಒಂದೆರಡು ಕಂಟಿನ್ಯುಟಿ ಪ್ರಾಬ್ಲಂ ಈ ಚಿತ್ರದಲ್ಲಿದೆ ಅನ್ನಿಸ್ತು. ಈಗಿನ ಕಾಲದ ಚಿತ್ರದಲ್ಲೂ ಡಿಸ್ಕಂಟಿನ್ಯುಟಿ ನುಸುಳಿರೋದನ್ನ ನೋಡಿ ಆಶ್ಚರ್ಯ ಕೂಡಾ ಆಯ್ತು.
ಉದಾಹರಣೆಗೆ:
೧. ತಾರಾ ಅಂಗಡಿಯೊಂದಕ್ಕೆ ಬಂದು ಅಲ್ಲಿನ ಮ್ಯಾನೇಜರ್ ಬಳಿ ದಬಾಯಿಸೋವಾಗ ಹಿನ್ನೆಲೆಯಲ್ಲಿ ಹೂಕೋಸು ಹಿಡಿದುಕೊಂಡಿದ್ದ ಮಹಿಳೆ, ತಾರಾ ಅಂಗಡಿಯ ಮೆಟ್ಟಿಲು ಇಳಿದು ಬರೋಷ್ಟರಲ್ಲಿ ಇಳಿದು ಪಾರ್ಕಿಂಗ್ ಕಡೆ ಹೋಗಿದ್ದು.
೨. ಅನಂತನಾಗ್ ಭೇಟಿ ಮಾಡೊಕೆ ಮೊದಲು ಗಣೇಶನ ಭೇಟಿ ಮಾಡಿಸೋವಾಗ ವಿಶಾಲ್ ಶರ್ಟ್ ಹೊರಗೆ ಬಿಟ್ಟುಕೊಂಡಿರ್ತಾನೆ. ಅನಂತನಾಗ್ ಕೈಕುಲುಕುವಷ್ಟರಲ್ಲಿ ಇನ್-ಶರ್ಟ್ ಆಗಿರತ್ತೆ. ಕೈ-ಕುಲುಕಿ ಈ ಕಡೆ ತಿರುಗೋಷ್ಟರಲ್ಲಾಗಲೇ ಮತ್ತೆ ಷರ್ಟ್ ಹೊರಗೆ!! :)

ಒಟ್ಟಿನಲ್ಲಿ ಟೋಟಲ್ ಟೈಂಪಾಸ್ ಚಿತ್ರ ಇದು. ಕೊಟ್ಟ ದುಡ್ಡಿಗೆ ಏನೂ ಮೋಸ ಇಲ್ಲ.ಏನಿಲ್ಲದಿದ್ದರೂ ಚಾಮುಂಡಿ ಬೆಟ್ಟ,ಕ್ರಾಫರ್ಡ್ ಹಾಲ್, ಡಿಸಿ ಆಫೀಸ್,ಮೈಸೂರ್ ಮೆಡಿಕಲ್ ಕಾಲೇಜು,ಮೈಸೂರರಮನೆಯ ಬ್ಯಾಕ್ ಡ್ರಾಪಿರೋ ಸೀನುಗಳನ್ನ ನೋಡಿ ಖುಷಿಯಾಗೋಕಾದ್ರು ಈ ಸಿನಿಮಾ ಒಂದ್ಸಲಾ ನೋಡಿ ಬನ್ನಿ...:)

ಸಿಹಿ-ಕಹಿ

2008-04-30T14:32:00.000-04:00

ಕನ್ನಡದ ಕ್ಲಾಸಿನಲ್ಲಿ ಕದ್ದು-ಮುಚ್ಚಿ
ಬೆಲ್ಲದ ಸವಿ ಸವಿಯುವಾಗ ಸಿಕ್ಕಿಬಿದ್ದು
ಬೆಲ್ಲಾದ ನಂತರವೂ
ಬೆತ್ತಗಳ ಕೆಳಗೆ ಬೆತ್ತಲಾಗುವ ಪುಟ್ಟ ಮನಸು

ಮುಲುಗುಡುವ ಮುಂಗೈ-ಬೆರಳು
ಅದುಮಿಟ್ಟ ಕಣ್ಣ ಕೋಡಿ
ಒತ್ತಿ ಹಿಡಿದ ಯಾತನೆಯ ಕೂಗು
ಬೆಲ್ಲದ ಸಿಹಿಯನ್ನೂ ಮರೆಸುವಂತಹ
ಕಹಿ ನೆನಪುಗಳು!

ನಾಳೆ

2008-04-30T14:23:00.000-04:00

ನೆನ್ನೆಯ ನಾಳೆಯೊಂದು ಯೋಚಿಸಿತು
ಮೊನ್ನಿನ ನಾಳೆ ಹೀಗೆ ಮಾಡಿದ್ದರೆ
ನಾಳೆಗಳ ನೆನ್ನೆಗೆ ಈ ಗತಿ ಬರುತ್ತಿರಲಿಲ್ಲವೇನೋ!?
ಆದರೆ,
ನೆನ್ನೆಗೂ ನೆನ್ನೆಗಳಿದ್ದುದ
ಏಕೆ ಮರೆತುಹೋಯಿತೋ!?

ಇದಕ್ಕುತ್ತರವಾಗಿ ಎಸ್ಸೆಮ್ಮೆಸ್ ಮೂಲಕ ಗೆಳೆಯ ಸಂತೋಷ ಕಳಿಸಿದ ನಾಕು ಸಾಲುಗಳು ಹೀಗಿವೆ:

ಇಂದು
ನಾಳೆಯ ನೆನ್ನೆಯೊಂದು
ಯೋಚಿಸಿದ್ದರೆ ನೆನ್ನೆಯ ನಾಳೆಯ ಬಗ್ಗೆ
ಪರಿತಪಿಸಬೇಕಾಗುತ್ತಿರಲಿಲ್ಲವೇನೋ ಹೀಗೆ
ನೆನ್ನೆ ನಾಳೆಗಳ ಮಧ್ಯೆ;
ಆದರೇನು ಮರೆತಿಹೆವೆಲ್ಲ
ನೆನ್ನೆಯ ನಾಳೆಯಲಿ
ನಾಳೆಯ ನೆನ್ನೆಯಲಿ
ಬದುಕುವುದ ನಾವು!

--ಸಂK

ACCIDENT - ಬಳಿಕ?

2008-04-08T04:48:00.015-04:00

'ರಾಮಾ ಭಾಮಾ ಶಾಮ','ಸತ್ಯವಾನ್ ಸಾವಿತ್ರಿ' ಥರದ ಕಾಮಿಡಿ ಸಿನಿಮಾಗಳನ್ನು ಕೊಟ್ಟ ರಮೇಶ್ ಈ ಸಲ ಥ್ರಿಲ್ಲರ್ ಕಥೆಗೆ ಮೊರೆ ಹೋಗಿದ್ದು ಸರಿಯೆ.
ಮೊದಲೆರಡೂ ಸಿನಿಮಾಗಳು ರೀಮೇಕ್ ಆಗಿದ್ರಿಂದ ರಮೇಶ್ ಗೆ ಆ ಸಿನಿಮಾಗಳನ್ನ ಮಾಡೋಕೆ ತ್ರಾಸ ಹೆಚ್ಚಾಗ್ಲಿಲ್ಲ ಅನ್ಸತ್ತೆ. ಆದರೆ 'ಆಕ್ಸಿಡೆಂಟ್' ರೀತಿಯ ಒಂದು ಥ್ರಿಲ್ಲರ್ ಸಿನಿಮಾ ಮಾಡುವಾಗ ಸ್ವಲ್ಪ ಎಚ್ಚರದಿಂದ ಕೆಲಸ ಮಾಡಬೇಕು.ರಮೇಶ್ ಈ ವಿಚಾರವನ್ನ ತಿಳಿದೇ ಸಾಕಷ್ಟು ಹೋಂ‍ವರ್ಕ್ ಮಾಡಿದ್ದಾರೆ.ಹೊಸಮುಖಗಳನ್ನು ಹಾಕಿಕೊಂಡು ಅವರಿಂದ ಕೆಲ್ಸ ತೆಗೆಸೋದು ಸುಲಭದ ಮಾತಲ್ಲ.ರಮೇಶ್ ಈ ನಿಟ್ಟಿನಲ್ಲಿ ತೋರಿಸಿರುವ ಧೈರ್ಯ ಮೆಚ್ಚಬೇಕಾದ್ದೇ!ಹೊಸಬನಾದ ಸಂಗೀತ ನಿರ್ದೇಶಕ ರಿಕಿ ಕೇಜ್ ಗೆ ಅವಕಾಶ ಕೊಟ್ಟಿದ್ದೂ ಕೂಡಾ ರಮೇಶ್ ರ ಧೈರ್ಯ,ಹೊಸಬರ ಮೇಲಿಟ್ಟಿರುವ ಅವರ ವಿಶ್ವಾಸವನ್ನ ತೋರಿಸತ್ತೆ! ಒಂದು ಚಿತ್ರವನ್ನ ವಿಮರ್ಶಿಸೋಕೆ ಮುಂಚೆ ಖಂಡಿತಾ ಆ ಸಿನಿಮಾಕ್ಕಾಗಿ ವ್ಯಯವಾದ ಹಣ,ಸಮಯ ಮತ್ತು ಆ ಚಿತ್ರಕ್ಕಾಗಿ ದುಡಿದವರ ಎಫರ್ಟ್ಸ್ ಮನಸಲ್ಲಿಟ್ಕೊಂಡು ಹಾಗೇ ಒಂದು ಸಿನಿಮಾ ನೋಡುವಾಗ ಪ್ರೇಕ್ಷಕನಿಂದ ವ್ಯಯವಾಗುವ ಹಣ,ಸಮಯ ಮತ್ತು ಪರೀಕ್ಷೆಗೊಳಗಾಗುವ ತಾಳ್ಮೆಯನ್ನು ಮನಸಲ್ಲಿಟ್ಕೊಂಡು ಈ ಸಿನಿಮಾ ಬಗ್ಗೆ ನನಗನ್ನಿಸಿದ್ದನ್ನ ನಿಮ್ಮ ಮುಂದೆ ಇಡ್ತಿದೀನಷ್ಟೆ!

ಎಲ್ಲದಕ್ಕಿಂತ ಮುಂಚೆ ಇನ್ನು ಈ ಚಿತ್ರ ನೋಡಿಲ್ಲದವರಿಗೆ ಸೂಕ್ಷ್ಮವಾಗಿ ಚಿತ್ರದ ಬ್ಯಾಕ್‍ಗ್ರೌಂಡ್ ತಿಳಿಸಿಬಿಡ್ತೀನಿ.
ರಮೇಶ್-ರೇಖಾ ಇಂದಿನ ಜನಾಂಗಕ್ಕೆ ಸೇರಿದ,ಸುಮಾರ್ ಎರಡು ವರ್ಷದ ಹಿಂದೆ ಮದುವೆಯಾದ ಒಂದು ಹ್ಯಾಪಿ ಕಪಲ್!
(ರಮೇಶ್‍ಗೆ ಈಗಾಗಲೆ ಹಿಂದಿನ ತಲೆಮಾರನ್ನು ಸೇರಿಕೊಳ್ಳುವಷ್ಟು ವಯಸ್ಸಾಗಿದ್ದರೂ ಶಾರ್ಟ್ ಶರ್ಟ್ಸ್,ಕಾರ್ಗೋಸ್ ಮತ್ತು ಹೊಸ ವಿಗ್ ಅವರನ್ನು ಇನ್ನೂ ಚಿಕ್ಕ ಹುಡುಗನ ಹಾಗೆ ಕಾಣಿಸೋಕೆ ಹೆಲ್ಪ್ ಮಾಡಿದೆ.ರೇಖಾಗೂ ಒಂದು ವಿಗ್ ಹಾಕಿಸಿದ್ರೆ ಚೆನ್ನಾಗಿತ್ತೇನೋ!)
ರಮೇಶ್(ಸಾವಂತ್) - ರೇಡಿಯೋ ಮಿರ್ಚಿಯಲ್ಲಿ ಆರ್.ಜೆ (ರೇಡಿಯೋ ಮಿರ್ಚಿಯ ಕೆಲ ಆರ್.ಜೆ ಗಳು ಇತ್ತೀಚಿನ ಚಿತ್ರಗಳಿಗೋಸ್ಕರ ಡಿಸ್ಕೌಂಟ್ ರೇಟಲ್ಲಿ ಕೆಲಸ ಮಾಡ್ತಿರೋ ಸುದ್ದಿ ಬಂದಿದೆ!)
ರೇಖಾ (ವಸು)- ಯಾವುದೋ ಒಂದು ಶಾಲೆಯಲ್ಲಿ ಟೀಚರ್.ಅನ್ಯಾಯದ ವಿರುದ್ಧ ಹೋರಾಡುವುದೇ ಅವಳ ಜೀವನದ ಮುಖ್ಯ ಉದ್ದೇಶ!
ಇನ್ನು ಪೂಜಾ ಗಾಂಧಿ,ಮೋಹನ್(ಬದ್ರಿ),ಬಾಲಾಜಿ ಮನೋಹರ್(ಡಾಕ್ಟರ್),ತಿಲಕ್(ಗೌಡ) ರಮೇಶ್ -ರೇಖಾ ರ ಆಪ್ತವಲಯ.ಇವರೆಲ್ಲ ಯಾವಾಗಲೂ ಜೊತೆಯಾಗೇ ಇರೋ ಸ್ನೇಹಿತರು.ಗೋವಾದಲ್ಲಿ ಒಂದು ಹಾಡು ಕೂಡಾ ಇದೆ ಇವರೆಲ್ಲ ಎಷ್ಟು ಕ್ಲೋಸ್ ಸ್ನೇಹಿತರು ಅನ್ನೋದನ್ ತೋರಿಸೋಕೆ!
ರಮೇಶ್-ಪೂಜಾ ಗಾಂಧಿ ಮಲೇಷ್ಯಾದಲ್ಲಿ ಒಂದು ಟ್ರೇನಿಂಗ್ ಮುಗಿಸಿ ಬೆಂಗಳೂರಿಗೆ ಬರೋ ದಿನ ಇಲ್ಲಿ ರೇಖಾ ಮತ್ತವಳ ಸಹೋದ್ಯೋಗಿ ಹೋಗ್ತಿದ್ದ ಕಾರಿಗೆ ಟ್ರೇನ್ ಬಡಿದು ಅಪಘಾತದ ಸ್ಥಳದಲ್ಲೇ ಇಬ್ಬರೂ ಮೃತಪಟ್ಟಿರ್ತಾರೆ. ಅಪಘಾತದ ಸ್ಥಳಕ್ಕೆ ಭೇಟಿ ಕೊಟ್ಟ ರಮೇಶ್ ಮತ್ತವರ ಸ್ನೇಹಿತರಿಗೆ ಅದು ಅಪಘಾತವಲ್ಲ ಕೊಲೆ ಅನ್ನೋದು ಮನವರಿಕೆಯಾಗತ್ತೆ. ಪೋಲೀಸರಿಗೆ ಈ ವಿಷಯ ತಿಳಿಸುತ್ತಿದ್ದ ಹತ್ತು ನಿಮಿಷದಲ್ಲೇ ಕೊಲೆ ಆರೋಪಿಯನ್ನು ಪೋಲೀಸ್ ಎನ್ಕೌಂಟರ್ ಮಾಡಿ ಮುಗಿಸಿ ಕಥೆಗೆ ತೆರೆ ಎಳೀತಾರೆ! ಇದು ಅಂತ್ಯ ಅಲ್ಲ ಆರಂಭ!
ಇದ್ದಕ್ಕಿದ್ದಂಗೆ ಒಂದು ಜಿಮ್ನೇಸಿಯಂನಲ್ಲಿ ಹ್ಯಾಂಡ್ಸ್ ಫ್ರೀ ಹಾಕಿಕೊಂಡ ಕಟ್ಟುಮಸ್ತಾದ ವ್ಯಕ್ತಿಯೊಬ್ಬನಿಂದ ಅನಾಮಧೇಯ ಕರೆ ರಮೇಶ್ ಫೋನಿಗೆ ಬಂದಾಗ (ಥೇಟರಿನಲ್ಲಿ?!) ಮಲಗಿದ್ದವರೆಲ್ಲ ಮತ್ತೊಮ್ಮೆ ಎಚ್ಚರಗೊಳ್ತಾರೆ! ನಿಜವಾದ ಕೊಲೆ ಆರೋಪಿಗಳ ಹುಡುಕಾಟದಲ್ಲಿ ರಮೇಶ್ ಮತ್ತವರ ಗೆಳೆಯರ ಬಳಗ ಮುಂದುವರೆಯತ್ತೆ ಹಾಗೂ ಇದರ ಮಧ್ಯೆ ಇನ್ನಷ್ಟು ಕೊಲೆ/ಸಾವುಗಳಾಗುತ್ತವೆ.
ವಸು ಕೊಲೆ ಜಾಡನ್ನು ಹಿಡಿದು ಹೊರಟಾಗ ಎದುರಾಗೋ ಎಷ್ಟೋ ಪಾತ್ರಗಳು ಮತ್ತೆ ಮತ್ತೆ ಅಲ್ಲಲ್ಲೇ ಗಿರಕಿ ಹೊಡೀತಿವೆಯೇನೋ ಅನ್ಸತ್ತೆ. ಮುಕ್ಕಾಲ್ ಸಿನಿಮಾ ಮುಗಿಯೋ ಹೊತ್ತಿಗೆ ಯಾರು,ಯಾಕೆ ಆ ಕೊಲೆಗಳನ್ನ ಮಾಡಿಸಿದ್ದು/ಮಾಡಿದ್ದು ಅನ್ನೋದನ್ನ ಪ್ರೇಕ್ಷಕ ಊಹಿಸಿಬಿಟ್ರೆ ಅದ್ರಲ್ಲಿ ರಮೇಶ್ ತಪ್ಪು ಕಿಂಚಿತ್ತೂ ಇಲ್ಲ.
ವಸು ಕೊಲೆಯ ಹಿನ್ನೆಲೆಯಿಷ್ಟೇ! - ದುಷ್ಟರ ಗ್ಯಾಂಗೊಂದರ ಕೆಟ್ಟ ಕೃತ್ಯಗಳನ್ನು ಪ್ರಶ್ನಿಸಿದ ಹಿರಿಯ ಅಧಿಕಾರಿಯೊಬ್ಬಳು ಹತ್ಯೆಗೀಡಾಗುತ್ತಾಳೆ.ಅವಳ ಹತ್ಯೆಯನ್ನು ವಸು ಹೇಗೋ ತನ್ನ ಕ್ಯಾಮೆರಾದಲ್ಲಿ ಸೆರೆ ಹಿಡಿದಿರುತ್ತಾಳೆ.ಆ ಕ್ಯಾಮೆರಾ/ಕೆಸೆಟ್ಟಿಗಾಗಿ ವಸುವಿನ ಕೊಲೆ ನಡೆದಿರುತ್ತದೆ. ಇದೆಲ್ಲದರ ಹಿಂದೆ ರಾಜಕಾರಣಿ ಮತ್ತವನೊಂದಿಗೆ ಶಾಮೀಲಾಗಿದ್ದ ಹೊರದೇಶದ ಕೇಡಿಗಳು,ಪೋಲೀಸಿನವರ ಕೈಚಳಕವಿದೆ ಎಂದು ತಿಳಿಯೋ ವೇಳೆಗೆ ನಿಮಗಿದು ಹಳೇ ಬ್ಲ್ಯಾಕ್&ವೈಟ್ ಸಿನಿಮಾವೊಂದರ ನೆನಪು ಮಾಡಿಕೊಟ್ಟರೆ ಅದಕ್ಕೆ ಯಾರೂ ಹೊಣೆಗಾರರಲ್ಲ! ಆದರೆ ಇಷ್ಟು ನೇರ-ಸರಳವಾದ ಹಿನ್ನೆಲೆಗೆ ಕಾಂಟೆಂಪರರಿ ಟಚ್ ಕೊಟ್ಟು ಅಲ್ಲಲ್ಲಿ ಅಷ್ಟೋ ಇಷ್ಟೋ ತಿರುವುಗಳನ್ನ ತುರುಕಿ ಬೇಡವಾಗಿದ್ದರೂ ಒಂದು ಐಟಂ ಸಾಂಗ್ ಸೇರಿಸಿ ಪಕ್ಕಾ ಕಮರ್ಷಿಯಲ್ ಚಿತ್ರ ಮಾಡುವಲ್ಲಿ ರಮೇಶ್ ಯಶಸ್ವಿಯಾಗಿದ್ದಾರೆ!

ಸಿನಿಮಾ ನೋಡುವ ಮುಂಚೆ ನನಗನಿಸಿದ್ದು:
೧. ರಮೇಶ್,ಪೂಜಾ ಗಾಂಧಿ,ರೇಖಾ,ಮೋಹನ್,ತಿಲಕ್,ಬಾಲಾಜಿ ಮನೋಹರ್,ದಿನೇಶ್ ಬಾಬು - ಸಕತ್ ಇಂಟರೆಸ್ಟಿಂಗ್ ಟೀಮ್ ಕಲೆ ಹಾಕಿದಾರೆ ರಮೇಶ್
೨. ರಿಕ್ಕಿ ಕೇಜ್ - ಮತ್ತೊಬ್ಬ ಹೊಸ ಸಂಗೀತ ನಿರ್ದೇಶಕನ ಪರಿಚಯ! ಹಿನ್ನೆಲೆ ಸಂಗೀತದಲ್ಲಿ ಹೊಸಬಗೆಯ ಪ್ರಯೋಗ ಮಾಡಿರಬಹುದೆ!? 'ಬಾ ಮಳೆಯೆ ನೀ ಬಾ' - ಸೋನು ಮತ್ತೊಮ್ಮೆ ಮಾಯಾಲೋಕಕ್ಕೆ ಕರೆದೊಯ್ದಿದ್ದಾನೆ.
೩. ರಮೇಶ್ ನಿರ್ದೇಶನದ ಮೊದಲೆರಡೂ ಚಿತ್ರಗಳು ರೀಮೇಕ್ ಆಗಿದ್ದು ಮೂರನೇ ಚಿತ್ರ ಸ್ವಮೇಕ್ ಆಗಿದ್ದು, ಇದರಲ್ಲಿ ರಮೇಶ್‍ರ ಸೃಜನಶೀಲತೆಗೆ ಸಂಪೂರ್ಣ ಅವಕಾಶ ಇರೋದು ಮತ್ತಷ್ಟು ಖುಷಿ ಕೊಟ್ಟ ವಿಷಯ.
೪. ನಿಜವಾಗಿ ನಡೆದ ಅಪಘಾತವೊಂದರ ಸುತ್ತ ಹೆಣೆದ ಕಥೆ ಈ ಚಿತ್ರದ್ದು ಎಂದು ರಮೇಶ್ ಯಾವುದೋ ಸಂದರ್ಶನದಲ್ಲಿ ಹೇಳಿದ್ದು ನೆನಪು.
೫. ಟಿವಿಯಲ್ಲಿ ಬರ್ತಿರೋ ಪ್ರೊಮೊಸ್, ಹಾಡುಗಳ ಚಿತ್ರೀಕರಣ ನೋಡಿದ್ರೆ ಇಂಟರೆಸ್ಟಿಂಗ್ ಆಗಿದೆ ಅನ್ನಿಸ್ತಿದೆ. ಆದಷ್ಟು ಬೇಗ ನೋಡ್ಬೇಕು.

ಸಿನಿಮಾ ನೋಡುವಾಗ ನನಗನ್ನಿಸಿದ್ದು (ಇದ್ದದ್ದಿದ್ದಂಗೆ ಹೇಳಿದೀನಿ):
೧. ಮೊದಲರ್ಧ ಘಂಟೆ : ಓಪನಿಂಗ್ ಚೆನ್ನಾಗಿದೆ.ಎರಡ್ ಹಾಡು ಕೂಲ್ ಹಿಪ್-ಹಾಪ್ ಸ್ಟೈಲ್ ನಲ್ಲಿದೆಯಾದ್ರೂ ಪರ್ವಾಗಿಲ್ಲ.ಹೊಸಬನ ಸಂಗೀತ ಡೀಸೆಂಟ್ ಆಗಿದೆ.ಸಿನಿಮಾ ಶುರುವಾದ ಅರ್ಧ ಘಂಟೆಯಲ್ಲೇ ರಮೇಶ್ ಇಷ್ಟೆಲ್ಲ ಡೀಟೇಲ್ಸ್ ತೋರಿಸಿದ್ದಾರೆ ಅಂದ್ರೆ ಮಿಕ್ಕುಳಿದ ೨ಘಂಟೆ ಇನ್ನು ಏನೇನ್ ಇರ್ಬೋದು!!!?? Expectations ಡಬಲ್ ಆಗ್ತಿದೆ.

೨. ಒಂದು ಘಂಟೆ ಬಳಿಕ :
i. ಅಯ್ಯೋ!! ಟೈಟಲ್ ಪ್ರಕಾರ ಈ ಸಿನಿಮಾ ಒಂದು ಅಪಘಾತ ಆಗುವ ಬಗ್ಗೆ ಅಂದುಕೊಂಡ್ರೆ ಅಪಘಾತ ಆಗಿ ಹೋಗಿ ಆಗ್ಲೆ ಮುಕ್ಕಾಲ್ ಘಂಟೆ ಆಗೋಯ್ತಲ್ಲಪ್ಪ...ಇದು "ಅಪಘಾತದ ಬಳಿಕ" ಅಂತ ಇಡ್ಬೇಕಿತ್ತೋ ಏನೋ ಟೈಟಲ್ನ!
ii. ಅದು ಅಪಘಾತ ಅಲ್ಲ ಕೊಲೆ ಅಂತ ಎಲ್ಲರನ್ನೂ ಮೀರಿಸೋ ರೀತೀಲಿ ರೇಡಿಯೋ ಜಾಕಿ ಹೀರೋಗೆ ಗೊತ್ತಾಗತ್ತೆ ಅಂದ್ರೆ ಪೋಲೀಸ್ ಕೂಡಾ ಕೇಡಿಗಳೇ ಇರ್ಬೇಕು ಅನ್ನೋ ಗುಮಾನಿ!
iii. ನಿಜವಾಗ್ಲೂ ಆ ಐಟಂ ಸಾಂಗ್ ಬೇಕಿತ್ತ? PVRನಲ್ಲೇ ನೆಟ್ಟಗ್ ಕೇಳಿಸದಿದ್ದ ಹಾಡು ಬೇರೆ ಎಲ್ಲಿ ಕೇಳಿಸತ್ತೋ?ಜನಕ್ಕೆ ತಲುಪತ್ತಾ?
iv. ಸಿನಿಮಾ ಶುರುವಾದ ಒಂದು ಘಂಟೆಯೊಳಗೆ ಐದು ಕೊಲೆಗಳಾಗೋಗಿದೆ!!ಮುಂದೇನ್ ಕಾದಿದ್ಯೋ!?
v. ಈ ಕಥೆಯ ಹಂದರ ನೋಡಿದ್ರೆ ಯಾವುದೋ ಇಂಗ್ಲಿಷ್ ಸಿನಿಮಾ ನೆನಪಿಗೆ ಬರ್ತಿದ್ಯಲ್ಲ!!!??

ಇಂಟರ್ವೆಲ್ ಬಳಿಕ :
ಇಂಟರ್ವೆಲ್ ಕಳೆದು ಸ್ವಲ್ಪ ಹೊತ್ತಿಗೇ ಯಾಕೋ ಎದ್ದು ಹೋಗೋಣ ಅನ್ನಿಸೋಕ್ ಶುರುವಾಯ್ತು.ಕಡೇ ತನಕ ಕೂತು ಅದ್ಯಾವನ್ ಕೊಲೆ ಮಾಡಿರ್ತಾನೆ/ಳೆ ನೋಡೇ ಬಿಡೋಣ ಅಂತ ಭಂಡ ಧೈರ್ಯ ಮಾಡಿ ಕೂತಿದ್ದರಿಂದ ಒಂದು ಅನುಕೂಲವಾಯ್ತು. ಏನಪ ಅಂದ್ರೆ ಇಲ್ಲಿವರೆಗೂ ರಮೇಶ್ ರ ಮೊದಲೆರಡು ಚಿತ್ರಗಳಂತೆ ಅಲ್ಲ ಇದು ಸ್ವಮೇಕ್ ಚಿತ್ರ ಅಂದುಕೊಂಡಿದ್ದ ನನಗೆ ಚಿತ್ರದ ಮುಖ್ಯ ಸೂತ್ರ ಇಂಗ್ಲಿಷ್ ಚಿತ್ರವೊಂದರಿಂದ ಕದ್ದಿರೋದು ಅನ್ನೋದು ಗೊತ್ತಾಯ್ತು!!
ಇಲ್ಲಿ ನೋಡಿ ಒರಿಜಿನಲ್ ಚಿತ್ರದ ಕೊಂಡಿ : The Constant Gardner

ಆ ಚಿತ್ರದಲ್ಲೂ ಹೀರೋಯಿನ್ ಅನ್ಯಾಯದ ವಿರುದ್ಧ ಹೋರಾಡುವಾಗ ಅವಳನ್ನು ಮತ್ತವಳ ಸಹೋದ್ಯೋಗಿಯನ್ನು ಕೇಡಿಗಳು ಕೊಂದಿರ್ತಾರೆ.ಆಕೆಯ ಕೊಲೆಗೆ ಹಿನ್ನೆಲೆ ಏನು ಅನ್ನೋದನ್ನ ಹುಡುಕೋದೇ ಗಂಡನ (ಹೀರೋ) ಕೆಲಸ!

ಮಾನವ ಸಹಜ ಗುಣವೇ ಹೀಗೆ! ಎಲ್ಲ ಆದ್ಮೇಲೆ ಅಯ್ಯೋ ಇಷ್ಟೇನಾ ಅನ್ನಿಸಿಬಿಡತ್ತೆ ನೋಡಿ! ಈ ಚಿತ್ರದ ಕಥೆಯೂ ಅಷ್ಟೇ! ಎಲ್ಲ ಮುಗಿದ ಬಳಿಕ ಇಷ್ಟೇನಾ ಅನ್ನಿಸಿಬಿಡ್ತು.
ಇನ್ನು ಚಿತ್ರದ ಉಳಿದ ವಿಭಾಗಗಳನ್ನ ಅವಲೋಕಿಸಿದಾಗ:
೧. ಸಂಗೀತ - ಸುಮಾರಾಗಿದೆ. ಒಂದೆರಡು ಹಾಡುಗಳು ಗುನುಗುನುಸಬಹುದು. ಬಿ.ಆರ್.ಲಕ್ಷ್ಮಣರಾಯರ 'ಬಾ ಮಳೆಯೇ ಬಾ' ಅದ್ಭುತವಾಗಿದೆ ಅಂದ್ರೂ ತಡ್ಕೊಳತ್ತೆ! ಅದುಬಿಟ್ರೆ ಕ್ಲೈಮಾಕ್ಸಿಗೆ ಬರೋ ಕೋಲಾಟದ ಹಾಡು ಕೇಳಬಲ್!
೨. ಚಿತ್ರಕಥೆ - ಈಗಾಗಲೇ ಹೇಳಿದಂತೆ ಕತೆಯಲ್ಲಿ ಹಿಡಿತ ಖಂಡಿತಾ ಇಲ್ಲ. ಅಲ್ಲಲ್ಲಿ ಜಾಳು ಜಾಳಾಗಿ ಮಾಸಲು ಸೀರೆನ ಎತ್ತಿ ಎತ್ತಿ ಒಗೆದು ಒಣಗಿಸಿದ ಹಾಗಿದೆ!
೩. ಪಾತ್ರವರ್ಗ - ಯಾರಿಗೂ ಎಲ್ಲೂ ೪೦ಸೆಕೆಂಡಿಗಿಂತ ಹೆಚ್ಚಿನ ಡೈಲಾಗ್ ಇಲ್ಲವಾದ್ದರಿಂದ ಎಲ್ಲರೂ ತಂತಮ್ಮ ಪಾಲಿಗೆ ಬಂದದ್ದನ್ನೇ ಪಂಚಾಮೃತ ಅಂತ ಕಣ್ಣಿಗೊತ್ಕೊಂಡು ಒಪ್ಪಿಸಿಕೊಂಡಿದ್ದಾರೆ.
* ತಿಲಕ್, ಬಾಲಾಜಿ ಮನೋಹರ್ ಮತ್ತು ಪೂಜಾ ಗಾಂಧಿ ಈ ಚಿತ್ರದಲ್ಲಿದ್ರು ಅನ್ನೋದೆ ಗೊತ್ತಾಗಲ್ಲ.
* ಮೋಹನ್ ಕುಡಿಯೋದ್ ಕಡಿಮೆ ಮಾಡಿದ್ರೆ ಇನ್ನು ಒಳ್ಳೊಳ್ಳೆ ಪಾತ್ರ ಮಾಡೋ ತಾಕತ್ತನ್ನ ಉಳಿಸ್ಕೋಬಹುದು ಅನ್ನಿಸ್ತು.
* ರಮೇಶ್ ಗೆ ವಯಸ್ಸಾಗಿದ್ರು ಅವರಲ್ಲಿರೋ ಎಕ್ಸೈಟ್‍ಮೆಂಟಿಗೆ ಎನರ್ಜಿ ಲೆವಲ್ಲಿಗೆ ಹ್ಯಾಟ್ಸ್ ಆಫ್! ಆದ್ರೆ ನಟನೆ-ನಿರ್ದೇಶನ ಎರಡೂ ಎಲ್ಲರ ಬಾಯಿಗೆ ದಕ್ಕುವ ತುತ್ತಲ್ಲ! ರಮೇಶ್ ತಮ್ಮ ಮುಂದಿನ ಚಿತ್ರದಲ್ಲಾದರೂ (ಸೀರಿಯಸ್ ಚಿತ್ರವಾಗಿರುವ ಪಕ್ಷದಲ್ಲಿ) ಹೀರೋ ಪಾತ್ರಕ್ಕೆ ಬೇರೆಯವರನ್ನ ಹಾಕಿಕೊಂಡು ಬರೇ ನಿರ್ದೇಶನದತ್ತ ಗಮನ ಹರಿಸಿದ್ರೆ ಒಳ್ಳೇದು ಅನ್ನಿಸ್ತು.
* ಮಾಸ್ಟರ್ ಸಿ.ಡಿ. ಡಾನ್ ಪಾತ್ರದಲ್ಲಿ ಕಾಣಿಸಿಕೊಂಡ ಉದ್ದ ಕೂದಲಿನವ್ನ ನಟನೆ ಎಲ್ಲರಿಗಿಂತ ಚೆನ್ನಾಗಿತ್ತು ಅನ್ನಿಸ್ತು.ಆದ್ರೂ ನಮ್ಮ ಕನ್ನಡ ಸಿನಿಮಾದಲ್ಲಿ ಡಬ್ಬಿಂಗ್ ಯಾಕೋ ಇನ್ನು ತುಂಬಾನೆ ಇಂಪ್ರೂವ್ ಆಗ್ಬೇಕು. ನಟನೆ ಎಷ್ಟೇ ಚೆನ್ನಾಗಿದ್ರು ಕಿತ್ತೋದ್ ತಗಡು ವಾಯ್ಸ್ ನಲ್ಲಿ ಡಬ್ಬಿಂಗ್ ಮಾಡಿಸಿದಾಗ ಆ ಪಾತ್ರ ಹಾಗೇ ಸತ್ತೋಗತ್ತೆ!

* "ಮೈಸೂರ ಮಲ್ಲಿಗೆ" ನಾಟಕದ ಮೂಲಕ ನಮಗೆಲ್ಲ ಪರಿಚಯವಾದ ರಾಜೇಂದ್ರ ಕಾರಂತ್ ಈ ಚಿತ್ರಕ್ಕೆ ಒಂದು ಹದ ಕೊಟ್ಟಿದ್ದಾರೆ.ಅವರ ಮ್ಯಾನರಿಸಂ ಸೂಕ್ತವಾಗಿದೆ. ಆದ್ರೆ ಅವರ ವಾಯ್ಸ್ ಮಾಡ್ಯುಲೇಶನ್ ಇನ್ನು "ಮೈಸೂರ ಮಲ್ಲಿಗೆ" ನಾಟಕದ ಬಳೆಗಾರ ಚೆನ್ನಯ್ಯನ ಪಾತ್ರವನ್ನೇ ಹೊತ್ತುಕೊಂಡಿದ್ದು ಸರಿ ಅನಿಸಲಿಲ್ಲ.
* ಪೋಲೀಸ್ ಪಾತ್ರದ ದಿನೇಶ್ ಬಾಬು - Big Disappointment. ಅವರು ಕ್ಯಾಮೆರಾ ಹಿಂದೇನೆ ಸರಿ!
* ಸಂಜೆ ಏಳರ ಸೀರಿಯಲ್ಲುಗಳಲ್ಲಿ 'ಮೂವತ್ತಾದರೂ ಮದುವೆಯಿಲ್ಲ' ಅನ್ನೋ ಪಾತ್ರಕ್ಕಿಂತ ಇದರಲ್ಲಿ ಡಿ.ಸಿ. ಪಾತ್ರ ಸಿಕ್ಕಿದ್ರಿಂದ ಸುಧಾರಾಣಿ ಲವಲವಿಕೆಯಿಂದ ಅಭಿನಯಿಸಿದ್ದಾರೆ. ಪಂಚಮವೇದ, ಅರಗಿಣಿ ಚಿತ್ರಗಳಲ್ಲಿ ರಮೇಶ್-ಸುಧಾರಾಣಿ ಜೋಡಿ ಎಷ್ಟು ಚೆನ್ನಾಗಿತ್ತಲ್ವ ಅಂತ ನೆನಪು ಮಾಡಿಕೊಡೋದ್ರಲ್ಲಿ ಯಶಸ್ವಿಯಾಗ್ತಾರೆ!
* ಎಲ್ಲದಕ್ಕಿಂತ ಬೇಸರವಾಗಿದ್ದು ಅಂದ್ರೆ ನಮ್ಮ ದತ್ತಣ್ಣನಿಗೆ ಮಾಡಿರೋ ಅನ್ಯಾಯ ನೋಡಿದಾಗ! ಏನ್ ಕಾರಣ ಅನ್ನೋದನ್ನ ರಮೇಶ್ ಖುದ್ದಾಗಿ ಹೇಳಬೇಕು. ಇಡೀ ಚಿತ್ರದಲ್ಲಿ ದತ್ತಣ್ಣ ಸ್ಕ್ರೀನ್ ಮೇಲೆ ಬರೋದು ಕೇವಲ ೩೦ಸೆಕೆಂಡುಗಳು.ಆಡುವ ಮಾತುಗಳು "ಚಿರೋಟಿ ಯಾಕ್ ತರಲಿಲ್ಲ??" ಅನ್ನೋದಷ್ಟೇ! ಅವರದು ಒಬ್ಬ ಅರೆಹುಚ್ಚನ ಪಾತ್ರ. ಮೂಲಕತೆಯಲ್ಲಿ ಇನ್ನು ಹೆಚ್ಚಿನ ಪಾತ್ರಪೋಷಣೆ ಇತ್ತೋ ಏನೋ ಆದ್ರೆ ಸಿನಿಮಾ ಥೇಟರ್ ತಲುಪೋ ಹೊತ್ತಿಗೆ ದತ್ತಣ್ಣನ ಪಾತ್ರಕ್ಕೆ ಕತ್ತರಿ! ಹಾಗೆ ಮಾಡುವಾಗ ಅಟ್ಲೀಸ್ಟ್ ಪೂರ್ತಿ ಕತ್ತರಿಸಿಬಿಟ್ಟರೆ ಒಳ್ಳೇದಿತ್ತೇನೋ! ಪೂರಾ ಎಡಬಿಡಂಗಿ ಪಾತ್ರವಾಗಿ ಉಳಿದೋಯ್ತು ಈಗ.

ಶಂಕರನಾಗ್‍ರ 'ಆಕ್ಸಿಡೆಂಟ್' ಚಿತ್ರಕ್ಕೂ ಇದಕ್ಕೂ ಯಾವುದೇ ರೀತಿಯ ಸಂಬಂಧವಿಲ್ಲ ಅನ್ನೋದನ್ನ ಮೊದಲೇ ಹೇಳಿದ್ದಕ್ಕೆ ರಮೇಶ್ ಬಚಾವಾದ್ರು ಅಂದುಕೋತೀನಿ.ಇಲ್ಲವಾದ ಪಕ್ಷದಲ್ಲಿ ಆಟೋ ಸಂಘದ ವತಿಯಿಂದ ಭಯಂಕರ ಹೋರಾಟವನ್ನ ಎದುರಿಸೋ ಪರಿಸ್ಥಿತಿ ತಂದುಕೊಳ್ತಿದ್ರು!
ಇಷ್ಟೆಲ್ಲ ಆದ್ಮೇಲೆ ಚಿತ್ರದ ಬಗ್ಗೆ ಒಂದೇ ಒಂದು ಮಾತು ಹೇಳಬೇಕು ಅಂದ್ರೆ - ಇದು Accident ಅಲ್ಲ - Disaster - ಹೌದು ಒಂದು ದುರಂತ!

ಚಿತ್ರಕೃಪೆ : www.chitraloka.com ಮತ್ತು www.IndiaGlitz.com

ಮಳೆ ನಿಂತು ಹೋದ ಮೇಲೆ...

2008-02-23T17:10:00.002-05:00

ಪಾಚಿಗಟ್ಟಿದ ಹೆಂಚಿನ ಮಾಡು...ಮಳೆ ನಿಂತು ಸುಮಾರು ಹೊತ್ತಾದರೂ ಹೆಂಚುಗಳ ಅಂಚಿನಿಂದ ನೀರಿನ ಹನಿಗಳು ತೊಟ್ಟಿಕ್ಕುತ್ತಲೇ ಇತ್ತು.ಮೇಲಿನ ನನ್ನ ಕೋಣೆಯಲ್ಲಿ ಮೋಂಬತ್ತಿಯ ಮಂದ ಬೆಳಕಿನಲ್ಲಿ ಗೋಡೆ ಮೇಲೆ ಬಿದ್ದ ನನ್ನ ನೆರಳಿಗೇ ಅಂಜಿ ಕಿಟಕಿ ಕಡೆ ಮುಖ ಮಾಡಿ ಕುಳಿತಿದ್ದೆ.ಕೆಳಗೆ ಅಡುಗೆಮನೆಯಲ್ಲಿ ಏನೋ ಸೀಯುತ್ತಿರುವುದರ ಘಮಲು ಮೂಗಿಗೆ ಬಡಿದರೂ ಯಾಕೋ ಇಳಿದು ಹೋಗಿ ನೋಡುವ ಕುತೂಹಲ ಬರಲಿಲ್ಲ.ಕೂತಲ್ಲಿಂದಲೇ 'ಅಮ್ಮಾ ಏನೋ ಸೀದ್‍ಹೋಗ್ತಿದೆ ನೋಡು' ಅಂತ ಕೂಗಿದೆ.ಅದಕ್ಕುತ್ತರವಾಗಿ ಅಮ್ಮ'ನಾ ನೋಡ್ತೀನಿ ನೀ ಊಟ ಮಾಡೋಕ್ ಬಾ ಘಂಟೆ ಆಗ್ಲೆ ಎಂಟಾಯ್ತು' ಅಂದ್ಲು.ಊಟ ಮಾಡೋ ಮನಸ್ಸಿಲ್ಲ.ಒಂದ್ ಲೋಟ ಹಾಲು ಕುಡಿದು ತಲೆಗಿಷ್ಟು ಎಣ್ಣೆ ಬಡಿಸಿಕೊಂಡು ಮಲಗಿಬಿಡೋಣ ಅನ್ನಿಸ್ತು. ಹೇಗಿದ್ರು ನಾಳೆ ಎದ್ದು ನೀರ್ ಹಾಕ್ಕೋಬೇಕು.
ತಣ್ಣಗೆ ಬೀಸ್ತಿದ್ದ ಗಾಳಿಯ ಮಾತಿಗೆ ಹೆದರಿ ಮೋಡಗಳೆಲ್ಲ ಎಲ್ಲಿಗೋ ಗುಳೇ ಹೊಗುತ್ತಿರುವಂತೆ ಅನ್ನಿಸ್ತು.ಕಿಟಕಿಯಾಚೆ ಗಾಢವಾಗಿ ಹರಡಿಕೋಂದ ಕಡುನೀಲಿಯಾಗಸ..ಕಪ್ಪೇ ಅನ್ಬೋದೇನೋ..ಕರೆಂಟ್ ಇಲ್ಲದೆ ಇರೋದಕ್ಕೂ ಸರಿಯಾಗಿ ಇನ್ನೂ ಚೆನ್ನಾಗಿಯೇ ಗೋಚರವಾಗ್ತಿತ್ತು ಅದರ ಕಡುಬಣ್ಣ! ಈಗಲೋ ಆಗಲೋ ಅಂತಿದ್ದ ಮೋಂಬತ್ತಿಯನ್ನು ಹಿಡಿದು ನಿಧಾನವಾಗಿ ಕೆಳಗಿಳಿದು ಬಂದು 'ಅಮ್ಮಾ ಎಲ್ಲಿದ್ಯ?ನನ್ಗೆ ಊಟ ಬೇಡ..' ಅಂತಿದ್ದ ಹಾಗೆ ಗರಬಡಿದವಳಂತೆ ನಿಂತೆ.ಅಮ್ಮ ಒಳಗೆ ಅಡಿಗೆಮನೆಯಲ್ಲಿ ಏನೋ ಮಾಡ್ತಿದಾಳೆ. ಮುಂದಿನ ಬಾಗಿಲು ತೆರೆದೇ ಇದೆ..ಜಗುಲಿ ಮೇಲೆ ಕಂಬಕ್ಕೆ ಒರಗಿ ನಿಂತ ಒಂದು ಮಾನವಾಕೃತಿ ಗೋಚರಿಸಿದಂತಾಯ್ತು.
'ಅರು ಹೆದರಬೇಡ..ನಾನಿಲ್ಲೇ ಇದೀನಿ' ಅಂತು ಜಗಲಿಮೇಲಿನಾ ನಡುಗುವ ದನಿ.
ಮಿಂಚಿನ ಬೆಳಕಿನಲ್ಲಿ ನೋಡಿದಾಗ,ಅಲ್ಲಿ ನಿಂತಿರೋದು ಅವನೇ ಅಂತ ತಿಳಿಯಲು ಹೆಚ್ಚು ಸಮಯ ಬೇಕಾಗಲಿಲ್ಲ.ಮಳೆಯಲ್ಲಿ ನೆಂದು,ಒದ್ದೆ ಬಟ್ಟೆಯಲ್ಲೇ ನಡುಗುತ್ತ 'ಅರು ಕೋಪಿಸ್ಕೋಬೇಡ,ನಾನೇನು ನಿನ್ನ ನೋಯಿಸ್ಬೇಕು ಅಂತ ಹಾಗ್ ಮಾಡ್ಲಿಲ್ಲ ತಿಳ್ಕೋ' ಅಂದ. ಇನ್ನೇನು ಆರಿಹೋಗುವಂತಿದ್ದ ಮೋಂಬತ್ತಿಯನ್ನು ಅಲ್ಲೇ ಸ್ಟೂಲಿನ ಮೇಲಿಟ್ಟು ಹೊರಗೆ ಜಗಲಿಯೆಡೆಗೆ ಸರಸರ ನಡೆದೆ. ಮುಂಬಾಗಿಲನ್ನು ಸದ್ದು ಮಾಡದಂತೆ ಮುಚ್ಚಿ ಅವನಿದ್ದ ಕಡೆಗೆ ಬಂದು ಮೆಲುದನಿಯಲ್ಲೇ 'ಇಲ್ಯಾಕ್ ಬಂದೆ ನೀನು?ಈಗಾಗಲೆ ನೀ ನನಗೆ ಮಾಡಿರೋ ನೋವು ಸಾಕು. ಇನ್ನೇನ್ ಉಳಿದಿದೆ ಅಂತ ಇಲ್ಲೀತನಕ ಈ ಹೊತ್ತಿನಲ್ಲಿ ಬಂದಿದ್ಯ?' ಅಂತ ಗದರಿಕೊಂಡೆ.ಅವನು ಏನೂ ತಿಳಿಯದವನಂತೆ ಮುಗ್ಧ ನೋಟ ಬೀರ್ತಾ ನನ್ನನ್ನೇ ದಿಟ್ಟಿಸ್ತಾ ನಿಂತಿದ್ದ.
ಅವನ ರಟ್ಟೆಯನ್ನು ಬಿಗಿಯಾಗಿ ಹಿಡಿದು ಮುಂದಿನ ಗೇಟ್ ತನಕ ದರದರ ಎಳೆದು ತಂದು'ಆಗಿದ್ದೆಲ್ಲಾ ಆಯ್ತು.ಇನ್ನು ಸಾಕು..ದಯಮಾಡಿ ನನ್ ಕಣ್ಣೆದುರ್ಗೆ ನಿಲ್ದೆ ಹೊರಟೋಗು..ಕೈ ಮುಗೀತೀನಿ ನಿನ್ ದಮ್ಮಯ್ಯ ಇನ್ನು ಹೆಚ್ಗೆ ಸಹಿಸ್ಕೊಳ್ಳಕ್ಕಾಗಲ್ಲ ನನ್ ಕೈಲಿ' ಅನ್ನೋವಾಗ ನನಗೇ ತಿಳಿಯದಂತೆ ನನ್ನ ಕಣ್ಣಲ್ಲಿ ನೀರಾಡ್ತಿತ್ತು.
'ನನ್ ಮಾತ್ ಕೇಳು ಅರು..ಒಂದೇ ಒಂದ್ ನಿಮಿಷ ನನ್ ಮಾತು ಕೇಳು' ಅಂತ ಗೋಗರೆದ.ಅಳುತ್ತಲೇ ಗೇಟಿನ ಪಕ್ಕದ ಕಟ್ಟೆ ಮೇಲೆ ಕುಸಿದು ಕೂತೆ.ಅವನು ಹೇಳ್ತಾನೆ ಇದ್ದ.
'ನಿನಗೆ ಬೇಜಾರ್ ಮಾಡ್ಬೇಕು ಅಂತ ನಾ ಹೀಗೆ ಮಾಡ್ಲಿಲ್ಲ ಅರು..ನನ್ನನ್ ನಂಬು..ಅವತ್ತು ನಿಮ್ಮನೇಗೆ ಬಂದಿದ್ದೆ ನಾನು ನಿನ್ ನೋಡಕ್ಕೆ..ಆಗ ನೀವೆಲ್ಲ ಪೇಟೆಗೆ ಹೋಗಿದ್ರಿ,ಯಾರೂ ಇರ್ಲಿಲ್ಲ.ಆವಾಗಲೇ ಈ ಕಾಗದ ನನಗೆ ಸಿಕ್ಕಿದ್ದು ಆ ಜಗಲಿ ಮೇಲೆ ಯಾರೋ ಇಟ್ಟಿದ್ರು'
'ಯಾರೋ ಅಲ್ಲ ಇಟ್ಟಿದ್ದು ...ನಾ ಮೂರ್ ವಾರದಿಂದ ಈ ಕಾಗದಕ್ಕೋಸ್ಕರ ಪೋಸ್ಟ್ ಅಫೀಸಿಗೆ ಅಲೀತಾನೆ ಇದೀನಿ..ಆ ಪೋಸ್ಟ್ ಮ್ಯಾನ್ ಇಲ್ಲೇ ನಮ್ಮನೇಗೆ ಹಾಕಿದೀನಿ ಅಂತ ಹೇಳ್ತಾನೆ ಇದಾನೆ'
'!!!???'
'ಯಾಕೆ ತಗೊಂಡಿದ್ದು ನನ್ ಕಾಗದಾನ?ಬೇರೇವ್ರ ಕಾಗದ ಮುಟ್ಟೋದೇ ಪಾಪ ಅಂಥಾದ್ರಲ್ಲಿ ನೀ ನನ್ ಕಾಗದಾನ ಎತ್ತಿಟ್ಕೊಂಡಿದ್ಯಲ್ಲ ಇಷ್ಟು ದಿನ ಯಾಕೆ?'
'ಇಲ್ಲ ಅರು ಅದು ನಿನಗೆ ನಾನೇ ಕೊಡಣಾ ಅಂತ ತಗೊಂಡೆ..ಆದರೆ ಆ ಕಾಗದದ ಮೇಲೆ ಮುದ್ದಾದ ನಿನ್ ಹೆಸರು ನೋಡ್ತಿದ್ರೆ ಅದನ್ನ ನಿಂಗೆ ಕೊಡ್ಬೇಕು ಅನ್ನಿಸ್ಲೇ ಇಲ್ಲ...ನಿನ್ ಹೆಸರು ಓದಿದಾಗೆಲ್ಲ ಏನೋ ಆನಂದವಾಗ್ತಿತ್ತು..ಅದ್ಕೆ ಅದು ಯಾವಾಗ್ಲೂ ನನ್ಹತ್ರ ಇರ್ಬೇಕು ಅಂತ ಇದೇ ಪ್ಯಾಂಟ್ ಜೋಬಲ್ಲಿಟ್ಕೊಂಡಿರ್ತಿದ್ದೆ ಸದಾ...'
'ಮಾತಾಡ್ಬೇದ ಇನ್ನು...ಸದಾ ಇಟ್ಕೊಂಡಿರ್ತಾನಂತೆ..ಜೇಬಲ್ಲಿ ಕಾಗದ ಇಟ್ಕೊಂಡು ಮೀನು ಹಿಡೀತೀನಿ ಅಂತ ನದೀಲಿ ಬಿದ್ದು ಬಂದಿದ್ಯ..ನೋಡು ಆ ಕಾಗದದ ಗತಿ ಏನಾಗಿದೆ ಅಂತ..ಅಕ್ಷರಗಳೇ ಕಾಣಿಸದಿರೋ ಮಟ್ಟಿಗೆ ಒದ್ದೆ-ಮುದ್ದೆಯಾಗಿದೆ...ಏನ್ ತುಂಬಿಕೊಂಡಿದೆ ನಿನ್ ತಲೇಲಿ?ವಯಸ್ ಮಾತ್ರ ಆದ್ರೆ ಸಾಕ ತಕ್ಕ ಬುದ್ಧಿ ಬೇಡ್ವ!'
ಮಿಕಮಿಕ ನನ್ನನ್ನೇ ನೋಡ್ತಾ ನಿಂತಿದ್ದವನನ್ನ ನೋಡಿ ನನಗೇ ಸ್ವಲ್ಪ ಪೆಚ್ಚೆನಿಸಿತು.ದಿನಬೆಳಗಾದ್ರೆ ಬಾಲಂಗೋಚಿ ಥರಾ ಅರು ಅರು ಅಂತ ನನ್ ಹಿಂದ್‍ಹಿಂದೆ ಅಲೆಯೋ ಮುಗ್ಧ ಪ್ರಾಣಿ ಅದು...ವಯಸ್ಸಾಗಿದೆ ನಿಜ..ಆದ್ರೆ ಬುದ್ಧಿ! ಅಯ್ಯೋ ಅನ್ನಿಸಿ ಅವನ ಕೈ ಹಿಡಿದು ನನ್ ಪಕ್ಕ ಕೊತ್ಕೊಳ್ಳುವಂತೆ ಸನ್ನೆ ಮಾಡಿದೆ.ಬೆಕ್ಕಿನ ಮರಿಯ ಹಾಗೆ ಪಕ್ಕದಲ್ಲಿ ಬಂದು ಕೂತ.
'ಯಾರು ಬರೆದ ಕಾಗದ ಅದು ಅಂತಲಾದ್ರು ಗೊತ್ತ ನಿನಗೆ?' ಅಂದೆ.
ತಗ್ಗಿದ ದನಿಯಲ್ಲೇ 'ಇಲ್ಲ..' ಅಂದ.
ಕತ್ತೆತ್ತಿ ನನ್ನತ್ತ ನೋಡಲೂ ಅವನ ಪಾಪಪ್ರಜ್ಞೆ ಅವನನ್ನು ಬಿಡಲಿಲ್ಲ.'ನನ್ನಪ್ಪ ನನಗೆ ಬರೆದಿದ್ದ ಕಾಗದ ಅದು' ಅಂದೆ.ಕೂತ ಕಡೆಯಲ್ಲೇ ಇನ್ನಷ್ಟು ಕುಗ್ಗಿಹೋದ.
ಅಮಾವಾಸ್ಯೆಗೋ ಹುಣ್ಣಿಮೆಗೋ ಬರುವ ಆ ಕಾಗದವೊಂದೇ ನನಗೂ ಅಮ್ಮನಿಗೂ ಆಸರೆ.ಯಾವಾಗಲೋ ಒಮ್ಮೆ ಅಪ್ಪ ಬರೆವ ಆ ಕಾಗದದ ದೆಸೆಯಿಂದ ತಾನೆ ನನ್ನಮ್ಮ ಇವತ್ತಿಗೂ ಹಣೆತುಂಬಾ ಕುಂಕುಮವಿಟ್ಟು ಅಪ್ಪನನ್ನೇ ಎದುರುನೋಡ್ತಾ ಕಾದು ಕುಳಿತಿರೋದು.ದುಃಖ ಉಮ್ಮಳಿಸಿ ಬಂತು.ಒಮ್ಮೆ ಬಿಕ್ಕಿದೆ.ನನ್ನ ಸಂತೈಸಲೆಂಬಂತೆ ತಲೆಯ ಮೇಲೆ ಒಮ್ಮೆ ನೇವರಿಸಿದ.ಅವನ ಎದೆಗೊರಗಿ ಬಿಕ್ಕಿಬಿಕ್ಕಿ ಅತ್ತೆ.ನಮ್ಮಿಬ್ಬರ ನಡುವೆ ಮೌನ ಕೂಡಾ ಅರೆಘಳಿಗೆ ಮೌನವಾಗೇ ಮನೆಮಾಡಿ ಕುಳಿತುಬಿಟ್ಟಿತ್ತು.
'ಅಪ್ಪನ ಕಾಗದ ಒಮ್ಮೆಯಾದರೂ ಓದಬೆಕಿತ್ತು ನಾನು.ಅದೇನು ಬರೆದಿದ್ದರೊ.ಎಂಥಾ ದೌರ್ಭಾಗ್ಯ ನನ್ನದು' ಅಂತ ಕಣ್ಣೊರೆಸಿಕೊಳ್ತಾ ಪೇಚಾಡಿದೆ.
ಸ್ವಲ್ಪ ಧೈರ್ಯ ಬಂದವನಂತೆ ನನ್ನತ್ತ ದಿಟ್ಟಿಸಿನೋಡಿ 'ನೀ ಬೇಜಾರ್ ಮಾಡ್ಕೊಳಲ್ಲ ಅಂದ್ರೆ ಒಂದ್ ಮಾತು..ಮತ್ತೆ ಮತ್ತೇ...'
'ಏನದು?'
'ಮತ್ತೆ ನೀ ಬಯ್ಯಬಾರದು...'
'ಆಯ್ತು ಬಯ್ಯಲ್ಲ..ಹೇಳು ಅದೇನು...' ಕಣ್ಣೊರೆಸಿಕೊಂಡೆ.
'ಮತ್ತೆ..ಮತ್ತೆ...ನಿನ್ ಕಾಗದಾನ ನಾನು ಓದಿದೀನಿ..ದಿನಾ ಓದಿ ಓದಿ ಅದ್ರಲ್ಲೇನೇನಿತ್ತೊ ಎಲ್ಲ ನನಗೆ ಬಾಯಿಪಾಠ ಆಗೋಗಿದೆ..ಆರನೇ ಮಗ್ಗಿ ಬೇಕಿದ್ರೆ ಮರ್ತೋಗ್ತೀನಿ ಆದ್ರೆ ನಿನ್ ಕಾಗದ ಮರೆಯಲ್ಲ ನಾನು...ಅಷ್ಟು ಸಲ ಓದಿದೀನಿ ಅದನ್ನ...ಬೇಕಿದ್ರೆ ಅದ್ರಲ್ಲೇನಿತ್ತೋ ಎಲ್ಲ ಯಥಾವತ್ತಾಗಿ ಒಪ್ಪಿಸ್ತೀನಿ ನಿನಗೆ..ಒಪ್ಪಿಸ್ಲ?' ಅಂದ.
ಮುಗ್ಧತೆ ತುಂಬಿತುಳುಕಾಡ್ತಿದ್ದ ಅವನ ಆ ಕಣ್ಣುಗಳನ್ನ ನೋಡಿ ಒಂದ್ ಕ್ಷಣ ನನ್ ದುಃಖವೆಲ್ಲ ಮರೆತ್‍ಹೋಯ್ತು.ಅವನ ಮೇಲೆ ಮರುಕ ಉಂಟಾಯ್ತು.
'ಸರಿ ಹೇಳು' ಅಂದೆ.ಗಂಟಲು ಸರಿಮಾಡಿಕೊಂಡ.
'ಹುಂ...ಪ್ರೀತಿಯ ಅರು, ಇಲ್ಲಿ ನಾನು ಕ್ಷೇಮ. ಅಲ್ಲಿ ನೀವೆಲ್ಲರೂ ಕ್ಷೇಮವೆಂದು ತಿಳಿದಿರುತ್ತೇನೆ; ಆಮೇಲೆ ಹುಂ...ಈ ಬಾರಿ ಇಲ್ಲಿ ಛಳಿ ಸ್ವಲ್ಪ ಹೆಚ್ಚೇ ಅನ್ನಬಹುದು.ಅಲ್ಲಿ ಹೇಗಿದೆ? ನೀ ಕೇಳಿದ್ದ ಆ ನೀಲಿಕಂಗಳ ಹೆಣ್ಣು ಗೊಂಬೆಯನ್ನು ತೆಗೆದಿಟ್ಟಿದ್ದೇನೆ. ಮುಂದಿನ ಬಾರಿ ಊರಿಗೆ ಬರುವಾಗ ನನ್ನ ಜೊತೆಯಲ್ಲೇ ತರುತ್ತೇನೆ' ಉಗುಳುನುಂಗಿಕೊಂಡು ಒಮ್ಮೆ ನನ್ನೆಡೆಗೆ ನೋಡಿದ.
ನೀರುತುಂಬಿದ ನನ್ನ ಕಣ್ಣುಗಳನ್ನ ನೋಡಿ ತಬ್ಬಿಬ್ಬಾದ. ಏನೂ ಆಗಿಲ್ಲವೆಂಬಂತೆ ಸನ್ನೆ ಮಾಡಿ ಮುಂದುವರೆಸುವಂತೆ ಹೇಳಿದೆ.
'ಹುಂ..ನನ್ನ ಕೆಲಸ ಕಾರ್ಯಗಳೆಲ್ಲವೂ ಸುಗಮವಾಗಿ ನಡೆಯುತ್ತಿದೆ.ಕಂಪೆನಿಯವರು ನಮಗಾಗಿ ಹೊಸ ಕ್ವಾರ್ಟರ್ಸ್ ಕೊಡುತ್ತಾರೆ.ಎಲ್ಲವೂ ಸರಿಹೋದಪಕ್ಷದಲ್ಲಿ ನಿನ್ನನ್ನೂ ನಿನ್ನಮ್ಮನನ್ನೂ ಇಲ್ಲಿಗೇ ಕರೆಸಿಕೊಳ್ಳುತ್ತೇನೆ.ಎಲ್ಲರೂ ಒಟ್ಟಾಗಿರಬಹುದು.ನಿನ್ನಮ್ಮನಿಗೆ ನನ್ನ ಹಾರೈಕೆಗಳನ್ನು ತಿಳಿಸು. ಇಂತಿ ನಿನ್ನ ಪ್ರೀತಿಯ ಅಪ್ಪ'-ಒಂದೇ ಉಸಿರಿನಲ್ಲಿ ಇಷ್ಟನ್ನೂ ಹೇಳಿಮುಗಿಸಿದನು. ನನಗೇ ತಿಳಿಯದಂತೆ ಬಿಕ್ಕಿಬಿಕ್ಕಿ ಅಳ್ತಿದ್ದೆ.ದುಃಖ ಒಳಗಿಂದ ಉಮ್ಮಳಿಸಿ ಬಂತು.ಅವನು ನನ್ನನ್ನೇ ನೋಡ್ತಾ ಕೂತಿದ್ದ. ಮತ್ತೊಮ್ಮೆ ಮೌನ ನಮ್ಮಿಬ್ಬರನ್ನೂ ಬಿಗಿದಪ್ಪಿ ಕುಳಿತುಬಿಟ್ಟಿತು.
'ಅರು...'
'ಹುಂ....'
'ನಿಂಜೊತೆ ನಾನು ಬರಬಹುದಾ?'
'ಎಲ್ಲಿಗೆ?'
'ಪೇಟೆಗೆ'
'ಪೇಟೆಗಾ?ಯಾಕೆ?'
'ನೀವೆಲ್ಲ ಪೇಟೆಗೆ ಹೊರಟುಹೋದ್ರೆ ಇಲ್ಲಿ ನಾನೊಬ್ನೇ ಆಗಿಬಿಡ್ತೀನಿ..ನಿನ್ ಬಿಟ್ಟಿರಕ್ಕಾಗಲ್ಲ ನನಗೆ...ನಿನ್ ಜೊತೆಗೆ ನಾನು ಬಂದುಬಿಡ್ತೀನಿ...'
'ಅರ್ಥವಾಗೋ ಹಾಗೆ ಹೇಳು ಅದೇನು ಅಂತ'
'ಅದೇ..ನೀ ಹೊರಟುಹೋಗ್ತೀಯಲ್ಲ ನಿಮ್ಮಪ್ಪನ ಮನೆಗೆ...ಅವರ ಕಂಪೆನಿ ಕ್ವಾರ್ಟರ್ಸ್ ಕೊಟ್ಟಮೇಲೆ...ಆಗ ನಾನು ನಿನ್ ಜೊತೆಗೇ ಬಂದುಬಿಡ್ತೀನಿ...ನನ್ನೊಬ್ಬನ್ನೇ ಬಿಟ್ಟು ಹೋಗ್ಬೇಡ'
'ಇಲ್ಲ..ನಾನೆಲ್ಲೂ ಹೋಗಲ್ಲ..ಯೋಚಿಸಬೇಡ'
'ಸುಳ್ಳು...ನಂಗೊತ್ತು ನೀ ಹೋಗೇ ಹೋಗ್ತೀಯ..ಆದ್ರೆ ನನ್ನ ಮಾತ್ರ ಬಿಟ್ಟು ಹೋಗ್ಬೇಡ..'-ಅಳುಮೋರೆ ಮಾಡಿಕೊಂಡ.
'ಎಲ್ಲೂ ಹೋಗಲ್ಲ ಅಂತ ಹೇಳಿದ್ನಲ್ಲ...ಮತ್ತೆ ಮತ್ತೆ ಅದನ್ನೇ ಹೇಳ್ತೀಯ'
'ನಿಜವಾಗಿ?ಮತ್ತೆ ಆ ಕಾಗದ?ಕ್ವಾರ್ಟರ್ಸ್?ಹೋಗಲ್ವಾ ಹಾಗಾದ್ರೆ?ಅಮ್ಮಾ?'
'ಇಲ್ಲ..ಯಾರೂ ಹೋಗಲ್ಲ..'
'ಅಪ್ಪನ ಮೇಲೆ ಇನ್ನು ಕೋಪಾನ?'
'ಇಲ್ಲ'
'ಮತ್ತೆ ಅವರ ಕಂಡ್ರೆ ನಿಂಗೆ ಇಷ್ಟ ಇಲ್ವ?'
'ಹಾಗಂತ ಹೇಳಿದ್ನ ನಿನ್ ಹತ್ರ ನಾನು?ಯಾಕೆ ಇಲ್ಲಸಲ್ಲದ್ದನ್ನೆಲ್ಲ ಹೇಳಿ ನನ್ ಮನಸ್ ನೋಯಿಸ್ತೀಯ'- ಕಣ್ಣಂಚಿನಿಂದ ಕಂಬನಿಯೊಂದು ಜಾರಿಬಿತ್ತು...
'ಅಲ್ಲಾ..ಕಾಗದದಲ್ಲಿ ನಿಮ್ಮಪ್ಪ ಹಾಗೆ ಬರೆದಿದಾರಲ್ಲ ಅದಕ್ಕೆ ಕೇಳಿದೆ ಅಷ್ಟೇ..'-ನನ್ನುತ್ತರಕ್ಕಾಗಿ ಕಾದುಕುಳಿತವನಂತೆ ನನ್ನೇ ತದೇಕಚಿತ್ತದಿಂದ ನೋಡ್ತಿದ್ದ.ಈ ಬಾರಿ ನಾನೇ ಮೌನ ಮುರಿದೆ
'ಕಾಗದ! ಹುಂ..ಸರಿಯಾಗಿ ಓದಿದ್ಯ ಆ ಕಾಗದಾನ?'
'ಹುಂ ಸರಿಯಾಗಿಯೇ ಓದಿದೀನಿ...ಒಂದೇ ಒಂದು ಪದವನ್ನೂ ಬಿಡದ ಹಾಗೆ ಚಾಚೂತಪ್ಪದೆ ನಿನಗೇ ಹೇಳಿದೆನಲ್ಲ ಈಗ!'
'ಆ ಕಾಗದ ಎಲ್ಲಿಂದ ಬಂದಿದ್ದು ಗಮನಿಸಿದ್ಯ?'
'ಇಲ್ಲ..ನೋಡ್ತೀನಿ ಇರು'
ತನ್ನ ಜೇಬಿನಲ್ಲೇ ಇದ್ದ ಕಾಗದವನ್ನು ಮೆಲ್ಲಗೆ ತೆಗೆದ.ಒದ್ದೆ-ಮುದ್ದೆಯಾಗಿದ್ದ ಆ ಕಾಗದವನ್ನು ನಾಜೂಕಾಗಿ ಬಿಡಿಸಿ ಹಿಂದೆ ಮುಂದೆ ತಿರುಗಿಸಿ ನೋಡಿದ.ಸಂಜೆ ಓದಲು ಪ್ರಯತ್ನ ಪಟ್ಟು ಆಗದೇ ಕೋಪದಿಂದ ಬಿಸುಟ ಆ ಕಾಗದವನ್ನು ಜತನವಾಗಿ ಮತ್ತೆ ತನ್ನ ಜೇಬಿನಲ್ಲೇ ಇಟ್ಟುಕೊಂಡಿದ್ದ.ಏನೂ ಪ್ರಯೋಜನವಾಗಲಿಲ್ಲ.ನೀರಿನಲ್ಲಿ ನೆನೆದಿದ್ದ ಕಾಗದದ ತುಂಬೆಲ್ಲ ಕಪ್ಪುಶಾಯಿಯ ಕದಡಿದ ಅಕ್ಷರಗಳು.ಕಾಗದದ ಒಂದೇ ಒಂದು ಅಕ್ಷರವೂ ಓದುವ ಸ್ಥಿತಿಯಲ್ಲಿರಲಿಲ್ಲ.ನನ್ನ ಮುಖವನ್ನೊಮ್ಮೆ ಕಾಗದವನ್ನೊಮ್ಮೆ ನೋಡಿದ.
'ಆ ಕಾಗದದ ಹಿಂಬದಿಯಲ್ಲಿದ್ದ ಫ್ರಂ ಅಡ್ರೆಸ್ ನೋಡಿದ್ದಿದ್ರೆ ನಿನಗೇ ತಿಳೀತಿತ್ತು.ಅದು ಬಂದಿರೋದು ನಗರದಲ್ಲಿನ ನಿಮ್ಹಾನ್ಸ್ ನಲ್ಲಿ ಚಿಕಿತ್ಸೆ ಪಡೀತಿರೋ ನನ್ನಪ್ಪನಿಂದ' ಎಂದು ಹೇಳಿ ಮುಗಿಸೋಷ್ಟ್ರಲ್ಲಿ ಮತ್ತೊಮ್ಮೆ ನನ್ನ ದುಃಖದ ಕಟ್ಟೆ ಒಡೆದಿತ್ತು.ಅಳುತ್ತಲೇ ಎದ್ದು ಮನೆಯೊಳಗೆ ಓಡಿ ಹೋದೆ.ನನ್ನನ್ನೇ ನೋಡ್ತಾ ಅವನಿನ್ನೂ ಅಲ್ಲೇ ಕುಳಿತಿದ್ದ.ಅಮ್ಮ ಇನ್ನೂ ಅಡುಗೆಮನೆಯಲ್ಲೇ ಇದ್ದಳು.
ಮೋಂಬತ್ತಿಯೆಲ್ಲ ಕರಗಿ ಮನೆಯೊಳಗೆಲ್ಲ ಕತ್ತಲು ಆವರಿಸಿಕೊಂಡಿದೆ...ಕರೆಂಟ್ ಇನ್ನೂ ಬಂದಿಲ್ಲ.

(ಮುಗಿಯಿತು)

['The Suit'(Russian Movie) ದೃಶ್ಯವೊಂದರ ಮೇಲೆ ಆಧರಿತ ಕತೆ]

ವಿಪರ್ಯಾಸ

2008-02-11T06:24:00.000-05:00

ಸರಿಯಿಲ್ಲ...ಸರಿಯಿಲ್ಲ...ಸರಿಯಿಲ್ಲ...
ದೂರವಾಣಿ ಸಿಕ್ಕುತ್ತಿಲ್ಲ...
ಕಾಗದಗಳು ತಲುಪುವುದೇ ಇಲ್ಲ...

ಎರಡು ತಿಂಗಳಿನಿಂದ ಅಪ್ಪ ಅಮ್ಮನ ಕೂಡ
ನಗುನಗುತ ಮಾತನಾಡಿದ ನೆನಪೇ ಇಲ್ಲ
ಸಂಪರ್ಕದ ಹಾದಿ ಸುಗಮವಾಗಿರಬೇಕಲ್ಲ!!

ಅಪ್ಪ-ಅಮ್ಮನ ಪ್ರೀತಿಯ ಮಾತುಗಳಿಂದ
ವಂಚಿತರಾದ ಮಕ್ಕಳೆಲ್ಲ
ಅದೇ ಊರಿನ ವೃದ್ಧಾಶ್ರಮದ ವಿರುದ್ಧ
ದಾವೆ ಹೂಡಿದ್ದಾರಂತಲ್ಲ!!!

ಇಂದು

2008-02-07T10:52:00.000-05:00

ಬೆನ್ನಮೇಲೆ ಹೊತ್ತ
ನೆನ್ನೆಗಳ ಮೂಟೆಯನು
ಅರೆಘಳಿಗೆ ಕೆಳಗಿಳಿಸಿ

ನಾಳೆಗಳ ದಿಗಂತದೆಡೆಗೆ
ಕಿರುಗಣ್ಣಿನಲಿ ನೋಡಲು
ತೆಗೆದುಕೊಂಡ ಅಲ್ಪ-ವಿರಾಮ!!

ವಾಸ್ತವ

2008-02-03T11:15:00.000-05:00

ನೆನಪುಗಳನ್ನೇ ಮೆಲುಕು ಹಾಕುತ್ತ
ಒಂದು ಕವನ ಲೆಕ್ಕಕಿರಲೆಂದು
ಗೀಚಿದ ಹಾಳೆಯನ್ನೇ ನಿನ್ನ ಕೈಗಿತ್ತೆ

ನೀನೋ, ಅದು ನಿನಗಾಗಿಯೇ ಬರೆದ,
ನಿನ್ನದೇ ಕವನವೆಂಬಂತೆ
ಎದೆಗೊತ್ತಿಕೊಂಡು ಕಣ್ಮುಚ್ಚಿ ಒಮ್ಮೆ
ನಿಟ್ಟುಸಿರುಗೈದೆ!

ಆ ನಿನ್ನ ಬಿಸಿಯುಸಿರು ನನಗೂ ತಟ್ಟಿ,
ಕಣ್ಣಂಚಿನಲ್ಲಿ ಕಾದು ಕುಳಿತ ಕಂಬನಿಯು
ನಿನ್ನಾ ಕೆನ್ನೆಯ ಸವರಿ,ಗಲ್ಲದ ತುದಿಗೆ ಬರುವಷ್ಟರಲ್ಲಿ
ಸಪ್ತಸಾಗರದಾಚೆಗಿನ ಹೊಸ ಬದುಕಿನೆಡೆಗೆ
ನನ್ನ ಪಯಣ ಶುರುವಾಗಿತ್ತು!